LexUZ sharhi
Mazkur qaror O‘zbekistan Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
O‘zbekiston Respublikasi Tashqi iqtisodiy aloqalar vazirligining “O‘zekspomarkaz” respublika savdo-ko‘rgazma markazi tomonidan ko‘rsatiladigan qo‘shimcha madaniy-sog‘lomlashtirish xizmatlarini aholi keng qatlamlari uchun ma’qul bo‘lgan narxlarni saqlagan holda kengaytirish uchun shart-sharoitlar yaratish va asbob-uskunalar lizingi bo‘yicha to‘lovlarni o‘z vaqtida ta’minlash maqsadida Vazirlar Mahkamasi qaror qiladi:
1. O‘zbekiston Respublikasi Tashki iqtisodiy aloqalar vazirligining bolalar uchun yangi madaniy-tomosha tadbirlari, o‘yinlar attraksioni va klublar tashkil etish to‘g‘risidagi taklifiga rozilik berilsin.
2. Yaponiyaning O‘zbekistondagi Elchixonasi taklifiga ko‘ra va uning ko‘magida “O‘zekspomarkaz” respublika savdo-ko‘rgazma markazi hududida yapon manzarali bog‘i barpo etilishi ma’lumot uchun qabul qilinsin.
3. “O‘zekspomarkaz” respublika savdo-ko‘rgazma markazi yer solig‘i va qo‘shilgan qiymat solig‘i to‘lashdan, ilgari hisoblangan va to‘lanmagan soliqlar ham shu jumlaga kiradi, 3 yil muddatga ozod qilinsin.