LexUZ sharhi
Mazkur Farmon O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
Shaxsiy tomorqa xo‘jaliklarining egalari uyushmasini respublika aholisini oziq-ovqat bilan ta’minlovchi asosiy sohalardan biri sifatida qaror toptirish, uning ijtimoiy-maishiy sharoitlarini yaxshilash, shuningdek bozor munosabatlariga kirish davrida dehqonlarning manfaatlarini himoya qilish maqsadida:
1. Uyushmaning shaxsiy tomorqa xo‘jaliklarini rivojlantirishga yordam berish fondini tashkil etish uchun bir milliard so‘m ajratilsin.
2. Vazirlar Kabineti zimmasiga shaxsiy tomorqa xo‘jaliklari egalari uyushmasiga shaxsiy xo‘jaliklar sohasi uchun moddiy-texnika resurslari bo‘yicha fond egasi vazifalarini berish vakolati topshirilsin.
3. Shaxsiy tomorqa xo‘jaliklari egalari uyushmasi kengashi O‘zbekiston SSR Moliya vazirligi, O‘zbekiston Dehqonchilik-sanoat banki, O‘zbekiston SSR Qishloq xo‘jaligi vazirligi, Qoraqalpog‘iston Vazirlar Kengashi va viloyat ijroiya komitetlari bilan birgalikda ikki hafta muddat ichida shaxsiy tomorqa xo‘jaliklarini rivojlantirishga yordam berish fondining maqomi va undan foydalanish to‘g‘risidagi Nizomni tayyorlab chiqsin va Vazirlar Kabinetiga taqdim etsin.