Oʻzbekiston Respublikasining “Fuqarolarning oʻzini oʻzi boshqarish organlari toʻgʻrisida”gi Oʻzbekiston Respublikasi Qonuniga oʻzgartish va qoʻshimchalar kiritish haqida” 2013-yil 22-apreldagi OʻRQ-350-son Qonuniga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga qoʻshimcha va oʻzgartirishlar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.I. Ikramov zimmasiga yuklansin.

1. Vazirlar Mahkamasining 2000-yil 24-yanvardagi 22-son qarori (Oʻzbekiston Respublikasi QT, 2000-y., 1-son, 6-modda) bilan tasdiqlangan Koʻp kvartirali uylardagi yashash uchun moʻljallanmagan joylardan foydalanish tartibi toʻgʻrisidagi nizomning 15-bandiga “uy yon-atrofini” soʻzlaridan keyin “hovlisi hududini” soʻzlari qoʻshilsin.

2. Vazirlar Mahkamasining 2001-yil 26-iyuldagi 318-son qarori (Oʻzbekiston Respublikasi QT, 2001-y., 7-son, 43-modda) bilan tasdiqlangan Oliy oʻquv yurtlarida toʻlov-kontrakt asosida oʻqish uchun taʼlim kreditlari berish tartibi toʻgʻrisidagi Nizom 6-bandining ikkinchi xatboshidagi “amaldagi Kam taʼminlangan oilalarni hisobga olish va ularga moddiy yordam tayinlash va berish tartibiga muvofiq (Vazirlar Mahkamasining 1994-yil 24-avgustdagi 434-son qaroriga ilova)” soʻzlari “Kam taʼminlangan oilalarga ijtimoiy nafaqalar va moddiy yordam tayinlash va toʻlash tartibi toʻgʻrisidagi Nizomga muvofiq (Vazirlar Mahkamasining 2013-yil 15-fevraldagi 44-son qaroriga 1-ilova)” soʻzlari bilan almashtirilsin.

3. Vazirlar Mahkamasining 2003-yil 4-martdagi 119-son qarori (Oʻzbekiston Respublikasi QT, 2003-y., 3-son, 21-modda) bilan tasdiqlangan Oʻzbekiston Respublikasi fuqarolarini harbiy hisobga olish toʻgʻrisidagi Nizomning 17-bandidagi “tayinlash” va “raisi” soʻzlari tegishli ravishda “tasdiqlash” va “kengashi” soʻzlari bilan almashtirilsin.

4. Vazirlar Mahkamasining 2011-yil 17-fevraldagi 39-son qarori (Oʻzbekiston Respublikasi QT, 2011-y., 2-son, 11-modda) bilan tasdiqlangan Maʼmuriy jazoga tortilgan shaxslarni hisobga olish tartibi toʻgʻrisidagi nizomda:

a) 8-bandning ikkinchi xatboshidagi “Maʼmuriy komissiyalar va” soʻzlari chiqarib tashlansin;

b) 20-banddagi “Maʼmuriy komissiyalar va” soʻzlari chiqarib tashlansin;

v) 5-ilovadagi 050 kodli pozitsiya chiqarib tashlansin.