Sugʻoriladigan yerlarning meliorativ holatini yanada yaxshilash, melioratsiya va irrigatsiya obyektlari tarmogʻini rivojlantirish, suv resurslaridan oqilona va tejamkorlik bilan foydalanish, buning asosida qishloq xoʻjaligi ishlab chiqarishining barqaror ishlashini taʼminlash, yerlarning unumdorligini oshirish hamda qishloq xoʻjaligi ekinlari hosildorligini koʻpaytirish maqsadida:

1. Oʻzbekiston Respublikasi Qishloq va suv xoʻjaligi vazirligi, Iqtisodiyot vazirligi, Moliya vazirligi, “Yergeodezkadastr” davlat qoʻmitasi tomonidan Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda ishlab chiqilgan quyidagilarni oʻz ichiga olgan 2013 — 2017-yillar davrida sugʻoriladigan yerlarning meliorativ holatini yaxshilash va suv resurslaridan oqilona foydalanish Davlat dasturi maʼqullansin:

2013 — 2017-yillar davrida sugʻoriladigan yerlarning meliorativ holatini yaxshilash va suv resurslaridan oqilona foydalanishni taʼminlash boʻyicha chora-tadbirlar kompleksi 1-ilovaga* muvofiq;

Oʻzbekiston Respublikasi Vazirlar Mahkamasi huzuridagi sugʻoriladigan yerlarning meliorativ holatini yaxshilash jamgʻarmasi mablagʻlari hisobidan moliyalashtiriladigan 2013 — 2017-yillar davrida sugʻoriladigan yerlarni meliorativ yaxshilash boʻyicha ishlarning prognoz parametrlari 2-ilovaga* muvofiq;

Oʻzbekiston Respublikasi Davlat budjetidan markazlashtirilgan investitsiyalar hisobiga moliyalashtiriladigan 2013 — 2017-yillar davrida irrigatsiya obyektlarini qurish va rekonstruksiya qilish prognoz parametrlari 3-ilovaga* muvofiq;

suv isteʼmolchilari va fermer xoʻjaliklari uyushmalarining mablagʻlari hisobidan amalga oshiriladigan 2013 — 2017-yillar davrida sugʻorish tarmoqlarini taʼmirlash va tiklash prognoz parametrlari 4-ilovaga* muvofiq;

qishloq xoʻjaligi tovar ishlab chiqaruvchilarining kredit mablagʻlari va oʻz mablagʻlari hisobidan 2013 — 2017-yillar davrida tomchilatib sugʻorish tizimini joriy etishning prognoz parametrlari 5-ilovaga* muvofiq.

2. Qoraqalpogʻiston Respublikasi Vazirlar Kengashi va viloyatlar hokimliklari bir oy muddatda 2013 — 2017-yillar davrida sugʻoriladigan yerlarning meliorativ holatini yaxshilash va suv resurslaridan oqilona foydalanishning hududiy dasturlarini ishlab chiqsin hamda Oʻzbekiston Respublikasi Qishloq va suv xoʻjaligi vazirligi, Moliya vazirligi huzuridagi Sugʻoriladigan yerlarning meliorativ holatini yaxshilash jamgʻarmasini boshqarish departamenti bilan kelishilgan holda tasdiqlasin.

Oʻzbekiston Respublikasi Qishloq va suv xoʻjaligi vazirligi, boshqa ijrochi vazirliklar hamda idoralar rahbarlari, Qoraqalpogʻiston Respublikasi Vazirlar Kengashi Raisi, viloyatlar va tumanlar hokimlari zimmasiga mazkur qaror bilan tasdiqlangan sugʻoriladigan yerlarning meliorativ holatini yaxshilash va suv resurslaridan oqilona foydalanishning Davlat dasturi hamda hududiy dasturlarini sifatli va oʻz vaqtida amalga oshirish yuzasidan shaxsiy javobgarlik yuklansin.

