LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
O‘zbekiston Respublikasi Ministrlar Sovetining 1985-yil 11-dekabrdagi 614-son qarori bilan Toshkent viloyatidagi Burchmulla o‘rmon xo‘jaligidan chorva mollari boqish uchun 10 yil muddatga ajratib berilgan yerdan Farg‘ona viloyati foydalanmayotganligi munosabati bilan Vazirlar Mahkamasi qaror qiladi:
1. Toshkent viloyatining Burchmulla o‘rmon xo‘jaligidan Farg‘ona viloyatiga ajratib berilgan 29010 gektar yaylov yer foydalanilmayotganligi sababli viloyatlarning roziligiga va Qishloq xo‘jaligi vazirligining taklifiga binoan Toshkent viloyatiga qaytarilsin.
2. Farg‘ona va Toshkent viloyatlari hokimliklariga yer hujjatlariga tegishli o‘zgartirishlar kiritish topshirilsin.