Trenerlik faoliyati bilan shugʻullanayotgan shaxslar uchun qoʻshimcha shart-sharoitlar yaratish maqsadida Vazirlar Mahkamasi qaror qiladi:

1. Vazirlar Mahkamasining “Sport maktablari faoliyatini hamda sport maktablari trenerlari va mutaxassislari mehnatini moddiy ragʻbatlantirish tizimini yanada takomillashtirish toʻgʻrisida” 2010-yil 23-sentabrdagi 211-son qaroriga (Oʻzbekiston Respublikasi QT, 2010-y., 9-son, 50-modda) 1-ilova 64-bandining birinchi xatboshi quyidagi tahrirda bayon qilinsin:

“Maktabning trener-oʻqituvchilar tarkibi oliy yoki oʻrta maxsus, kasb-hunar jismoniy tarbiya maʼlumotiga hamda sport boʻyicha trenerlar yoki trener-oʻqituvchilar sifatida trenerlik faoliyatini amalga oshirish uchun ruxsatnomaga ega boʻlgan mutaxassislardan butlanadi. Bunda jismoniy tarbiya maʼlumotiga ega boʻlish nazarda tutilmagan sport turlari boʻyicha trener-oʻqituvchilar tarkibi Oʻzbekiston Respublikasi Madaniyat va sport ishlari vazirligi tomonidan tasdiqlanadigan roʻyxatga muvofiq, oliy yoki oʻrta maxsus, maʼlumotga hamda sport boʻyicha trenerlar yoki trener-oʻqituvchilar sifatida trenerlik faoliyatini amalga oshirish uchun ruxsatnomaga ega boʻlgan shaxslardan butlanishi mumkin”.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.I. Ikramov zimmasiga yuklansin.