LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “Sportchilarni taqdirlash to‘g‘risida” 1992-yil 28-avgustdagi PF-465-son va 1994-yil 12-apreldagi PF-821-son farmonlariga binoan O‘zbekiston Respublikasi Vazirlar Mahkamasi qaror qiladi:
1. Respublikada jismoniy tarbiya va sportni rivojlantirishda ko‘rsatgan xizmatlari va 2003-yilgi jahon chempionatida samarali ishtirok etganligi uchun quyidagi g‘olib va sovrindor sportchilar:
Oksana Chusovitina sport gimnastika bo‘yicha jahon chempionatida birinchi o‘rinni olganligi uchun 10000 AQSh dollari;
Dilshod Mansurov erkin kurash bo‘yicha jahon chempionatida birinchi o‘rinni olganligi uchun 10000 AQSh dollari;
Artur Taymazov erkin kurashi bo‘yicha jahon chempionatida birinchi o‘rinni olganligi uchun 10000 AQSh dollari;
Sergey Lagutin velosport bo‘yicha jahon chempionatida birinchi o‘rinni olganligi uchun 10000 AQSh dollari;
Abdullo Tangriyev dzyudo bo‘yicha jahon chempionatida uchinchi o‘rinni olganligi uchun 3000 AQSh dollari;
Anton Ryaxov baydarka va kanoeda eshkak eshish bo‘yicha jahon chempionatida uchinchi o‘rinni olganligi uchun 3000 AQSh dollari miqdorida mukofotlansinlar.
2. O‘zbekiston Respublikasi Moliya vazirligi yuqorida nomlari ko‘rsatilgan sportchilarni taqdirlash uchun O‘zbekiston Respublikasi Davlat sport qo‘mitasiga davlat budjetidan mablag‘ ajratilishini ta’minlasin.
3. O‘zbekiston Respublikasi Markaziy banki taqdirlanadigan sportchilarga belgilangan tartibda valyuta ayirboshlanishini ta’minlasin.