“Normativ-huquqiy hujjatlar toʻgʻrisida”gi Oʻzbekiston Respublikasi Qonuniga oʻzgartish va qoʻshimchalar kiritish haqida” Oʻzbekiston Respublikasining 2012-yil 24-dekabrdagi OʻRQ-342-son Qonuniga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

2. Vazirlar Mahkamasining “Oʻzbekiston Respublikasi qonunchiligi tarmoqlarining umumhuquqiy klassifikatorini tasdiqlash toʻgʻrisida” 1998-yil 27-oktabrdagi 454-son qarori oʻz kuchini yoʻqotgan deb hisoblansin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari va Oʻzbekiston Respublikasi adliya vaziri N.T. Yoʻldoshev zimmasiga yuklansin.

1. Vazirlar Mahkamasining “Vazirliklar, davlat qoʻmitalari va idoralar meʼyoriy hujjatlari qonuniyligini taʼminlash chora-tadbirlari toʻgʻrisida” 1997-yil 9-oktabrdagi 469-son qarorida (Oʻzbekiston Respublikasi QT, 1997-y., 10-son, 33-modda):

a) 1-bandda:

ikkinchi va uchinchi xatboshilar quyidagi tahrirda bayon qilinsin:

“vazirliklar, davlat qoʻmitalari va idoralarning fuqarolarning huquqlari, erkinliklari va qonuniy manfaatlariga daxl qiluvchi, mazkur boshqaruv organi tizimiga kirmaydigan tashkilotlar uchun majburiy kuchga ega boʻlgan yoki idoralararo tusdagi (umumiy majburiy tusdagi) huquqiy hujjatlari (keyingi oʻrinlarda “meʼyoriy hujjatlar” deb ataladi) Oʻzbekiston Respublikasi Adliya vazirligida davlat roʻyxatidan oʻtkazilishi kerak va ular rasmiy eʼlon qilingan kundan boshlab kuchga kiradi, agar hujjatning oʻzida kechroq muddat koʻrsatilmagan boʻlsa;

davlat roʻyxatidan oʻtkazilmagan meʼyoriy hujjatlar kuchga kirmagan hujjat sifatida huquqiy oqibatlarga olib kelmaydi hamda tegishli ijtimoiy munosabatlarni tartibga solish, undagi koʻrsatmalar bajarilmaganligi uchun fuqarolar, mansabdor shaxslar, tashkilotlarga biror-bir jazo qoʻllash uchun asos boʻlib xizmat qilmaydi”;

oltinchi xatboshi quyidagi tahrirda bayon qilinsin:

“Davlat roʻyxatidan oʻtkazilgan meʼyoriy hujjatlar “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da rasman eʼlon qilinishi kerak”;

b) 2-bandning birinchi xatboshi quyidagi tahrirda bayon qilinsin:

“Vazirliklar, davlat qoʻmitalari va idoralar tomonidan qabul qilingan normativ-huquqiy hujjatlarni huquqiy ekspertizadan va davlat roʻyxatidan oʻtkazish toʻgʻrisidagi nizom ilovaga muvofiq tasdiqlansin”;

v) 5-band oʻz kuchini yoʻqotgan deb hisoblansin;

g) ilovada:

ilovaning nomi quyidagi tahrirda bayon qilinsin:

muqaddima quyidagi tahrirda bayon qilinsin:

“Ushbu Nizom vazirliklar, davlat qoʻmitalari, idoralar (keyingi oʻrinlarda vazirliklar va idoralar deb ataladi) tomonidan qabul qilingan normativ-huquqiy hujjatlarni huquqiy ekspertizadan va davlat roʻyxatidan oʻtkazish tartibini, shuningdek ularga qoʻyiladigan asosiy talablarni belgilaydi”;

1-bandda:

birinchi xatboshidagi “Vazirliklar, davlat qoʻmitalari va idoralarning (keyingi oʻrinlarda “vazirliklar va idoralar” deb ataladi) meʼyoriy hujjatlarini” soʻzlari “Vazirliklar va idoralar tomonidan qabul qilingan normativ-huquqiy hujjatlarni (keyingi oʻrinlarda meʼyoriy hujjatlar deb ataladi)” soʻzlari bilan almashtirilsin;

ikkinchi xatboshi quyidagi tahrirda bayon qilinsin:

“Ushbu Nizom maqsadlari uchun idoralar deganda vazirlik yoki davlat qoʻmitasi hisoblanmagan, ijro etish va (yoki) farmoyish berish funksiyalari, shuningdek umumiy majburiy tusdagi meʼyoriy hujjatlarni qabul qilish huquqi berilgan davlat boshqaruvi respublika organlari yoxud maxsus vakolatli boshqaruv organlari (agentliklar, komissiyalar, markazlar, boshqarmalar va boshqalar) tushuniladi”;

