Oʻzbekiston Respublikasi Prezidentining “Qishloq xoʻjaligi texnikasi va texnologiyalarini sinash tizimini yanada takomillashtirish chora-tadbirlari toʻgʻrisida” 2013-yil 23-maydagi PQ-1972-son qarorini bajarish yuzasidan, shuningdek yuqori samarali qishloq xoʻjaligi va melioratsiya texnikasini, qishloq xoʻjaligi ekinlari yetishtirishning resurslarni tejaydigan zamonaviy texnologiyalarini ishlab chiqarishga joriy etishni jadallashtirish maqsadida Vazirlar Mahkamasi qaror qiladi:

1. Quyidagilar:

Oʻzbekiston Respublikasi Qishloq xoʻjaligi vazirligi huzuridagi Qishloq xoʻjaligi texnikasi va texnologiyalarini sertifikatlash va sinash markazi (keyingi oʻrinlarda Markaz deb ataladi) ustavi 1-ilovaga muvofiq;

Oʻzbekiston Respublikasi Qishloq xoʻjaligi vazirligi huzuridagi Qishloq xoʻjaligi texnikasi va texnologiyalarini sertifikatlash va sinash markazi tomonidan, qishloq xoʻjaligi va melioratsiya texnikasining yangi turlarini qoʻllagan holda, qishloq xoʻjaligi va melioratsiya texnikasi hamda qishloq xoʻjaligi ekinlarini yetishtirish texnologiyalari sinovlarini oʻtkazish tartibi toʻgʻrisidagi nizom 2-ilovaga muvofiq tasdiqlansin.

2. Markaz:

2013-yilning 1-oktabrigacha — “Oʻzstandart” agentligi va Oʻzbekiston Respublikasi Qishloq va suv xoʻjaligi vazirligi bilan birgalikda qishloq xoʻjaligi va melioratsiya texnikasi hamda texnologiyalari sinovlarini oʻtkazish sohasida xalqaro standartlarni joriy etish boʻyicha kompleks dasturni ishlab chiqsin va tasdiqlasin;

har yili 1-avgustgacha — kelgusi yilda sinovdan oʻtadigan qishloq xoʻjaligi va melioratsiya texnikasi hamda texnologiyalari roʻyxatini, shuningdek Markazning rejalashtirilayotgan davrda xoʻjalik hisobidagi faoliyatidan mablagʻlar tushishi va ulardan foydalanish prognozini shakllantirsin va Oʻzbekiston Respublikasi Moliya vazirligiga kiritsin.

3. Oʻzbekiston Respublikasi Innovatsion rivojlanish vazirligi:

fundamental, amaliy va innovatsiya ilmiy-texnika dasturlarini shakllantirishda ularga qishloq xoʻjaligi, melioratsiya texnikasi va qishloq xoʻjaligi ekinlari yetishtirishning resurslarni tejaydigan zamonaviy texnologiyalari ishlab chiqilishini va ishlab chiqarishga joriy etilishini nazarda tutuvchi ilmiy loyihalar kiritilishini taʼminlasin;

ilmiy-texnika dasturlari doirasida ishlab chiqilgan qishloq xoʻjaligi va melioratsiya texnikasi hamda qishloq xoʻjaligi ekinlarini yetishtirish texnologiyalari sinovlarining Markazda majburiy oʻtkazilishini amaliyotga kiritsin.

4. Oʻzbekiston Respublikasi Qishloq xoʻjaligi vazirligi, Suv xoʻjaligi vazirligi:

qishloq xoʻjaligi va melioratsiya texnikasi hamda texnologiyalarining oʻtkazilgan sinovlari natijalari boʻyicha ishlab chiqilgan Markaz tavsiyalarini, qishloq xoʻjaligi ekinlarini, ekin maydonlari joylashtirilishini, mexanizatsiyalashtirilgan ishlar hajmlarining va agrotexnologiyalarni hisobga olgan holda vazirliklar hayʼatlarida koʻrib chiqsin, shuningdek ularni respublikada ishlab chiqarish yoki import boʻyicha sotib olish yuzasidan qaror qabul qilsin;

xar bir mintaqaning tuproq-iqlim sharoitlari xususiyatlaridan kelib chiqqan holda Oʻzbekiston qishloq xoʻjaligini mexanizatsiyalash va elektrlashtirish ilmiy-tadqiqot institutining tegishli texnologik parklarida qishloq xoʻjaligi ekinlari yetishtirishning resurslarni tejaydigan zamonaviy texnologiyalari sinovlarini oʻtkazishda Markazga Oʻzbekiston Respublikasi Tashqi iqtisodiy aloqalar, investitsiyalar va savdo vazirligi hamda xalqaro moliya institutlari (XMI)dagi Boshqaruvchilar Ofislari, Tashqi ishlar vazirligi, Moliya vazirligi bilan birgalikda XMI va donor mamlakatlarning grantlari va texnik koʻmaklashish mablagʻlarini jalb etishga yordam bersin.

