Oʻzbekiston Respublikasi Oliy Majlisi qaror qiladi:

Oʻzbekiston Respublikasining quyidagi qonun hujjatlariga oʻzgartish va qoʻshimchalar kiritilsin:

I. Oʻzbekiston Respublikasining 1991-yil 15-fevralda qabul qilingan “Oʻzbekiston Respublikasida jamoat birlashmalari toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1991-yil, № 4, 76-modda; 1992-yil, № 9, 363-modda; Oʻzbekiston Respublikasi Oliy Majlisining Axborotnomasi, 1997-yil, № 4-5, 126-modda):

1) 17-moddasining nomi va matnidagi “xoʻjalik faoliyati”, “xoʻjalik faoliyatidan” degan soʻzlar “boshqa tadbirkorlik faoliyati”, “boshqa tadbirkorlik faoliyatidan” degan soʻzlar bilan almashtirilsin;

2) 18-moddasi birinchi qismining birinchi jumlasidagi “mol-mulkka egalik” degan soʻzlar “mol-mulkka, shuningdek intellektual mulk obyektlariga egalik” degan soʻzlar bilan almashtirilsin.

II. Oʻzbekiston Respublikasining 1991-yil 18-noyabrda qabul qilingan “Oʻzbekiston Respublikasi Prezidenti saylovi toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1992-yil, № 1, 34-modda):

1) 1-moddasining matni quyidagi tahrirda bayon etilsin:

“Oʻzbekiston Respublikasi Prezidenti saylovini Oʻzbekiston Respublikasi fuqarolari umumiy, teng va toʻgʻridan-toʻgʻri saylov huquqi asosida yashirin ovoz berish yoʻli bilan amalga oshiradilar.

Oʻzbekiston Respublikasi Prezidenti lavozimiga oʻttiz besh yoshdan kichik boʻlmagan, davlat tilini yaxshi biladigan, bevosita saylovgacha kamida oʻn yil Oʻzbekiston hududida muqim yashagan Oʻzbekiston Respublikasi fuqarosi saylanishi mumkin.

Oʻzbekiston Respublikasi Prezidenti besh yil muddatga saylanadi”;

2) 2-moddasining uchinchi qismi quyidagi tahrirda bayon etilsin:

“Sud tomonidan muomalaga layoqatsiz deb topilgan fuqarolar, shuningdek sudning hukmiga muvofiq ozodlikdan mahrum etish joylarida saqlanayotgan shaxslar Oʻzbekiston Respublikasi Prezidenti saylovida qatnashmaydilar”;

3) 4-moddasining matni quyidagi tahrirda bayon etilsin:

“Oʻzbekiston Respublikasi Prezidenti saylovini oʻtkazishni Oʻzbekiston Respublikasi Markaziy saylov komissiyasi, okrug va uchastka saylov komissiyalari taʼminlaydi.

Markaziy saylov komissiyasining aʼzolari Oliy Majlis tomonidan tasdiqlanadi.

Okrug saylov komissiyalarining aʼzolari Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari tavsiyasiga binoan Markaziy saylov komissiyasi tomonidan tasdiqlanadi.

Uchastka saylov komissiyalarining aʼzolari mahalliy hokimiyatlar va fuqarolarning oʻzini oʻzi boshqarish organlari tavsiyasiga binoan tegishli okrug saylov komissiyalari tomonidan tasdiqlanadi”;

4) 5-moddasining matni quyidagi tahrirda bayon etilsin:

“Oʻzbekiston Respublikasi Prezidenti sayloviga tayyorgarlik koʻrish va uni oʻtkazishni saylov komissiyalari ochiq va oshkora amalga oshiradilar.

Saylov komissiyalari fuqarolarni oʻz ishlaridan, saylov okruglari, uchastkalari tuzilganligi, saylov komissiyalarining tarkibi, ularning joylashgan manzili va ish vaqtidan voqif etadilar, saylovchilarning roʻyxatlari, saylovda ishtirok etayotgan siyosiy partiyalarning roʻyxati bilan tanishtiradilar, Oʻzbekiston Respublikasi Prezidentligiga nomzodlar xususidagi maʼlumotlar, ovoz berish va saylov yakunlaridan xabardor qiladilar.

Oʻzbekiston Respublikasining ommaviy axborot vositalari saylovga tayyorgarlikning borishi va saylov qanday oʻtayotganligini yoritib boradilar.

Saylovga tayyorgarlik koʻrish va uni oʻtkazishga doir barcha tadbirlarda, shuningdek saylov kuni ovoz berish xonalarida va ovozlarni sanab chiqishda Oʻzbekiston Respublikasi Prezidentligiga nomzodlar koʻrsatgan siyosiy partiyalardan, hokimiyat vakillik organlaridan bittadan kuzatuvchi, matbuot, televideniye va radio vakillari, boshqa davlatlar, xalqaro tashkilotlar va harakatlardan kuzatuvchilar qatnashish huquqiga egadirlar. Ularning vakolatlari tegishli hujjatlar bilan tasdiqlangan boʻlishi kerak.

Manfaatdor tashkilotlar oʻz kuzatuvchilari toʻgʻrisida okrug saylov komissiyalariga saylovdan kamida oʻn besh kun oldin maʼlum qiladilar.

Okrug saylov komissiyasi manfaatdor tashkilotdan ariza olganidan keyin besh kun ichida Oʻzbekiston Respublikasi Markaziy saylov komissiyasi belgilaydigan namunadagi mandatni kuzatuvchi uchun beradi.

Kuzatuvchilar quyidagi huquqlarga ega:

Oʻzbekiston Respublikasi Prezidentligiga nomzodlar koʻrsatishga bagʻishlangan yigʻilishlarda, okrug va uchastka saylov komissiyalarining majlislarida hozir boʻlish;

saylov uchastkasida hozir boʻlish hamda tayyorgarlik ishlarining borishini, ovoz berish uchun saylov qutilarining joylashtirilishi va muhrlanishini, fuqarolarga saylov byulletenlarining berilishini kuzatish;

ovozlarni sanab chiqishda va uchastka saylov komissiyasining bayonlarini tuzishda hozir boʻlish;

saylov natijalari toʻgʻrisidagi hujjatlarning tegishli saylov komissiyasi tomonidan tasdiqlangan nusxalarini soʻrash va ularni olish;

basharti saylov uchastkasida ushbu Qonunning buzilishiga yoʻl qoʻyilgan deb hisoblash uchun asos boʻlsa, oʻz kuzatuvlari toʻgʻrisida yuqori komissiyaga maʼlum qilish.

Kuzatuvchilarga quyidagilar man etiladi:

saylovchi saylov byulleteniga oʻz belgisini qoʻyayotgan paytda ovoz berish kabinasida boʻlish;

saylovchilarga taʼsir oʻtkazish, biron-bir tashviqot materiali yoki adabiyoti tarqatish;

saylovchilardan ular kimni yoqlab ovoz berganliklarini surishtirish yoki saylovchilarga byulletenga belgi qoʻyishda biron-bir tarzda yordam koʻrsatish;

uchastka saylov komissiyasining faoliyatiga, shu jumladan saylov qutilarini muhrlashda, ularni ochishda, ovozlarni sanab chiqishda aralashish”;

5) 6-moddasi quyidagi tahrirda bayon etilsin:

Oʻzbekiston Respublikasi Prezidenti sayloviga tayyorgarlik koʻrish va uni oʻtkazish bilan bogʻliq xarajatlar Oʻzbekiston Respublikasining davlat mablagʻlari hisobidan amalga oshiriladi. Oʻzbekiston Respublikasi Prezidentligiga nomzodlarni boshqa mablagʻlar hisobidan moliyaviy taʼminlash va oʻzga tarzda moddiy jihatdan qoʻllab-quvvatlash taqiqlanadi.

Oʻzbekiston Respublikasining siyosiy partiyalari, jamoat birlashmalari, korxonalari, muassasalari, tashkilotlari va fuqarolari oʻz mablagʻlarini saylov oʻtkazish uchun ixtiyoriy ravishda berishlari mumkin. Bu mablagʻlarni Markaziy saylov komissiyasi saylov kampaniyasi vaqtida foydalanish uchun qabul qilib oladi”;

6) 8-moddasining matni quyidagi tahrirda bayon etilsin:

“Oʻzbekiston Respublikasi Prezidenti saylovi Oʻzbekiston Respublikasi Prezidentining vakolat muddati tugashiga kechi bilan uch oy qolganda Oliy Majlis tomonidan tayinlanadi.

Saylov tayinlanganidan keyin kechi bilan uch kun ichida saylov kuni toʻgʻrisida matbuotda va boshqa ommaviy axborot vositalarida maʼlum qilinadi”;

7) 9-moddasining ikkinchi qismidagi “Saylov okruglarining chegaralari” degan soʻzlar chiqarib tashlansin, “10 kun” degan soʻzlar “15 kun” degan soʻzlar bilan almashtirilsin;

8) 10-moddasining matni quyidagi tahrirda bayon etilsin:

“Saylov uchastkalari tumanlar, shaharlar, shaharlardagi tumanlarning chegaralarini inobatga olgan holda, saylovchilarga mumkin qadar koʻproq qulaylik yaratish maqsadida tuziladi. Saylov uchastkalari harbiy qismlarda ham tuziladi va qismlar joylashgan yerdagi saylov okruglariga kiradi.

Oʻzbekiston Respublikasining xorijiy davlatlardagi vakolatxonalari huzurida, sanatoriylar, dam olish uylari, kasalxonalar va boshqa doimiy ishlaydigan davolash muassasalarida, fuqarolarning olis va borish qiyin boʻlgan yerlardagi turar joylarida saylov uchastkalari tuzilishi mumkin. Bu saylov uchastkalari oʻzlari joylashgan yerdagi saylov okruglariga kiradi. Oʻzbekistondan tashqarida tuziladigan saylov uchastkalarini saylov okrugiga biriktirish toʻgʻrisidagi masala Markaziy saylov komissiyasi tomonidan hal etiladi”;

9) 11-moddasining matni quyidagi tahrirda bayon etilsin:

“Saylov uchastkalari tuman, shahar hokimlarining taqdimnomasiga binoan okrug saylov komissiyalari tomonidan tuziladi. Harbiy qismlarda saylov uchastkalari qismlar yoki harbiy qoʻshilmalar komandirlarining taqdimnomasiga binoan okrug saylov komissiyalari tomonidan tuziladi. Oʻzbekiston Respublikasining xorijiy davlatlardagi vakolatxonalari huzurida saylov uchastkalari Oʻzbekiston Respublikasi Tashqi ishlar vazirligining taqdimnomasiga binoan Markaziy saylov komissiyasi tomonidan tuziladi.

Saylov uchastkalari saylov tayinlanganidan keyin oʻttiz kundan kechikmay tuziladi. Harbiy qismlarda, Oʻzbekiston Respublikasining xorijiy davlatlardagi vakolatxonalari huzurida, shuningdek olis va borish qiyin boʻlgan yerlarda ham saylov uchastkalari ana shu muddatda, ayrim hollarda esa istisno tariqasida saylovga kechi bilan besh kun qolganda tuziladi.

Saylov uchastkalari, qoida tariqasida, kamida 20 nafar va koʻpi bilan 3000 nafar saylovchidan iborat etib tuziladi.

Ovoz berishni tashkil etish uchun har bir saylov uchastkasiga tuman, shahar hokimligi bino ajratadi.

Okrug saylov komissiyasi uchastka saylov komissiyasining va ovoz berish binosining joylashgan manzilini koʻrsatgan holda har bir saylov uchastkasining chegaralari toʻgʻrisida saylovchilarni xabardor etishni tashkil qiladi”;

10) 12-moddasining matni quyidagi tahrirda bayon etilsin:

“Oʻzbekiston Respublikasi Prezidenti saylovini tashkil etish va uni oʻtkazish quyidagi saylov komissiyalari tomonidan amalga oshiriladi:

1) Oʻzbekiston Respublikasi Markaziy saylov komissiyasi;

2) Oʻzbekiston Respublikasi Prezidenti saylovini oʻtkazuvchi okrug saylov komissiyalari;

3) Oʻzbekiston Respublikasi Prezidenti saylovini oʻtkazuvchi uchastka saylov komissiyalari”;

11) 13-moddasi quyidagi tahrirda bayon etilsin:

Oʻzbekiston Respublikasi Markaziy saylov komissiyasi “Oʻzbekiston Respublikasi Markaziy saylov komissiyasi toʻgʻrisida”gi Oʻzbekiston Respublikasi Qonuniga muvofiq tuziladi”;

12) 14-moddasida:

moddaning nomidagi “Prezidenti saylovini oʻtkazuvchi” degan soʻzlar chiqarib tashlansin;

1-band quyidagi tahrirda bayon etilsin:

“1) Oʻzbekiston Respublikasining butun hududida ushbu Qonunning ijrosini nazorat qiladi va uning bir xilda qoʻllanilishini taʼminlaydi, saylovni tashkil etish masalalari yuzasidan oʻz vakolatlari doirasida yoʻriqnomalar chiqaradi va tushuntirishlar berib boradi”;

8-banddagi “saylovoldi yigʻilishlari hamda saylov komissiyalari majlislari bayonlarining” degan soʻzlar “saylov komissiyalari bayonlarining” degan soʻzlar bilan almashtirilsin;

9-band quyidagi tahrirda bayon etilsin:

“9) davlat organlari, siyosiy partiyalar va boshqa jamoat birlashmalari vakillarining saylovga tayyorgarlik koʻrish va uni oʻtkazish bilan bogʻliq masalalar yuzasidan axborotlarini tinglaydi”;

13) 15-moddasining matni quyidagi tahrirda bayon etilsin:

“Okrug saylov komissiyasi saylov tayinlanganidan keyin Markaziy saylov komissiyasi tomonidan yigirma kundan kechikmay rais, rais oʻrinbosari, kotib va kamida 6-8 nafar aʼzodan iborat tarkibda tuziladi”;

14) 16-moddasining 2-bandi quyidagi tahrirda bayon etilsin:

“2) saylov uchastkalari tuzadi, okrug boʻyicha ularning tartib raqamini belgilaydi, manzilini koʻrsatgan holda ularning roʻyxatini eʼlon qiladi, uchastka saylov komissiyalarining faoliyatini muvofiqlashtirib boradi”;

15) 17-moddasining matni quyidagi tahrirda bayon etilsin:

“Uchastka saylov komissiyasi saylov tayinlanganidan keyin okrug saylov komissiyasi tomonidan ellik kundan kechikmay 5-19 nafar aʼzodan, shu jumladan rais, rais oʻrinbosari va kotibdan iborat tarkibda tuziladi. Basharti komissiya 7 nafargacha aʼzodan iborat tarkibda tuzilsa, rais va kotib saylanadi.

Uchastka saylov komissiyasi aʼzolarining soni zarur hollarda koʻpaytirilishi yoki kamaytirilishi mumkin.

Oʻzbekiston Respublikasining xorijiy davlatlardagi vakolatxonalari huzuridagi uchastka saylov komissiyasi raisining vazifasini vakolatxona rahbarlari amalga oshiradi”;

16) 19-moddasida:

modda quyidagi mazmundagi beshinchi, oltinchi, yettinchi, sakkizinchi va toʻqqizinchi qism bilan toʻldirilsin:

“Saylov komissiyasining aʼzosi shaxsan bergan arizasiga muvofiq, shuningdek vakolatlaridan mahrum etilgan taqdirda oʻz vazifasini bajarishdan ozod qilinishi mumkin.

Saylov komissiyasining aʼzosini vakolatlaridan mahrum etish huquqiga komissiyani tuzgan organ ega boʻlib, komissiya aʼzosi ushbu Qonun talablarini buzgan yoki oʻz vazifasini muntazam ravishda bajarmay kelgan taqdirda oʻz vakolatlaridan mahrum etiladi.

Zarurat boʻlganda saylov komissiyasining yangi aʼzosi ushbu Qonunda belgilangan tartibda tasdiqlanadi.

Saylov komissiyalarining raisi, rais oʻrinbosari, kotibi va aʼzolari siyosiy partiyalarning aʼzosi boʻlishi mumkin emas. Oʻzbekiston Respublikasi Prezidentligiga nomzodlar, ularning ishonchli vakillari saylov komissiyalariga aʼzo boʻlishi mumkin emas.

Bir shaxs faqat bitta saylov komissiyasiga aʼzo boʻlishi mumkin”;

beshinchi qism oʻninchi qism deb hisoblansin;

17) 22-moddasida:

ikkinchi qismdagi “Xalq deputatlari Sovetlari” degan soʻzlar “Tuman va shahar hokimliklari” degan soʻzlar bilan almashtirilsin;

toʻrtinchi qism “Sanatoriy va dam olish uylarida” degan soʻzlardan oldin “Oʻzbekiston Respublikasining xorijiy davlatlardagi vakolatxonalari huzurida” degan soʻzlar bilan toʻldirilsin;

18) 23-moddasida:

birinchi qism “sanatoriy va dam olish uylarida” degan soʻzlardan oldin “Oʻzbekiston Respublikasining xorijiy davlatlardagi vakolatxonalari huzurida” degan soʻzlar bilan toʻldirilsin, qismdagi “oʻn kun” degan soʻzlar “oʻn besh kun” degan soʻzlar bilan almashtirilsin;

uchinchi qismdagi “nohiya (shahar) xalq sudiga”, “nohiya (shahar) xalq sudi”, “nohiya (shahar) xalq sudining” degan soʻzlar tegishli kelishikdagi “tuman (shahar) sudi” degan soʻzlar bilan almashtirilsin;

19) 24-moddasi quyidagi mazmundagi 24, 24¹ va 24²-moddalari bilan almashtirilsin:

Oʻzbekiston Respublikasi Prezidentligiga nomzod koʻrsatish huquqiga siyosiy partiyalar va hokimiyat vakillik organlari egadirlar.