3. Oʻzbekiston Respublikasi Moliya vazirligi, Iqtisodiyot vazirligi Oʻzbekiston Respublikasining Davlat budjeti va Investitsiya dasturining har yillik loyihalarini shakllantirishda 2013 — 2017-yillar davrida sugʻoriladigan yerlarning meliorativ holatini yaxshilash va suv resurslaridan oqilona foydalanishning Davlat dasturiga kiritilgan chora-tadbirlarni amalga oshirish uchun belgilangan tartibda mablagʻlar ajratishni nazarda tutsin.

4. Oʻzbekiston Respublikasi Qishloq va suv xoʻjaligi vazirligining Qurilayotgan korxonalar birlashgan direksiyalarining vakolatlari va vazifalarini kengaytirish zarur deb hisoblansin va ularning zimmasiga davlat kapital qoʻyilmalari hisobidan amalga oshiriladigan irrigatsiya obyektlarini qurish va rekonstruksiya qilish, tumanlararo va xoʻjaliklararo kollektorlar hamda boshqa melioratsiya obyektlarini taʼmirlash va tiklash boʻyicha buyurtmachi vazifalari yuklansin.

Oʻzbekiston Respublikasi Moliya vazirligi Qoraqalpogʻiston Respublikasi Vazirlar Kengashi, viloyatlar hokimliklari bilan birgalikda ikki oy muddatda ushbu oʻzgarishlar amalga oshirilishini taʼminlasin, vakolatlar va vazifalarni aniq belgilagan holda Qurilayotgan korxonalar birlashgan direksiyasi toʻgʻrisidagi namunaviy nizomni oʻrnatilgan tartibda tasdiqlasin, ularga yuklatilgan vazifalar va mintaqa yerlarining meliorativ holatini hisobga olgan holda uning tuzilmasi va xodimlar sonini tartibga solsin.

5. Shunday tartib oʻrnatilsinki, unga muvofiq 2013-yilning 1-mayidan boshlab meva-sabzavotchilik, uzumchilik va poliz mahsulotlarini yetishtirish uchun yer uchastkalarini berish boʻyicha ijro etuvchi hokimiyat organlari bilan qishloq xoʻjalik tovar ishlab chiqaruvchilari oʻrtasida tuziladigan ijara shartnomalarida, qoida tariqasida, qishloq xoʻjaligi tovar ishlab chiqaruvchilari tomonidan tomchilatib sugʻorish tizimini va suv tejaydigan boshqa sugʻorish texnologiyalarini joriy etish boʻyicha investitsiya majburiyatlarini olish nazarda tutiladi.

6. Oʻzbekiston Respublikasi Moliya vazirligi, Qishloq va suv xoʻjaligi vazirligi bir oy muddatda 2013-2014-yillarda, tajriba tariqasida, qishloq xoʻjaligi tovar ishlab chiqaruvchilari tomonidan tomchilatib sugʻorish tizimi joriy etilishini ragʻbatlantirish mexanizmi boʻyicha Vazirlar Mahkamasiga takliflar kiritsin.

7. Oʻzbekiston Respublikasi Vazirlar Mahkamasi huzuridagi Sugʻoriladigan yerlarning meliorativ holatini yaxshilash jamgʻarmasini boshqarish departamenti boshqaruv xodimlarining umumiy cheklangan soni 30 nafardan iborat boʻlgan yangilangan tuzilmasi 6-ilovaga* muvofiq tasdiqlansin, uning tarkibida melioratsiya ishlarining sifati ustidan joylarda texnik nazorat oʻrnatish, ularning belgilangan normativlar va loyiha parametrlariga muvofiqligi, shuningdek, bajarilgan ishlarning hajmlarini nazorat tartibida oʻlchashni taʼminlaydigan melioratsiya ishlarini texnik kuzatib borish mintaqaviy guruhlarini tashkil etish nazarda tutilsin.