5. Oʻzbekiston Respublikasi Moliya vazirligi respublika budjetidan:

respublika korxonalarida seriyali ishlab chiqarilayotgan qishloq xoʻjaligi texnikasining davriy sinovlarini 2014-yil 1-yanvardan boshlab oʻtkazishga;

Markazni sinovlar oʻtkazish uchun joriy yil uchun koʻzda tutilgan zarur qishloq xoʻjaligi texnikasi va transport vositalari bilan jihozlashga — 2013-yilning 1-sentabrigacha, keyingi yil uchun — 2014-yilning 1-iyunigacha mablagʻlar ajratsin.

6. Mazkur qarorning bajarilishini nazorat qilish Oʻzbekiston Respublikasi Vazirlar Mahkamasining Qishloq va suv xoʻjaligi, qishloq xoʻjaligi mahsulotlarini qayta ishlash hamda isteʼmol tovarlari masalalari axborot-tahlil departamentiga yuklansin.

1. Ushbu Ustav Oʻzbekiston Respublikasi Qishloq xoʻjaligi vazirligi huzuridagi Qishloq xoʻjaligi texnikasi va texnologiyalarini sertifikatlash va sinash markazi (keyingi oʻrinlarda Markaz deb ataladi) faoliyatini tashkil etish tartibini belgilaydi.

2. Markaz oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, boshqa normativ-huquqiy hujjatlarga, shuningdek ushbu Ustavga amal qiladi.

Markaz Oʻzbekiston Respublikasi Qishloq xoʻjaligi vazirligiga hisobot beradi.

3. Markaz ilmiy-tadqiqot faoliyatini amalga oshirish huquqiga ega boʻlgan davlat muassasasi shaklidagi yuridik shaxs hisoblanadi, mustaqil balansga, banklarda hisob raqamlariga, shu jumladan xorijiy valyutadagi hisob raqamlariga, ramzga, shtampga va blankaga, Oʻzbekiston Respublikasi Davlat gerbi tasviri tushirilgan, oʻz nomi davlat tilida yozilgan muhrga va boshqa rekvizitlarga ega boʻladi.

4. Markazning rasmiy nomi:

a) davlat tilida:

toʻliq — Qishloq xoʼjalik texnikasi va texnologiyalarini sertifikatsiyalash va sinash markazi;

qisqacha — QTTSM;

b) rus tilida:

toʻliq — Sentr po sertifikatsii i ispitaniyu selskoxozyaystvennoy texniki i texnologiy;

qisqacha — SITT;

5. Joylashgan joyi (pochta manzili): Toshkent viloyati, Yangiyoʻl tumani, Gulbahor posyolkasi, Yoshlik koʻchasi, 5-uy.

6. Quyidagilar Markazning asosiy vazifalari hisoblanadi:

Oʻzbekiston Respublikasi Qishloq xoʻjaligi vazirligi huzuridagi Qishloq xoʻjaligi va oziq-ovqat taʼminoti ilmiy-ishlab chiqarish markazining soha ilmiy — tadqiqot institutlari bilan birgalikda qishloq xoʻjaligi va melioratsiya texnikasi, qishloq xoʻjaligi ekinlarini yetishtirishning resurslarni tejaydigan zamonaviy texnologiyalari sinovlarini oʻtkazish sohasida yangi standartlar, uslubiy hujjatlar va tartibotlarni ishlab chiqish va amaldagilarini qayta koʻrib chiqish;

seriyalab ishlab chiqarish toʻgʻrisida qaror qabul qilish maqsadida qishloq xoʻjaligi va melioratsiya texnikasini, ularning agregatlari va uzellarining tajriba namunalari sinovlarini oʻtkazish;

mahsulot sifatining barqarorligini nazorat qilish va uni ishlab chiqarishni davom ettirish imkoniyatini aniqlash maqsadida seriyali ishlab chiqarilayotgan qishloq xoʻjaligi va melioratsiya texnikasi sinovlarini oʻtkazish;