Siyosiy partiya saylov tayinlangan kundan kamida olti oy oldin Oʻzbekiston Respublikasi Adliya vazirligi tomonidan roʻyxatga olingan taqdirdagina u Oʻzbekiston Respublikasi Prezidentligiga nomzod koʻrsatishi mumkin.

Oʻzbekiston Respublikasi Prezidenti saylovida ishtirok etish uchun siyosiy partiya saylov tayinlanganidan keyin yigirma kun ichida Markaziy saylov komissiyasiga quyidagilarni taqdim etishi lozim:

saylovda qatnashish toʻgʻrisida partiya rahbari tomonidan imzolangan ariza;

Adliya vazirligining siyosiy partiya roʻyxatga olinganligi koʻrsatilgan maʼlumotnomasi;

Oʻzbekiston Respublikasi Prezidentligiga boʻlajak nomzod toʻgʻrisidagi maʼlumotlar.

Ushbu moddaning birinchi qismida aytib oʻtilgan hujjatlar taqdim etilganidan keyin Markaziy saylov komissiyasi besh kunlik muddat ichida siyosiy partiyaning saylovda qatnashishiga ijozat berish toʻgʻrisida qaror qabul qiladi hamda siyosiy partiya vakiliga sanasi qayd etilgan maʼlumotnoma va belgilangan namunadagi imzo varaqalari blankalarini beradi.

Oʻzbekiston Respublikasi Prezidentligiga nomzodlar koʻrsatish saylov kuni tayinlanganidan keyin yigirma beshinchi kundan eʼtiboran boshlanadi va saylovga qirq besh kun qolganda toʻxtatiladi.

Oʻzbekiston Respublikasi Prezidentligiga nomzodlar siyosiy partiyalarning yuqori organlari tomonidan hamda Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari sessiyalarida koʻrsatiladi.

Siyosiy partiyaning yuqori organi, hokimiyat vakillik organi Oʻzbekiston Respublikasi Prezidentligiga bitta nomzod koʻrsatishi mumkin.

Siyosiy partiya Oʻzbekiston Respublikasi Prezidentligiga faqat oʻz partiyasi aʼzolarini yoki partiyasizlarni nomzod etib koʻrsatishga huquqlidir, hokimiyat vakillik organi esa Oʻzbekiston Respublikasi Prezidentligiga nomzodni, uning u yoki bu partiyaga mansubligidan qatʼi nazar, koʻrsatishga haqlidir. Oʻzbekiston Respublikasi Prezidentligiga nomzod koʻrsatish toʻgʻrisida bayon tuziladi.

Siyosiy partiyaning, hokimiyat vakillik organining rahbari Oʻzbekiston Respublikasi Prezidentligiga nomzodni roʻyxatga olishni iltimos qilib, Markaziy saylov komissiyasiga ariza bilan murojaat etadi. Arizaga quyidagilar ilova qilinadi:

siyosiy partiya yuqori organining, Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlarining Oʻzbekiston Respublikasi Prezidentligiga nomzod koʻrsatish toʻgʻrisidagi qarori;

siyosiy partiya yuqori organi majlisining, Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari sessiyasining Oʻzbekiston Respublikasi Prezidentligiga nomzod koʻrsatish toʻgʻrisidagi bayoni, unda Oʻzbekiston Respublikasi Prezidentligiga nomzodning familiyasi, ismi, otasining ismi, tugʻilgan sanasi, kasbi, lavozimi (mashgʻulotining turi), ish va yashash joyi, partiyaga mansubligi koʻrsatiladi;

Oʻzbekiston Respublikasi Prezidentligiga nomzodning oʻz nomzodi ovozga qoʻyilishiga rozi ekanligi toʻgʻrisidagi arizasi.

Siyosiy partiya rahbari Oʻzbekiston Respublikasi Prezidentligiga koʻrsatilgan nomzodni qoʻllab-quvvatlovchi imzo varaqalarini ham taqdim etadi. Imzo varaqalari Oʻzbekiston Respublikasi jami V saylovchilarining kamida bir foiz imzosini qamrab olgan boʻlishi kerak. Maʼmuriy-hududiy tuzilmalardan birida (Qoraqalpogʻiston Respublikasi, viloyat, Toshkent shahri) siyosiy partiya imzolar umumiy miqdorining koʻpi bilan sakkiz foizini toʻplashi mumkin.

Saylovchilar faqat bitta nomzodni qoʻllab-quvvatlab bir martagina imzo qoʻyishga haqlidirlar. Bunda saylovchi oʻz familiyasini, ismini, otasining ismini, tugʻilgan yilini (yoshi oʻn sakkizda boʻlsa, qoʻshimcha ravishda tugʻilgan kuni va oyini), yashash joyi manzilini, pasportining seriyasi va tartib raqamini, shuningdek imzo qoʻygan sanani koʻrsatadi.

Imzo varaqasini imzo toʻplagan shaxs oʻz familiyasi, ismi, otasining ismini, yashash joyi manzilini, pasportining seriyasi va tartib raqamini koʻrsatgan holda, shuningdek tegishli siyosiy partiyaning tuman, shahar tuzilmasi rahbari tasdiqlaydi.

Saylovchilar imzosini toʻplash ish, xizmat, oʻqish, yashash joyida, saylovoldi tadbirlarida, shuningdek tashviqot yuritish va imzo toʻplash qonun hujjatlari bilan taqiqlanmagan boshqa joylarda olib boriladi. Imzo toʻplayotgan shaxs tomonidan saylovchilarni majbur qilish va oʻziga ogʻdirib olishning har qanday shakli qonunda belgilangan javobgarlikka sabab boʻladi.

Imzo toʻplash tamomlanganidan soʻng siyosiy partiyaning vakolatli vakili Qoraqalpogʻiston Respublikasi, har bir viloyat va Toshkent shahri boʻyicha alohida-alohida qilib tikilgan imzo varaqalarini Markaziy saylov komissiyasiga topshiradi.

Hujjatlarni taqdim etgan shaxsga Markaziy saylov komissiyasi hujjatlar qabul qilib olingan sana va vaqt koʻrsatilgan maʼlumotnoma beradi.

Markaziy saylov komissiya taqdim etilgan hujjatlarni yetti kunlik muddat ichida tekshirib chiqadi va ularning ushbu Qonun talablariga muvofiqligi toʻgʻrisida xulosa beradi.

Imzo varaqalarida imzolar soxtalashtirilgan taqdirda Markaziy saylov komissiyasi siyosiy partiyadan u koʻrsatgan nomzodni roʻyxatga olish uchun hujjatlarni qabul qilishni rad etadi.

Markaziy saylov komissiyasi roʻyxatga olish uchun taqdim etilgan hujjatlarda aniqlangan nomuvofiqliklar va ushbu Qonun talablaridan chetga chiqish hollari toʻgʻrisida tegishli siyosiy partiyalarning va hokimiyat vakillik organlarining rahbarlariga belgilangan tartibda maʼlum qiladi.

Markaziy saylov komissiyasi Oʻzbekiston Respublikasi Prezidentligiga nomzodlarni roʻyxatga olish uchun hujjatlarni qabul qilishni roʻyxatga olish muddati tugashiga yetti kun qolganda toʻxtatadi”;

20) 25 va 26-moddalari quyidagi tahrirda bayon etilsin:

Oʻzbekiston Respublikasi Prezidentligiga nomzodlar Markaziy saylov komissiyasi tomonidan ushbu Qonunning 242-moddasida belgilab qoʻyilgan hujjatlar asosida roʻyxatga olinadi.

Ushbu Qonunga muvofiq Oʻzbekiston Respublikasi Prezidentligiga nomzod etib roʻyxatga olingan shaxsga roʻyxatga olinganlik guvohnomasi beriladi.

Oʻzbekiston Respublikasi Prezidentligiga nomzodlarni roʻyxatga olish saylovga oʻttiz besh kun qolganda toʻxtatiladi.

Markaziy saylov komissiyasi Oʻzbekiston Respublikasi Prezidentligiga nomzodlar roʻyxatga olinganidan keyin besh kun ichida Oʻzbekiston Respublikasi Prezidentligiga nomzodning familiyasi, ismi, otasining ismi, tugʻilgan yilini, partiyaga mansubligini, egallab turgan lavozimini, ish va yashash joyini, shuningdek uni nomzod etib koʻrsatgan organning nomini koʻrsatgan holda roʻyxatga olinganlik toʻgʻrisidagi xabarni eʼlon qiladi.

Quyidagilar Oʻzbekiston Respublikasi Prezidentligiga nomzod etib roʻyxatga olinmaydilar:

qasddan sodir etilgan jinoyati uchun ilgari sudlangan fuqarolar;

oʻzlariga nisbatan jinoiy ish qoʻzgʻatilganligi munosabati bilan qonun tomonidan taʼqib etilayotgan fuqarolar;

diniy tashkilotlar va birlashmalarning professional xizmatchilari.

Siyosiy partiya, hokimiyat vakillik organi Oʻzbekiston Respublikasi Prezidentligiga nomzod etib koʻrsatish toʻgʻrisidagi oʻz qarorini saylovga qadar istagan vaqtida bekor qilish huquqiga ega. Bunday shaxsni Oʻzbekiston Respublikasi Prezidentligiga nomzodlik maqomidan Markaziy saylov komissiyasi mahrum etadi. Siyosiy partiya, hokimiyat vakillik organi Oʻzbekiston Respublikasi Prezidentligiga nomzodlar koʻrsatish muddati tugaguniga qadar Markaziy saylov komissiyasiga yangi nomzodni roʻyxatga olish toʻgʻrisida taklif kiritishi mumkin.

Roʻyxatga olingan Oʻzbekiston Respublikasi Prezidentligiga nomzod uni Oʻzbekiston Respublikasi Prezidentligiga nomzod etib koʻrsatgan partiya oʻz faoliyatini toʻxtatgan taqdirda ham nomzodlik maqomidan mahrum boʻladi.

Oʻzbekiston Respublikasi Prezidentligiga nomzod saylovga qadar istagan vaqtida nomzodlikdan voz kechishi mumkin. Buning uchun u Markaziy saylov komissiyasiga ariza bilan murojaat qiladi”;

21) 27-moddasining uchinchi qismi quyidagi mazmundagi qismlar bilan almashtirilsin:

“Saylov byulletenlari saylovga kamida yigirma kun qolganda Markaziy saylov komissiyasining farmoyishiga binoan davlat tilida nashr etiladi. Okrug saylov komissiyasining qaroriga binoan saylov byulletenlari saylov okrugi aholisining koʻpchiligi muomala qiladigan tillarda ham nashr etilishi mumkin.

Uchastka saylov komissiyalari saylov byulletenlarini okrug saylov komissiyalaridan saylovga kamida uch kun qolganda oladi. Berilgan va olingan saylov byulletenlarining miqdorini tegishli okrug va uchastka saylov komissiyalarining raisi yoki rais oʻrinbosari yoxud kotibi oʻz imzosi bilan tasdiqlaydi.

Uchastka saylov komissiyasi oladigan saylov byulletenlarining soni saylov uchastkasi boʻyicha saylovchilarning roʻyxatlariga kiritilgan saylovchilar sonidan yarim foizdan koʻp boʻlishi mumkin emas. Saylov byulletenining oʻng tomoni yuqori burchagiga uchastka saylov komissiyasining ikki aʼzosi imzo qoʻyadi, imzolar uchastka saylov komissiyasining muhri bilan tasdiqlanadi. Komissiya tomonidan tasdiqlanmagan saylov byulletenlari ovozlarni sanab chiqishda hisobga olinmaydi”;

22) IV bobining nomi quyidagi tahrirda bayon etilsin:

23) 28-moddasi quyidagi mazmundagi 28 va 28¹-moddalari bilan almashtirilsin:

Saylovoldi tashviqoti Oʻzbekiston Respublikasi Prezidentligiga nomzodlar Markaziy saylov komissiyasi tomonidan roʻyxatga olingan kundan eʼtiboran boshlanadi.

Oʻzbekiston Respublikasi Prezidentligiga nomzodlarga ommaviy axborot vositalaridan foydalanishda, oʻz saylovchilari bilan ham yigʻilishlarda, ham saylovchilar uchun qulay boʻlgan boshqa shaklda uchrashuvlar oʻtkazishda teng huquqlar beriladi. Saylovchilarning yigʻilishlari uchastka saylov komissiyasi tomonidan tuman, shahar hokimligi bilan birgalikda tashkil etiladi. Saylov komissiyalari, tumanlar va shaharlarning hokimliklari Oʻzbekiston Respublikasi Prezidentligiga nomzodlarga yigʻilishlar oʻtkazish uchun jihozlangan binolar ajratadilar. Yigʻilishlar va uchrashuvlar oʻtkaziladigan vaqt va joy haqida saylovchilarga barvaqt xabar qilinadi.

Davlat organlari, jamoat birlashmalari, korxona, muassasa, tashkilotlarning rahbarlari, fuqarolarning oʻzini oʻzi boshqarish organlari Oʻzbekiston Respublikasi Prezidentligiga nomzodlarga saylovchilar bilan uchrashuvlar oʻtkazishni tashkil etishda, zarur maʼlumot va axborot materiallari olishda yordam koʻrsatishlari shart.

Oʻzbekiston Respublikasi Prezidentligiga nomzodlarga oʻzining kelgusi faoliyat dasturi bilan chiqish huquqi beriladi. Nomzodlarning dasturlari respublikaning suvereniteti, yaxlitligi va xavfsizligiga qarshi qaratilgan boʻlmasligi, xalqning sogʻligʻi va maʼnaviyatiga tajovuz qilmasligi, unda urush, milliy adovat, irqiy va diniy xusumat targʻiboti, konstitutsiyaviy tuzumni zoʻrlik bilan oʻzgartirishga, fuqarolarning konstitutsiyaviy huquqlari va erkinliklarini kamsituvchi xatti-harakatlarga daʼvat boʻlmasligi kerak.

Tashviqotning saylovchilarga bepul yoki imtiyozli shartlarda tovarlar berish, xizmatlar koʻrsatish (axborot xizmatlari bundan mustasno), shuningdek pul mablagʻlari toʻlash bilan qoʻshib olib borilishi taqiqlanadi.

Saylov kuni tashviqot yuritishga yoʻl qoʻyilmaydi.

Oʻzbekiston Respublikasi Prezidentligiga nomzod etib roʻyxatga olinganlarning hammasi teng huquqlarga ega.

Oʻzbekiston Respublikasi Prezidentligiga nomzod saylovchilar bilan uchrashuvlar oʻtkazish, saylovoldi yigʻilishlarida soʻzga chiqish, televideniye koʻrsatuvlari va radio eshittirishlarida qatnashish vaqtida saylovni oʻtkazish uchun ajratiladigan mablagʻlar hisobidan oʻrtacha oylik ish haqi saqlangan holda, ishlab chiqarish yoki xizmat vazifalarini bajarishdan ozod boʻlish huquqiga ega.

Oʻzbekiston Respublikasi Prezidentligiga nomzod roʻyxatga olinganidan keyin Oʻzbekiston Respublikasi hududi doirasida davlat yoʻlovchilar transportining barcha turlarida (shahar yoʻlovchilar transportidan, taksidan va transport boshqa turlarining buyurtma yoʻnalishlaridan tashqari) tekinga yurish huquqiga ega boʻladi.

Oʻzbekiston Respublikasi Prezidentligiga nomzod Oʻzbekiston Respublikasi Bosh prokurorining roziligisiz jinoiy javobgarlikka tortilishi, hibsga olinishi yoki sud tomonidan beriladigan maʼmuriy jazoga tortilishi mumkin emas. Oʻzbekiston Respublikasi Bosh prokurori bunga rozilik bergan taqdirda Markaziy saylov komissiyasini darhol xabardor etadi.

Oʻzbekiston Respublikasi Prezidentligiga nomzodni majburiy keltirish, shuningdek uning shaxsiy buyumlarini, yukini, transportini, turar joy va xizmat binolarini koʻzdan kechirishga yoʻl qoʻyilmaydi”;

24) 29-moddasida:

birinchi qismdagi “Prezident saylovini oʻtkazuvchi” degan soʻzlar chiqarib tashlansin;

ikkinchi qism chiqarib tashlansin;

25) 30-moddasining matni quyidagi tahrirda bayon etilsin:

“Ovoz berish saylov kuni mahalliy vaqt bilan soat 6 dan soat 20 gacha oʻtkaziladi. Ovoz berish vaqti va joyi toʻgʻrisida uchastka saylov komissiyasi saylovchilarni saylovdan kamida oʻn kun oldin xabardor qiladi.