2-bandda:

birinchi xatboshidagi “vazirliklar va idoralarning” soʻzlari “vazirliklar va idoralar tomonidan qabul qilinadigan” soʻzlari bilan almashtirilsin;

toʻrtinchi xatboshidan “korxonalar va tashkilotlar uchun majburiy kuchga ega boʻlgan meʼyoriy hujjatlari” soʻzlari “tashkilotlar uchun majburiy kuchga ega boʻlgan meʼyoriy hujjatlar” soʻzlari bilan almashtirilsin;

beshinchi xatboshi chiqarib tashlansin;

quyidagi mazmundagi 2¹-band qoʻshilsin:

“2¹. Ushbu Nizomga muvofiq:

texnik reglamentlar;

standartlashtirish boʻyicha normativ hujjatlar;

sanitariya, veterinariya-sanitariya, fitosanitariya qoidalari va normalari;

shaharsozlik, ekologik normalar va qoidalar;

texnik jihatdan tartibga solish sohasidagi boshqa hujjatlar Adliya vazirligida davlat roʻyxatidan oʻtkazilmaydi.

Ushbu bandning oltinchi xatboshida nazarda tutilgan hujjatlarni texnik jihatdan tartibga solish sohasidagi normativ hujjatlarga tegishli deb topish Adliya vazirligi tomonidan amalga oshiriladi”;

5-bandda:

uchinchi va toʻrtinchi xatboshi quyidagi tahrirda bayon qilinsin:

“korrupsiya, davlat hokimiyati va boshqaruvi organlari tizimida boshqa huquq buzilishlarining sodir etilishi uchun shart-sharoitlar yaratuvchi;

tadbirkorlik subyektlari uchun ortiqcha maʼmuriy va boshqa cheklashlarni kirituvchi, tadbirkorlik subyektlarining asoslanmagan xarajatlari yuzaga kelishiga olib keluvchi qoidalar va normalar kiritilishi taqiqlanadi.”.

birinchi xatboshi quyidagi tahrirda bayon qilinsin:

“Vazirliklar va idoralar oʻz vakolatlari doirasida meʼyoriy hujjatlarni buyruqlar va qarorlar shaklida qabul qiladilar. Ushbu hujjatlarning tarkibiy qismi hisoblangan nizomlar, qoidalar, yoʻriqnomalar shaklida qabul qilinadigan meʼyoriy hujjatlar va boshqa hujjatlar buyruqlar va qarorlar bilan tasdiqlanishi mumkin”;

ikkinchi xatboshi quyidagi tahrirda bayon qilinsin:

“Huquqiy normalarni huquqiy hujjat hisoblanmagan hujjatlarga (xat, telefonogramma, xususiy masalalar boʻyicha tushuntirishlar va boshqalar), shuningdek yakka tartibdagi xususiyatga ega boʻlgan hujjatlarga kiritilishiga yoʻl qoʻyilmaydi”;

8-bandda:

uchinchi va toʻrtinchi xatboshilar quyidagi tahrirda bayon qilinsin:

“Agar meʼyoriy hujjat qabul qilinishi maqsadlari va sabablari tushuntirilishi talab etilsa, unga kirish qismi — muqaddima kiritiladi. Huquqiy norma boʻlgan qoida muqaddimaga kiritilmaydi.

Meʼyoriy hujjat qoidalari loʻnda, oddiy va ravon tilda bayon qilinishi kerak. Foydalaniladigan tushunchalar va atamalar turlicha izohlash imkoniyatini istisno etadigan, ularning qonun hujjatlarida qabul qilingan maʼnosiga muvofiq yagona shaklda qoʻllaniladi. Zarur hollarda maxsus atamalar va tushunchalarning qisqacha taʼrifi beriladi, umumiy qabul qilingan qisqartmalar qoʻllanadi va boshqa qisqartmalarga tushunchalar beriladi. Eskirgan hamda koʻp maʼnoni anglatadigan soʻzlar va iboralar, majoziy taqqoslashlar, sifatlashlar, kinoyalar qoʻllanilishiga yoʻl qoʻyilmaydi”;

quyidagi mazmundagi beshinchi va oltinchi xatboshilar qoʻshilsin:

“Zaruriyat boʻlgan taqdirda meʼyoriy hujjatda yuqoriroq yuridik kuchga ega boʻlgan normativ-huquqiy hujjatga havola qilingan holda undan ayrim qoidalar takrorlanadi.