respublikada qishloq xoʻjaligi ishlab chiqarishining oʻziga xos xususiyatlarini hisobga olgan holda uni qoʻllash samaradorligini aniqlash maqsadida qishloq xoʻjaligi va melioratsiya texnikasining, shu jumladan xorijda ishlab chiqarilganlarining boshqa turdagi sinovlarini oʻtkazish;

qishloq xoʻjaligi va melioratsiya texnikasining boshqa yangi turlarini qoʻllagan holda qishloq xoʻjaligi ekinlari yetishtirishning resurslarni tejaydigan zamonaviy texnologiyalari sinovlarini oʻtkazish;

chet el va mamlakatimiz qishloq xoʻjaligi va melioratsiya texnikasi tavsiflarining xalqaro standartlarga va texnik jihatdan tartibga solish sohasidagi normativ hujjatlarga muvofiqligini aniqlash maqsadida sertifikatlash ishlari va sinovlarini qonun hujjatlarida belgilangan tartibda oʻtkazish.

7. Markaz oʻziga yuklangan vazifalarga muvofiq quyidagi funksiyalarni amalga oshiradi:

sinovlar oʻtkazishning ilgʻor jahon tajribasini oʻrganadi va resurslarni tejaydigan qishloq xoʻjaligi va melioratsiya texnikasi hamda texnologiyalarini joriy etishga koʻmaklashadi;

agrotexnologiya talablarini takomillashtirish boʻyicha takliflar tayyorlaydi;

respublikaning turli mintaqalarida qishloq xoʻjaligi va melioratsiya texnikasi hamda texnologiyalari sinovlarini oʻtkazish rejasini tuzadi;

qishloq xoʻjaligi va melioratsiya texnikasi hamda texnologiyalari sinovlarini oʻtkazish yuzasidan buyurtmachilar bilan shartnomalar tuzadi;

respublikaning tuproq-iqlim sharoitlarini hisobga olgan holda qishloq xoʻjaligi va melioratsiya texnikasi hamda texnologiyalarini qoʻllash samaradorligini va ularning ishonchliligini aniqlaydi;

chet el va mamlakatimiz qishloq xoʻjaligi va melioratsiya texnikasi, ularning agregatlari, uzellarining standartlarga muvofiqligini aniqlaydi;

talabalarni, muhandis-texnik xodimlar va mexanizatorlarni (operatorlarni) zamonaviy qishloq xoʻjaligi va melioratsiya texnikasi hamda texnologiyalaridan samarali foydalanish va ularga xizmat koʻrsatish koʻnikmalariga oʻqitishni amalga oshiradi va ularga sertifikatlar beradi;

qonun hujjatlariga muvofiq boshqa funksiyalarni amalga oshiradi.

8. Markaz oʻziga yuklangan vazifalar va funksiyalarni bajarish uchun quyidagi huquqlarga ega:

amaldagi standartlar, metodik hujjatlarning, shuningdek qishloq xoʻjaligi va melioratsiya texnikasini, ularning agregatlari va uzellarini ishlab chiqarish texnologiyasining xalqaro va texnik jihatdan tartibga solish sohasidagi normativ hujjatlarga muvofiqligini oʻrganish;

boshqaruv organlaridan (Oʻzbekiston Respublikasi Suv xoʻjaligi vazirligi, “Oʻzagrotexsanoatxolding” AJ”, “Oʻzstandart” agentligi, “Oʻzpaxtasanoat” aksiyadorlik jamiyati va boshqalardan) hamda xoʻjalik yurituvchi subyektlardan (qishloq xoʻjaligi mashinasozligi korxonalaridan, taʼmirlash va servis korxonalaridan, akkreditatsiya qilingan sinash tashkilotlaridan va boshqalardan) yangi normativ hujjatlarni ishlab chiqish va amaldagilarini qayta koʻrib chiqish uchun zarur boʻlgan maʼlumotlar va axborotlarni soʻrab olish;

oʻtkazilgan sinovlar natijalari boʻyicha Oʻzbekiston Respublikasi Qishloq xoʻjaligi vazirligi, Suv xoʻjaligi vazirligiga qishloq xoʻjaligi va melioratsiya texnikasi, ularning agregatlari va uzellarini import boʻyicha olish va ularning yangi namunalarini seriyali ishlab chiqarishni tashkil etish yuzasidan, shuningdek qishloq xoʻjaligi va melioratsiya texnikasining yangi turlarini qoʻllagan holda qishloq xoʻjaligi ekinlarini yetishtirishning resurslarni tejaydigan zamonaviy texnologiyalarini joriy etish yuzasidan tavsiyalar kiritish;