Oʻzbekiston Respublikasining xorijiy davlatlardagi vakolatxonalari huzurida, harbiy qismlarda, fuqarolarning olis va borish qiyin boʻlgan yerlardagi turar joylarida, shuningdek sanatoriylar va dam olish uylarida, kasalxonalar hamda boshqa statsionar davolash muassasalarida tuzilgan saylov uchastkalarida uchastka saylov komissiyasi, basharti roʻyxatga kiritilgan barcha saylovchilar ovoz berib boʻlgan boʻlsa, istalgan vaqtda ovoz berish tugaganligini eʼlon qilishi mumkin”;

26) 32-moddasining birinchi qismi “saylov komissiyasining aʼzolaridan” degan soʻzlardan keyin “kuzatuvchilardan va nomzodlarning ishonchli vakillaridan” degan soʻzlar bilan toʻldirilsin;

27) 35-moddasida:

birinchi qismdagi “Oʻzbekiston Respublikasi Prezidenti saylovini oʻtkazuvchi” degan soʻzlar chiqarib tashlansin, qism “majlisining bayonlari” degan soʻzlardan keyin “va Oʻzbekiston Respublikasining xorijiy davlatlardagi vakolatxonalari huzurida tuzilgan uchastka saylov komissiyalarining bayonlari” degan soʻzlar bilan toʻldirilsin;

toʻrtinchi qismdagi “Oʻzbekiston Respublikasi Prezidenti saylovini oʻtkazuvchi” degan soʻzlar chiqarib tashlansin;

28) 36-moddasining ikkinchi qismi quyidagi tahrirda bayon etilsin:

“Takroriy ovoz berishda ishtirok etgan saylovchilarning ovozini boshqa nomzodga nisbatan koʻproq olgan nomzod, basharti uni yoqlab berilgan ovozlar soni unga qarshi berilgan ovozlar sonidan koʻp boʻlgan boʻlsa, saylangan deb hisoblanadi”.

29) 38-moddasi quyidagi tahrirda bayon etilsin:

Oʻzbekiston Respublikasi Prezidenti Markaziy saylov komissiyasi tomonidan Oʻzbekiston Respublikasi Prezidenti saylovi natijalari rasmiy tarzda eʼlon qilingan kundan eʼtiboran kechi bilan ikki oy ichida Oliy Majlis yigʻilishida qasamyod qilgan paytdan boshlab oʻz lavozimiga kirishadi.

Amaldagi Oʻzbekiston Respublikasi Prezidenti oʻz vakolatlarini yangi saylangan Oʻzbekiston Respublikasi Prezidenti oʻz lavozimiga kirishgunga qadar bajaradi”.

III. Oʻzbekiston Respublikasining 1991-yil 19-noyabrda qabul qilingan “Davlat tasarrufidan chiqarish va xususiylashtirish toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1992-yil, № 1, 43-modda; 1993-yil, № 5, 236-modda; 1994-yil, № 11-12, 285-modda; Oʻzbekiston Respublikasi Oliy Majlisining Axborotnomasi, 1995-yil, № 9, 193-modda):

1) kirish qismidagi, 1-moddasidagi, 4-moddasining 1-bandidagi, 5-moddasining birinchi qismidagi, 7-moddasi 1-bandining uchinchi qismidagi, shuningdek 2-bandining birinchi qismidagi va 3-bandidagi, 5-bandining ikkinchi qismidagi, 8-moddasi 2-bandining birinchi va toʻrtinchi qismidagi, 3-bandining birinchi qismidagi, 9-moddasining 1 va 2-bandlaridagi, 10-moddasidagi, 13 va 14-moddalarining nomi hamda 1 va 2-bandlaridagi, 15-moddasining 1 va 2-bandlaridagi, 17 va 18-moddalarining 1-bandidagi, 20-moddasidagi “davlat mulki”, “davlat mulkini” degan soʻzlar tegishli kelishikdagi “ommaviy mulk” degan soʻzlar bilan almashtirilsin;

2) 5-moddasining ikkinchi qismi “xususiylashtirilayotgan korxonalarning” degan soʻzlardan soʻng “(ochiq aksiyadorlik jamiyatlari bundan mustasno)” degan soʻzlar bilan toʻldirilsin;

3) 7-moddasi 1-bandining birinchi qismidagi, 2-bandining ikkinchi qismi ikkinchi xatboshisidagi, 14-moddasining 3-bandidagi “davlat” degan soʻz “respublika” degan soʻz bilan almashtirilsin;

4) 7-moddasi 1-bandining ikkinchi qismidagi, 2-bandining ikkinchi qismi ikkinchi xatboshisidagi, 14-moddasining 3-bandidagi “kommunal” degan soʻz “munitsipal” degan soʻz bilan almashtirilsin;

5) 7-moddasi 1-bandining toʻrtinchi qismi quyidagi tahrirda bayon etilsin:

“Oʻzbekiston Respublikasining ommaviy mulkini respublika mulkiga va maʼmuriy-hududiy tuzilmalar mulkiga (munitsipal mulkka) ajratishni Oʻzbekiston Respublikasi Oliy Majlisi Oʻzbekiston Respublikasi Vazirlar Mahkamasining taklifiga binoan amalga oshiradi”.

6) 7-moddasining 4-bandidagi hamda 8-moddasi 2-bandining toʻrtinchi qismidagi “ochiq tipdagi aksiyadorlik jamiyatiga” degan soʻzlar “ochiq aksiyadorlik jamiyatiga” degan soʻzlar bilan almashtirilsin;

7) 11-moddasining 2-bandidagi “jamoa egaligiga sotib olinishi chogʻida” degan soʻzlar “xususiy mulk qilib sotib olinayotganida” degan soʻzlar bilan almashtirilsin.

IV. Oʻzbekiston Respublikasining 1992-yil 13-yanvarda qabul qilingan “Aloqa toʻgʻrisida”gi Qonunining (Oʻzbekiston Respublikasi Oliy Kengashining Axborotnomasi, 1992-yil, № 3, 159-modda) 5-moddasidagi, 7-moddasining ikkinchi qismidagi va 12-moddasidagi “Oʻzbekiston Respublikasi Aloqa vazirligi”, “Oʻzbekiston Respublikasi Aloqa vazirligiga” degan soʻzlar tegishli kelishikdagi “Oʻzbekiston pochta va telekommunikatsiyalar agentligi” degan soʻzlar bilan almashtirilsin.

VI. Oʻzbekiston Respublikasining 1993-yil 6-mayda qabul qilingan “Sugʻurta toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-yil, № 5, 217-modda; 1994-yil, № 11-12, 285-modda):

1) 3-moddasi quyidagi mazmundagi ikkinchi qism bilan toʻldirilsin:

“Fayrihuquqiy manfaatlarni sugʻurtalashga yoʻl qoʻyilmaydi. Oʻyinlarda, lotereyalarda ishtirok etishdan hamda garov oʻynashdan koʻriladigan zararlarni sugʻurtalashga, shuningdek garovga olingan odamlarni qutqarish maqsadida shaxs majburan toʻlashi mumkin boʻlgan pulni sugʻurtalashga yoʻl qoʻyilmaydi”;

2) 4-moddasi quyidagi tahrirda bayon etilsin:

1. Majburiy sugʻurta hamda davlat majburiy sugʻurtasi qonun hujjatlarida belgilangan tartibda amalga oshiriladi.

2. Davlat majburiy sugʻurtasi davlat budjeti mablagʻlari hisobiga amalga oshiriladi.

3. Majburiy sugʻurta hamda davlat majburiy sugʻurtasining shartlari, sugʻurta tariflari hamda ularni oʻtkazish tartibi Oʻzbekiston Respublikasi Vazirlar Mahkamasi tomonidan belgilanadi.

4. Majburiy sugʻurtani oʻtkazish huquqiga tegishli sugʻurta turini amalga oshirish uchun litsenziyasi boʻlgan har qanday sugʻurta tashkiloti ega boʻlishi mumkin.

Davlat majburiy sugʻurtasi davlat sugʻurta tashkilotlari yoki davlatga qarashli boshqa tashkilotlar tomonidan qonun hujjatlariga muvofiq amalga oshiriladi.

5. Sugʻurta tashkilotlari majburiy sugʻurtalanishi hamda davlat tomonidan majburiy sugʻurtalanishi kerak boʻlgan obyektlar saqlanishini nazorat qilishga haqlidir”;

3) 6-moddasida:

2-banddagi “(sugʻurta qildirilganlik haqidagi hujjat egalari)” degan soʻzlar chiqarib tashlansin;

4-band chiqarib tashlansin;

5 va 6-bandlar tegishincha quyidagi mazmundagi 4 va 5-bandlar bilan almashtirilsin:

“4. Sugʻurta qildiruvchilar uchinchi shaxslar foydasiga sugʻurta shartnomalari tuzishga haqlidirlar.

5. Tijorat tashkiloti boʻlgan hamda tegishli turdagi sugʻurtani amalga oshirish huquqini beruvchi litsenziyasi bor yuridik shaxslar, agar qonunlarda boshqa qoida nazarda tutilgan boʻlmasa, sugʻurtalovchi sifatida sugʻurta shartnomasini tuzishi mumkin”;

4) 9-moddasining 1, 2 va 5-bandlari quyidagi tahrirda bayon etilsin:

“1. Sugʻurta summasi — muayyan summa boʻlib, ana shu miqdorda sugʻurtalovchi mol-mulk sugʻurta shartnomasi boʻyicha sugʻurta tovonini toʻlash majburiyatini oladi yoki u shaxsiy sugʻurta shartnomasi boʻyicha summani toʻlash majburiyatini oladi.

2. Mol-mulkni yoki tadbirkorlik xavfini sugʻurta qilishda sugʻurta summasi, agar sugʻurta shartnomasida boshqa qoida nazarda tutilgan boʻlmasa, sugʻurtalanayotgan obyektning sugʻurta qiymatidan (sugʻurta bahosidan) ortiq boʻlmasligi kerak”;

“5. Sugʻurta tashkilotlari toʻlaydigan sugʻurta tovon summalariga soliq solinmaydi”;

5) 11-moddasi quyidagi tahrirda bayon etilsin:

1. Qayta sugʻurta qilish — sugʻurtalovchining sugʻurta tovon pulini yoki sugʻurta summasini toʻlash xavfini butunlay yoki qisman boshqa sugʻurta tashkilotiga (tashkilotlariga) ular oʻrtasida tuzilgan qayta sugʻurta qilish shartnomasi boʻyicha topshirishdir.

Oʻzbekiston Respublikasining sugʻurta tashkilotlari chet elda oʻz tavakkalchiliklarini qayta sugʻurta qilish uchun chet el sugʻurta va brokerlik tashkilotlarining xizmatlaridan bevosita foydalanishlari mumkin.

Qayta sugʻurta qilishda sugʻurta tovon pulini yoki sugʻurta summasini toʻlash uchun asosiy sugʻurta shartnomasi boʻyicha sugʻurta qildiruvchi oldida ushbu shartnoma boʻyicha sugʻurtalovchi javobgar boʻlib qolaveradi.

2. Birgalikda sugʻurta qilish deb bitta sugʻurtalanayotgan obyekt boʻyicha ikki yoki undan ortiq sugʻurtalovchining bitta sugʻurta shartnomasini tuzishiga aytiladi.

Sugʻurtalovchilarning har biri sugʻurta shartnomasi boʻyicha sugʻurta qildiruvchi (naf oluvchi) oldida, agar shartnomada boshqa qoida nazarda tutilgan boʻlmasa, solidar javobgar boʻladi.

3. Qoʻshaloq sugʻurta deb umumiy sugʻurta summasi sugʻurtalanayotgan obyektning sugʻurta qiymatidan (bahosidan) oshib ketganda, aynan bir sugʻurtalanayotgan obyektni ikki yoki undan ortiq sugʻurtalovchida sugʻurtalashga aytiladi.

Mol-mulk yoki tadbirkorlik xavfi qoʻshaloq sugʻurta qilinganda sugʻurta tovon pulining umumiy summasi haqiqiy zarardan ortiq boʻlishi mumkin emas, qoʻshaloq shaxsiy sugʻurta qilish hollari bundan mustasno.

4. Ikki tomonlama sugʻurta — sugʻurta himoyasining shunday shakllaridan biriki, unda sugʻurta qildiruvchilar (fuqarolar va yuridik shaxslar) zarur mablagʻlarni kiritish yoʻli bilan ikki tomonlama sugʻurta qilish jamiyatlariga birlashadilar.

Ikki tomonlama sugʻurta qilish jamiyati oʻz aʼzolarining mol-mulki hamda boshqa mulkiy manfaatlarini sugʻurta qilishni amalga oshiradi va tijoratchi boʻlmagan tashkilot hisoblanadi”;

6) 12-moddasining 1-bandidagi “sugʻurta hodisasi (voqeasi)” degan soʻzlar “voqea (sugʻurta hodisasi)” degan soʻzlar bilan almashtirilsin;

7) 13-moddasining 2 va 3-bandlari quyidagi tahrirda bayon etilsin:

“2. Sugʻurtalovchining sugʻurta shartnomasi boʻyicha sugʻurta tovon pulini yoki sugʻurta summasini toʻlash majburiyati, agar shartnomada boshqa qoida nazarda tutilgan boʻlmasa, sugʻurta mukofoti yoki uning birinchi badali toʻlangan paytdan boshlab kuchga kiradi.

3. Sugʻurta shartnomasi tuzilganligi fakti sugʻurta qildiruvchiga sugʻurta polisi (kvitansiyasi, sertifikati, shahodatnomasi) berish orqali tasdiqlanadi”;

8) 14-moddasida:

1-bandning “v” kichik bandidagi “shart” soʻzi chiqarib tashlansin va shu band quyidagi mazmundagi “g” kichik bandi bilan toʻldirilsin:

“g) sugʻurtalovchini sugʻurta hodisasi yuz berganligi toʻgʻrisida shartlashilgan muddatda va shartnomada koʻrsatilgan usulda xabardor qilishi shart. Agar naf oluvchi oʻzining foydasiga tuzilgan shartnoma boʻyicha sugʻurta tovon pulini olish huquqidan foydalanmoqchi boʻlsa, yuqoridagi majburiyat uning zimmasida ham boʻladi”;

4-band quyidagi tahrirda bayon etilsin:

“4. Sugʻurtalovchi qoplashi lozim boʻlgan zararni kamaytirish maqsadida qilingan xarajatlar, agar bunday xarajatlar zarur boʻlgan boʻlsa yoki sugʻurtalovchining koʻrsatmalarini bajarish uchun qilingan boʻlsa, tegishli choralar muvaffaqiyatsiz boʻlib chiqsa ham, sugʻurtalovchi tomonidan qoplanishi lozim. Bunday xarajatlar boshqa zararlarni qoplash xarajatlari bilan birgalikda sugʻurta pulidan oshib ketishi mumkinligidan qatʼi nazar, sugʻurta summasining sugʻurta qiymatiga nisbatiga mutanosib ravishda qoplanadi”;

9) 15-moddasining “v” bandi “sugʻurta shartnomasida” degan soʻzlardan keyin “va qonunlarda” degan soʻzlar bilan toʻldirilsin;

10) 16-moddasi quyidagi tahrirda bayon etilsin:

1. Sugʻurta qildiruvchi sugʻurta shartnomasida koʻrsatilgan naf oluvchini sugʻurtalovchiga yozma ravishda maʼlum qilgan holda boshqa shaxs bilan almashtirishga haqlidir. Shaxsiy sugʻurta shartnomasiga binoan, sugʻurtalangan shaxs roziligi bilan tayinlangan naf oluvchi sugʻurtalangan shaxs roziligi bilan oʻzgartirilishi mumkin.

Naf oluvchi sugʻurta shartnomasidagi biron-bir majburiyatni bajarganidan yoxud sugʻurtalovchiga sugʻurta tovon pulini yoki sugʻurta summasini toʻlash toʻgʻrisidagi talabni taqdim etganidan keyin, u boshqa shaxs bilan almashtirilishi mumkin emas.

2. Keltirilgan zarar uchun javbgarlik xavfini sugʻurta qilish shartnomasi boʻyicha sugʻurta qildiruvchidan boshqa shaxsning javobgarligi sugʻurtalangan holda, shartnomada boshqa qoida nazarda tutilmaganligi sababli sugʻurta qildiruvchi sugʻurta hodisasi yuz bergunga qadar istalgan paytda bu shaxsni boshqasiga almashtirib, sugʻurtalovchiga buni yozma ravishda maʼlum qilishga haqlidir.

3. Mol-mulkni sugʻurta qilish shartnomasi tuzgan sugʻurta qildiruvchi vafot etgan taqdirda, sugʻurta qildirgan shaxsning huquq va majburiyatlari ushbu mol-mulkni meros tartibida qabul qilib olgan shaxsga oʻtadi. Mulk huquqi oʻtgan boshqa hollarda sugʻurta qildiruvchining huquq va majburiyatlari, agar shartnomada yoki qonun hujjatlarida boshqa qoida belgilangan boʻlmasa, sugʻurtalovchining roziligi bilan yangi mulkdorga oʻtadi.

4. Shaxsiy sugʻurta shartnomasini sugʻurtalangan shaxs foydasiga tuzgan sugʻurta qildiruvchi vafot etgan taqdirda, ushbu shartnomada belgilab qoʻyiladigan huquq va majburiyatlar sugʻurtalangan shaxsning roziligi bilan unga oʻtadi.