Meʼyoriy hujjatda, qoidaga koʻra, oldin vazirliklar va idoralar tomonidan qabul qilingan normativ hujjatlardagi huquqiy normalar aynan qayta takrorlanmaydi”;

beshinchi — toʻqqizinchi xatboshilar tegishli ravishda yettinchi — oʻn birinchi xatboshilar deb hisoblansin;

yettinchi xatboshi quyidagi tahrirda bayon qilinsin:

“Meʼyoriy hujjatlar matniga qonun hujjatlariga havolalar kiritishga faqat istisno hollarda yoʻl qoʻyiladi”;

sakkizinchi xatboshidagi “vazirliklar va idoralarning ilgari qabul qilingan meʼyoriy hujjatlariga” soʻzlari “vazirliklar va idoralar tomonidan ilgari qabul qilingan meʼyoriy hujjatlarga” soʻzlari bilan almashtirilsin;

toʻqqizinchi xatboshidagi “bitta meʼyoriy koʻrsatma” soʻzlari “bitta huquqiy norma” soʻzlari bilan almashtirilsin;

9-bandda:

ikkinchi xatboshidagi “shaklining” soʻzi “turining” soʻzi bilan almashtirilsin;

beshinchi xatboshi quyidagi tahrirda bayon qilinsin:

“vazirlik yoki idora rahbarining yoxud uning vazifalarini bajaruvchi shaxsning lavozimi, ushbu organning muhri bilan tasdiqlangan imzosi, ismining bosh harfi va familiyasi”;

11-bandning ikkinchi xatboshidagi “chiqarish” soʻzi “qabul qilish” soʻzlari bilan almashtirilsin;

12-bandning birinchi xatboshi quyidagi tahrirda bayon qilinsin:

“Tayyorlangan meʼyoriy hujjat vazirlik yoki idora rahbari tomonidan imzolangunga qadar ushbu vazirlik yoki idoraning yuridik xizmati tomonidan oʻtkaziladigan huquqiy ekspertizadan oʻtishi kerak”;

13-bandga quyidagi mazmundagi xatboshi qoʻshilsin:

“Agar taqdim etilgan hujjat, shu jumladan malakali mutaxassislarni jalb etish yoʻli bilan qoʻshimcha oʻrganishni talab etgan hollarda, hujjatni koʻrib chiqish muddati 20 kungacha uzaytirilishi mumkin”;

14-banddagi “ekspertizadan oʻtkazishda” soʻzlari “huquqiy ekspertizadan oʻtkazishda” soʻzlari bilan almashtirilsin;

15-bandning uchinchi xatboshidagi “davlat roʻyxatidan oʻtkazilgan kundan boshlab oʻn kun oʻtgach” soʻzlari “rasmiy eʼlon qilingan kundan boshlab” soʻzlari bilan almashtirilsin;

17-band quyidagi tahrirda bayon qilinsin:

“17. Davlat roʻyxatidan oʻtkazilgandan keyin meʼyoriy hujjatning asl nusxasining bir nusxasi unga berilgan roʻyxatdan oʻtkazish tartib raqami bilan birgalikda uni taqdim etgan organga qaytariladi, asl nusxaning bir nusxasi hisobga olish va eʼlon qilish uchun Adliya vazirligida qoladi”;

18-bandda:

birinchi xatboshi quyidagi tahrirda bayon qilinsin:

“Qonun hujjatlari oʻzgargan taqdirda vazirliklar va idoralar davlat roʻyxatidan oʻtkazilgan oʻz normativ hujjatlarini qonun hujjatlariga muvofiqlashtirishi hamda huquqiy ekspertizadan va davlat roʻyxatidan oʻtkazish uchun tegishli oʻzgartirish va qoʻshimchalarni Oʻzbekiston Respublikasi Adliya vazirligiga taqdim etishlari kerak. Oʻzbekiston Respublikasi Adliya vazirligi vazirliklar va idoralardan ularning davlat roʻyxatidan oʻtkazilgan normativ hujjatlarini qonunchilikka muvofiq holga keltirishni talab qilishga haqlidir”;

toʻrtinchi xatboshidagi “Mazkur bandda va mazkur Nizomning 20-bandida nazarda tutilgan” soʻzlari chiqarib tashlansin;

19, 20 va 21-bandlar quyidagi tahrirda bayon qilinsin:

“19. Vazirliklar va idoralar qayta tashkil etilgan, tugatilgan yoki nomi oʻzgartirilgan taqdirda ular tomonidan qabul qilingan normativ-huquqiy hujjatlarga nisbatan huquqiy vorislik qonunda belgilanadi.

20. Vazirliklar va idoralar, oʻz vakolatlari doirasida, oʻzlari tomonidan qabul qilingan meʼyoriy hujjatlar matnlari tarqatilishini taʼminlashlari shart.

Meʼyoriy hujjatlar matnlarining elektron versiyalari ularni qabul qilgan vazirliklar va idoralarning rasmiy veb-saytlarida eʼlon qilinishi kerak.