davriy sinovlar oʻtkazish uchun tayyor mahsulotlardan, respublikada seriyali ishlab chiqarilayotgan yoki import qilinayotgan mahsulotlardan qishloq xoʻjaligi va melioratsiya texnikasi namunalarini tanlab olish;

boshqa sinash tashkilotlarining va ishlab chiqaruvchilar, shuningdek yetkazib beruvchilar mahsulotlarining qishloq xoʻjaligi va melioratsiya texnikasi texnik tavsifnomalarining belgilangan texnik jihatdan tartibga solish sohasidagi normativ hujjatlarga muvofiqligi yuzasidan oʻtkazilayotgan sinovlarda qatnashish;

Oʻzbekiston Respublikasi Vazirlar Mahkamasiga, Oʻzbekiston Respublikasi Qishloq xoʻjaligi vazirligi, Suv xoʻjaligi vazirligi, “Oʻzstandart” agentligi va boshqa vakolatli organlarga qonun hujjatlarida belgilangan tartibda tegishli choralar koʻrish uchun, akkreditatsiya qilingan boshqa sinash tashkilotlari, qishloq xoʻjaligi va melioratsiya texnikasi, agregatlar va uzellarni ishlab chiqaruvchilar hamda yetkazib beruvchilar tomonidan texnik jihatdan tartibga solish sohasidagi normativ hujjatlar talablarining buzilishi holatlari toʻgʻrisida axborotlar kiritish;

Oʻzbekiston Respublikasi Innovatsion rivojlanish vazirligining ustuvor davlat grantlarini amalga oshirish boʻyicha tanlovlarda qatnashish.

9. Markaz quyidagilarga majbur:

oʻz faoliyatida Oʻzbekiston Respublikasi qonun hujjatlariga va ushbu Ustavga amal qilish;

texnika xavfsizligi boʻyicha belgilangan qoidalarga rioya etgan holda sinash ishlarini amalga oshirish.

10. Markaz oʻz majburiyatlari boʻyicha oʻziga tegishli mol-mulk bilan javob beradi.

11. Markazni Oʻzbekiston Respublikasi qishloq xoʻjaligi vaziri tomonidan Oʻzbekiston Respublikasi Vazirlar Mahkamasi bilan kelishilgan holda lavozimga tayinlanadigan va lavozimdan ozod etiladigan direktor boshqaradi.

Direktor oʻrinbosarlari Markaz direktorining taqdimnomasiga binoan Oʻzbekiston Respublikasi qishloq xoʻjaligi vaziri tomonidan lavozimga tayinlanadi va lavozimidan ozod etiladi.

12. Markazning direktori:

Markaz faoliyatiga rahbarlik qiladi hamda Markazga yuklangan vazifalar va funksiyalarning bajarilishi uchun shaxsan javob beradi;

belgilangan tartibda Markazning shtat jadvalini tasdiqlaydi va zarurat boʻlganda, Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha maslahatchisi bilan kelishgan holda Markazning tasdiqlangan tashkiliy tuzilmasiga xodimlarning belgilangan soni doirasida oʻzgartirishlar kiritish huquqiga ega;

Markaz xodimlarini belgilangan tartibda lavozimga tayinlaydi va lavozimdan ozod qiladi;

Markaz xodimlarining bajarishi majburiy boʻlgan buyruqlar, farmoyishlar va yoʻriqnomalar chiqaradi, ularning bajarilishi yuzasidan nazoratni tashkil qiladi;

qonun hujjatlariga muvofiq boshqa vakolatlarni amalga oshiradi.

13. Istiqbolli va joriy rejalarni koʻrib chiqish, qishloq xoʻjaligi va melioratsiya texnikasi hamda texnologiyalarining barcha turlarini davlat sinovlaridan oʻtkazish sifatini oshirish, yagona texnika siyosatini oʻtkazish, sinovlar natijalarini, shuningdek sinovlar boʻyicha normativ-metodik hujjatlarni ishlab chiqish va takomillashtirishga doir ilmiy-tadqiqot ishlari natijalarini muhokama qilish uchun Markazda Ilmiy-texnika kengashi tashkil etiladi, uning tarkibi va Nizomi Oʻzbekiston Respublikasi qishloq xoʻjaligi vaziri tomonidan tasdiqlanadi.