Agar sugʻurta shartnomasi amal qilib turgan davrda sugʻurta qildiruvchi sud tomonidan muomalaga layoqatsiz yoxud muomala layoqati cheklangan deb topilsa, bunday sugʻurta qildiruvchining huquq va majburiyatlarini uning vasiysi yoki homiysi oladi.

5. Sugʻurta qildiruvchining uchinchi shaxslar oldidagi javobgarligi sugʻurta qilingan hollarda sugʻurta shartnomasi sugʻurta qildiruvchining muomala layoqati tugagan yoki cheklangan paytdan boshlab tugaydi.

6. Yuridik shaxs boʻlgan sugʻurta qildiruvchi sugʻurta shartnomasi davrida qayta tashkil etilgan taqdirda uning ushbu shartnoma boʻyicha huquq va majburiyatlari sugʻurtalovchining roziligi bilan tegishli huquqiy vorisga qonun hujjatlarida belgilangan tartibda oʻtadi”;

11) 17-moddasining 3-bandida:

ikkinchi xatboshidagi birinchi jumla quyidagi tahrirda bayon etilsin:

“Sugʻurta qildiruvchi (naf oluvchi) sugʻurta shartnomasidan muddatidan ilgari voz kechgan taqdirda sugʻurtalovchiga toʻlangan sugʻurta mukofoti, agar shartnomada boshqa qoida nazarda tutilgan boʻlmasa, qaytarib berilmaydi”;

uchinchi xatboshidagi birinchi jumla “agar sugʻurta shartnomasida boshqacha qoida nazarda tutilgan boʻlmasa” degan soʻzlar bilan toʻldirilsin;

12) 21-moddasining 1-bandi quyidagi tahrirda bayon etilsin:

“1. Sugʻurta tashkilotlari fuqarolar hayoti va salomatligini muhofaza qilishni taʼminlaydigan shart-sharoit yaratishga yoki sugʻurta hodisalarining oldini olishga qaratilgan ogohlantirish yoʻsinidagi tadbirlarni oʻz mablagʻlari hisobidan moliyalashlari mumkin”;

13) 22-moddasining 1-bandi quyidagi tahrirda bayon etilsin:

“1. Sugʻurtalovchilar oʻz toʻlov qobiliyatlarini taʼminlash va sugʻurta qildiruvchilarning manfaatlarini himoya qilish uchun Davlat sugʻurta nazorati tomonidan belgilanadigan iqtisodiy normativlarga rioya etishlari shart”;

14) 28-moddasining 1-bandi quyidagi tahrirda bayon etilsin:

“1. Barcha sugʻurta tashkilotlarining, shu jumladan chet el investitsiyalari ishtirokidagi sugʻurta tashkilotlarining faoliyati Davlat sugʻurta nazoratida albatta roʻyxatga olinishi va ularga ruxsatnoma berilishi shart”;

15) 30-moddasidagi “Moliya vazirligining monopoliyaga qarshi kurash va narx siyosati boshqarmasi” degan soʻzlar “Moliya vazirligi huzuridagi Monopoliyani yoʻqotish va raqobatni kuchaytirish qoʻmitasi” degan soʻzlar bilan almashtirilsin”;

16) 32-moddasi quyidagi tahrirda bayon etilsin:

Chet el sugʻurta tashkilotlari Oʻzbekiston Respublikasi hududidagi sugʻurta faoliyatini Oʻzbekiston Respublikasining yuridik shaxsi sifatida roʻyxatdan oʻtganlaridan va ushbu Qonunda belgilangan tartibda litsenziya olganlaridan keyingina amalga oshirishga haqlidirlar.

Chet el yuridik va jismoniy shaxslari Oʻzbekiston Respublikasida oʻzlarining ulushli yoki toʻliq qatnashishlariga asoslangan sugʻurta tashkilotlarini tuzishga haqlidir”;

17) quyidagi mazmundagi 34-modda bilan toʻldirilsin:

Agar Oʻzbekiston Respublikasining xalqaro shartnomasida sugʻurta toʻgʻrisidagi qonun hujjatlaridagidan boshqacha qoidalar nazarda tutilgan boʻlsa, xalqaro shartnoma qoidalari qoʻllaniladi”.

VIII. Oʻzbekiston Respublikasining 1993-yil 7-maydagi Qonuni bilan tasdiqlangan Oʻzbekiston Respublikasining Havo kodeksi (Oʻzbekiston Respublikasi Oliy Kengashining Axborotnomasi, 1993-yil, № 6, 247-modda):

1) 8-moddasining ikkinchi qismidagi “hududni tuzish” degan soʻzlar “hududdan foydalanishni tashkil etish” degan soʻzlar bilan almashtirilsin;

2) 9-moddasining ikkinchi qismi “b” bandidagi “avariya holatlarida” degan soʻzlar “favqulodda holatlarda” degan soʻzlar bilan almashtirilsin;

3) 13-moddasida:

uchinchi qismdagi “Oʻzbekiston Respublikasi Aloqa vazirligining” degan soʻzlar “Oʻzbekiston pochta va telekommunikatsiyalar agentligining” degan soʻzlar bilan almashtirilsin;

modda quyidagi mazmundagi toʻrtinchi qism bilan toʻldirilsin:

“Xalqaro va shaharlararo telefon va telegraf orqali aloqa bogʻlash imkoniyati favqulodda vaziyatlarda qidiruv-qutqaruv ishlari olib borilayotganda hamda yordam koʻrsatilayotganda birinchi galda beriladi”;

4) 14-moddasining uchinchi qismi quyidagi tahrirda bayon etilsin:

“Samoviy hududdan foydalanish tartibi buzilishiga yoʻl qoʻygan yoki havo kemalari parvozi xavfsizligiga xavf tugʻilishiga olib kelgan xatti-harakatlar sodir etgan samoviy hududdan foydalanuvchilar, shuningdek aviatsiya faoliyati bilan bogʻliq boʻlmagan yuridik va jismoniy shaxslar yuqorida zikr etilgan organlarning talabiga binoan koʻrsatilgan tartibbuzarlikni yoki tartib buzilishiga olib keladigan faoliyatni oʻz hisoblaridan va oʻz kuchlari bilan toʻxtatishlari lozim”;

5) 17-moddasi quyidagi tahrirda bayon etilsin:

Elektr uzatish obyektlari va liniyalarini qurish; samoviy hududda elektromagnit, yorugʻlik, akustik, korpuskulyar va boshqa turdagi nurlanishlar paydo boʻlishiga olib keladigan ishlar; qushlarning va yovvoyi hayvonlarning (kemiruvchilarning) koʻplab toʻplanishiga hamda ornitologik vaziyatning, parvoz paytida koʻrishning va aerodromlardagi uchish maydonlari holatining yomonlashuviga sabab boʻluvchi obyektlarni joylashtirish; havo kemalari parvoz qilish va qoʻnish zonalariga baland oʻsadigan daraxtlarning koʻchatlarini oʻtqazish; shuningdek samoda moddiy obyektlar harakati bilan bevosita aloqasi boʻlmagan, ammo havo kemalarining, boshqa uchuvchi apparatlarning parvoziga, asbob-uskunalari va ulardagi odamlar xavfsizligiga taʼsir etuvchi har qanday boshqa faoliyat aerodrom hududidagi parvozlar xavfsizligiga tahdid solishi mumkin boʻlgan faoliyatlar jumlasiga kiradi”;

6) 23-moddasining uchinchi qismidagi “harbiy” degan soʻz chiqarib tashlansin;

7) 24-moddasi birinchi qismining “v” bandidagi “maqsadlarida foydalaniladi” degan soʻzlar chiqarib tashlansin va qism quyidagi mazmundagi “g” bandi bilan toʻldirilsin:

“g) favqulodda vaziyatlar yuz bergan hududlarga avariya-qutqaruv ishlarini amalga oshirish uchun kuchlar va asbob-uskunalarni, shuningdek zarar koʻrganlarga yordam koʻrsatish uchun yuklarni yetkazib berish maqsadlarida foydalaniladi”;

8) 25-moddasining birinchi qismidagi “davlat mulki yoki boshqa” degan soʻzlar “ommaviy” degan soʻz bilan almashtirilsin;

9) 26-moddasida:

birinchi va ikkinchi qism quyidagi mazmundagi qismlar bilan almashtirilsin:

“Quruqlikdagi yoki suv sathidagi maxsus jihozlangan uchastka parvozlar xavfsizligini taʼminlovchi yon-atrof hamda chekka zonalar va shu zonalarda joylashgan, havo kemalarining uchishi, qoʻnishi, burilishi, toʻxtab turishi va ularga xizmat koʻrsatilishi uchun moʻljallangan zarur bino, inshootlar va anjomlar bilan birga aerodrom deb eʼtirof etiladi.

Aerodromlar oʻzining vazifasiga qarab bazaviy, muvaqqat va zaxiradagi aerodromlarga boʻlinadi.

Aerodromlar aviatsiya turiga mansubligiga koʻra fuqaro aviatsiyasi aerodromlari, davlat aviatsiyasi aerodromlari, eksperimental aviatsiya aerodromlari hamda hamkorlikda foydalanish (joylashish) aerodromlariga boʻlinadi”;

uchinchi qism toʻrtinchi qism deb hisoblansin;

10) 30-moddasida:

birinchi qismdagi “Aerodrom ekspluatantiga aerodrom foydalanishga yaroqliligi haqida sertifikat beriladi” degan soʻzlar “Davlat, fuqaro aviatsiyasi va eksperimental aviatsiyaga moʻljallangan aerodromlar majburiy suratda sertifikatlanishi shart” degan soʻzlar bilan almashtirilsin;

ikkinchi qism quyidagi tahrirda bayon etilsin:

“Aerodromlarni va ularning asbob-uskunalarini sertifikatlash tartibi:

fuqaro aerodromlari, eksperimental aviatsiya aerodromlari va hamkorlikda foydalanish (joylashish) aerodromlari uchun — Oʻzbekiston Respublikasining Aviatsiya maʼmuriyati tomonidan;

davlat aviatsiyasi aerodromlari uchun — Oʻzbekiston Respublikasi Mudofaa vazirligi tomonidan amalga oshiriladi”;

11) 32-moddasi quyidagi tahrirda bayon etilsin:

Fuqaro aviatsiyasi yoki eksperimental aviatsiyaning havo kemalari joylashish huquqisiz parvozlarni amalga oshiradigan davlat aviatsiyasi aerodromi hamkorlikda foydalanish aerodromi deb eʼtirof etiladi.

Turli idoralar tasarrufida boʻlgan havo kemalari joylashadigan fuqaro aviatsiyasi davlat aviatsiyasi yoki eksperimental aviatsiya aerodromi hamkorlikda joylashish aerodromi deb eʼtirof etiladi.

Aerodromlardan samoviy hududdan foydalanuvchilarning turli toifalari hamkorlikda foydalanishi (joylashishi) Oʻzbekiston Respublikasi Vazirlar Mahkamasi belgilaydigan tartibda amalga oshiriladi”;

12) 44-moddasining toʻrtinchi qismi quyidagi tahrirda bayon etilsin:

“Ekspluatant guvohnomasi uning amal qilish muddati tugamaguncha yoki u belgilangan tartibda toʻxtatib qoʻyilmaguncha yoki olib qoʻyilmaguncha oʻz kuchini saqlab qoladi. Guvohnomani boshqa shaxsga berish mumkin emas”;

13) 48-moddasining birinchi qismidagi “e” va “j” bandlari chiqarib tashlansin;

14) 49-moddasining birinchi qismi quyidagi mazmundagi jumla bilan toʻldirilsin:

“Fuqaro va davlat aviatsiyasi kadrlarini tayyorlovchi oʻquv yurtlarini sertifikatlash tegishincha Oʻzbekiston Respublikasining Aviatsiya maʼmuriyati va Oʻzbekiston Respublikasi Mudofaa vazirligi tomonidan qonun hujjatlarida belgilangan tartibda oʻtkaziladi”;

15) 51-moddasi quyidagi mazmundagi uchinchi qism bilan toʻldirilsin:

“Eksperimental aviatsiya havo kemasi ekipajining tarkibi tajriba-konstruktorlik, eksperimental yoki ilmiy-tadqiqot ishlarining maqsad va vazifalariga bogʻliq holda Oʻzbekiston Respublikasining Aviatsiya maʼmuriyati bilan kelishuvga koʻra havo kemasining ishlab chiqaruvchisi va loyihalovchisi tomonidan belgilanadi”;

16) 54-moddasining birinchi qismi quyidagi tahrirda bayon etilsin:

“Oʻzbekiston Respublikasining samoviy hududi xalqaro standartlarning talablariga muvofiq hamda Oʻzbekiston Respublikasi samoviy hududidan foydalanish toʻgʻrisidagi nizomda belgilangan tartibda nazorat qilinadigan va nazorat qilinmaydigan samoviy hududlarga boʻlinadi”;

17) 55-moddasi quyidagi tahrirda bayon etilsin:

Oʻzbekiston Respublikasi samoviy hududida havo transporti qatnoviga xizmat koʻrsatish xalqaro standartlarga hamda Oʻzbekiston Respublikasi samoviy hududidan foydalanish toʻgʻrisidagi nizomga muvofiq tashkil etiladi va xizmat koʻrsatish amalga oshirilayotgan samoviy hudud tasnifiga bogʻliq boʻladi”;

18) 57-moddasida:

ikkinchi qism quyidagi mazmundagi qismlar bilan almashtirilsin:

“Oʻzbekiston Respublikasi Vazirlar Mahkamasi huzuridagi Gidrometeorologiya bosh boshqarmasi fuqaro aviatsiyasi va eksperimental aviatsiyaga meteorologik xizmat koʻrsatadi, davlat aviatsiyasi uchun meteorologik axborot beradi, xalqaro aeronavigatsiya manfaatlarini koʻzlab meteorologik taʼminlashni tashkil etadi.

Fuqaro aviatsiyasi va eksperimental aviatsiyaga meteorologik xizmat koʻrsatish samoviy hududdan foydalanuvchilar bilan tuzilgan shartnomalar asosida Oʻzbekiston Respublikasining Aviatsiya maʼmuriyati va Oʻzbekiston Respublikasi Vazirlar Mahkamasi huzuridagi Gidrometeorologiya bosh boshqarmasi tasdiqlaydigan meteorologik taʼminlash qoʻllanmasiga muvofiq amalga oshiriladi.

Davlat aviatsiyasini meteorologik axborot bilan taʼminlash tartibi Oʻzbekiston Respublikasi Mudofaa vazirligi tomonidan qonun hujjatlariga muvofiq belgilanadi.

Havo transporti qatnovini aeronavigatsiya axboroti bilan taʼminlash tartibi fuqaro aviatsiyasi va eksperimental aviatsiyada Oʻzbekiston Respublikasining Aviatsiya maʼmuriyati tomonidan, davlat aviatsiyasida — Oʻzbekiston Respublikasi Mudofaa vazirligi tomonidan belgilanadi”;

uchinchi qism oltinchi qism deb hisoblansin;

19) 59-moddasidagi “Aloqa vazirligi” degan soʻzlar “Oʻzbekiston pochta va telekommunikatsiyalar agentligi” degan soʻzlar bilan almashtirilsin;

20) 66-moddasining toʻrtinchi qismi quyidagi tahrirda bayon etilsin:

“Nazorat qilinmaydigan samoviy hududda boʻlgan havo kemalarining ekipajlari bir-birlariga axborot berib turishlari favqulodda vaziyatlarda esa — havo transporti qatnoviga xizmat koʻrsatuvchi va favqulodda vaziyatlar boʻyicha eng yaqin organlarga avariya kanallari orqali axborot berishlari lozim”;

21) 81-moddasining uchinchi qismidagi “Oʻzbekiston Respublikasi Aloqa vazirligi” degan soʻzlar “Oʻzbekiston pochta va telekommunikatsiyalar agentligi” degan soʻzlar bilan almashtirilsin;

22) 86-moddasining uchinchi qismi quyidagi tahrirda bayon etilsin:

“Halokat yoki baxtsiz hodisa davlat va fuqaro aviatsiyasi yoki davlat aviatsiyasi va eksperimental aviatsiya manfaatlariga daxldor boʻlgan taqdirda tekshirish Oʻzbekiston Respublikasining Aviatsiya maʼmuriyati, Oʻzbekiston Respublikasi Mudofaa vazirligi, shuningdek Oʻzbekiston Respublikasining boshqa daxldor vazirliklari va idoralari vakillaridan tashkil topgan qoʻshma komissiyalar tomonidan amalga oshiriladi. Bunday komissiyalar Oʻzbekiston Respublikasi Vazirlar Mahkamasi tomonidan tayinlanadi”;

23) 94-moddasining birinchi, ikkinchi va uchinchi qismi quyidagi mazmundagi qismlar bilan almashtirilsin:

“Aeroportlar va havo transportida tashuvchilar tomonidan bajariladigan yoʻlovchilar, qoʻl yuki va yukni belgilangan manzilga yetkazishni bevosita amalga oshirish bilan bogʻliq tadbirlar va operatsiyalar majmui havo transportida tashish deb hisoblanadi.

