Oʻzbekiston Respublikasi Prezidentining 2011-yil 25-avgustdagi PQ–1604-son “Byurokratik toʻsiqlarni bartaraf etish va tadbirkorlik faoliyati erkinligini yanada oshirish chora-tadbirlari toʻgʻrisida”gi qarori (Oʻzbekiston Respublikasi qonun hujjatlari toʻplami, 2011-y., 34-35-son, 345-modda) va Oʻzbekiston Respublikasi Vazirlar Mahkamasining 2011-yil 2-noyabrdagi 294-son “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida”gi (Oʻzbekiston Respublikasi Prezidentining “Kichik biznes va xususiy tadbirkorlikni yanada rivojlantirish uchun qulay ishbilarmonlik muhitini shakllantirishga doir qoʻshimcha chora-tadbirlar toʻgʻrisida” 2011-yil 24-avgustdagi PF–4354-son Farmoni, Oʻzbekiston Respublikasi Prezidentining “Byurokratik toʻsiqlarni bartaraf etish va tadbirkorlik faoliyati erkinligini yanada oshirish chora-tadbirlari toʻgʻrisida” 2011-yil 25-avgustdagi PQ–1604-son qarori)” (Oʻzbekiston Respublikasi qonun hujjatlari toʻplami, 2011-y., 45-46-son, 470-modda) qarorini bajarish yuzasidan buyuraman:

1. Oʻzbekiston avtomobil va daryo transporti agentligi boshligʻining 2004-yil 22-martdagi 44-son “Avtomobil transportida shahar, shahar atrofi shaharlararo va xalqaro yoʻlovchilar tashish yoʻnalishlarini ochish (yopish) tartibi toʻgʻrisidagi Nizomni tasdiqlash haqida”gi (roʻyxat raqami 1363, 2004-yil 21-may) buyrugʻi (Oʻzbekiston Respublikasi qonun hujjatlari toʻplami, 2004-y., 20-son, 245-modda) oʻz kuchini yoʻqotgan deb hisoblansin.

2. Mazkur buyruq Oʻzbekiston Respublikasi Ichki ishlar vazirligi, “Oʻzbekiston temir yoʻllari” DATYK va “Oʻzdavtemiryoʻlnazorat” Davlat inspeksiyasi bilan kelishilgan.

3. Mazkur buyruq Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.