Belgilangan tartibda davlat roʻyxatidan oʻtkazilishi va nashr etilishi (eʼlon qilinishi) kerak boʻlgan meʼyoriy hujjatlarning davlat roʻyxatidan oʻtkazilgunga va rasmiy eʼlon qilingunga qadar bajarish uchun yuborilishiga yoʻl qoʻyilmaydi.

Vazirliklar, davlat qoʻmitalari va idoralar tomonidan qabul qilingan meʼyoriy hujjatlarni davlat roʻyxatidan oʻtkazishning holati toʻgʻrisidagi maʼlumotlar “Xalq soʻzi” — “Narodnoye slovo” gazetalarida muntazam ravishda eʼlon qilib borilishi shart.

21. Oʻzbekiston Respublikasi Adliya vazirligi tegishli organlarga ular qabul qilgan meʼyoriy hujjatlarning rasmiy sharhlash zarurligi toʻgʻrisida taqdimnomalar kiritishga haqlidir.

Rasmiy sharh berish toʻgʻrisidagi buyruq yoki qaror faqat u Oʻzbekiston Respublikasi Adliya vazirligi bilan kelishilgandan keyin bajarish uchun yuboriladi”.

2. Vazirlar Mahkamasining “Vazirliklar, davlat qoʻmitalari va idoralarning meʼyoriy hujjatlarini qabul qilish tartibini takomillashtirish toʻgʻrisida” 2000-yil 19-maydagi 197-son qarorida (Oʻzbekiston Respublikasi QT, 2000-y., 5-son, 26-modda):

a) 1 va 2-bandlar quyidagi tahrirda bayon qilinsin:

“1. Belgilab qoʻyilsinki:

vazirliklar, davlat qoʻmitalari va idoralar tomonidan qabul qilingan umumiy majburiy tusdagi normativ hujjatlar Oʻzbekiston Respublikasi Adliya vazirligida davlat roʻyxatidan oʻtkazilishi kerak va rasmiy eʼlon qilingan kundan boshlab, agar hujjatning oʻzida kechroq muddat koʻrsatilmagan boʻlsa, kuchga kiradi;

fuqarolarning, tadbirkorlik subyektlarining huquqlari, erkinligi va qonuniy manfaatlariga taalluqli normativ hujjatlar “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da rasmiy eʼlon qilinishi kerak;

vazirliklar, davlat qoʻmitalari va idoralarning tarkibiy boʻlinmalari va hududiy organlari umumiy majburiy tusdagi huquqiy hujjatlar qabul qilishga haqli emaslar.

2. Oʻzbekiston Respublikasi vazirliklari, davlat qoʻmitalari va idoralari:

umumiy majburiy tusdagi normativ hujjatlarning ular qabul qilingan kundan boshlab oʻn kun mobaynida Oʻzbekiston Respublikasi Adliya vazirligiga davlat roʻyxatidan oʻtkazish uchun taqdim etilishini hamda keyinchalik normativ hujjatlarning barcha manfaatdor shaxslarga yetkazilishini taʼminlasinlar;

umumiy majburiy tusdagi huquqiy normalarni normativ tusda boʻlmagan hujjatlarga kiritish, shuningdek Oʻzbekiston Respublikasi Adliya vazirligida davlat roʻyxatidan oʻtkazilmagan umumiy majburiy tusdagi normativ hujjatlarni ijro etish uchun joʻnatish va ommaviy axborot vositalarida eʼlon qilish hollariga yoʻl qoʻymasinlar.

Vazirliklar, davlat qoʻmitalari va idoralar rahbarlari idoraviy normativ-huquqiy hujjatlarni qabul qilish va davlat roʻyxatidan oʻtkazish tartibini belgilovchi Hukumat qarorlarining soʻzsiz bajarilishi uchun shaxsan masʼul ekanliklari toʻgʻrisida ogohlantirilsin”;

b) 3-banddagi “chiqarilishi” soʻzi “qabul qilinishi” soʻzlari bilan almashtirilsin;

v) 4-bandning ikkinchi va beshinchi xatboshilaridagi “meʼyoriy” soʻzi “normativ-huquqiy” soʻzlari bilan almashtirilsin.