Havo kemasining joʻnash, qoʻnish manzili va nazarda tutilgan barcha oraliq qoʻnish manzillari Oʻzbekiston Respublikasi hududida joylashgan parvozi chogʻida bajarilgan tashish ishlari havo transportida ichki tashish deb hisoblanadi.

Havo kemasining parvoz davomida yangi yuk olgan-olmaganidan yoki parvozda tanaffus boʻlgan-boʻlmaganidan qatʼi nazar, joʻnash va qoʻnish manzillari:

a) ikki davlat hududida:

b) agar boshqa davlat hududida oraliq qoʻnish manzili (manzillari) nazarda tutilgan boʻlsa, bir davlat hududida bajariladigan parvozlari chogʻidagi tashish ishlari havo transportida xalqaro tashish deb hisoblanadi.

Aviatsiyada yuk va yoʻlovchi tashish uchun litsenziyasi boʻlgan havo kemasining ekspluatanti tashuvchi deb eʼtirof etiladi.

Havo transportida tashish shartnomasiga muvofiq havo kemasida tashilayotgan yoki tashilishi lozim boʻlgan shaxs yoʻlovchi deb hisoblanadi.

Qoʻl yuki — yoʻlovchining tashuvchi bilan shartnomaga muvofiq havo kemasida tashilayotgan shaxsiy ashyolari.

Yuk — havo kemasida tashilayotgan yoki tashish uchun qabul qilingan (pochta va xalqaro pochta bitimlarining shartlariga koʻra tashiladigan boshqa mol-mulk, tashuvchining qoʻl yuki yoki mol-mulkidan tashqari) har qanday mol-mulk, shuningdek yuk xati boʻyicha tashiladigan qoʻl yuki”;

toʻrtinchi qismi sakkizinchi qism deb hisoblansin;

24) 95-moddasining toʻrtinchi qismidagi “Oʻzbekiston Respublikasi Aloqa vazirligi” degan soʻzlar “Oʻzbekiston pochta va telekommunikatsiyalar agentligi” degan soʻzlar bilan almashtirilsin;

25) 101-moddasida:

birinchi qism quyidagi tahrirda bayon etilsin:

“Chipta va qoʻl yuki pattasi, normativdagidan ortiqcha qoʻl yuki haqini toʻlash pattasi, pochta yoxud yuk xati yoʻlovchini va qoʻl yukini, pochtani va yukni tashish shartnomasini tasdiqlovchi tashish hujjatlari hisoblanadi”;

uchinchi qismdagi “Oʻzbekiston Respublikasi Aloqa vazirligi” degan soʻzlar “Oʻzbekiston pochta va telekommunikatsiyalar agentligi” degan soʻzlar bilan almashtirilsin:

26) 113-moddasi quyidagi mazmundagi beshinchi qism bilan toʻldirilsin:

“Xalqaro tashishlarda tashuvchining javobgarligi Oʻzbekiston Respublikasi va tegishli chet davlat qatnashchi boʻlgan xalqaro shartnomalar bilan belgilanadi”:

27) 122-moddasining birinchi qismi quyidagi tahrirda bayon etilsin:

“Yoʻlovchi, qoʻl yuki, yuk yoki pochtani tashish yuzasidan tashuvchiga nisbatan daʼvo qoʻzgʻatishdan oldin uning oldiga talab qoʻyilishi shart, aviatsiya halokati natijasida yoʻlovchining oʻlimi yoki sogʻligʻiga zarar yetishi bilan bogʻliq hollar bundan mustasno”;

28) 123-modda birinchi qismining “e” bandi “yoʻlovchi” degan soʻzdan keyin “yukni oluvchi, yukni joʻnatuvchi” degan soʻzlar bilan toʻldirilsin.

IX. Oʻzbekiston Respublikasining 1993-yil 7-mayda qabul qilingan “Umumiy foydalanishdagi havo, temir yoʻl, ichki suv va avtomobil transporti yoʻlovchilarining majburiy shaxsiy davlat sugʻurtasi toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-yil, № 6, 250-modda):

1) nomidagi “davlat” degan soʻz chiqarib tashlansin;

2) matnidagi “majburiy davlat sugʻurtasi”, “davlat majburiy sugʻurtasi”, “majburiy davlat sugʻurtasiga”, “davlat majburiy sugʻurtasidan” degan soʻzlar tegishli kelishikdagi “majburiy sugʻurta”, “majburiy sugʻurtasi” degan soʻzlar bilan almashtirilsin.

X. Oʻzbekiston Respublikasining 1993-yil 28-dekabrda qabul qilingan “Oʻzbekiston Respublikasi Oliy Majlisiga saylov toʻgʻrisida”gi Qonuni (Oʻzbekiston Respublikasi Oliy Kengashi Axborotnomasi, 1994-yil, № 1, 6-modda):

1) 6-moddasining matni quyidagi tahrirda bayon etilsin:

“Oliy Majlis sayloviga tayyorgarlik koʻrish va uni oʻtkazishni saylov komissiyalari ochiq va oshkora amalga oshiradilar.

Saylov komissiyalari fuqarolarni oʻz ishlaridan, saylov okruglari, uchastkalari tuzilganligi, saylov komissiyalarining tarkibi, ularning joylashgan manzili va ish vaqtidan voqif etadilar, saylovchilarning roʻyxatlari, saylovda ishtirok etayotgan siyosiy partiyalarning roʻyxati bilan tanishtiradilar, deputatlikka nomzodlar xususidagi maʼlumotlar, ovoz berish va saylov yakunlaridan xabardor qiladilar.

Oʻzbekiston Respublikasining ommaviy axborot vositalari saylovga tayyorgarlikning borishi va saylov qanday oʻtayotganligini yoritib boradilar.

Saylovga tayyorgarlik koʻrish va uni oʻtkazishga doir barcha tadbirlarda, shuningdek saylov kuni ovoz berish xonalarida va ovozlarni sanab chiqishda deputatlikka nomzodlar koʻrsatgan siyosiy partiyalardan, hokimiyat vakillik organlaridan, saylovchilar tashabbuskor guruhlaridan bittadan kuzatuvchi, matbuot, televideniye va radio vakillari, boshqa davlatlar, xalqaro tashkilotlar va harakatlardan kuzatuvchilar qatnashish huquqiga egadirlar. Ularning vakolatlari tegishli hujjatlar bilan tasdiqlangan boʻlishi kerak.

Manfaatdor tashkilotlar, saylovchilar tashabbuskor guruhlari oʻz kuzatuvchilari toʻgʻrisida okrug saylov komissiyalariga saylovga kechi bilan oʻn besh kun qolganida maʼlum qiladilar.

Okrug saylov komissiyasi manfaatdor tashkilotdan, saylovchilar tashabbuskor guruhidan ariza olinganidan keyin besh kun ichida Oʻzbekiston Respublikasi Markaziy saylov komissiyasi belgilaydigan namunadagi mandatni kuzatuvchi uchun beradi.

Kuzatuvchilar quyidagi huquqlarga ega:

deputatlikka nomzodlar koʻrsatishga bagʻishlangan yigʻilishlarda, okrug va uchastka saylov komissiyalarining majlislarida hozir boʻlish;

saylov uchastkasida hozir boʻlish hamda tayyorgarlik ishlarining borishini, ovoz berish uchun saylov qutilarining joylashtirilishi va muhrlanishini, fuqarolarga saylov byulletenlarining berilishini kuzatish;

ovozlarni sanab chiqishda va uchastka saylov komissiyasining bayonlarini tuzishda hozir boʻlish;

saylov natijalari toʻgʻrisidagi hujjatlarning tegishli saylov komissiyasi tomonidan tasdiqlangan nusxalarini soʻrash va ularni olish;

basharti saylov uchastkasida ushbu Qonunning buzilishiga yoʻl qoʻyilgan deb hisoblash uchun asos boʻlsa, oʻz kuzatuvlari toʻgʻrisida yuqori komissiyaga maʼlum qilish.

Kuzatuvchilarga quyidagilar man etiladi:

saylovchi saylov byulleteniga oʻz belgisini qoʻyayotgan paytda ovoz berish kabinasida boʻlish;

saylovchilarga taʼsir oʻtkazish, biron-bir tashviqot materiali yoki adabiyoti tarqatish;

saylovchilardan ular kimni yoqlab ovoz berganliklarini surishtirish yoki saylovchilarga byulletenga belgi qoʻyishda biron-bir tarzda yordam koʻrsatish;

uchastka saylov komissiyasining faoliyatiga, shu jumladan saylov qutilarini muhrlashda, ularni ochishda, ovozlarni sanab chiqishda aralashish”;

2) 9-moddasining ikkinchi xatboshisidagi “Oliy Majlisga saylov oʻtkazuvchi” degan soʻzlar “Oʻzbekiston Respublikasi” degan soʻzlar bilan almashtirilsin;

3) 10-moddasi quyidagi tahrirda bayon etilsin:

Oʻzbekiston Respublikasi Markaziy saylov komissiyasi “Oʻzbekiston Respublikasi Markaziy saylov komissiyasi toʻgʻrisida”gi Oʻzbekiston Respublikasi Qonuniga muvofiq tuziladi”;

4) 11-moddasining 6-bandidagi “va hokimiyat vakillik organlarining” degan soʻzlar “hokimiyat vakillik organlarining, saylovchilar tashabbuskor guruhlarining” degan soʻzlar bilan almashtirilsin;

5) 13-moddasi quyidagi mazmundagi 4¹ va 4²-bandlar bilan toʻldirilsin:

“4¹) deputatlikka nomzodni qoʻllab-quvvatlovchi imzo toʻplashga oid imzo varaqalarini saylovchilar tashabbuskor guruhlarining vakolatli vakillaridan qabul qilib oladi, ularning toʻgʻri toʻldirilganligini tekshiradi;

4²) deputatlikka nomzodni qoʻllab-quvvatlovchi imzo varaqalari qabul qilinganligi toʻgʻrisida saylovchilar tashabbuskor guruhlarining vakolatli vakillariga varaqa qabul qilingan kun qayd etilgan maʼlumotnoma beradi”;

6) 16-moddasida:

modda quyidagi mazmundagi birinchi qism bilan toʻldirilsin:

“Okrug saylov komissiyalarining aʼzolari Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari tavsiyasiga binoan tasdiqlanadi. Uchastka saylov komissiyalarining aʼzolari mahalliy hokimiyatlar va fuqarolarning oʻzini oʻzi boshqarish organlari tavsiyaga binoan tasdiqlanadi”;

birinchi, ikkinchi, uchinchi, toʻrtinchi va beshinchi qism tegishincha ikkinchi, uchinchi, toʻrtinchi, beshinchi va oltinchi qism deb hisoblansin;

7) 20-moddasining matni quyidagi tahrirda bayon etilsin:

“Oliy Majlis deputatligiga nomzodlar koʻrsatish huquqiga siyosiy partiyalar, Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari, bevosita fuqarolar egadirlar.

Siyosiy partiya saylov tayinlangan kundan kamida olti oy oldin Adliya vazirligi tomonidan roʻyxatga olingan, saylovda ishtirok etishini qoʻllab-quvvatlovchi kamida ellik ming saylovchining imzosini toʻplagan taqdirdagina u Oliy Majlis deputatligiga nomzodlar koʻrsatishi mumkin.

Belgilangan namunadagi imzo varaqalari saylov tayinlanganidan keyin Markaziy saylov komissiyasi tomonidan beriladi.

Maʼmuriy-hududiy tuzilmalardan birida (Qoraqalpogʻiston Respublikasi, viloyat, Toshkent shahri) siyosiy partiya ellik ming saylovchining koʻpi bilan sakkiz foizi imzosini toʻplashi mumkin.

Imzo varaqalarida imzolar soxtalashtirilgan taqdirda Markaziy saylov komissiyasi siyosiy partiyaning saylovda qatnashish huquqini rad etadi”;

8) 22-moddasida:

moddaning nomi quyidagi tahrirda bayon etilsin:

beshinchi, oltinchi, yettinchi va sakkizinchi qism chiqarib tashlansin;

9) quyidagi mazmundagi 22¹ va 22²-moddalar bilan toʻldirilsin:

Oʻzbekiston Respublikasining saylash huquqiga ega boʻlgan har bir fuqarosi yoki fuqarolar guruhi Oliy Majlis deputatligiga nomzod koʻrsatish uchun tegishli saylov okrugining kamida yuz nafar saylovchisidan iborat saylovchilar tashabbuskor guruhini tuzishi mumkin.

Saylovchilar tashabbuskor guruhi yigʻilishining vakili guruhni roʻyxatga olishni iltimos qilib, tegishli okrug saylov komissiyasiga ariza bilan murojaat etadi. Arizaga quyidagilar ilova qilinadi:

saylovchilar tashabbuskor guruhi aʼzolarining roʻyxati, unda guruh aʼzolarining familiyasi, ismi, otasining ismi, tugʻilgan sanasi, yashash joyi manzili, pasportining seriyasi va tartib raqami koʻrsatiladi;

saylovchilar tashabbuskor guruhi yigʻilishining vakolatli vakilini tayinlash toʻgʻrisidagi qarori hamda qonunda belgilangan tartibda uning nomiga rasmiylashtirilgan ishonch qogʻozi;

deputatlikka nomzod koʻrsatish toʻgʻrisida saylovchilar tashabbuskor guruhi yigʻilishining qarori va bayoni, unda nomzodning familiyasi, ismi, otasining ismi, tugʻilgan sanasi, kasbi, lavozimi (mashgʻulotining turi), ish va yashash joyi, partiyaga mansubligi koʻrsatiladi.

Okrug saylov komissiyasi oʻziga taqdim etilgan hujjatlarning ushbu Qonun talablariga muvofiqligini aniqlab, hujjatlar qabul qilingan kundan eʼtiboran besh kun ichida saylovchilar tashabbuskor guruhi roʻyxatga olinganligi toʻgʻrisida yoki roʻyxatga olish rad etilganligi haqida qaror qabul qiladi.

Saylovchilar tashabbuskor guruhi roʻyxatga olinganligi toʻgʻrisida qaror qabul qilinganidan keyin vakolatli vakilga tegishli roʻyxatga olinganlik guvohnomasi hamda belgilangan namunadagi imzo varaqalarining blankalari beriladi.

Saylovchilar tashabbuskor guruhini roʻyxatga olish rad etilgan taqdirda okrug saylov komissiyasi asoslantirilgan javob beradi.

Saylovchilar tashabbuskor guruhi oʻzining vakolatli vakiliga roʻyxatga olinganlik guvohnomasi berilganidan keyingina deputatlikka nomzodni qoʻllab-quvvatlash yuzasidan saylovchilar imzosini toʻplashga haqli.

Deputatlikka nomzod koʻrsatgan saylovchilar tashabbuskor guruhi okrug saylovchilari umumiy sonining kamida sakkiz foizi miqdorida nomzodni qoʻllab-quvvatlovchi imzo toʻplashi, bunda imzolayotgan fuqarolar miqdori har bir mahalla, qishloq yoki ovul boʻyicha mutanosib ravishda taqsimlangan boʻlishi shart.

Imzo varaqalari shaklini Markaziy saylov komissiyasi belgilaydi. Imzo varaqasida deputatlikka nomzodning familiyasi, ismi, otasining ismi, tugʻilgan sanasi, kasbi, lavozimi (mashgʻulotining turi), ish va yashash joyi, partiyaga mansubligi koʻrsatiladi.

Saylovchilar faqat bitta nomzodni qoʻllab-quvvatlab bir martagina imzo qoʻyishga haqlidirlar. Bunda saylovchi oʻz familiyasini, ismini, otasining ismini, tugʻilgan yilini (yoshi oʻn sakkizda boʻlsa, qoʻshimcha ravishda tugʻilgan kuni va oyini), yashash joyi manzilini, pasportining seriyasi va tartib raqamini, shuningdek imzo qoʻygan sanani koʻrsatadi.

Imzo varaqasini saylovchilar tashabbuskor guruhining imzo toʻplagan aʼzosi, shuningdek saylovchilar tashabbuskor guruhining vakolatli vakili oʻz familiyasi, ismi, otasining ismini, yashash joyi manzilini, pasportining seriyasi va tartib raqamini koʻrsatgan holda tasdiqlaydi.

Saylovchilar imzosini toʻplash ish, xizmat, oʻqish, yashash joyida, saylovoldi tadbirlarida, shuningdek tashviqot yuritish va imzo toʻplash qonun hujjatlari bilan taqiqlanmagan boshqa joylarda olib boriladi. Imzo toʻplayotgan shaxs tomonidan saylovchilarni majbur qilish va oʻziga ogʻdirib olishning har qanday shakli qonunda belgilangan javobgarlikka sabab boʻladi.

Imzo toʻplash tamomlanganidan soʻng saylovchilar tashabbuskor guruhining vakolatli vakili har bir mahalla, qishloq yoki ovul boʻyicha alohida-alohida qilib tikilgan imzo varaqalarini tegishli okrug saylov komissiyasiga topshiradi. Okrug saylov komissiyasi imzo varaqalari toʻgʻri toʻldirilganligini tekshirib koʻradi va besh kunlik muddat ichida tegishli bayonni Markaziy saylov komissiyasiga topshiradi.