14. Markazning mol-mulki:

tezkor boshqarish huquqi bilan Markazga biriktirilgan mol-mulklar;

Markaz faoliyatidan olingan daromadlar;

qonun hujjatlarida taqiqlanmagan boshqa manbalar hisobiga shakllantiriladi.

Markaz mol-mulkining qiymati mustaqil balansda aks ettiriladi.

15. Markazning mol-mulkini tasarruf etish quyidagi holatlarda Oʻzbekiston Respublikasi Qishloq xoʻjaligi vazirligi bilan kelishgan holda Markaz direktori tomonidan amalga oshiriladi:

asosiy vositalarni sotish, ularni ijaraga yoki garovga topshirish;

mol-mulkni boshqa xoʻjalik jamiyatlarining ustav fondiga ulush sifatida kiritish;

xoʻjalik jamiyatlarining aksiyalari (ulushlari)ni sotib olish;

Markaz mol-mulkini boshqacha tarzda tasarruf etish.

Bunda binolar va inshootlarni (shu jumladan qurilishi tugallanmaganlarini) sotish, shuningdek ularni sotishdan tushgan mablagʻlarni taqsimlash qonun hujjatlarida belgilangan tartibda Oʻzbekiston Respublikasining Davlat aktivlarini boshqarish agentligi tomonidan amalga oshiriladi.

16. Markaz faoliyatini moliyalashtirish:

Oʻzbekiston Respublikasi Davlat budjeti mablagʻlari;

Oʻzbekiston Respublikasi Innovatsion rivojlanish vazirligining grantlari;

xalqaro moliya institutlarining grantlari;

korxonalar va tashkilotlar bilan shartnomalar boʻyicha bajariladigan ishlardan olinadigan daromadlar;

homiylik yordami tarzida beriladigan mablagʻlar;

qonun hujjatlarida taqiqlanmagan boshqa manbalar hisobiga amalga oshiriladi.

17. Markaz qonun hujjatlarida belgilangan tartibda qayta tashkil etilishi yoki tugatilishi mumkin.

1. Ushbu Nizom Oʻzbekiston Respublikasi Qishloq xoʻjaligi vazirligi huzuridagi Qishloq xoʻjaligi texnikasi va texnologiyalarini sertifikatlash va sinash markazi (keyingi oʻrinlarda Markaz deb ataladi) oʻtkazadigan sinov turlarini, sinov oʻtkazish rejalarini shakllantirish qoidalarini, mahsulotlarni sinash va ularni isteʼmolchilarga yetkazib berish jarayonida sinovdan oʻtkazilgan mahsulot holatining amaldagi texnik jihatdan tartibga solish sohasidagi normativ hujjatlar talablariga muvofiqligini nazorat qilish tartibini belgilaydi.

2. Mazkur Nizom oʻz ehtiyojlari uchun ishlab chiqarilgan yoki import qilinadigan yakka qishloq xoʻjalik va melioratsiya texnikalaridan tashqari, respublika korxonalari tomonidan ishlab chiqarilayotgan va import qilinayotgan qishloq xoʻjaligi va melioratsiya texnikasining, ular agregati va uzellarining barcha namunalariga, qishloq xoʻjaligi va melioratsiya texnikasining yangi turlari qoʻllangan holda qishloq xoʻjaligi ekinlari yetishtirishning resurslarni tejaydigan zamonaviy texnologiyalariga tatbiq etiladi.

3. Markazda 1-ilovaga muvofiq roʻyxat boʻyicha respublika korxonalari tomonidan ishlab chiqariladigan va import qilinadigan qishloq xoʻjaligi va melioratsiya texnikasining, ular agregati va uzellarining barcha namunalari, shuningdek qishloq xoʻjaligi va melioratsiya texnikasining yangi turlarini qoʻllagan holda qishloq xoʻjaligi ekinlari yetishtirishning resurslarni tejaydigan zamonaviy texnologiyalari majburiy sinovdan oʻtkazilishi kerak.

4. Mahsulotlarni sinovdan oʻtkazish shartlari, shu jumladan ularni yetkazib berish muddatlari, ularga ilova qilinadigan zarur hujjatlar roʻyxati va tarkibi xalqaro va davlat standartlariga muvofiq sinovlarning buyurtmachisi va Markaz tomonidan tuziladigan shartnomada belgilanadi.