3. Vazirlar Mahkamasining “Qonun hujjatlarini turkumlashni takomillashtirish va huquqiy axborotlarni tarqatishni tartibga solish chora-tadbirlari toʻgʻrisida” 2000-yil 5-avgustdagi 304-son qarorida (Oʻzbekiston Respublikasi QT, 2000-y., 8-son, 47-modda):

a) 2-band va qarorga 1-ilova oʻz kuchini yoʻqotgan deb hisoblansin;

b) 4-bandning ikkinchi xatboshi quyidagi tahrirda bayon qilinsin:

“Oʻzbekiston matbuot va axborot agentligi va “Matbuot tarqatuvchi” aksiyadorlik kompaniyasi bilan birgalikda Oʻzbekiston Respublikasi qonun hujjatlari toʻplamining hujjatlar tushishiga qarab, davriy ravishda, qoidaga koʻra, bir haftada bir marta nashr etilishini, shuningdek, ularning ochiq obuna yoʻli bilan tarqatilishini taʼminlasin”;

v) 2-ilovada:

1-bandda:

birinchi xatboshidagi “Qonun hujjatlari maʼlumotlari milliy bazasi (Oʻzbekiston Respublikasi qonun hujjatlari maʼlumotlarining turkumlangan davlat yagona elektron bazasi) orqali Oʻzbekiston Respublikasi qonun hujjatlari toʻplamida, Oʻzbekiston Respublikasi vazirliklari, davlat qoʻmitalari va idoralarning meʼyoriy hujjatlari axborotnomasida, shuningdek, norasmiy tartibda” soʻzlari chiqarib tashlansin;

uchinchi xatboshidagi “meʼyoriy normativ hujjatlarning” soʻzlari “Oʻzbekiston Respublikasi qonun hujjatlarining” soʻzlari bilan almashtirilsin;

2-band quyidagi tahrirda bayon qilinsin:

“2. Normativ-huquqiy hujjatlar toʻgʻrisida”gi Oʻzbekiston Respublikasi Qonunining 29-moddasiga muvofiq “Oʻzbekiston Respublikasi Oliy Majlisi palatalarining axborotnomasi”, “Oʻzbekiston Respublikasining qonun hujjatlari toʻplami”, “Xalq soʻzi” va “Narodnoye slovo” gazetalari Oʻzbekiston Respublikasi Konstitutsiyasi va qonunlari, Oʻzbekiston Respublikasi Oliy Majlisining palatalari qarorlarini, Oʻzbekiston Respublikasi Prezidentining farmonlari, qarorlari va farmoyishlari eʼlon qilinadigan rasmiy manbalar hisoblanadi.

“Oʻzbekiston Respublikasi Hukumatining qarorlari toʻplami, “Oʻzbekiston Respublikasining qonun hujjatlari toʻplami”, “Xalq soʻzi” va “Narodnoye slovo” gazetalari Oʻzbekiston Respublikasi Vazirlar Mahkamasi qarorlari eʼlon qilinadigan rasmiy manbalar hisoblanadi;

“Oʻzbekiston Respublikasining qonun hujjatlari toʻplami”, shuningdek vazirliklar, davlat qoʻmitalari va idoralarning rasmiy nashrlari vazirliklar, davlat qoʻmitalari va idoralari tomonidan qabul qilingan normativ-huquqiy hujjatlar eʼlon qilinadigan rasmiy manbalar hisoblanadi.

Mahalliy davlat hokimiyati organlarining rasmiy nashrlari ushbu organlarning qarorlari eʼlon qilinadigan rasmiy manbalar hisoblanadi.

Oʻzbekiston Respublikasi Oliy Majlisi palatalarining axborotnomasi, Oʻzbekiston Respublikasi Hukumatining qarorlari toʻplami, Oʻzbekiston Respublikasi qonun hujjatlari toʻplami Oʻzbekiston Respublikasi qonun hujjatlarining rasmiy davriy nashrlari hisoblanadi.

Ushbu bandda nazarda tutilmagan normativ-huquqiy hujjatlarning nashrlari normativ-huquqiy hujjatlarning norasmiy nashrlari hisoblanadi”;

quyidagi mazmundagi 2¹-band qoʻshilsin:

“2¹. Vazirliklar, davlat qoʻmitalari, idoralar va mahalliy davlat hokimiyati organlari tomonidan taʼsis etilgan taʼsis hujjatlarida ularda koʻrsatib oʻtilgan organlar tomonidan qabul qilingan normativ-huquqiy hujjatlarni rasman eʼlon qilish nazarda tutilgan ommaviy axborot vositalari ularning rasmiy nashrlari hisoblanadi.

Vazirliklar, davlat qoʻmitalari va idoralar normativ-huquqiy hujjatni “Oʻzbekiston Respublikasining qonun hujjatlari toʻplami”da rasman eʼlon qilingunga qadar oʻzlarining rasmiy nashrlarida eʼlon qilgan taqdirda bu haqda eʼlon qilingan kundan kechikmay, rasmiy nashr rekvizitlarini koʻrsatgan holda Oʻzbekiston Respublikasi Adliya vazirligiga maʼlum qiladilar”;

3 — 9-bandlar quyidagi tahrirda bayon qilinsin:

“3. Oʻzbekiston Respublikasi Oliy Majlisi palatalarining axborotnomalarida Oʻzbekiston Respublikasi qonunlari, Oʻzbekiston Respublikasi Oliy Majlisi va uning Kengashlarining qarorlari, Oʻzbekiston Respublikasi Prezidentining farmonlari, qarorlari va farmoyishlari eʼlon qilinadi.