Siyosiy partiyaning, hokimiyat vakillik organining rahbari, saylovchilar tashabbuskor guruhining vakili deputatlikka nomzodlarni roʻyxatga olishni iltimos qilib, Markaziy saylov komissiyasiga ariza bilan murojaat etadi. Arizaga quyidagilar ilova qilinadi:

siyosiy partiya yuqori organining, Qoraqalpogʻiston Respublikasi Joʻqorgʻi Kengesi, xalq deputatlari viloyatlar, Toshkent shahar Kengashlarining, saylovchilar tashabbuskor guruhining Oliy Majlis deputatligiga nomzodlar koʻrsatish toʻgʻrisidagi qarori;

siyosiy partiya yuqori organi majlisining, Qoraqalpogʻiston Respublikasi Joʻqorgʻi Kengesi, xalq deputatlari viloyatlar, Toshkent shahar Kengashlari sessiyasining, saylovchilar tashabbuskor guruhi yigʻilishining Oliy Majlis deputatligiga nomzodlar koʻrsatish toʻgʻrisidagi bayoni, unda deputatlikka nomzodning familiyasi, ismi, otasining ismi, tugʻilgan sanasi, kasbi, lavozimi (mashgʻulotining turi), ish va yashash joyi, partiyaga mansubligi, shuningdek saylov okrugining nomi va tartib raqami koʻrsatiladi;

deputatlikka nomzodning oʻz nomzodi tegishli saylov okrugidan ovozga qoʻyilishiga rozi ekanligi toʻgʻrisidagi arizasi;

ushbu Qonun 23-moddasining ikkinchi qismida aytib oʻtilgan shaxslar uchun, basharti ular Oliy Majlis deputati etib saylangudek boʻlsalar, egallab turgan lavozimlaridan boʻshash toʻgʻrisidagi arizalari.

Hujjatlarni taqdim etgan shaxsga Markaziy saylov komissiyasi hujjatlar qabul qilib olingan sana va vaqt koʻrsatilgan maʼlumotnoma beradi.

Markaziy saylov komissiyasi taqdim etilgan hujjatlarni yetti kunlik muddat ichida tekshirib chiqadi va ularning ushbu Qonun talablariga muvofiqligi toʻgʻrisida xulosa beradi.

Markaziy saylov komissiyasi roʻyxatga olish uchun taqdim etilgan hujjatlarda aniqlangan nomuvofiqliklar va ushbu Qonun talablaridan chetga chiqish hollari toʻgʻrisida tegishli siyosiy partiyalarning, hokimiyat vakillik organlarining rahbarlariga va saylovchilar tashabbuskor guruhlarining vakillariga belgilangan tartibda maʼlum qiladi”;

10) 23-moddasi birinchi qismining ikkinchi xatboshisi quyidagi tahrirda bayon etilsin:

“qasddan sodir etilgan jinoyati uchun ilgari sudlangan fuqarolar”;

11) 24-moddasining birinchi qismidagi “va hokimiyat vakillik organlaridan” degan soʻzlar “hokimiyat vakillik organlari, saylovchilar tashabbuskor guruhlaridan” degan soʻzlar bilan almashtirilsin;

12) 25-moddasida:

modda quyidagi mazmundagi beshinchi qism bilan toʻldirilsin:

“Tashviqotning saylovchilarga bepul yoki imtiyozli shartlarda tovarlar berish, xizmatlar koʻrsatish (axborot xizmatlari bundan mustasno), shuningdek pul mablagʻlari toʻlash bilan qoʻshib olib borilishi taqiqlanadi”;

beshinchi qism oltinchi qism deb hisoblansin;

13) 28-moddasida “(taksidan va transport boshqa turlarining buyurtma yoʻnalishlaridan tashqari)” degan soʻzlar “(shahar yoʻlovchilar transportidan, taksidan va transport boshqa turlarining buyurtma yoʻnalishlaridan tashqari)” degan soʻzlar bilan almashtirilsin;

14) 29-moddasining birinchi qismi “hokimiyat vakillik organi” degan soʻzlardan keyin “saylovchilar tashabbuskor guruhi” degan soʻzlar bilan toʻldirilsin;

15) 34-moddasi quyidagi mazmundagi ikkinchi qism bilan toʻldirilsin:

“Uchastka saylov komissiyasi oladigan saylov byulletenlarining soni saylov uchastkasi boʻyicha saylovchilarning roʻyxatlariga kiritilgan saylovchilar sonidan yarim foizdan koʻp boʻlishi mumkin emas. Saylov byulletenining oʻng tomoni yuqori burchagiga uchastka saylov komissiyasining ikki aʼzosi imzo qoʻyadi, imzolar uchastka saylov komissiyasining muhri bilan tasdiqlanadi. Komissiya tomonidan tasdiqlanmagan saylov byulletenlari ovozlarni sanab chiqishda hisobga olinmaydi”;

16) 36-moddasining birinchi qismidagi “soat 7 dan” degan soʻzlar “soat 6 dan” degan soʻzlar bilan almashtirilsin;

17) 39-moddasida:

birinchi qismdagi “saylov komissiyasi tarkibiga kirmagan shaxsni” degan soʻzlar “saylov komissiyasi tarkibiga kiradigan shaxslardan, kuzatuvchilardan va nomzodlarning ishonchli vakillaridan boshqa biron kishini” degan soʻzlar bilan almashtirilsin;

beshinchi qism “Saylov varaqasining shakli” degan soʻzlardan keyin “saylov varaqalarini tayyorlash tartibi, ularni saylov uchastkalariga yetkazib berish muddatlari” degan soʻzlar bilan toʻldirilsin;

18) 42-moddasining birinchi qismidan “Oliy Majlis deputatligiga saylash boʻyicha” degan soʻzlar chiqarib tashlansin;

19) 43-moddaning ikkinchi qismi quyidagi tahrirda bayon etilsin:

“Takroriy ovoz berishda ishtirok etgan saylovchilarning ovozini boshqa nomzodga nisbatan koʻproq olgan Oliy Majlis deputatligiga nomzod, basharti uni yoqlab berilgan ovozlar soni unga qarshi berilgan ovozlar sonidan koʻp boʻlgan boʻlsa, saylangan deb hisoblanadi”.

20) 44-moddasining uchinchi qismi chiqarib tashlansin;

21) 45-moddasining birinchi qismidagi “deputatlik oʻrni boʻshab qolgan vaqtdan boshlab ikki oy ichida” degan soʻzlar chiqarib tashlansin;

22) 50-moddasi “siyosiy partiyalarning vakillari” degan soʻzlardan keyin “saylovchilar tashabbuskor guruhlarining aʼzolari” degan soʻzlar bilan toʻldirilsin.

XI. Oʻzbekiston Respublikasining 1994-yil 5-mayda qabul qilingan “Xalq deputatlari viloyat, tuman va shahar Kengashlariga saylov toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1994-yil, № 5, 125-modda):

1) 6-moddasining matni quyidagi tahrirda bayon etilsin:

“Xalq deputatlari viloyat, tuman va shahar Kengashlari sayloviga tayyorgarlik koʻrish va uni oʻtkazishni saylov komissiyalari ochiq va oshkora amalga oshiradilar.

Saylov komissiyalari fuqarolarni oʻz ishlaridan, saylov okruglari, uchastkalari tuzilganligi, saylov komissiyalarining tarkibi, ularning joylashgan manzili va ish vaqtidan voqif etadilar, saylovchilarning roʻyxatlari, saylovda ishtirok etayotgan siyosiy partiyalarning roʻyxati bilan tanishtiradilar, deputatlikka nomzodlar xususidagi maʼlumotlar, ovoz berish va saylov yakunlaridan xabardor qiladilar.

Oʻzbekiston Respublikasining ommaviy axborot vositalari saylovga tayyorgarlikning borishi va saylov qanday oʻtayotganligini yoritib boradilar.

Saylovga tayyorgarlik koʻrish va uni oʻtkazishga doir barcha tadbirlarda, shuningdek saylov kuni ovoz berish xonalarida va ovozlarni sanab chiqishda deputatlikka nomzodlar koʻrsatgan siyosiy partiyalardan, hokimiyat vakillik organlaridan, fuqarolarning oʻzini oʻzi boshqarish organlaridan, saylovchilar tashabbuskor guruhlaridan bittadan kuzatuvchi, matbuot, televideniye va radio vakillari, xalqaro tashkilotlar va harakatlardan kuzatuvchilar qatnashish huquqiga egadirlar. Ularning vakolatlari tegishli hujjatlar bilan tasdiqlangan boʻlishi kerak.

Manfaatdor tashkilotlar, saylovchilar tashabbuskor guruhlari oʻz kuzatuvchilari toʻgʻrisida okrug saylov komissiyalariga saylovga kechi bilan oʻn besh kun qolganida maʼlum qiladilar.

Okrug saylov komissiyasi manfaatdor tashkilotdan, saylovchilar tashabbuskor guruhidan ariza olinganidan keyin besh kun ichida tegishli viloyat, tuman, shahar saylov komissiyasi belgilaydigan namunadagi mandatni kuzatuvchi uchun beradi.

Kuzatuvchilar quyidagi huquqlarga ega:

deputatlikka nomzodlar koʻrsatishga bagʻishlangan yigʻilishlarda, okrug va uchastka saylov komissiyalarining majlislarida hozir boʻlish;

saylov uchastkasida hozir boʻlish hamda tayyorgarlik ishlarining borishini, ovoz berish uchun saylov qutilarining joylashtirilishi va muhrlanishini, fuqarolarga saylov byulletenlarining berilishini kuzatish;

ovozlarni sanab chiqishda va uchastka saylov komissiyasining bayonlarini tuzishda hozir boʻlish;

saylov natijalari toʻgʻrisidagi hujjatlarning tegishli saylov komissiyasi tomonidan tasdiqlangan nusxalarini soʻrash va ularni olish;

basharti saylov uchastkasida ushbu Qonunning buzilishiga yoʻl qoʻyilgan deb hisoblash uchun asos boʻlsa, oʻz kuzatuvlari toʻgʻrisida yuqori komissiyaga maʼlum qilish.

Kuzatuvchilarga quyidagilar man etiladi:

saylovchi saylov byulleteniga oʻz belgisini qoʻyayotgan paytda ovoz berish kabinasida boʻlish;

saylovchilarga taʼsir oʻtkazish, biron-bir tashviqot materiali yoki adabiyoti tarqatish;

saylovchilardan ularning kimni yoqlab ovoz berganliklarini surishtirish yoki saylovchilarga byulletenga belgi qoʻyishda biron-bir tarzda yordam koʻrsatish;

uchastka saylov komissiyasining faoliyatiga, shu jumladan saylov qutilarini muhrlashda, ularni ochishda, ovozlarni sanab chiqishda aralashish”;

2) 11-moddasining 5-bandidagi “va fuqarolarning oʻzini oʻzi boshqarish organlaridan” degan soʻzlar “fuqarolarning oʻzini oʻzi boshqarish organlaridan, saylovchilar tashabbuskor guruhlaridan” degan soʻzlar bilan almashtirilsin;

3) 13-moddasi quyidagi mazmundagi 1¹ va 1²-bandlar bilan toʻldirilsin:

1¹) deputatlikka nomzodni qoʻllab-quvvatlovchi imzo toʻplashga oid imzo varaqalarini saylovchilar tashabbuskor guruhlarining vakolatli vakillaridan qabul qilib oladi, ularning toʻgʻri toʻldirilganligini tekshiradi;

1²) deputatlikka nomzodni qoʻllab-quvvatlovchi imzo varaqalari qabul qilinganligi toʻgʻrisida saylovchilar tashabbuskor guruhlarining vakolatli vakillariga varaqa qabul qilingan kun qayd etilgan maʼlumotnoma beradi”;

4) 16-moddasida:

modda quyidagi mazmundagi birinchi va ikkinchi qism bilan toʻldirilsin:

“Xalq deputatlari viloyat Kengashiga saylov oʻtkazuvchi viloyat va okrug saylov komissiyalarining aʼzolari xalq deputatlari tuman va shahar Kengashlari tavsiyasiga binoan tasdiqlanadi.

Xalq deputatlari tuman, shahar Kengashiga saylov oʻtkazuvchi tuman, shahar va okrug saylov komissiyalarining aʼzolari, shuningdek uchastka saylov komissiyalarining aʼzolari fuqarolarning oʻzini oʻzi boshqarish organlari tavsiyasiga binoan tasdiqlanadi”;

birinchi, ikkinchi, uchinchi, toʻrtinchi va beshinchi qism tegishincha uchinchi, toʻrtinchi, beshinchi, oltinchi va yettinchi qism deb hisoblansin;

5) 20-moddasida:

birinchi qism “shahar Kengashlari” degan soʻzlardan keyin “bevosita fuqarolar” degan soʻzlar bilan toʻldirilsin;

ikkinchi qism quyidagi tahrirda bayon etilsin:

“Xalq deputatlari tuman, shahar Kengashlari deputatligiga nomzodlar koʻrsatish huquqiga siyosiy partiyalar, fuqarolarning oʻzini oʻzi boshqarish organlari, shuningdek bevosita fuqarolar egadirlar”;

6) 22-moddasida:

moddaning nomi quyidagi tahrirda bayon etilsin:

yettinchi, sakkizinchi, toʻqqizinchi va oʻninchi qism chiqarib tashlansin;

7) quyidagi mazmundagi 22¹ va 22²-moddalar bilan toʻldirilsin:

Oʻzbekiston Respublikasining saylash huquqiga ega boʻlgan har bir fuqarosi yoki fuqarolar guruhi xalq deputatlari viloyat, tuman, shahar Kengashi deputatligiga nomzod koʻrsatish uchun tegishli saylov okrugining kamida ellik nafar saylovchisidan iborat saylovchilar tashabbuskor guruhini tuzishi mumkin.

Saylovchilar tashabbuskor guruhining vakili guruhni roʻyxatga olishni iltimos qilib, tegishli viloyat, tuman, shahar saylov komissiyasiga ariza bilan murojaat etadi. Arizaga quyidagilar ilova qilinadi:

saylovchilar tashabbuskor guruhi aʼzolarining roʻyxati, unda guruh aʼzolarining familiyasi, ismi, otasining ismi, tugʻilgan sanasi, yashash joyi manzili, pasportining seriyasi va tartib raqami koʻrsatiladi;

saylovchilar tashabbuskor guruhi yigʻilishining vakolatli vakilni tayinlash toʻgʻrisidagi qarori hamda qonunda belgilangan tartibda uning nomiga rasmiylashtirilgan ishonch qogʻozi;

Deputatlikka nomzod koʻrsatish toʻgʻrisida saylovchilar tashabbuskor guruhi yigʻilishining qarori va bayoni, unda nomzodning familiyasi, ismi, otasining ismi, tugʻilgan sanasi, kasbi, lavozimi (mashgʻulotining turi), ish va yashash joyi, partiyaga mansubligi koʻrsatiladi.

Tegishli viloyat, tuman, shahar saylov komissiyasi oʻziga taqdim etilgan hujjatlarning ushbu Qonun talablariga muvofiqligini aniqlab, hujjatlar qabul qilingan kundan eʼtiboran besh kun ichida saylovchilar tashabbuskor guruhi roʻyxatga olinganligi toʻgʻrisida yoki roʻyxatga olish rad etilganligi haqida qaror qabul qiladi.

Saylovchilar tashabbuskor guruhi roʻyxatga olinganligi toʻgʻrisida qaror qabul qilinganidan keyin vakolatli vakilga tegishli roʻyxatga olinganlik guvohnomasi hamda belgilangan namunadagi imzo varaqalarining blankalari beriladi.

Saylovchilar tashabbuskor guruhini roʻyxatga olish rad etilgan taqdirda tegishli viloyat, tuman, shahar saylov komissiyasi asoslantirilgan javob beradi.

Saylovchilar tashabbuskor guruhi oʻzining vakolatli vakili roʻyxatga olinganlik guvohnomasini olganidan keyingina deputatlikka nomzodni qoʻllab-quvvatlash yuzasidan saylovchilar imzosini toʻplashga haqli.

Deputatlikka nomzod koʻrsatgan saylovchilar tashabbuskor guruhi okrug saylovchilari umumiy sonining kamida sakkiz foizi miqdorida nomzodni qoʻllab-quvvatlovchi imzo toʻplashi, bunda imzolayotgan fuqarolar miqdori har bir mahalla, qishloq yoki ovul boʻyicha mutanosib ravishda taqsimlangan boʻlishi shart.

Imzo varaqalari shaklini tegishli viloyat, tuman, shahar saylov komissiyasi belgilaydi. Imzo varaqasida Deputatlikka nomzodning familiyasi, ismi, otasining ismi, tugʻilgan sanasi, kasbi, lavozimi (mashgʻulotining turi), ish va yashash joyi, partiyaga mansubligi koʻrsatiladi.

Saylovchilar faqat bitta nomzodni qoʻllab-quvvatlab bir martagina imzo qoʻyishga haqlidirlar. Bunda saylovchi oʻz familiyasini, ismini, otasining ismini, tugʻilgan yilini (yoshi oʻn sakkizda boʻlsa, qoʻshimcha ravishda tugʻilgan kuni va oyini), yashash joyi manzilini, pasportining seriyasi va tartib raqamini, shuningdek imzo qoʻygan sanani koʻrsatadi.

