Oʻzbekiston Respublikasi Prezidentining “Ijtimoiy va fuqaro obyektlarini loyihalash va qurishda tegishli tartib oʻrnatish chora-tadbirlari toʻgʻrisida” 2011-yil 27-dekabrdagi PQ-1666-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ayrim qarorlariga ilovaga muvofiq oʻzgartirish va qoʻshimchalar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.I. Zakirov zimmasiga yuklansin.

1. Vazirlar Mahkamasining “Arxitektura va qurilish sohasidagi ishlarni tashkil etish va nazoratni takomillashtirish chora-tadbirlari toʻgʻrisida” 2000-yil 27-apreldagi 165-son qarori 1-bandining uchinchi xatboshidagi “shaharsozlik hujjatlarisiz” soʻzlari “loyiha hujjatlarisiz hamda ularni shaharlar va aholi punktlarining tasdiqlangan bosh rejalariga muvofiqlashtirmasdan” soʻzlari bilan almashtirilsin.

2. Vazirlar Mahkamasining 2000-yil 5-avgustdagi 305-son qarori (Oʻzbekiston Respublikasi QT, 2000-y., 8-son, 48-modda) bilan tasdiqlangan Obyektlar qurilishini loyihalash hujjatlarini ishlab chiqish bilan ayni bir vaqtda amalga oshirish tartibi toʻgʻrisidagi nizomda:

a) 2-banddagi “qaroriga koʻra” soʻzlari “Oʻzbekiston Respublikasi Prezidenti Devoni bilan kelishilgan qaroriga koʻra” soʻzlari bilan almashtirilsin;

b) 3-bandning birinchi xatboshidagi “Makroiqtisodiyot va statistika vazirligi” soʻzlari “Iqtisodiyot vazirligi” soʻzlari bilan almashtirilsin;

v) 6-bandda:

birinchi xatboshiga “Vazirlar Mahkamasining” soʻzlaridan keyin “Prezident Devoni bilan kelishgan holda belgilangan tartibda qabul qilingan” soʻzlari qoʻshilsin;

ikkinchi xatboshidagi “idoradan tashqari” soʻzlari “davlat” soʻzi bilan almashtirilsin;

g) 8-bandning birinchi xatboshidagi “Davlat idoradan tashqari ekspertiza bosh boshqarmasi” soʻzlari “Shaharsozlik hujjatlarini davlat ekspertizasidan oʻtkazish boshqarmasi” soʻzlari bilan almashtirilsin;

d) 10-bandning toʻrtinchi xatboshidagi “Makroiqtisodiyot va statistika vazirligi” soʻzlari “Oʻzbekiston Respublikasi Iqtisodiyot vazirligi” soʻzlari bilan almashtirilsin;

e) 13-banddagi “Davarxitektqurilish” qoʻmitasining Davlat arxitektura-qurilish nazorati bosh boshqarmasi (“Boshdavarxitektqurilishnazorat”) yoki uning mintaqaviy boʻlinmalari tomonidan” soʻzlari “Davlat arxitektura-qurilish nazorati hududiy inspeksiyalari (DAQN inspeksiyalari) tomonidan” soʻzlari bilan almashtirilsin;

j) 14-bandning birinchi va ikkinchi xatboshidagi “Boshdavarxitektqurilishnazorat” organlari” va “Boshdavarxitektqurilishnazorat” organi” soʻzlari tegishli ravishda “DAQN inspeksiyalari” va “DAQN inspeksiyasi” soʻzlari bilan almashtirilsin.

