Uran geologiya-qidiruv ishlarini yanada kengaytirish, xorijiy investitsiyalarni jalb etgan holda uran konlarini qazib olishga zamonaviy texnologiyalarni joriy etish hisobiga uning qazib olinishini oshirish, shuningdek respublikaning eksport salohiyatini oshirish maqsadida Vazirlar Mahkamasi qaror qiladi:

1. Oʻzbekiston Respublikasi Davlat geologiya va mineral resurslar qoʻmitasi hamda Xitoyning “CGNPC Uranium Resources Co., Ltd” (keyingi oʻrinlarda “CGNPC URC” kompaniyasi deb yuritiladi) Navoiy viloyatidagi Boztau maydoni doirasida “chernoslansev” turidagi uran konlarini aniqlash uchun istiqbolli geologiya — qidiruv ishlarini olib borish uchun “Uz-China Urans” MCHJ qoʻshma korxonasi tashkil etilganligi;

Oʻzbekiston Respublikasi Geologiya va mineral resurslar davlat qoʻmitasi, “Navoiy kon-metallurgiya kombinati” DK va “CGNPC URC” kompaniyasi tomonidan 2011-yil 22-sentabrda Navoiy viloyatidagi Boztau maydonining oʻrganilmagan qismida geologiya-qidiruv ishlarini davom ettirish, shuningdek, “chernoslansev” turidagi uran konlarini birgalikda oʻzlashtirish nazarda tutilgan uran sohasida hamkorlik boʻyicha Navoiy viloyatidagi Jantuar, Rudnoye va Koschek kabi uran va vanadiyni alohida ajratib olish texnologiyasini ishlab chiqish bilan oʻzaro anglashuv memorandumi imzolanganligi;

belgilangan tartibda Navoiy viloyatidagi “CGNPC URC” kompaniyasini “qumtosh” turidagi uran konlarini aniqlash maqsadida tadbirkorlik tavakkalchiligi sharoitida geologik oʻrganish ishlarini olib borish uchun ajratishga kelishib olinganligi maʼlumot uchun qabul qilinsin.

2. Oʻzbekiston Respublikasi Davlat Geologiya qoʻmitasi “Uz-China Uran” qoʻshma korxonasi muassislarining va “CGNPC URS” kompaniyasining qoʻshma korxona ustav jamgʻarmasi hajmini 4 600,0 ming AQSH dollaridan 8 576,0 ming AQSH dollarigacha oshirish toʻgʻrisidagi takliflariga, uning ishtirokchilarining paritet asosida qoʻshimcha badallari hisobiga rozilik berilsin, shu jumladan:

1988,0 ming AQSH dollari “CGNPC URS” kompaniyasining pul mablagʻlari va uskunalar hisobidan shakllantirilgan hissasi;

1988,0 ming AQSH dollari — Oʻzbekiston Respublikasi Davlat Geologiya qoʻmitasining Navoiy viloyatidagi Mesheta maydonida uran uchun ilgari oʻtkazilgan geologiya-qidiruv ishlari davomida olingan geologik, geofizik va boshqa maʼlumotlar hisobidan shakllantiriladigan hissasi.

Belgilab qoʻyilsinki, Navoiy viloyatidagi Boztau va Mesheta maydonlarida geologik oʻrganish boʻyicha ishlarning salbiy natijalari boʻlsa, “CGNPC URC” kompaniyasi tomonidan jalb qilingan mablagʻlar, shu jumladan kreditlar qoplanmaydi.

5. Oʻzbekiston Respublikasi Davlat geologiya va mineral resurslar qoʻmitasi:

“Uz-China Uran” MCHJ qoʻshma korxonasiga Navoiy viloyatidagi istiqbolli Mesheta maydonini geologik oʻrganish uchun yer qaʼri uchastkasidan foydalanish huquqini beruvchi litsenziyani belgilangan tartibda bersin;

ikki oy muddatda kelishish uchun Vazirlar Mahkamasiga nazarda tutilgan ishlar muddatlarini koʻrsatgan va ularni amalga oshirish boʻyicha masʼul shaxslarni aniqlagan holda tadbirlar reja-jadvalini kiritsin;

“Uz-China Uran” MCHJ qoʻshma korxonasi tomonidan Navoiy viloyatidagi Mesheta maydonida geologiya-qidiruv ishlari oʻz vaqtida va sifatli olib borilishi ustidan tegishli nazoratni taʼminlasin;

geologik oʻrganish ishlari natijalari boʻyicha aniqlangan konda keyingi ishlarni oʻtkazish shartlari toʻgʻrisida Vazirlar Mahkamasiga takliflar kiritsin.

6. Navoiy viloyati hokimligi “Uz-China Uran” MCHJ qoʻshma korxonasiga Navoiy viloyatidagi Mesheta maydonida geologik oʻrganish ishlarini oʻtkazish uchun zarur boʻlgan yer uchastkalarini belgilangan tartibda ajratsin.

7. Oʻzbekiston Respublikasi Davlat geologiya va mineral resurslar qoʻmitasi Adliya vazirligi bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.

8. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi Bosh vazirining oʻrinbosari G.I. Ibragimov zimmasiga yuklansin.