5. Sinovdan oʻtkazilayotgan mahsulot oʻz vazifasiga koʻra sinovlarning quyidagi turlaridan birida sinovdan oʻtkaziladi:

davlat sinovlari — import qilinadigan yoki budjet mablagʻlari hisobiga ishlab chiqariladigan qishloq xoʻjaligi va melioratsiya texnikasi namunalarining davlat komissiyasi (mahsulotlarning eng muhim turlarini alohida sinash uchun maxsus tashkil etiladigan) yoki Markaz tomonidan oʻtkaziladigan sinovlar;

dastlabki sinovlar — mahsulotlarning tajriba namunalarini va/yoki tajriba turkumlarini qabul qilish sinovlariga taqdim etish imkoniyatini aniqlash maqsadida ularning nazorat sinovlari;

qabul qilish sinovlari — ishlab chiqarishga qoʻyish yoki import qilishning maqsadga muvofiqligi, yoxud vazifasiga koʻra foydalanish toʻgʻrisidagi masalani hal etish maqsadida oʻtkaziladigan respublikada ishlab chiqariladigan yoki import qilinadigan tajriba namunasini sinash;

davriy sinovlar — mahsulot sifatining barqarorligini va uni ishlab chiqarishni davom ettirishning maqsadga muvofiqligini nazorat qilish maqsadida texnik jihatdan tartibga solish sohasidagi normativ hujjatlarda belgilangan hajmda va muddatlarda oʻtkaziladigan seriyali ishlab chiqariladigan mahsulotlarning nazorat sinovlari;

malaka sinovlari — korxonaning ushbu turdagi mahsulotni belgilangan hajmda ishlab chiqarishga tayyorligini baholash maqsadida oʻtkaziladigan belgilanadigan seriyaning yoki birinchi sanoat turkumining nazorat sinovlari;

tur sinovlari — seriyali namunalar konstruksiyasi yoki texnologik jarayonga kiritilgan oʻzgartirishlarni samaradorligini va maqsadga muvofiqligini baholash maqsadida u bilan toʻgʻridan-toʻgʻri tuzilgan shartnomalar boʻyicha bajariladigan sinovlar;

sertifikatsiya sinovlari — mahsulotga xos boʻlgan xossalarning texnik jihatdan tartibga solish sohasida normativ hujjatlarga muvofiqligini aniqlash maqsadida oʻtkaziladigan mahsulotlarning nazorat sinovlari;

takroriy sinovlar (hakamlik sinovlari) — tez-tez takrorlanadigan — foydalanish yoki ishlab chiqarish bilan bogʻliq nosozliklarning sabablari va xususiyatini aniqlash maqsadida maxsus dastur boʻyicha amalga oshiriladigan tayyorlovchi zavod tomonidan ishlab chiqarilgan mahsulotlarning oxirgi turkumidan tanlab olingan texnika namunalarini sinash;

6. Qishloq xoʻjaligi va melioratsiya texnikasini sinovdan oʻtkazish muddatlari normativ hujjatlarga muvofiq belgilanadi.

7. Kelgusi yilda qishloq xoʻjaligi va melioratsiya texnikasi hamda texnologiyalarini sinovdan oʻtkazish ishlarini bajarish uchun har yili noyabr oyidan kechikmay ularni sinovdan oʻtkazish rejasi tuziladi.

8. Qishloq xoʻjaligi va melioratsiya texnikasi hamda texnologiyalarini sinovdan oʻtkazish rejasi Oʻzbekiston Respublikasi Suv xoʻjaligi vazirligi, “Oʻzagrotexsanoatxolding” AJ”, Oʻzbekiston Respublikasi Innovatsion rivojlanish vazirligi, mahsulotlarni tayyorlovchi korxonalar va qishloq xoʻjaligi texnikasini import qiluvchi tashkilotlarning (keyingi oʻrinlarda Buyurtmachi deb ataladi) takliflari asosida shakllantiriladi.

Qishloq xoʻjaligi va melioratsiya texnikasi hamda texnologiyalarini sinovdan oʻtkazish rejasi Oʻzbekiston Respublikasi qishloq xoʻjaligi vaziri tomonidan tasdiqlanadi.