Oʻzbekiston Respublikasi Hukumatining qarorlari toʻplamida Oʻzbekiston Respublikasi Vazirlar Mahkamasining qarorlari eʼlon qilinadi.

Oʻzbekiston Respublikasining qonun hujjatlari toʻplami besh boʻlimdan iborat boʻlib, ularda quyidagilar eʼlon qilinadi:

birinchi boʻlimda — Oʻzbekiston Respublikasi qonunlari va Oʻzbekiston Respublikasi Oliy Majlisi palatalarining qarorlari;

ikkinchi boʻlimda — Oʻzbekiston Respublikasi Prezidentining farmonlari, qarorlari va farmoyishlari;

uchinchi boʻlimda — Oʻzbekiston Respublikasi Vazirlar Mahkamasining qarorlari;

toʻrtinchi boʻlimda — Oʻzbekiston Respublikasi Konstitutsiyaviy sudining qarorlari;

beshinchi boʻlimda — idoraviy normativ-huquqiy hujjatlar.

Oʻzbekiston Respublikasining qonun hujjatlari toʻplamini nashr etishni tashkil etish Oʻzbekiston Respublikasi Adliya vazirligi tomonidan amalga oshiriladi.

4. Oʻzbekiston Respublikasi qonun hujjatlarining rasmiy davriy nashrlarida eʼlon qilinadigan normativ-huquqiy hujjatlar izchil ravishda xronologik tartibda joylashtiriladi va tegishli tartib raqamlariga ega boʻlgan moddalarga joylashtiriladi.

Idoraviy normativ-huquqiy hujjatlarning matnlari Oʻzbekiston Respublikasi qonun hujjatlari toʻplamida ularning tartib raqamlariga va Oʻzbekiston Respublikasi Adliya vazirligida davlat roʻyxatidan oʻtkazilgan sanaga muvofiq izchil ravishda xronologik tartibda joylashtiriladi.

Normativ-huquqiy hujjatlarga ilovalar hujjatlarning oʻzi joylashtirilgan moddalarga joylashtiriladi.

5. Rasmiy nashrlarda eʼlon qilinadigan normativ-huquqiy hujjatlar ushbu hujjatni qabul qilingan organ tomonidan rasman yuborilgan normativ-huquqiy hujjat matniga muvofiq boʻlishi kerak.

6. Hajmi katta boʻlgan normativ-huquqiy hujjatlar matnlari rasmiy davriy nashrlarga kiritilmasligi mumkin. Bunda ular ularni qabul qilgan organlar tomonidan alohida nashr shaklida eʼlon qilinishi kerak.

7. Oʻzbekiston Respublikasi Oliy Majlisi palatalarining axborotnomasi va Oʻzbekiston Respublikasi Hukumatining qarorlari toʻplami har oyda nashr etiladi.

Oʻzbekiston Respublikasi qonun hujjatlari toʻplami, qoidaga koʻra, haftada bir marta, oʻzbek va rus tillarida nashr etiladi va ochiq obuna boʻlish yoʻli bilan tarqatiladi.

8. Qonun hujjatlari maʼlumotlari milliy bazasiga:

Oʻzbekiston Respublikasi Konstitutsiyasi va qonunlari;

Oʻzbekiston Respublikasining xalqaro shartnomalari;

Oʻzbekiston Respublikasi Oliy Majlisi palatalarining qarorlari;

Oʻzbekiston Respublikasi Konstitutsiyaviy sudining qarorlari;

Oʻzbekiston Respublikasi Prezidentining farmonlari, qarorlari va farmoyishlari;

Oʻzbekiston Respublikasi Vazirlar Mahkamasining qarorlari;

idoraviy normativ-huquqiy hujjatlar;

mahalliy davlat hokimiyati organlari qarorlari matnlari kiritiladi.

Qonun hujjatlari maʼlumotlari milliy bazasiga sudlarning qarorlari va texnik jihatdan tartibga solish sohasidagi normativ hujjatlar matnlari ham kiritilishi mumkin.

