Ishlovchi ayollarning yuqori malakali mehnatini rag‘batlantirish, ularning daromadlarini oshirish hamda oilada, davlat va jamiyat qurilishida xotin-qizlarning rolini kuchaytirish, ularning huquqiy, ijtimoiy, iqtisodiy va ma’naviy manfaatlarini himoya qilish tizimini takomillashtirish bo‘yicha 1999-yilgi tadbirlar Davlat dasturini ro‘yobga chiqarish maqsadida:

1. Belgilab qo‘yilsinki, 1999-yilning 1-iyulidan boshlab, ayollar yoshga doir pensiyaga chiqqandan keyin o‘rta va kichik tibbiyot xodimlari, provizorlar, nogiron bolalarning internat uylarida, “Mehribonlik” uylarida tarbiyachilar, shuningdek kutubxonachilar sifatida ishlashni davom ettirayotgan va pensiyaga chiqish oldidan mazkur mutaxassisliklar bo‘yicha kamida o‘n yil stajga ega bo‘lgan hollarda ularning pensiyani to‘liq miqdorda olish huquqi saqlab qolinadi.

2. Mazkur Farmonning bajarilishini nazorat qilish O‘zbekiston Respublikasi Vazirlar Mahkamasi zimmasiga yuklatilsin.