LexUZ sharhi
Ushbu Qonun O‘zbekiston Respublikasining 1994-yil 6-maydagi 1086-XII-son “O‘zbekiston Respublikasining ayrim qonunlariga o‘zgartishlar va qo‘shimchalar kiritish to‘g‘risida”gi Qonuni bilan o‘z kuchini yo‘qotgan.
O‘zbekiston Respublikasi Oliy Kengashi qaror qiladi:
1. O‘zbekiston Respublikasi Prezidenti huzurida O‘zbekiston Respublikasining Davlat nazorati komiteti ta’sis etilsin.
2. O‘zbekiston Respublikasi Prezidenti huzuridagi O‘zbekiston Respublikasining Davlat nazorati komiteti respublika boshqaruv — ijroiya hokimiyatining oliy nazorat idorasi bo‘lib, O‘zbekiston Respublikasining Prezidenti rahbarligida ish olib boradi va O‘zbekiston Respublikasi Oliy Kengashiga hisob beradi.
3. O‘zbekiston Respublikasi Prezidenti huzuridagi O‘zbekiston Respublikasi Davlat nazorati komitetining Raisi O‘zbekiston Respublikasi Prezidenti tomonidan besh yil muddatga tayinlanadi va O‘zbekiston Respublikasining Oliy Kengashi tomonidan tasdiqlanadi. Ayni bir shaxsning o‘zi ushbu lavozimga qatorasiga ikki muddatdan ko‘pga tayinlanishi mumkin emas.
4. O‘zbekiston Respublikasi Prezidenti huzuridagi O‘zbekiston Respublikasi Davlat nazorati idoralari O‘zbekiston Respublikasi Oliy Kengashi qabul qilgan qonunlar va qarorlarning, Prezidentning farmonlari va farmoyishlarining, xo‘jalik qonunlarining, ijtimoiy va iqtisodiy dasturlarning bajarilishi, davlat va ijroiya intizomiga rioya etilishi yuzasidan mansabdor shaxslarning mas’uliyatini tekshiradilar.
Davlat nazorati idoralarining faoliyatini tashkil etish va bu faoliyatni amalga oshirish tartibi O‘zbekiston Respublikasi Prezidenti tasdiqlaydigan Nizomda belgilab beriladi.
6. O‘zbekiston Respublikasi Oliy Kengashi 1991-yil 18-noyabrda qabul qilgan “O‘zbekiston Respublikasining Nazorat palatasini tashkil etish to‘g‘risida”gi qarori o‘z kuchini yo‘qotgan deb hisoblansin.