9. Qonun hujjatlari maʼlumotlari milliy bazasi hujjatning tushishiga va ishlanishiga qarab, biroq u rasman eʼlon qilingandan keyin bir haftadan kechikmay yangilanadi”;

11-band quyidagi tahrirda bayon qilinsin:

“Oʻzbekiston Respublikasi Qonun hujjatlari maʼlumotlari milliy bazasining izlash tizimi Oʻzbekiston Respublikasi Adliya vazirligi tomonidan tasdiqlangan Qonunchilik tarmoqlari umumhuquqiy klassifikatori asosida, qonunchilikning mavzuli maʼlumotnomasi va alifbo-predmetli koʻrsatkich, shuningdek normativ-huquqiy hujjatlar rekvizitlari boʻyicha shakllantiriladi”;

13, 14 va 15-bandlar quyidagi tahrirda bayon qilinsin:

“13. Rasmiy davriy nashrlarning oʻz vaqtida nashr etilishini taʼminlash va Qonun hujjatlari maʼlumotlari milliy bazasini toʻldirish uchun Oʻzbekiston Respublikasi Oliy Majlisining Qonunchilik palatasi va Senati apparatlari, Oʻzbekiston Respublikasi Prezidenti Devoni va Oʻzbekiston Respublikasi Vazirlar Mahkamasi Apparati tegishli normativ-huquqiy hujjatlar qabul qilingan kundan boshlab bir kun mobaynida ularning matnlarini qogʻoz va elektron matnlarda Oʻzbekiston Respublikasi Adliya vazirligiga joʻnatadilar. Bunda normativ-huquqiy hujjatlarning elektron matnlari elektron pochta orqali joʻnatilishi mumkin.

Normativ-huquqiy hujjatlarning kelib tushgan matnlaridan ularning davlat hisobini yuritish uchun ham foydalaniladi.

14. Oʻzbekiston Respublikasi qonun hujjatlari toʻplamining oʻz vaqtida nashr etilishini taʼminlash, shuningdek, Qonun hujjatlari maʼlumotlari milliy bazasini toʻldirish uchun tegishli organlar oʻz normativ-huquqiy hujjatlarini Adliya vazirligida davlat roʻyxatidan oʻtkazishda vazirlikka ushbu hujjatlarning elektron matnlarini elektron matnlarda yoki elektron pochta tizimi orqali taqdim etadilar.

15. Oʻzbekiston Respublikasi qonun hujjatlari toʻplami, kodekslar, normativ-huquqiy hujjatlar toʻplamlarini nashr etishni tashkil etish, Oʻzbekiston Respublikasi Qonun hujjatlari maʼlumotlari milliy bazasini tashkil etish va uning ishlashiga umumiy rahbarlik Oʻzbekiston Respublikasi Adliya vazirligining Qonun hujjatlarini turkumlash va huquqiy axborot boshqarmasi tomonidan amalga oshiriladi.

Oʻzbekiston Respublikasi Qonun hujjatlari maʼlumotlari milliy bazasini shakllantirish va doimiy ravishda yangilab borish, maʼlumotlar bazasini qoʻllab-quvvatlash, maʼlumotlar elektron bazasidan foydalanishni taʼminlash Oʻzbekiston Respublikasi Adliya vazirligi huzuridagi Huquqiy axborot bilan taʼminlash markazi tomonidan amalga oshiriladi”;

17-band quyidagi tahrirda bayon qilinsin:

“17. Normativ-huquqiy hujjatlarni norasmiy nashr etish, shuningdek, yaratilayotgan qonun hujjatlari maʼlumotlari elektron bazasi davlat va xoʻjalik boshqaruvi barcha organlari, yuridik va jismoniy shaxslar tomonidan amalga oshirilishi mumkin.

Normativ-huquqiy hujjatlarni norasmiy nashrlarda eʼlon qilishga, shuningdek ularni qonunchilik maʼlumotlari elektron bazalari orqali tarqatishga ular eʼlon qilingan barcha rekvizitlar, rasmiy nashrlar va ularning kuchga kirish sanasi majburiy koʻrsatilgan holda normativ-huquqiy hujjat rasmiy manbalarda eʼlon qilinganidan keyin yoʻl qoʻyiladi. Bunda rasmiy nashrlarda eʼlon qilingan normativ-huquqiy hujjat matnining aniq takrorlanishi taʼminlanishi kerak”;

quyidagi mazmundagi 18 — 21-bandlar qoʻshilsin:

“18. Norasmiy nashrlarda, shuningdek qonunchilik maʼlumotlari elektron bazalarida normativ-huquqiy hujjatlarning boshqa tillarga norasmiy tarjimalari eʼlon qilinishi mumkin. Ushbu tarjimalarga norasmiy tarjima toʻgʻrisidagi belgi qoʻyilishi kerak.

19. Agar normativ-huquqiy hujjatni rasmiy nashrlarda eʼlon qilishda uning matnida normativ-huquqiy hujjat rasmiy tarqatilishiga taqqoslaganda xatolarga, matbaa xatosiga, boshqa noaniqlarga yoʻl qoʻyilgan taqdirda, ular aniqlangandan keyin nashrning eng yaqindagi sonida tegishli tuzatishlar eʼlon qilinadi.

