Hukumatlararo tuzilgan bitimlarning oʻz vaqtida ijro etilishi va xom ashyo, mahsulot hamda xalq isteʼmol tovarlari yetkazib berish boʻyicha MDH mamlakatlari bilan oʻzaro hisob-kitoblarni tashkil etish masalalarini tezkorlik bilan hal etish yuzasidan amaliy nazoratni taʼminlash maqsadida Vazirlar Mahkamasi qaror qiladi:

1. Vazirlar Mahkamasining Resurslar, moddiy-texnika taʼminoti va bitimlar boʻlimi tarkibida MDH mamlakatlari bilan oʻzaro hisob-kitob masalalarini muvofiqlashtiruvchi 4 kishidan iborat shuʼba tuzilsin, shu jumladan:

2. Shuʼbaga quyidagi asosiy vazifalarni hal etish yuklansin: MDH mamlakatlari bilan tuzilgan hukumatlararo bitimlarning oʻz vaqtida bajarilishini nazorat qilish; MDH mamlakatlari tomonidan oʻzaro yetkazib beriladigan mahsulotlar uchun hisob-kitoblarni tashkil etish masalalarini tezkorlik bilan hal etish; koʻrsatib oʻtilgan masalalar yuzasidan joriy va umumlashtiruvchi axborotlarni tayyorlash.

3. Bosh vazirning birinchi oʻrinbosari I.H. Joʻrabekov yangi shuʼba tashkil etilishini hisobga olib, bir hafta muddatda Resurslar, moddiy-texnika taʼminoti va bitimlar boʻlimi toʻgʻrisidagi Nizomni tasdiqlasin.