8. Oʻzbekiston Respublikasi Vazirlar Mahkamasi huzuridagi Sugʻoriladigan yerlarning meliorativ holatini yaxshilash jamgʻarmasi Kengashi (Z.T. Mirzayev) quyidagilarni taʼminlasin:

sugʻoriladigan yerlarni meliorativ yaxshilash va suvni tejaydigan texnologiyalarni joriy etish boʻyicha loyihalarning har yilgi roʻyxati shakllantirilishi va tasdiqlanishini, zarur hollarda, mazkur qaror bilan tasdiqlangan Davlat dasturida nazarda tutilgan umumiy parametrlar doirasida ularga yil davomida oʻzgartish va qoʻshimchalar kiritilishini;

Davlat dasturining tasdiqlangan parametrlari amalga oshirilishi toʻgʻrisida davlat va xoʻjalik boshqaruvi organlari, mahalliy ijro etuvchi hokimiyat hamda boshqa tashkilotlar rahbarlarining hisobotlarini har chorakda tinglagan holda, Davlat dasturida nazarda tutilgan chora-tadbirlarni amalda roʻyobga chiqarish boʻyicha faoliyati samarali monitoring qilinishi va muvofiqlashtirilishini taʼminlasin.

Davlat dasturining tasdiqlangan parametrlari amalga oshirilishi toʻgʻrisida davlat va xoʻjalik boshqaruvi organlari, mahalliy ijro etuvchi hokimiyat hamda boshqa tashkilotlar rahbarlarining hisobotlarini har chorakda tinglagan holda, Davlat dasturida nazarda tutilgan chora-tadbirlarni amalda roʻyobga chiqarish boʻyicha faoliyati samarali monitoring qilinishi va muvofiqlashtirilishini taʼminlasin.

9. Oʻzbekiston Respublikasi Prezidentining “Oʻzbekiston Respublikasi Moliya vazirligi huzuridagi Sugʻoriladigan yerlarning meliorativ holatini yaxshilash jamgʻarmasi faoliyatini tashkil etish toʻgʻrisida” 2007-yil 31-oktabrdagi PQ-718-sonli qaroriga oʻzgartish va qoʻshimchalar 7-ilovaga muvofiq kiritilsin.

10. Oʻzbekiston Respublikasi Qishloq va suv xoʻjaligi vazirligi, Moliya vazirligi, Adliya vazirligi manfaatdor vazirliklar va idoralar bilan birgalikda bir oy muddatda qonun hujjatlariga mazkur qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.

11. Ushbu qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

1. 1-bandining uchinchi xatboshi va qarorning 1-ilovasi chiqarib tashlansin.

2. 3-bandidagi “X. Sulaymonova koʻchasi” soʻzlari “Istiqlol koʻchasi” soʻzlari bilan almashtirilsin.

3. 2-ilovasida:

a) ikkinchi xatboshidagi “Bosh vazirining oʻrinbosari” soʻzlari “Bosh vazirining birinchi oʻrinbosari” soʻzlari bilan almashtirilsin;

b) oʻn toʻqqizinchi xatboshidagi “SANIIRI IIChB bosh direktori” soʻzlari “Toshkent irrigatsiya va melioratsiya instituti qoshidagi Irrigatsiya va suv muammolari ilmiy-tadqiqot instituti direktori” soʻzlari bilan almashtirilsin.

4. 3-ilovada:

a) 5-bandi:

ikkinchi xatboshi quyidagi tahrirda bayon etilsin:

“sugʻoriladigan yerlarning meliorativ holatini yaxshilash davlat dasturlari doirasida magistral (viloyatlararo), tumanlararo, xoʻjaliklararo ochiq kollektorlar va ulardagi inshootlarni, yopiq gorizontal drenaj shoxobchalarini, vertikal drenaj quduqlarini, meliorativ nasos stansiyalari hamda kuzatish tarmoqlarini qurish, rekonstruksiya qilish, taʼmirlash va tozalash ishlarini oʻtkazishga”;

uchinchi xatboshidagi “davlat dasturiga” soʻzlari “davlat dasturlariga” soʻzlari bilan almashtirilsin.