9. Sinovlarni oʻtkazish rejasiga muvofiq buyurtmachilar bilan shartnomalar tuziladi. Shartnomalarda mahsulotlarni sinovdan oʻtkazish shartlari va muddatlari, ularni yetkazib berish muddatlari, moliyalashtirish tartibi, ularga ilova qilinadigan zarur hujjatlar belgilanadi.

10. Sinov oʻtkazish uchun taqdim etilayotgan mahsulotlar namunalari Markazda qabul qilish-topshirish dalolatnomasi boʻyicha qabul qilinadi.

11. Mahsulot sinash uchun qabul qilib olingandan keyin uning saqlanishi uchun sinov tamom boʻlgunga qadar Markaz javob beradi.

12. Sinov 2 va 3-ilovalarga binoan texnik jihatdan tartibga solish sohasidagi normativ hujjatlarning belgilangan talablariga qatʼiy muvofiq ravishda oʻtkaziladi.

Sinov ikki bosqichda oʻtkaziladi:

birinchi bosqich — qishloq xoʻjalik texnikalarini funksional va foydalanish-texnologik koʻrsatkichlarini Markazda aniqlash;

ikkinchi bosqich — xoʻjalik sharoitlari foydalanishda puxtalik koʻrsatkichlarini aniqlashdan iborat.

13. Sinovlar natijalari bayonnoma bilan rasmiylashtiriladi va ularning nusxalari buyurtmachiga hamda koʻrib chiqish va ular boʻyicha tegishli qaror qabul qilish uchun Oʻzbekiston Respublikasi Qishloq xoʻjaligi vazirligi, Suv xoʻjaligi vazirligiga yuboriladi.

Kengashning ijobiy qarori qabul qilingan taqdirda mahsulot ishlab chiqarishga joriy etiladi.

Markaz oʻrnatilgan tartibda sinovdan ijobiy oʻtgan qishloq xoʻjalik va melioratsiya texnikalarini Oʻzbekiston Respublikasi qishloq xoʻjaligi ishlab chiqarishida qoʻllash uchun qishloq xoʻjalik va meliorativ texnikalar reyestrini yuritadi.

14. Sinov tamom boʻlgandan keyin barcha mahsulot qabul qilish-topshirish dalolatnomasi boʻyicha buyurtmachiga qaytariladi.

15. Oʻzbekiston Respublikasida ishlab chiqarilgan qishloq xoʻjaligi va melioratsiya texnikasining davriy sinovlari quyidagi muddatlarda oʻtkazilishi kerak:

traktorlar va oʻziyurar mashinalar — har ikki yilda bir marta;

qishloq xoʻjaligi va melioratsiya mashinalari — har uch yilda bir marta.

16. Muntazam ravishda turkumlab import qilinadigan (bir yilda 5 ta va undan ortiq) mahsulotlar modeli ular sifatining barqarorligini nazorat qilish maqsadida davriy sinovlarni oʻtkazish uchun taqdim etilishi kerak, bunda:

davriy sinovlar mahsulotni respublikaga yetkazib berish boshlangandan keyin har ikki yilda oʻtkaziladi;

mahsulotlarni sinash uchun yetkazib berish mahsulotlar importini amalga oshiruvchi tashkilotlar tomonidan taʼminlanadi.

17. Bartaraf etish uchun mahsulotlarni boʻlaklarga ajratish talab qilinadigan nosozlikning har bir holati, shuningdek xizmat koʻrsatuvchi xodimlarning xavfsizligiga xavf tugʻdiruvchi yoʻl-transport hodisalari yuz berishi mumkinligiga olib keluvchi, ekologik muhitga salbiy taʼsir koʻrsatuvchi nosozliklar toʻgʻrisida Markaz ular aniqlangan kundan boshlab bir oy muddatda sinovlarning buyurtmachisiga, “Oʻzstandart” agentligiga ularni bartaraf etish yuzasidan shoshilinch choralar koʻrish uchun maʼlumot yuborishi shart.

18. Qishloq xoʻjaligi va melioratsiya texnikasi hamda texnologiyalarini sinovdan oʻtkazishda Markaz:

qishloq xoʻjaligi va melioratsiya texnikasi hamda texnologiyalarini sinovdan oʻtkazishning haqiqiyligi va toʻliqliligi hamda uning natijalarining ishonchliligi;

sinovlarning xalqaro va texnik jihatdan tartibga solish sohasidagi normativ hujjatlar talablariga muvofiq oʻz vaqtida va sifatli oʻtkazilishi;

qishloq xoʻjaligi va melioratsiya texnikasi hamda texnologiyalarini sinovdan oʻtkazishga budjet va budjetdan tashqari mablagʻlardan maqsadli foydalanilishi uchun javob beradi.