3. Vazirlar Mahkamasining 2000-yil 14-avgustdagi 320-son qarori (Oʻzbekiston Respublikasi QT, 2000-y., 8-son, 52-modda) bilan tasdiqlangan Shaharlar, tuman markazlari va shahar tipidagi posyolkalarning bosh rejalarini ishlab chiqish va ularni qurish tartibi toʻgʻrisidagi nizomda:

a) 1.1-banddagi “Arxitektura va shaharsozlik toʻgʻrisida”gi Oʻzbekiston Respublikasi Qonuni” soʻzlari “Oʻzbekiston Respublikasining Shaharsozlik kodeksi” soʻzlari bilan almashtirilsin;

b) 1.4-bandga quyidagi mazmundagi ikkinchi xatboshi qoʻshilsin:

“Oʻzlashtirilmagan (qurilmagan) zaxira hududlar mavjud boʻlgan taqdirda hisob-kitob muddati tamom boʻlgandan keyin bosh rejaning amal qilishi yangi (tuzatish kiritilgan) bosh reja belgilangan tartibda tasdiqlangunga qadar tatbiq etiladi”;

v) 3.1-banddagi “Oʻzshaharsozlik” loyihalash ilmiy-tadqiqot instituti va Toshkent shahar bosh loyihasini ilmiy-tadqiqot qilish va loyihalashtirish instituti” soʻzlari “OʻzshaharsozlikLITI” davlat unitar korxonasi va “ToshkentboshplanLITI” davlat unitar korxonasi” soʻzlari bilan almashtirilsin;

g) 3.2-bandning birinchi xatboshidagi “va jismoniy” soʻzlari chiqarib tashlansin;

d) 6.4-band quyidagi tahrirda bayon qilinsin:

“6.4. Quyidagilar:

tegishli birlamchi-ruxsat beruvchi va shaharsozlik hujjatlarisiz, shuningdek ularni aholi punktlarining tasdiqlangan bosh rejalariga muvofiqlashtirmasdan aholi yashash joylari hududida obyektlarni loyihalashtirish va qurish;

shaharlar, posyolkalar va tuman markazlarida qurilishi tugallangan massivlar, koʻp qavatli turar joy kichik dahalari (mavzelar) hududida tasdiqlangan bosh rejalarda nazarda tutilmagan ishlab chiqarish, savdo, umumiy ovqatlanish, servis xizmat koʻrsatish va bozor infratuzilmasining alohida turgan obyektlarini joylashtirish, loyihalashtirish va qurish taqiqlanadi”;

e) 6.5-band oʻz kuchini yoʻqotgan deb hisoblansin;

j) 6.6 va 6.7-bandlardagi “Oʻzshaharsozlik” loyihalash ilmiy-tadqiqot instituti va Toshkent shahar bosh loyihasini ilmiy-tadqiqot qilish va loyihalashtirish instituti” soʻzlari “OʻzshaharsozlikLITI” davlat unitar korxonasi” va “ToshkentboshplanLITI” davlat unitar korxonasi” soʻzlari bilan almashtirilsin.

4. Vazirlar Mahkamasining “Kapital qurilishda tanlov savdolari tizimini takomillashtirish chora-tadbirlari toʻgʻrisida” 2003-yil 3-iyuldagi 302-son qarorining 2-bandida (Oʻzbekiston Respublikasi QT, 2003-y., 7-son, 57-modda):

a) beshinchi xatboshiga “ushbu bandning yettinchi xatboshida nazarda tutilgan hollardan tashqari” soʻzlari qoʻshilsin”;

b) quyidagi mazmundagi yettinchi xatboshi qoʻshilsin:

“buyurtmachi bilan pudratchi oʻrtasida kelishuv mavjudligidan qatʼi nazar, qurish va rekonstruksiya qilishning hisob-kitob (smeta) qiymati oshishiga yoʻl qoʻyilgan obyektlar boʻyicha tanlov savdolari natijalari boʻyicha tuzilgan shartnomada nazarda tutilgan shartlarning oʻzgarishi qurilishi va rekonstruksiya qilinishi Hukumat darajasida tasdiqlanishi kerak boʻlgan obyektlarning manzilli roʻyxatlarini tasdiqlash boʻyicha Hukumat komissiyasining qarori qabul qilingan taqdirdagina qabul qilingan deb hisoblanadi”.

