1. Shanxay hamkorlik tashkilotiga aʼzo davlatlar hukumatlari oʻrtasida 2009-yil 16-iyun kuni Yekaturinburg shahrida imzolangan Xalqaro axborot xavfsizligini taʼminlash sohasida hamkorlik toʻgʻrisida Bitim tasdiqlansin.

2. Oʻzbekiston aloqa va axborotlashtirish agentligi, Oʻzbekiston Respublikasi Milliy xavfsizlik xizmati, Ichki ishlar vazirligi, Mudofaa vazirligi va Bosh prokuratura mazkur xalqaro shartnomani amalga oshirilishi uchun masʼul boʻlgan vakolatli organlar etib belgilansin.

3. Oʻzbekiston Respublikasi Tashqi ishlar vazirligi Oʻzbekiston Respublikasi tomonidan mazkur xalqaro shartnoma kuchga kirishi uchun zarur boʻlgan ichki davlat tartib-qoidalari bajarilgani va mazkur xalqaro shartnomani amalga oshirish uchun masʼul boʻlgan vakolatli organlar tayinlangani toʻgʻrisida depozitariyga tegishli bildirishnomani yoʻllasin.

4. Oʻzbekiston Respublikasi Vazirlar Mahkamasi hamda tegishli vazirlik va idoralar rahbarlari ushbu xalqaro shartnoma kuchga kirgandan keyin belgilangan tartibda Oʻzbekiston Respublikasining majburiyatlari bajarilishi ustidan nazoratni taʼminlasinlar.

5. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev va Oʻzbekiston Respublikasi Prezidenti huzuridagi Milliy xavfsizlik kengashi kotibi M.I. Atayev zimmasiga yuklansin.