Oʻzbekiston Respublikasi Prezidentining “Byurokratik toʻsiqlarni bartaraf etish va tadbirkorlik faoliyati erkinligini yanada oshirish chora-tadbirlari toʻgʻrisida” 2011-yil 25-avgustdagi PQ-1604-son qaroriga (Oʻzbekiston Respublikasi qonun hujjatlari toʻplami, 2011-yil, 34-35-son, 345-modda), Oʻzbekiston Respublikasi Prezidentining “Ishbilarmonlik muhitini yanada tubdan yaxshilash va tadbirkorlikka yanada keng erkinlik berish chora-tadbirlari toʻgʻrisida” 2012-yil 18-iyuldagi PF-4455-son Farmoniga (Oʻzbekiston Respublikasi qonun hujjatlari toʻplami, 2012-yil, 29-son, 328-modda) va Oʻzbekiston Respublikasi Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar va qoʻshimcha kiritish toʻgʻrisida” 2011-yil 20-oktabrdagi 284-son qaroriga (Oʻzbekiston Respublikasi Prezidentining “Byurokratik toʻsiqlarni bartaraf etish va tadbirkorlik faoliyati erkinligini yanada oshirish chora-tadbirlari toʻgʻrisida” 2011-yil 25-avgustdagi PQ-1604-son qarori) (Oʻzbekiston Respublikasi qonun hujjatlari toʻplami, 2011-yil, 42-son, 455-modda) asosan Oʻzbekiston Respublikasi Tashqi iqtisodiy aloqalar, investitsiyalar va savdo vazirligi, Moliya vazirligi va Davlat bojxona qoʻmitasi qaror qiladi:

1. Oʻzbekiston Respublikasi Tashqi iqtisodiy aloqalar vazirligi 1998-yil 9-iyulda 01/12-7-son, Moliya vazirligi 1998-yil 10-avgustda 13-02-13/373-son va Davlat bojxona qoʻmitasi 1998-yil 10-iyulda 02/20-21-son (roʻyxat raqami 472, 1998-yil 11-avgust) bilan tasdiqlagan Oʻzbekiston Respublikasi bojxona hududida erkin sotishga moʻljallangan ishlab chiqarish-texnika tovarlari va mahsulotlarini bojxonada rasmiylashtirish tartibi oʻz kuchini yoʻqotgan deb hisoblansin.

2. Mazkur qaror Oʻzbekiston Respublikasi Markaziy banki bilan kelishilgan.

3. Mazkur qaror rasmiy eʼlon qilingan kundan eʼtiboran kuchga kiradi.