“Toshkent shahri va Toshkent viloyatida doimiy propiska qilinishi lozim boʻlgan shaxslar – Oʻzbekiston Respublikasi fuqarolari toifalarining roʻyxati toʻgʻrisida”gi Oʻzbekiston Respublikasi Qonuniga (Oʻzbekiston Respublikasi qonun hujjatlari toʻplami, 2011-yil, 37-son, 375-modda) va Oʻzbekiston Respublikasi Vazirlar Mahkamasining 2012-yil 16-fevraldagi 41-son “Toshkent shahri va Toshkent viloyatida doimiy propiska qilinishi lozim boʻlgan shaxslar – Oʻzbekiston Respublikasi fuqarolari toifalarining roʻyxati toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida”gi (Oʻzbekiston Respublikasi qonun hujjatlari toʻplami, 2012-yil, 16-son, 179-modda), 2012-yil 20-apreldagi 116-son “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzi qarorlarini oʻz kuchini yoʻqotgan deb hisoblash toʻgʻrisidagi (Oʻzbekiston Respublikasi Vazirlar Mahkamasining “Toshkent shahri va Toshkent viloyatida doimiy propiska qilinishi lozim boʻlgan shaxslar – Oʻzbekiston Respublikasi fuqarolari toifalarining roʻyxati toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida” 2012-yil 16-fevraldagi 41-son qarori) (Oʻzbekiston Respublikasi qonun hujjatlari toʻplami, 2012-yil, 17-son, 191-modda) qarorlariga muvofiq buyuraman:

1. Oʻzbekiston Respublikasi ichki ishlar vazirining 2001-yil 11-martdagi 65-son buyrugʻi (roʻyxat raqami 1019, 2001-yil 22-mart) (Oʻzbekiston Respublikasi vazirliklari, davlat qoʻmitalari va idoralarining meʼyoriy hujjatlari axborotnomasi, 2001-y., 6-son) bilan tasdiqlangan Oʻzbekiston Respublikasining 16 yoshga toʻlmagan fuqarosi guvohnomasini Oʻzbekiston Respublikasi ichki ishlar idoralari tomonidan rasmiylashtirish va berish tartibi toʻgʻrisidagi yoʻriqnomaga ilovaga muvofiq oʻzgartirish va qoʻshimchalar kiritilsin.

2. Mazkur buyruq Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

1. 2-bandda:

birinchi xatboshidagi “, Toshkent shahar va viloyatlar” degan soʻzlar “va viloyatlar (Toshkent viloyatidan tashqari)” degan soʻzlar bilan almashtirilsin;

ikkinchi xatboshidagi “, Toshkent shahar IIBB va viloyatlar” degan soʻzlar “va viloyatlar (Toshkent viloyatidan tashqari)” degan soʻzlar bilan almashtirilsin.

2. 12-bandning ikkinchi xatboshisi quyidagi tahrirda bayon etilsin:

“a) Qoraqalpogʻiston Respublikasi Vazirlar Kengashi va viloyatlar (Toshkent viloyatidan tashqari) hokimliklari huzuridagi maxsus komissiyaning qarori;”.

3. 1-ilovadagi “IIBB” abbreviaturasi chiqarib tashlansin.

4. 4-ilovadagi “, Toshkent shahar va viloyatlar” degan soʻzlar “va viloyatlar (Toshkent viloyatidan tashqari)” degan soʻzlar bilan almashtirilsin.

5. Mazkur oʻzgartirish va qoʻshimchalar Oʻzbekiston Respublikasi Tashqi ishlar vazirligi, Bosh prokuratura va Milliy xavfsizlik xizmati bilan kelishilgan.