5. Vazirlar Mahkamasining “Respublika loyiha-qidiruv tashkilotlari faoliyatini yanada takomillashtirish chora-tadbirlari toʻgʻrisida” 2010-yil 23-martdagi 50-son qarorining 5-bandidagi “faqat Vazirlar Mahkamasi huzuridagi Respublika arxitektura-shaharsozlik kengashi bilan kelishilgan taqdirdagina amalga oshirilishi mumkinligining” soʻzlari “yoʻl qoʻyilmasligi yuzasidan” soʻzlari bilan almashtirilsin.

6. Vazirlar Mahkamasining “Shaharlar, shahar posyolkalarining bosh rejalarini, qishloq fuqarolar yigʻinlari hududlarini arxitektura-rejalashtirishni tashkil etish loyihalarini ishlab chiqish va amalga oshirish tartibini takomillashtirish chora-tadbirlari toʻgʻrisida” 2010-yil 4-dekabrdagi 286-son qarori 7-bandining uchinchi xatboshiga “tegishli aholi punktlarining tasdiqlangan shaharsozlik hujjatlariga va, zaruriyat boʻlganda, ularga belgilangan tartibda kiritiladigan tuzatishlarga qatʼiy muvofiq ravishda” soʻzlari qoʻshilsin.

7. Vazirlar Mahkamasining “Shaharsozlik faoliyatini amalga oshirish hamda qishloq xoʻjaligiga oid boʻlmagan boshqa ehtiyojlar uchun yer uchastkalari berish tartibini takomillashtirish chora-tadbirlari toʻgʻrisida” 2011-yil 25-maydagi 146-son qarorida (Oʻzbekiston Respublikasi QT, 2011-y., 5-son, 40-modda):

a) 2-bandning ikkinchi xatboshiga “belgilangan tartibda tasdiqlangan loyiha hujjatlarisiz hamda ularni shaharlar va aholi punktlarining tasdiqlangan bosh rejalariga muvofiqlashtirmasdan obyektlarni qurish va rekonstruksiya qilishga yoʻl qoʻyilmasligini” soʻzlari qoʻshilsin;

b) Shaharsozlik faoliyatini amalga oshirish hamda qishloq xoʻjaligiga oid boʻlmagan boshqa ehtiyojlar uchun yer uchastkalari berish tartibi toʻgʻrisidagi nizomda:

11-bandda:

toʻrtinchi xatboshidagi “shuningdek” soʻzi “qurilishi va rekonstruksiya qilinishi Oʻzbekiston Respublikasi Hukumati darajasida tasdiqlanishi kerak boʻlgan obyektlarning manzilli roʻyxatlarini tasdiqlash boʻyicha Hukumat komissiyasi tomonidan, shuningdek” soʻzlari bilan almashtirilsin;

quyidagi mazmundagi beshinchi xatboshi qoʻshilsin:

“Hisob-kitob (smeta) qiymati 2,0 mlrd soʻm va undan ortiq boʻlgan obyektlar qurilishi uchun (ular boʻyicha Oʻzbekiston Respublikasi Prezidenti va Hukumatining qarori mavjud boʻlgan obyektlar qurilishi bundan mustasno) yer uchastkalari ajratish, moliyalashtirish manbalaridan qatʼi nazar, qurilishi va rekonstruksiya qilinishi Oʻzbekiston Respublikasi Hukumati darajasida tasdiqlanishi kerak boʻlgan obyektlarning manzilli roʻyxatlarini tasdiqlash boʻyicha Hukumat komissiyasining ijobiy qarori olingandan keyin rasmiylashtiriladi”;

18-bandga quyidagi mazmundagi ikkinchi xatboshi qoʻshilsin:

“Oldin ishlab chiqilgan va tasdiqlangan loyihalar boʻyicha shaharlar va posyolkalarda (tuman markazlarida) qurilishi tugallangan maʼmuriy markazlar, turar joy kichik dahalari hududida qurish uchun obyektlarni joylashtirish boʻyicha materiallar qurilishi va rekonstruksiya qilinishi Oʻzbekiston Respublikasi Hukumati darajasida tasdiqlanishi kerak boʻlgan obyektlarning manzilli roʻyxatlarini tasdiqlash boʻyicha Hukumat komissiyasi bilan belgilangan tartibda kelishilishi kerak”.