b) 6-bandidagi “H. Sulaymonova koʻchasi” soʻzlari “Istiqlol koʻchasi” soʻzlari bilan almashtirilsin.

v) 8-bandi quyidagi tahrirda bayon etilsin:

“8. Jamgʻarma oʻz zimmasiga yuklatilgan vazifalardan kelib chiqqan holda quyidagi funksiyalarni bajaradi:

konsolidatsiya qilingan Davlat budjeti loyihasiga kiritish uchun daromadlar va xarajatlarning har yilgi balanslari loyihalarini ishlab chiqib, belgilangan tartibda va muddatlarda Oʻzbekiston Respublikasi Moliya vazirligiga taqdim etadi;

Jamgʻarma boʻyicha kelgusi yilning har bir choraklariga taqsimlangan xarajatlarining tasdiqlangan parametrini Oʻzbekiston Respublikasi Qishloq va suv xoʻjaligi vazirligiga, Qoraqalpogʻiston Respublikasi Vazirlar Kengashiga va viloyat hokimliklariga yetkazadi;

Jamgʻarma daromadlari va xarajatlari hisobini yuritadi;

meliorativ obyektlarini qurish va rekonstruksiya qilish uchun loyihalash hujjatlarini ishlab chiqish, investitsiya loyihalarini, jumladan, xorijiy investitsiyalarni jalb etgan holda amalga oshirish yuzasidan texnik topshiriqlarni beradi va tasdiqlaydi;

meliorativ obyektlarni loyihalash, qurilish, rekonstruksiya qilish, shuningdek magistral kollektorlarni taʼmirlash va tiklash boʻyicha loyihalash va tender hujjatlarini belgilangan tartibda ekspertizadan oʻtkazishni tashkil etadi;

meliorativ obyektlarni qurish va rekonstruksiya qilish, shuningdek magistral kollektorlarni taʼmirlash va tiklash boʻyicha aniq manzilli roʻyxatlarni tuzadi va belgilangan tartibda tegishli idoralarga tasdiqlash uchun kiritadi;

meliorativ obyektlarni rekonstruksiya qilish va qurish boʻyicha loyiha-qidiruv ishlari, shuningdek tegishli ilmiy-tadqiqot ishlarining aniq manzilli roʻyxatlarini belgilangan tartibda tasdiqlaydi;

Oʻzbekiston Respublikasi Qishloq va suv xoʻjaligi vazirligining Qurilayotgan korxonalar birlashgan direksiyalari (keyingi oʻrinlarda— QKBD) taqdimnomasi boʻyicha meliorativ obyektlarda taʼmirlash-tiklash ishlarining xarajatlar smetasi va manzilli dasturlarini kelishib oladi;

QKBD taqdimnomasi boʻyicha avariya-tiklash ishlari uchun, shuningdek meliorativ obyektlarni koʻzda tutilmagan holda taʼmirlash va tiklash ishlari uchun zaxira xarajatlari smetalarini tasdiqlaydi;

meliorativ obyektlarni rekonstruksiya qilish va qurish, magistral (viloyatlararo) kollektorlarni taʼmirlash-tiklash boʻyicha buyurtmachi vazifasini bajaradi;

QKBD buyurtmachi boʻlgan meliorativ obyektlarning taʼmirlash-tiklash ishlarini moliyalashtiradi, shuningdek qaytarib berish sharti bilan melioratsiya texnikasi, mashina va mexanizmlarni sotib oladi;

tumanlararo va xoʻjaliklararo meliorativ obyektlarda taʼmirlash-tiklash, loyiha-qidiruv ishlarini oʻtkazish boʻyicha QKBD buyurtmachi vazifasini bajarishi ustidan nazorat olib boradi;

meliorativ obyektlarni rekonstruksiya qilish va qurish, shuningdek magistral kollektorlarda taʼmirlash-tiklash ishlarini amalga oshirish boʻyicha tender (tanlov) savdolarini belgilangan tartibda oʻtkazadi, tanlov savdolari gʻoliblari bilan belgilangan tartibda shartnomalar tuzadi;

