Oʻzbekiston Respublikasi Prezidentining 2012-yil 18-iyuldagi PF–4455-sonli “Ishbilarmonlik muhitini yanada tubdan yaxshilash va tadbirkorlikka yanada keng erkinlik berish chora-tadbirlari toʻgʻrisida”gi Farmoniga (Oʻzbekiston Respublikasi qonun hujjatlari toʻplami, 2012-y., 29-son, 328-modda) va Oʻzbekiston Respublikasi Vazirlar Mahkamasining 2003-yil 8-yanvardagi 8-sonli qarori (Oʻzbekiston Respublikasi qonun hujjatlari toʻplami, 2003-y., 1-2-son, 7-modda) bilan tasdiqlangan Oʻzbekiston Respublikasi Davlat statistika qoʻmitasi toʻgʻrisidagi nizomga muvofiq Davlat statistika qoʻmitasi qaror qiladi:

1. Oʻzbekiston Respublikasi Davlat statistika qoʻmitasining 2011-yil 1-iyuldagi 3-mb-sonli qarori (roʻyxat raqami 2251, 2011-yil 2-avgust) (Oʻzbekiston Respublikasi qonun hujjatlari toʻplami, 2011-y., 31-son, 334-modda) bilan tasdiqlangan Elektron zaxiraga olish tizimi va firma nomlarining markazlashtirilgan maʼlumotlar bazasining ishlash tartibi toʻgʻrisidagi yoʻriqnomaga ilovaga muvofiq oʻzgartirish va qoʻshimchalar kiritilsin.

2. Ushbu qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

1. 2-bandning ikkinchi xatboshisi “saytiga” degan soʻzdan keyin “kecha-kunduz” degan soʻzlar bilan toʻldirilsin.

2. 4-bandning uchinchi xatboshisi “sayti orqali” degan soʻzlardan keyin “kecha-kunduz” degan soʻzlar bilan toʻldirilsin.

3. 9-bandning ikkinchi xatboshisi “talabnomani” degan soʻzdan keyin “kecha-kunduz” degan soʻzlar bilan toʻldirilsin.

4. 10, 11 va 16-bandlardagi “8” raqami “4” raqami bilan almashtirilsin.

5. Ushbu oʻzgartirish va qoʻshimchalar Oʻzbekiston aloqa va axborotlashtirish agentligi bilan kelishilgan.