LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Jumhuriyatda dekret vaqti bekor qilinib, mintaqa vaqti joriy etilganligi munosabati bilan, aholining, mehnat jamoalarining istaklarini hisobga olib, Vazirlar Mahkamasi va O‘zbekiston SSJ Kasaba uyushmalari Federatsiyasi Kengashi qaror qiladilar:
1. Jumhuriyat vazirliklari, idoralari, tashkilotlari va muassasalari apparati xodimlari uchun 1991-yil 8-apreldan e’tiboran ishni ertalab soat 9 da boshlash grafigi belgilansin.
2. Ishlab chiqarish va mehnatkashlar manfaatlarini hisobga olib, O‘zbekiston SSJ Kasaba uyushmalari Federatsiyasi Kengashi bilan kelishilgan holda korxonalar uchun ish boshlashning qulay grafigini joriy qilish tavsiya etilsin.
3. Qoraqalpog‘iston MSSJ Vazirlar Kengashi, viloyat ijroiya qo‘mitalari, Toshkent shahar ijroiya qo‘mitasi, vazirliklar va idoralar bir hafta muddat ichida transport, aloqa xizmati, maishiy xizmat ko‘rsatish sohasi, umumiy ovqatlanish korxonalarida ish boshlash grafigini mintaqa vaqtiga muvofiqlashtirsinlar.