Imzo varaqasini saylovchilar tashabbuskor guruhining imzo toʻplagan aʼzosi, shuningdek saylovchilar tashabbuskor guruhining vakolatli vakili oʻz familiyasi, ismi. otasining ismini, yashash joyi manzilini, pasportining seriyasi va tartib raqamini koʻrsatgan holda tasdiqlaydi.

Saylovchilar imzosini toʻplash ish, xizmat, oʻqish, yashash joyida, saylovoldi tadbirlarida, shuningdek tashviqot yuritish va imzo toʻplash qonun hujjatlari bilan taqiqlanmagan boshqa joylarda olib boriladi. Imzo toʻplayotgan shaxs tomonidan saylovchilarni majbur qilish va oʻziga ogʻdirib olishning har qanday shakli qonunda belgilangan javobgarlikka sabab boʻladi.

Imzo toʻplash tamomlanganidan soʻng saylovchilar tashabbuskor guruhining vakolatli vakili har bir mahalla, qishloq yoki ovul boʻyicha alohida-alohida qilib tikilgan imzo varaqalarini tegishli okrug saylov komissiyasiga topshiradi. Okrug saylov komissiyasi imzo varaqalari toʻgʻri toʻldirilganligini tekshirib koʻradi va besh kunlik muddat ichida bayonni tegishli viloyat, tuman, shahar saylov komissiyasiga topshiradi.

Siyosiy partiya tegishli organining, xalq deputatlari tuman, shahar Kengashining, fuqarolar oʻzini oʻzi boshqarish organining rahbari, saylovchilar tashabbuskor guruhining vakili deputatlikka nomzodlarni roʻyxatga olishni iltimos qilib, tegishli viloyat, tuman, shahar saylov komissiyasiga ariza bilan murojaat etadi. Arizaga quyidagilar ilova qilinadi:

siyosiy partiya tegishli organining, xalq deputatlari tuman, shahar Kengashining, fuqarolar yigʻinining (vakillar yigʻilishining), saylovchilar tashabbuskor guruhining deputatlikka nomzodlar koʻrsatish toʻgʻrisidagi qarori;

siyosiy partiya tegishli organi majlisining, xalq deputatlari tuman, shahar Kengashi sessiyasining, fuqarolar yigʻinining (vakillar yigʻilishining), saylovchilar tashabbuskor guruhi yigʻilishining deputatlikka nomzodlar koʻrsatish toʻgʻrisidagi bayoni, unda deputatlikka nomzodning familiyasi, ismi, otasining ismi, tugʻilgan sanasi, kasbi, lavozimi (mashgʻulotining turi), ish va yashash joyi, partiyaga mansubligi, shuningdek saylov okrugining nomi va tartib raqami koʻrsatiladi;

deputatlikka nomzodning oʻz nomzodi tegishli saylov okrugidan ovozga qoʻyilishiga rozi ekanligi toʻgʻrisidagi arizasi;

ushbu Qonun 23-moddasining ikkinchi qismida aytib oʻtilgan shaxslar uchun, basharti ular deputat etib saylangudek boʻlsalar, egallab turgan lavozimlaridan boʻshash toʻgʻrisidagi arizalari.

Hujjatlarni taqdim etgan shaxsga tegishli viloyat, tuman, shahar saylov komissiyasi hujjatlar qabul qilib olingan sana va vaqt koʻrsatilgan maʼlumotnoma beradi.

Tegishli viloyat, tuman, shahar saylov komissiyasi taqdim etilgan hujjatlarni yetti kunlik muddat ichida tekshirib chiqadi va ularning ushbu Qonun talablariga muvofiqligi toʻgʻrisida xulosa beradi.

Tegishli viloyat, tuman, shahar saylov komissiyasi roʻyxatga olish uchun taqdim etilgan hujjatlarda aniqlangan nomuvofiqliklar va ushbu Qonun talablaridan chetga chiqish hollari toʻgʻrisida siyosiy partiyalar tegishli organlarining, xalq deputatlari tuman, shahar Kengashlarining, fuqarolar oʻzini oʻzi boshqarish organlarining rahbarlariga va saylovchilar tashabbuskor guruhlarining vakillariga belgilangan tartibda maʼlum qiladi”;

8) 23-moddasi birinchi qismining ikkinchi xatboshisi quyidagi tahrirda bayon etilsin:

“qasddan sodir etilgan jinoyati uchun ilgari sudlangan fuqarolar”;

9) 24-moddasining birinchi qismi “fuqarolarning oʻzini oʻzi boshqarish organlaridan” degan soʻzlardan keyin “saylovchilar tashabbuskor guruhlaridan” degan soʻzlar bilan toʻldirilsin;

10) 25-moddasida:

modda quyidagi mazmundagi oltinchi qism bilan toʻldirilsin:

“Tashviqotning saylovchilarga bepul yoki imtiyozli shartlarda tovarlar berish, xizmatlar koʻrsatish (axborot xizmatlari bundan mustasno), shuningdek pul mablagʻlari toʻlash bilan qoʻshib olib borilishi taqiqlanadi”;

oltinchi qism yettinchi qism deb hisoblansin;

11) 27-moddasidagi “(taksidan va transport boshqa turlarining buyurtma yoʻnalishlaridan tashqari)” degan soʻzlar “(shahar yoʻlovchilar transportidan, taksidan va transport boshqa turlarining buyurtma yoʻnalishlaridan tashqari)” degan soʻzlar bilan almashtirilsin;

12) 28-moddasining birinchi qismi “fuqarolarning oʻzini oʻzi boshqarish organi” degan soʻzlardan keyin “saylovchilar tashabbuskor guruhi” degan soʻzlar bilan toʻldirilsin;

13) 33-moddasi quyidagi mazmundagi ikkinchi qism bilan toʻldirilsin:

“Uchastka saylov komissiyasi oladigan saylov byulletenlarining soni saylov uchastkasi boʻyicha saylovchilarning roʻyxatlariga kiritilgan saylovchilar sonidan yarim foizdan koʻp boʻlishi mumkin emas. Saylov byulletenining oʻng tomoni yuqori burchagiga uchastka saylov komissiyasining ikki aʼzosi imzo qoʻyadi, imzolar uchastka saylov komissiyasining muhri bilan tasdiqlanadi. Komissiya tomonidan tasdiqlanmagan saylov byulletenlari ovozlarni sanab chiqishda hisobga olinmaydi”;

14) 35-moddasining birinchi qismidagi “soat 7 dan” degan soʻzlar “soat 6 dan” degan soʻzlar bilan almashtirilsin;

15) 38-moddasida:

birinchi qismdagi “saylov komissiyasi tarkibiga kirmagan shaxsni” degan soʻzlar “saylov komissiyasi tarkibiga kiradigan shaxslardan, kuzatuvchilardan va nomzodlarning ishonchli vakillaridan boshqa biron kishini” degan soʻzlar bilan almashtirilsin;

beshinchi qism “Saylov varaqasining shakli” degan soʻzlardan keyin “saylov varaqalarini tayyorlash tartibi, ularni saylov uchastkalariga yetkazib berish muddatlari degan soʻzlar bilan toʻldirilsin;

16) 42-moddasining ikkinchi qismi quyidagi tahrirda bayon etilsin:

“Takroriy ovoz berishda ishtirok etgan saylovchilarning ovozini boshqa nomzodga nisbatan koʻproq olgan nomzod, basharti uni yoqlab berilgan ovozlar soni unga qarshi berilgan ovozlar sonidan koʻp boʻlgan boʻlsa, saylangan deb hisoblanadi”.

17) 43-moddasining uchinchi qismi chiqarib tashlansin;

18) 44-moddasining birinchi qismidagi “deputatlik oʻrni boʻshab qolgan vaqtdan boshlab ikki oy ichida” degan soʻzlar chiqarib tashlansin;

19) 49-moddasi “fuqarolarning oʻzini oʻzi boshqarish organlarining vakillari” degan soʻzlardan keyin “saylovchilar tashabbuskor guruhlarining aʼzolari” degan soʻzlar bilan toʻldirilsin.

XII. Oʻzbekiston Respublikasining 1994-yil 6-mayda qabul qilingan “Ixtirolar, foydali modellar va sanoat namunalari toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1994-yil, № 5, 138-modda):

1) 3-moddasi quyidagi tahrirda bayon etilsin:

Sanoat mulki obyektiga boʻlgan huquq muallifga (mualliflarga) yoki uning (ularning) huquqiy vorisiga (vorislariga) tegishli boʻladi hamda patent, dastlabki patent (matnda bundan keyin patent, dastlabki patent deb yuritiladi) bilan tasdiqlanadi.

Basharti bir necha shaxs bir-biridan mustaqil ravishda sanoat mulki obyektini yaratgan boʻlsa, patent yoki dastlabki patentga boʻlgan huquq Patent idorasiga birinchi boʻlib talabnoma topshirgan shaxsga tegishli boʻladi.

Sanoat mulki obyektining muallifi, basharti oʻzining obyektiga nisbatan gʻayrihuquqiy ravishda oʻzlashtirish natijasida talabnoma topshirilgan yoxud patent yoki dastlabki patent olingan boʻlsa. sud tartibida patent yoki dastlabki patent berilishiga norozilik bildirish yoxud patent yoki dastlabki patentga boʻlgan huquq egasi (matnda bundan keyin patent egasi deb yuritiladi) sifatida patent yoki dastlabki patent oʻziga berilishini talab qilish huquqiga egadir.

Dastlabki patent dastlabki ekspertiza oʻtkazilganidan soʻng, patent esa — obyekt mohiyatan ekspertizadan oʻtkazilganidan soʻng beriladi.

Ixtiro patenti ixtironing yangiligini, ixtirochilik darajasini, ixtironing haqiqiyligini va patent egasining ixtiroga egalik qilish, uni tasarruf etish va undan foydalanishga doir mutlaq huquqini tasdiqlaydi.

Sanoat namunasi patenti sanoat namunasining yangiligi va oʻziga xosligini, sanoat namunasining haqiqiyligini va patent egasining sanoat namunasiga egalik qilish, uni tasarruf etish va undan foydalanishga doir mutlaq huquqini tasdiqlaydi.

Foydali model patenti uning yangiligini, foydali modelning haqiqiyligini va patent egasining foydali modelga egalik qilish, uni tasarruf etish va undan foydalanishga doir mutlaq huquqini tasdiqlaydi.

Patentning toʻla hajmdagi huquqiy muhofaza yoki bu muhofazaning bir qismi jihatidan haqiqiy emasligini isbotlash vazifasi patentni haqiqiy emas deb daʼvo qilayotgan tomon zimmasiga yuklanadi va sud tartibida amalga oshiriladi.

Dastlabki patent patent egasining sanoat mulki obyektiga egalik qilish, uni tasarruf etish va undan foydalanishga doir mutlaq huquqini tasdiqlaydi.

Patent egasining mutlaq huquqi patent yoki dastlabki patent haqidagi maʼlumotlar Patent idorasining rasmiy axborotnomasida eʼlon qilingan sanadan boshlab amalda deb hisoblanadi.

Ustuvorlik (prioritet) sanasidan yoki ushbu Qonun 18-moddasining qoidalariga muvofiq belgilanadigan boshqa sanadan eʼtiboran hisoblanganda ixtiro patenti yigirma yil mobaynida, sanoat namunasi patenti oʻn yil mobaynida, foydali model patenti besh yil mobaynida amal qiladi.

Dastlabki patent ustuvorlik sanasidan boshlab hisoblanganda besh yil mobaynida amal qiladi.

Sanoat namunasi patentining va foydali model patentining amal qilish muddati patent egasining iltimosiga koʻra Patent idorasi tomonidan tegishlicha besh yilga va uch yilga uzaytirilishi mumkin.

Dastlabki patent bilan muhofazalangan sanoat mulki obyektiga dastlabki patent egasining iltimosnomasiga koʻra obyekt mohiyatan ekspertizadan oʻtkazilganidan soʻng patent berilishi mumkin.

Ixtiro hamda foydali model patenti va dastlabki patenti bilan taʼminlanadigan huquqiy muhofaza hajmi ularning formulasi bilan, sanoat namunasi patenti va dastlabki patenti bilan taʼminlanadigan huquqiy muhofaza hajmi esa, buyumning (maketning, rasmning) fotosuratlarida aks ettirilgan muhim alomatlari majmui yoki (va) ularning kombinatsiyasi (matnda bundan keyin muhim alomatlar majmui deb yuritiladi) bilan belgilanadi.

Davlat tomonidan maxfiy deb topilgan sanoat mulki obyektlarini huquqiy jihatdan muhofaza qilish alohida qonun hujjatlari bilan tartibga solib boriladi”;

2) 8-moddasining uchinchi qismi quyidagi tahrirda bayon etilsin:

“Mualliflik huquqi begonalashtirilmaydigan hamda oʻzgaga oʻtkazilmaydigan shaxsiy nomulkiy huquq hisoblanadi”;

3) 9-moddasi quyidagi tahrirda bayon etilsin:

Sanoat mulkining obyektiga patent yoki dastlabki patent quyidagilarga beriladi:

sanoat mulki obyektining muallifiga (mualliflariga) yoki uning (ularning) merosxoʻriga (merosxoʻrlariga) ;

muallif yoki uning huquqiy vorisi tomonidan patent yoki dastlabki patent berish toʻgʻrisidagi talabnomada yoki sanoat mulki obyekti roʻyxatdan oʻtkazilgunga qadar Patent idorasiga topshirilgan arizada koʻrsatilgan jismoniy va (yoki) yuridik shaxslarga (ular rozi boʻlgan taqdirda);

ushbu moddada nazarda tutilgan hollarda ish beruvchiga.

Xizmatchi oʻz xizmat vazifasini yoki ish beruvchidan olgan aniq bir topshiriqni bajarish munosabati bilan yaratgan sanoat mulki obyektiga patent yoki dastlabki patent olish huquqiga, agar bu hol ular oʻrtasidagi shartnomada nazarda tutilgan boʻlsa, ish beruvchi ega boʻladi.

Basharti ish beruvchi bilan muallif oʻrtasida ushbu modda ikkinchi qismidagi qoidalar nazarda tutilgan boʻlmasa, muallif talabnoma topshirish va patent yoki dastlabki patentni oʻz nomiga olish huquqiga ega boʻladi. Bunda ish beruvchi sanoat mulkining tegishli obyektidan oʻz korxonasida patent egasiga shartnomada belgilanadigan haqni toʻlagan holda foydalanish huquqiga ega boʻladi.

Ish beruvchi tomonidan sanoat mulki obyekti maxfiy saqlanadigan boʻlsa, u muallifga mutanosib miqdorda haq toʻlashi shart, bu haq miqdori shartnoma asosida belgilanib, mutlaq litsenziyaning bozor narxidan kam boʻlmasligi lozim.

Sanoat mulki obyektiga patent yoki dastlabki patent, shuningdek uni olish huquqi meros boʻlib oʻtadi”;

4) 11-moddasining ikkinchi va oltinchi qismidagi “dastlabki patent yoxud guvohnomani”, “dastlabki patent yoki guvohnoma” degan soʻzlar tegishli kelishikdagi “yoki dastlabki patent” degan soʻzlar bilan almashtirilsin;

5) 12-moddasining uchinchi, toʻrtinchi va beshinchi xatboshisidagi “dastlabki patentlar yoki guvohnomalar” degan soʻzlar “yoki dastlabki patentlar” degan soʻzlar bilan almashtirilsin;

6) 13-moddasi quyidagi tahrirda bayon etilsin:

Patent yoki dastlabki patent bilan muhofazalangan sanoat mulki obyektlaridan ushbu Qonun 11 va 31-moddalarida nazarda tutilgan qoidalarga xilof ravishda foydalanuvchi har qanday shaxs patent egasining mutlaq huquqlarini buzuvchi hisoblanadi.

Patentlangan ixtiro, foydali model yoki sanoat namunasidan foydalangan holda ruxsatsiz mahsulot tayyorlash, uni qoʻllash, import qilish, sotuvga taklif etish, sotish, fuqaro muomalasiga oʻzga tarzda kiritish yoki shu maqsadda uni saqlab turish, shuningdek ixtiro patenti bilan qoʻriqlanadigan usulni qoʻllash yoki ixtiro patenti bilan qoʻriqlanadigan usulda bevosita tayyorlangan mahsulotni fuqaro muomalasiga kiritish yoxud shu maqsadda saqlab turish patent egasining mutlaq huquqini buzish deb eʼtirof etiladi.