Agar kodekslar va qonun hujjatlari toʻplamlarining rasmiy nashrlarida normativ-huquqiy hujjatlar eʼlon qilinishining rasmiy manbai bilan taqqoslaganda xatolarga, matbaa xatolariga, boshqa noaniqliklarga yoʻl qoʻyilgan taqdirda noshir ular aniqlangan kundan boshlab 30 kalendar kundan ortiq boʻlmagan muddatda respublika davriy nashrlarida (gazetalar, jurnallar va shu kabilarda) tegishli tuzatishlar eʼlon qilinadi.

20. Agar norasmiy nashrlarda (gazetalar, jurnallar va shu kabilarda) normativ-huquqiy hujjatlar eʼlon qilinishining rasmiy manbai bilan taqqoslaganda xatolarga, matbaa xatolariga, boshqa noaniqliklarga yoʻl qoʻyilgan boʻlsa, noshir ular aniqlangan kundan boshlab 30 kalendar kundan ortiq boʻlmagan muddatda respublika davriy nashrlarida (gazetalar, jurnallar va shu kabilarda) yoki norasmiy nashrning navbatdagi sonini eʼlon qilishda (chiqarishda) tegishli tuzatishlar eʼlon qilinadi.

21. Agar qonunchilik maʼlumotlari elektron bazalarida normativ-huquqiy hujjatlar eʼlon qilinishining rasmiy manbai bilan taqqoslaganda xatolarga, matbaa xatolariga, boshqa noaniqliklarga yoʻl qoʻyilgan taqdirda, ular darhol bartaraf etilishi kerak”;

4. Vazirlar Mahkamasining 2005-yil 14-fevraldagi 62-son qarori (Oʻzbekiston Respublikasi QT, 2005-y., 2-son, 8-modda) bilan tasdiqlangan Oʻzbekiston Respublikasi Vazirlar Mahkamasining Reglamentida:

a) 28-bandning uchinchi xatboshi quyidagi tahrirda bayon qilinsin:

“normativ-huquqiy hujjatlar loyihalarini ularning Oʻzbekiston Respublikasi Konstitutsiyasiga, qonunchilikka, shuningdek qonunchilik texnikasi qoidalariga muvofiqligini aniqlash yuzasidan ekspertizadan oʻtkazadi”;

b) 76-bandning ikkinchi jumlasi quyidagi tahrirda bayon qilinsin:

“Vazirlar Mahkamasining normativ xususiyatga ega boʻlgan qarorlari, agar ushbu hujjatlarda boshqa muddat belgilanmagan boʻlsa, ular rasmiy eʼlon qilingan kundan boshlab kuchga kiradi”.

6. Vazirlar Mahkamasining 2007-yil 22-noyabrdagi 244-son qarori (Oʻzbekiston Respublikasi QT, 2007-y., 11-son, 65-modda) bilan tasdiqlangan Yuridik xizmatlar xodimlarini attestatsiyadan oʻtkazish va ularning malakasini oshirish tartibi toʻgʻrisidagi nizomda:

a) 3-bandga quyidagi mazmundagi xatboshi qoʻshilsin:

“Yuridik xizmatlar xodimlarining ular ishlayotgan tashkilotlar tomonidan attestatsiyadan oʻtkazilishi taqiqlanadi”;

b) 11-bandning “e” kichik bandidagi “(agar mavjud boʻlsa)” soʻzlari chiqarib tashlansin;

v) 27-bandda:

oʻzbek tilidagi matnning birinchi va toʻrtinchi xatboshilaridagi “toʻxtatilishi” va “toʻxtatish” soʻzlari tegishli ravishda “tugatilishi” va “tugatish” soʻzlari bilan almashtirilsin;

quyidagi mazmundagi xatboshilar qoʻshilsin:

“Yuridik xizmat xodimi unga berilgan yuridik xizmat xodimi attestatsiyadan oʻtishi toʻgʻrisidagi guvohnomaning amal qilishini tugatish masalasini koʻrib chiqishda Oʻzbekiston Respublikasi Adliya vazirligining attestatsiya komissiyasi majlisida ishtirok etishi mumkin. Majlis oʻtkaziladigan joy va vaqt toʻgʻrisida yuridik xizmat xodimiga majlis oʻtkazilishidan kamida oʻn kun oldin xabar qilinadi.

Yuridik xizmat xodimining Oʻzbekiston Respublikasi Adliya vazirligining attestatsiya komissiyasi majlisida qatnashmasligi yuridik xizmat xodimini attestatsiyadan oʻtkazish toʻgʻrisidagi guvohnomaning amal qilishini tugatish toʻgʻrisida qaror qabul qilishga toʻsqinlik qilmaydi. Qabul qilingan qaror toʻgʻrisida yuridik xizmat xodimiga uch kun mobaynida xabar qilinadi”.