Oʻzbekiston Respublikasi Soliq kodeksi (Oʻzbekiston Respublikasi qonun hujjatlari toʻplami, 2007-y., 52 (II)-son), Oʻzbekiston Respublikasi “Davlat soliq xizmati toʻgʻrisida”gi Qonunining (Oʻzbekiston Respublikasi Oliy Majlisi Axborotnomasi, 1997-y., 9-son, 232-modda) 7-moddasi va Oʻzbekiston Respublikasi Vazirlar Mahkamasining 2009-yil 17-iyundagi “Soliq imtiyozlari tartibga solinishi munosabati bilan Oʻzbekiston Respublikasi Hukumatining ayrim qarorlariga oʻzgartirishlar kiritish va baʼzilarini oʻz kuchini yoʻqotgan deb hisoblash toʻgʻrisida”gi 168-sonli qaroriga (Oʻzbekiston Respublikasi qonun hujjatlari toʻplami, 2009-yil, 25-son, 288-modda) muvofiq Oʻzbekiston Respublikasi Davlat soliq qoʻmitasi va Moliya vazirligi qaror qiladilar:

1. Oʻzbekiston Respublikasi Davlat soliq qoʻmitasi va Moliya vazirligining 1996-yil 3-maydagi 44, 37-sonli “1996-yil uchun kapital qoʻyilmalarni moliyalashtirish uchun hisoblangan aksiz soligʻi qiymatining bir qismini “Oʻzbekneftgaz” MK korxonalari tasarrufida qoldirishning Vaqtinchalik tartibi” (roʻyxat raqami 250, 1996-yil 28-may) oʻz kuchini yoʻqotgan deb hisoblansin.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.