LexUZ sharhi
Mazkur Farmon O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
Pensionyerlarni ijtimoiy qo‘llab-quvvatlashni ta’minlash maqsadida:
1. 1994-yilning 1-dekabridan boshlab O‘zbekiston Respublikasi hududida mehnat pensiyasining eng oz miqdori oyiga 135 so‘m qilib belgilansin.
2. Hozirgi vaqtda amalda bo‘lgan barcha turdagi pensiyalar, shuningdek bolalikdan nogironlarga, keksa va mehnatga yaroqsiz fuqarolarga beriladigan nafaqalar miqdori 1,2 baravar oshirilsin.
3. Mazkur Farmonni amalga oshirish bilan bog‘liq xarajatlar Ijtimoiy sug‘urta jamg‘armasi mablag‘lari hisobidan qoplansin.
4. Ushbu Farmonning bajarilishini nazorat qilish O‘zbekiston Respublikasining Vazirlar Mahkamasi zimmasiga yuklansin.