Oʻzbekiston Respublikasi Oliy Kengashi qaror qiladi:

Oʻzbekiston Respublikasining Konstitutsiyasi (Asosiy Qonuni)ga quyidagi oʻzgartishlar va qoʻshimchalar kiritilsin:

1. 9-moddadan “xalq nazoratini kuchaytirish” degan soʻzlar chiqarib tashlansin.

2. 46-moddaning ikkinchi qismidan “xalq nazoratida” degan soʻzlar chiqarib tashlansin.

3. 85-modda chiqarib tashlansin.

4. 102-moddada:

8-banddagi “Oʻzbekiston Respublikasi Prezidentining SSSR Bosh prokurori bilan muvofiqlashtirilgan taqdimnomasiga binoan, Oʻzbekiston Respublikasining Prokurori va uning oʻrinbosarlarini tayinlaydi” degan soʻzlar “Oʻzbekiston Respublikasi Prezidentining taqdimnomasiga binoan Oʻzbekiston Respublikasi Prokurorini va uning oʻrinbosarlarini tayinlaydi, Oʻzbekiston Respublikasi Prezidenti huzuridagi Oʻzbekiston Respublikasi Davlat nazorati komitetini tashkil etadi” degan soʻzlar bilan almashtirilsin;

9-banddagi “Oʻzbekiston Respublikasi Xalq nazorati komitetining Raisini saylaydi” degan soʻzlar “Oʻzbekiston Respublikasi Prezidenti huzuridagi Oʻzbekiston Respublikasi Davlat nazorati komitetining Raisini tasdiqlaydi” degan soʻzlar bilan almashtirilsin.

5. 107-moddaning birinchi qismidagi “Oʻzbekiston Respublikasi Xalq nazorati komiteti” degan soʻzlar “Oʻzbekiston Respublikasi Prezidenti huzuridagi Oʻzbekiston Respublikasi Davlat nazorati komiteti” degan soʻzlar bilan almashtirilsin.

6. 116-modda birinchi qismining 5-bandidagi “Oʻzbekiston Respublikasi Xalq nazorati komiteti” degan soʻzlar “Oʻzbekiston Respublikasi Prezidenti huzuridagi Oʻzbekiston Respublikasi Davlat nazorati komiteti” degan soʻzlar bilan almashtirilsin.

7. 117-moddaning ikkinchi va uchinchi qismlari chiqarib tashlansin.

8. 118-4-moddada:

6-bandning birinchi xatboshisi “oʻrinbosarlari” degan soʻzdan keyin “Oʻzbekiston Respublikasi Prezidenti xuzuridagi Oʻzbekiston Respublikasi Davlat nazorati komitetining Raisi” degan soʻzlar bilan toʻldirilsin, shu bandning ikkinchi xatboshisidan “Oʻzbekiston Respublikasi Xalq nazorati komitetining Raisi” degan soʻzlar chiqarib tashlansin;

12-band quyidagi mazmunli 12 va 13-bandlar bilan almashtirilsin:

“12) Oʻzbekiston Respublikasi Prezidenti huzuridagi Oʻzbekiston Respublikasi Davlat nazorati komitetining faoliyatini yoʻnaltirib turadi;

13) qonun hujjatlari bilan oʻz tasarrufiga berib qoʻyilgan boshqa masalalarni xal qiladi”.