Sud qarorlari sud ijrochilari tomonidan soʻzsiz ijro etilishini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining quyidagi qarorlariga oʻzgartirishlar kiritilsin:

Vazirlar Mahkamasining “Sudlar va adliya organlarini rivojlantirish jamgʻarmasini tashkil etish toʻgʻrisida” 2003-yil 18-martdagi 147-son qarori 2-bandining yettinchi xat boshidagi (Oʻzbekiston Respublikasi QT, 2003-y., 3-son, 26-modda) va qarorga 1-ilovaning 2-bandi yettinchi xatboshidagi “soliqlar va boshqa majburiy toʻlovlar boʻyicha muddatida toʻlanmagan qarzlarni” soʻzlari “qarzdorning mol-mulkini sotish hisobiga soliq qarzdorligini” soʻzlari bilan almashtirilsin;

Vazirlar Mahkamasining 2010-yil 2-apreldagi 62-son qarori (Oʻzbekiston Respublikasi QT, 2010-y., 4-son, 14-modda) bilan tasdiqlangan Vazirliklar va idoralarning budjetdan tashqari jamgʻarmalariga yoʻnaltirilayotgan davlat bojlari, yigʻimlar va soliq boʻlmagan toʻlovlardan, maʼmuriy va moliyaviy jazolardan ajratmalar miqdorlarining 12-bandi “Shakllantirish manbai” ustunining yettinchi pozitsiyasidagi “soliqlar va boshqa majburiy toʻlovlar boʻyicha muddatida toʻlanmagan qarzlarni” soʻzlari “qarzdorning mol-mulkini sotish hisobiga soliq qarzdorligini” soʻzlari bilan almashtirilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.