tumanlararo va xoʻjaliklararo meliorativ obyektlarda taʼmirlash-tiklash ishlari boʻyicha QKBD tomonidan tashkil etiladigan tender (tanlov) savdolarida belgilangan tartibda qatnashadi;

meliorativ obyektlarni rekonstruksiya qilish va qurish, taʼmirlash va tiklash, melioratsiya texnikasini sotib olish ustidan moliyaviy nazoratni amalga oshiradi;

magistral (viloyatlararo) meliorativ obyektlarni rekonstruksiya qilish, qurish va taʼmirlash-tiklash ishlari ustidan texnik nazoratni amalga oshiradi, shuningdek ularning belgilangan tartibda qabul qilib olishlarini taʼminlaydi;

tumanlararo va xoʻjaliklararo meliorativ obyektlarni taʼmirlash va tiklash, shuningdek ularni qabul qilib olish ishlari ustidan texnik nazoratni amalga oshirishda qatnashadi;

Jamgʻarma mablagʻlarining maqsadli va samarali sarflanishi ustidan belgilangan tartibda nazoratni amalga oshiradi;

Jamgʻarma mablagʻlaridan maqsadli va samarali foydalanilishi masalalari boʻyicha nazorat oʻlchovlarini, shuningdek korxonalar va tashkilotlar faoliyatini hujjatlar asosida tekshirib, taftishlarni muntazam ravishda oʻtkazib turadi;

Jamgʻarma mablagʻlaridan foydalanish boʻyicha tekshirishlarda aniqlangan qonun buzilishlari va kamchiliklarni bartaraf etish, shuningdek qonun hujjatlarida nazarda tutilgan tegishli sanksiyalarni oʻrnatilgan tartibda belgilash boʻyicha takliflar kiritadi;

Jamgʻarma daromadlari va xarajatlari boʻyicha normativ-huquqiy hujjatlar loyihalarini ishlab chiqadi va tegishli organlarga tasdiqlash uchun kiritadi;

aniq manzilli roʻyxatlarga kiritilgan meliorativ obyektlarda bajarilgan ishlarni belgilangan tartibda moliyalashtiradi”;

g) 9-band quyidagi mazmunda yettinchi band bilan toʻldirilsin:

“Oʻzmeliomashlizing” Davlat lizing kompaniyasidan — melioratsiya texnikasi, mashina va mexanizmlarni xarid qilishga ajratilgan mablagʻlardan maqsadli foydalanish boʻyicha maʼlumotlarni”;

yettinchi-sakkizinchi xatboshilar tegishli ravishda sakkizinchi-toʻqqizinchi xatboshilar deb hisoblansin;

d) 12-bandda:

beshinchi xatboshidagi “melioratsiya ekspeditsiyalari” soʻzlari “Qurilayotgan korxonalar birlashgan direksiyalari”, boshqa manfaatdor vazirliklar va idoralar” soʻzlari bilan almashtirilsin;

quyidagi mazmunda oltinchi xatboshi bilan toʻldirilsin;

“investitsiya dasturiga kiritilgan obyektlarning ustuvorligi va loyiha-smeta hujjatlarining tayyorligidan kelib chiqqan holda, tasdiqlangan limitlar doirasida, irrigatsiya-melioratsiya obyektlarining roʻyxati va prognoz parametrlariga oʻzgartishlar kiritadi”;

oltinchi-yettinchi xatboshilar yettinchi-sakkizinchi xatboshilar deb hisoblansin;

e) 13-bandning ikkinchi xatboshidagi “Jamgʻarma mablagʻlari” soʻzlari “Oʻzmeliomashlizing” DLK tomonidan berilgan qarz mablagʻlari boʻyicha marja tarzida olinadigan Jamgʻarma daromadlari” soʻzlari bilan almashtirilsin.