LexUZ sharhi
Mazkur Farmon O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
Savdo sohasida bozor islohotlarini va monopoliyadan chiqarish jarayonlarini chuqurlashtirish, raqobatni rivojlantirish, iste’mol bozorini to‘ldirishda korxonalar hamda mahalliy boshqaruv idoralarining xo‘jalik sohasidagi mustaqilligini yanada oshirish maqsadida:
1. 1998-yilning 1-yanvaridan boshlab oziq-ovqat mahsulotlari asosiy guruhlarini fond yo‘li bilan taqsimlash tizimi bekor qilinsin.
Oldingi tahrirga qarang.
(1-bandning ikkinchi, uchinchi va to‘rtinchi xatboshilari O‘zbekiston Respublikasi Prezidentining 2003-yil 15-oktabrdagi PF-3335-sonli Farmoniga asosan chiqarib tashlangan — O‘R QHT, 2003-y., 19-son, 177-modda)
Oldingi tahrirga qarang.
(2—4 va 5-bandlar O‘zbekiston Respublikasi Prezidentining 2006-yil 6-iyundagi PF–3760-sonli Farmoni bilan o‘z kuchini yo‘qotgan — O‘R QHT, 2006-y., 23-son, 201-modda)
6. Vazirlar Mahkamasi bir hafta muddatda ushbu Farmonni amalga oshirish yuzasidan qaror qabul qilsin.
7. “O‘zbekiston Respublikasi Savdo vazirligini O‘zbekiston “Savdo” davlat-aksiyadorlik uyushmasi (“O‘zbeksavdo”)ga aylantirish to‘g‘risida” O‘zbekiston Respublikasi Prezidentining 1992-yil 5-maydagi PF-398-sonli Farmoni o‘z kuchini yo‘qotgan deb hisoblansin.