Sanoat mulki obyektidan patent egasining huquqlariga xilof ravishda foydalanayotgan shaxslar patent egasi talabiga binoan:

patent egasining mutlaq huquqini buzayotgan harakatlarni toʻxtatishlari;

patent egasiga yetkazilgan zararning oʻrnini qoplashlari shart. Zarar oʻrniga patent egasi huquqbuzardan shu harakati orqasidan olgan daromadini undirib olishga haqlidir”;

7) V bobining nomidagi “dastlabki patent yoki guvohnoma” degan soʻzlar “yoki dastlabki patent” degan soʻzlar bilan almashtirilsin;

8) 14-moddasining nomi hamda birinchi va ikkinchi qismidagi “dastlabki patent yoki guvohnoma” degan soʻzlar “yoki dastlabki patent” degan soʻzlar bilan almashtirilsin;

9) 16-moddasining nomi hamda matnidagi “guvohnoma” degan soʻz “patent” degan soʻz bilan almashtirilsin;

10) 18-moddasining uchinchi, 19-moddasining sakkizinchi va toʻqqizinchi qismidagi “patent, dastlabki patent yoki guvohnoma”, “Patentlar, dastlabki patentlar va guvohnomalar” degan soʻzlar tegishincha “patent yoki dastlabki patent”, “Patentlar va dastlabki patentlar” degan soʻzlar bilan almashtirilsin;

11) 20-moddasining toʻrtinchi qismidagi “dastlabki patent yoki foydali modelga guvohnoma” degan soʻzlar, “yoki foydali modelga dastlabki patent” degan soʻzlar bilan almashtirilsin, oltinchi va yettinchi qismidagi “yoki guvohnoma” degan soʻzlar chiqarib tashlansin;

12) 23-moddasidagi “dastlabki patent yoki guvohnoma” degan soʻzlar “yoki dastlabki patent” degan soʻzlar bilan almashtirilsin;

13) 24-moddasida:

moddaning nomidagi “dastlabki patent va guvohnoma” degan soʻzlar “va dastlabki patent” degan soʻzlar bilan almashtirilsin;

ikkinchi qismdagi “yoki guvohnomalar” degan soʻzlar chiqarib tashlansin;

14) 25-moddasining nomi hamda birinchi, ikkinchi va uchinchi qismidagi “dastlabki patent va guvohnoma”, “dastlabki patent yoki guvohnoma” degan soʻzlar tegishincha “va dastlabki patent”, “yoki dastlabki patent” degan soʻzlar bilan almashtirilsin;

15) 26-moddasidagi “dastlabki patent yoki guvohnoma”, “dastlabki patent yoki guvohnomani”, “dastlabki patent yoki guvohnomaning” degan soʻzlar tegishli kelishikdagi “yoki dastlabki patent” soʻzlar bilan almashtirilsin;

16) VI bobining nomidagi “dastlabki patent yoki guvohnomaning” degan soʻzlar “yoki dastlabki patentning” degan soʻzlar bilan almashtirilsin;

17) 27-moddasida:

moddaning nomidagi “dastlabki patent yoki guvohnoma” degan soʻzlar “yoki dastlabki patent” degan soʻzlar bilan almashtirilsin;

ikkinchi qism birinchi xatboshisidagi “patent yoki guvohnomaning” degan soʻzlar “patentning” degan soʻz bilan almashtirilsin;

toʻrtinchi qismdagi “dastlabki patent yoki guvohnomalar”, “dastlabki patent yoki guvohnoma” degan soʻzlar tegishincha “yoki dastlabki patentlar”, “yoki dastlabki patent” degan soʻzlar bilan almashtirilsin;

beshinchi qismdagi “dastlabki patent yoki guvohnoma” degan soʻzlar “yoki dastlabki patent” degan soʻzlar bilan almashtirilsin;

18) 28-moddasi quyidagi tahrirda bayon etilsin:

Patent yoki dastlabki patentning amal qilishi:

ushbu Qonunga hamda boshqa qonun hujjatlariga muvofiq patent yoki dastlabki patent amal qilmayotgan deb topilsa;

patent yoki dastlabki patent amalda saqlab turish uchun toʻlanadigan boj oʻz vaqtida toʻlanmasa;

Patent idorasiga patent egasi tomonidan berilgan arizaga asosan muddatidan ilgari toʻxtatiladi.

Patent yoki dastlabki patentning amal qilishi muddatidan ilgari toʻxtatilganligi toʻgʻrisidagi maʼlumot Patent idorasining rasmiy axborotnomasida eʼlon qilinadi”;

19) 31-moddasida:

birinchi qismdagi “dastlabki patent yoki guvohnoma” degan soʻzlar “yoki dastlabki patent” degan soʻzlar bilan almashtirilsin;

toʻrtinchi qismdagi “oddiy” degan soʻz “mutlaq boʻlmagan oddiy” degan soʻzlar bilan almashtirilsin;

yettinchi, sakkizinchi va toʻqqizinchi qism chiqarib tashlansin;

oʻninchi qism yettinchi qism deb hisoblansin;

20) 33-moddasidagi “dastlabki patentlar yoki guvohnomalar” degan soʻzlar “yoki dastlabki patentlar” degan soʻzlar bilan almashtirilsin;

21) 34-moddasining birinchi qismidagi “va uni toʻlash tartibi” degan soʻzlar “toʻlash shartlari va tartibi” degan soʻzlar bilan almashtirilsin;

22) 36-moddasining birinchi qismidagi “oʻzining nomini yoki” degan soʻzlar chiqarib tashlansin;

23) 37-moddasining birinchi xatboshisidagi “Ushbu Qonunning qoʻllanilishi” degan soʻzlar “Sanoat mulki obyektlarini qoʻriqlash va ulardan foydalanish” degan soʻzlar bilan almashtirilsin;

24) 38-moddasi birinchi qismining toʻrtinchi xatboshisidagi “patent va guvohnomalarning” degan soʻzlar “va patentlarning” degan soʻzlar bilan almashtirilsin;

25) 41-moddasining uchinchi qismidagi “dastlabki patent yoki guvohnoma” degan soʻzlar “yoki dastlabki patent” degan soʻzlar bilan almashtirilsin.

XIII. Oʻzbekiston Respublikasining 1994-yil 22-sentabrdagi Qonuni bilan tasdiqlangan “Oʻzbekiston Respublikasining Maʼmuriy javobgarlik toʻgʻrisidagi kodeksi” (Oʻzbekiston Respublikasi Oliy Kengashining Axborotnomasi, 1995-yil, № 3, 6-modda; Oʻzbekiston Respublikasi Oliy Majlisining Axborotnomasi, 1995-yil, № 9, 193-modda, № 12, 269-modda; 1996-yil, № 5-6. 69-modda, № 9, 144-modda; 1997-yil, № 2, 56-modda, № 4-5, 126-modda, № 9, 241-modda):

1) 128-moddasida:

uchinchi qism quyidagi tahrirda bayon etilsin:

“Bir yil mobaynida ushbu moddaning birinchi qismida nazarda tutilgan huquqbuzarliklardan uchtasini sodir etish, xuddi shuningdek toʻsqinliksiz harakat qilish huquqidan foydalanadigan transport vositalarining oʻtib ketishiga xalaqit berish yoxud avariya holati yuzaga kelishiga olib borgan, yaʼni yoʻl harakatining boshqa qatnashchilarini tezlikni, harakat yoʻnalishini keskin oʻzgartirishga yoki oʻz xavfsizliklari yoxud boshqa fuqarolarning xavfsizligini taʼminlash maqsadida oʻzga choralarni koʻrishga majbur qiluvchi huquqbuzarliklarni sodir etish —

eng kam ish haqining ikki baravaridan uch baravarigacha miqdorda jarima solishga sabab boʻladi”;

modda quyidagi mazmundagi toʻrtinchi qism bilan toʻldirilsin:

“Bir yil mobaynida ushbu moddaning birinchi qismida nazarda tutilgan huquqbuzarliklardan toʻrtasini va undan koʻprogʻini sodir etish —

eng kam ish haqining uch baravari miqdorida jarima solishga yoki transport vositasini boshqarish huquqidan olti oygacha muddatga mahrum etishga sabab boʻladi”;

2) 130-moddasi quyidagi mazmundagi ikkinchi qism bilan toʻldirilsin:

“Xuddi shunday huquqbuzarlik maʼmuriy jazo qoʻllanilganidan keyin bir yil davomida takror sodir etilgan boʻlsa, —

eng kam ish haqining ikki baravaridan besh baravarigacha miqdorda jarima solishga yoki transport vositasini boshqarish huquqidan olti oydan bir yilgacha muddatga mahrum etishga sabab boʻladi”;

3) 131-moddasida:

birinchi qism sanksiyasi quyidagi tahrirda bayon etilsin:

“eng kam ish haqining besh baravaridan yetti baravarigacha miqdorda jarima solishga yoki transport vositasini boshqarish huquqidan bir yildan ikki yilgacha muddatga mahrum etishga sabab boʻladi”;

modda quyidagi mazmundagi ikkinchi qism bilan toʻldirilsin:

“Xuddi shunday huquqbuzarlik maʼmuriy jazo qoʻllanilganidan keyin bir yil davomida takror sodir etilgan boʻlsa, —

transport vositasini boshqarish huquqidan uch yil muddatga mahrum etishga sabab boʻladi”;

ikkinchi va uchinchi qism tegishincha uchinchi va toʻrtinchi qism deb hisoblansin;

uchinchi qism sanksiyasidagi “besh baravari” degan soʻzlar “yetti baravari” degan soʻzlar bilan almashtirilsin;

4) 136-moddasida:

birinchi qism sanksiyasi quyidagi tahrirda bayon etilsin:

“eng kam ish haqining uch baravaridan besh baravarigacha miqdorda jarima solishga yoki transport vositasini boshqarish huquqidan olti oydan bir yilgacha muddatga mahrum etishga sabab boʻladi”;

modda quyidagi mazmundagi ikkinchi qism bilan toʻldirilsin:

“Xuddi shunday huquqbuzarlik maʼmuriy jazo qoʻllanilganidan keyin bir yil davomida takror sodir etilgan boʻlsa, —

transport vositasini boshqarish huquqidan bir yildan uch yilgacha muddatga mahrum etishga sabab boʻladi”;

ikkinchi qism uchinchi qism deb hisoblansin va u quyidagi tahrirda bayon etilsin:

“Ushbu moddaning birinchi qismida nazarda tutilgan huquqbuzarlik transport vositasini boshqarish huquqi boʻlmagan shaxs tomonidan sodir etilgan boʻlsa, —

eng kam ish haqining besh baravaridan yetti baravarigacha miqdorda jarima solishga sabab boʻladi”;

5) 245-moddasidagi “129-moddaning ikkinchi qismi, 131-moddaning birinchi va uchinchi qismlari, 132, 133, 134, 137-moddalari” degan soʻzlar “128-moddasining toʻrtinchi qismi, 129-moddasining ikkinchi qismi, 130-moddasining ikkinchi qismi, 131-moddasining birinchi, ikkinchi va toʻrtinchi qismlari, 132, 133, 134-moddalari, 136-moddasining birinchi va ikkinchi qismlari, 137-moddasida” degan soʻzlar bilan almashtirilsin;

6) 248-moddasi ikkinchi qismining:

5-bandidagi “128-moddasida, 129-moddasining birinchi qismida, 130-moddasida, 131-moddasining ikkinchi qismida, 135, 136” degan soʻzlar “128-moddasining birinchi, ikkinchi va uchinchi qismlarida, 129-moddasining birinchi qismida, 130-moddasining birinchi qismida, 131-moddasining uchinchi qismida, 135-moddasida, 136-moddasining uchinchi qismida” degan soʻzlar bilan almashtirilsin;

6-bandidagi “128-moddasida, 129-moddasining birinchi qismida, 130-moddasida” degan soʻzlar “128-moddasining birinchi, ikkinchi va uchinchi qismlarida, 129-moddasining birinchi qismida, 130-moddasining birinchi qismida” degan soʻzlar bilan almashtirilsin.

7) 263-moddasi quyidagi tahrirda bayon etilsin:

Oʻzbekiston pochta va telekommunikatsiyalar agentligi tizimining davlat aloqa inspeksiyasi organlariga ushbu Kodeks 151-moddasining birinchi va ikkinchi qismlarida, 152, 153, 154, 156-moddalarida nazarda tutilgan maʼmuriy huquqbuzarliklar toʻgʻrisidagi ishlar taalluqlidir.

Oʻzbekiston pochta va telekommunikatsiyalar agentligi Davlat aloqa inspeksiyasining boshligʻi, shuningdek Oʻzbekiston pochta va telekommunikatsiyalar agentligi Qoraqalpogʻiston Respublikasi, viloyatlar va Toshkent shahar hududiy organlarining davlat aloqa inspeksiyalari boshliqlari ushbu moddaning birinchi qismida aytib oʻtilgan organlar nomidan maʼmuriy huquqbuzarlik toʻgʻrisidagi ishlarni koʻrib chiqish va maʼmuriy jazo chorasini qoʻllanishga haqlidirlar”.

XIV. Oʻzbekiston Respublikasining 1996-yil 28-aprelda qabul qilingan “Aksiyadorlik jamiyatlari va aksiyadorlarning huquqlarini himoya qilish toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1996-yil, № 5-6, 61-modda; 1997-yil, № 2, 56-modda):

1) matnidagi “ochiq turdagi aksiyadorlik jamiyati” va “yopiq turdagi aksiyadorlik jamiyati” degan soʻzlar tegishincha “ochiq aksiyadorlik jamiyati” va “yopiq aksiyadorlik jamiyati” degan soʻzlar bilan almashtirilsin.

2) 5-moddasi quyidagi tahrirda bayon etilsin:

Aksiyadorlik jamiyati ochiq yoki yopiq boʻlishi mumkin. Ochiq aksiyadorlik jamiyatining muassislari tarkibiga kiruvchilarning eng kam soni cheklanmaydi, yopiq aksiyadorlik jamiyatining muassislari esa kamida uch shaxsdan iborat qilib belgilanadi. Jamiyatning har bir muassisi uning aksiyadori boʻlishi lozim”;

3) 6-moddasining nomi va birinchi qismi quyidagi tahrirda bayon etilsin:

Qatnashchilari oʻzlariga tegishli aksiyalarini oʻzga aksiyadorlarning roziligisiz boshqa shaxslarga berishi mumkin boʻlgan aksiyadorlik jamiyati ochiq aksiyadorlik jamiyati deb hisoblanadi”;

4) 7-moddasining nomi va birinchi qismi quyidagi tahrirda bayon etilsin:

Aksiyalari faqat oʻz muassislari yoki oldindan belgilangan doiradagi shaxslar orasida taqsimlanadigan aksiyadorlik jamiyati yopiq aksiyadorlik jamiyati deb hisoblanadi”;

5) 9-moddasida:

moddaning nomidagi hamda birinchi qismdagi “jamiyatlar” va “jamiyatlarga” degan soʻzlar tegishincha “xoʻjalik jamiyatlari” va “xoʻjalik jamiyatlariga” degan soʻzlar bilan almashtirilsin;

ikkinchi, uchinchi, toʻrtinchi va beshinchi qismdagi “shuʼba jamiyat”, “shuʼba jamiyatning”, “shuʼba jamiyatga” degan soʻzlar tegishli kelishikdagi “shuʼba xoʻjalik jamiyati” degan soʻzlar bilan almashtirilsin;

oltinchi va yettinchi qismdagi “tobe jamiyat” va “tobe jamiyatlar” degan soʻzlar tegishincha “tobe xoʻjalik jamiyati” va “tobe xoʻjalik jamiyatlari” degan soʻzlar bilan almashtirilsin;

6) 59-moddasi chiqarib tashlansin;

7) 94-moddasining birinchi qismidagi “kuzatuv Kengashi yoki aksiyadorlarning umumiy yigʻilishi tomonidan” degan soʻzlar “qonun hujjatlarida belgilangan tartibda” degan soʻzlar bilan almashtirilsin.

8) 101-moddasining uchinchi qismidagi “va tugatish” degan soʻzlar “va roʻyxatga olishni amalga oshiruvchi organ bilan kelishgan holda tugatish” degan soʻzlar bilan almashtirilsin.

XV. Oʻzbekiston Respublikasining 1997-yil 24-apreldagi Qonuni bilan tasdiqlangan “Oʻzbekiston Respublikasining Soliq kodeksi” (Oʻzbekiston Respublikasi Oliy Majlisining Axborotnomasi, 1997-yil, 4-5-songa ilova, № 9, 241-modda):

1) 16-moddasida:

modda quyidagi mazmundagi ikkinchi qism bilan toʻldirilsin:

“Oʻzi ishlab chiqargan tovarlarni (bajargan ishlarni, koʻrsatgan xizmatlarni) erkin konvertatsiya qilinadigan valyutada eksport qiluvchi korxonalar eksportni ichki bozor narxlaridan past narxlarda amalga oshirsalar, ular uchun soliq solinadigan baza eksport mahsuloti realizatsiya qilingan haqiqiy narxdan kelib chiqqan holda hisoblab chiqiladi. Ushbu qoida savdo-vositachilik tashkilotlariga, shuningdek tasdiqlangan roʻyxatga muvofiq xom ashyo tovarlarini eksport qiluvchi ishlab chiqarish korxonalariga nisbatan tatbiq etilmaydi”;

ikkinchi qism uchinchi qism deb hisoblansin;

2) 71-moddasining birinchi qismi quyidagi mazmundagi 37-band bilan toʻldirilsin:

“37) oʻzi ishlab chiqargan mahsulotni erkin konvertatsiya qilinadigan valyutada Mustaqil Davlatlar Hamdoʻstligi mamlakatlariga eksport qiluvchi korxonalar, basharti hukumatlararo tuzilgan shartnomalarda boshqa qoida nazarda tutilgan boʻlmasa. Ushbu imtiyoz savdo-vositachilik tashkilotlariga, shuningdek tasdiqlangan roʻyxatga muvofiq xom ashyo tovarlarini eksport qiluvchi ishlab chiqarish korxonalariga nisbatan tatbiq etilmaydi”.