“Tadbirkorlik faoliyati erkinligining kafolatlari toʻgʻrisida”gi Oʻzbekiston Respublikasi Qonuniga oʻzgartish va qoʻshimchalar kiritish haqida” Oʻzbekiston Respublikasining 2012-yil 2-maydagi OʻRQ-328-son Qonuniga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirishlar va qoʻshimcha kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S.Azimov zimmasiga yuklansin.

1. Vazirlar Mahkamasining “Tadbirkorlik faoliyati bilan shugʻullanish taqiqlangan mansabdor shaxslarning roʻyxati toʻgʻrisida” 1992-yil 6-martdagi 103-son qarorining sakkizinchi xatboshi (Oʻzbekiston Respublikasi QT, 1992-y., 3-son, 7-modda) chiqarib tashlansin.

2. Vazirlar Mahkamasining 2011-yil 2-maydagi 125-son qarori bilan maʼqullangan Davlat soliq xizmati organlarining yagona maʼlumotlar bazasini yaratish va soliq toʻlovchilarga axborot xizmati koʻrsatishni takomillashtirishga doir chora-tadbirlar kompleksiga quyidagi mazmundagi 2.5-1-band qoʻshilsin:

3. Vazirlar Mahkamasining “Tadbirkorlik faoliyatini amalga oshirish uchun yuridik va jismoniy shaxslarga tanlov asosida yer uchastkalari berishni takomillashtirishga doir qoʻshimcha chora-tadbirlar toʻgʻrisida” 2011-yil 25-maydagi 147-son qarori 4-bandining toʻrtinchi xatboshiga (Oʻzbekiston Respublikasi QT, 2011-y., 5-son, 41-modda) “shuningdek ommaviy axborot vositalarida, shu jumladan Internet butunjahon axborot tarmogʻi orqali oʻzlarining rasmiy veb-saytlarida yangi korxonalar qurish uchun beriladigan yer uchastkalarining, sotiladigan va tadbirkorlik subyektlariga ijaraga beriladigan qurilishi tugallanmagan obyektlar, boʻsh turgan va samarasiz foydalanilayotgan binolar va inshootlar roʻyxati muntazam ravishda eʼlon qilinishini” soʻzlari qoʻshilsin.