19. Sinovlarni oʻtkazish (davriy sinovlardan tashqari) boʻyicha bajarilgan ishlar uchun toʻlov Markaz bilan buyurtmachi oʻrtasida tuziladigan shartnoma asosida amalga oshiriladi.

20. Oʻzbekiston Respublikasi korxonalari tomonidan ishlab chiqariladigan qishloq xoʻjaligi va melioratsiya texnikasining davriy sinovlari uchun toʻlov budjet mablagʻlari hisobiga amalga oshiriladi.

21. Ushbu Nizomning buzilishida aybdor boʻlgan shaxslar qonun hujjatlarida belgilangan tartibda javob beradilar.

gʻildirakli traktorlar;

zanjirli traktorlar;

qishloq xoʻjaligi ishlari uchun traktorlar;

ularning agregat va uzellari.

traktor seyalkalari, qadagich va koʻchat oʻtqazish mashinalari;

ularning agregat va uzellari.

mineral va organik oʻgʻitlar sochgich va taqsimlagichlar;

mineral va kimyoviy oʻgʻitlar tarqatish mashinalari;

ularning agregat va uzellari.

suyuqlik va kukunlarni purkagich va changlatgichlar, ranetsli, pnevmatik va traktorlarga oʻrnatishga yoki traktorlar bilan shatakka olishga moʻljallangan purkagich va changlatgichlar;

oʻziyurar mashinalar;

ularning agregat va uzellari.

6. Hosilni yigʻishtirish mashinalari:

hosilni yigʻishtirish mashinalari, shu jumladan gʻalla oʻrish va paxta terish kombaynlari, maydalash mashinasi yoki mexanizmlari, koʻrak yigʻish mashinalari, koʻsak chuviydigan mashinalar, gʻoʻza poyalarini yigʻishtirgich va maydalagichlar, qator oralarining oʻroq mashinalari (meva va boshqa qishloq xoʻjaligi mahsulotlarini tozalash, navlarga ajratish uchun oʻziyurar mashinalar);

makkajoʻxori oʻrish kombaynlari;

kartoshka yigʻishtirish kombaynlari;

qulupnay va ildizmevalilarni yigʻishtirish mashinalari, lavlagi poyasini kesish mashinalari va lavlagi yigʻishtirish mashinalari, silosni oʻrib-yigʻish mashinalari;

uzum yigʻishtirish kombaynlari;

ularning agregat va uzellari.

qishloq xoʻjaligida foydalanish uchun maxsus moʻljallangan koʻtarish, koʻchirish, yuklash yoki tushirish mashinalari va qurilmalari;

bir kovshli yuklagichlar;

qishloq xoʻjaligi traktorlariga osib ishlatiladigan yuklagichlar;

ularning agregat va uzellari.

traktorlarga taqiladigan, tirkaladigan va oʻrnatiladigan oʻroq mashinalari;

pichan tayyorlash mashinalari: aylantirgich, yon xaskashlar va pichan agʻdargichlar;

pichan va poxolni toylash uchun presslar, shu jumladan yigʻishtiruvchi presslagichlar;

ozuqani boʻlaklagichlar, ozuqani maydalagichlar, ozuqani aralashtirgichlar;

ularning agregat va uzellari.

kichik oʻlchamli traktorlar va kichik mexanizatsiya vositalarining quvvati 16 kVt gacha boʻlgan dizellaridan tashqari;

ularning agregat va uzellari.

traktorlar tirkamalari;

sisterna tirkamalari;

ularning agregat va uzellari.

pluglar, boronalar, yumshatgichlar, kultivatorlar, tuproq kesgichlar, motigalar, pololgichlar;

ularning agregat va uzellari.

tirkamali, yarim tirkamali, osiladigan, yarim osiladigan, oʻrnatiladigan, kichik oʻlchamli traktorlar va motobloklarga agregatlanadigan mashinalar;

ularning agregat va uzellari.

suv taʼminoti uchun nasoslar va nasos agregatlari;

buriladigan va burilmaydigan otvalli zanjirli buldozerlar;

gʻildirakli buldozerlar;

greyder va dala tekislagichlar;

ularning agregat va uzellari.

ularning agregat va uzellari.