Oʻzbekiston Respublikasi Soliq kodeksi (Oʻzbekiston Respublikasi qonun hujjatlari toʻplami, 2007-y., 52 (I)-son) va Oʻzbekiston Respublikasi “Davlat soliq xizmati toʻgʻrisida”gi Qonunining (Oʻzbekiston Respublikasi Oliy Majlisining Axborotnomasi, 1997-y., 9-son, 232-modda) 7-moddasiga muvofiq, Oʻzbekiston Respublikasi Moliya vazirligi, Markaziy bank Boshqaruvi va Davlat soliq qoʻmitasi qaror qiladilar:

1. Oʻzbekiston Respublikasi Moliya vazirligi, Markaziy banki, Davlat soliq qoʻmitasi va Ijtimoiy taʼminot vazirligi huzuridagi pensiya fondi tomonidan 1998-yil 13-iyulda 04-01-02/512, 19-107, 98-89, 04-1/-321-son bilan tasdiqlangan Adliya vazirligi 1997-yil 5-martda 311-son bilan roʻyxatga olgan “Korxona, muassasa va tashkilotlar sotilgan mahsulot (ishlar, xizmatlar)ning amaldagi hajmidan OʻzR Ijtimoiy taʼminot vazirligi huzuridagi Pensiya fondiga oʻtkazadigan majburiy ajratmalarni hisoblash va toʻlash tartibi”ga (OʻzR Moliya vazirligi № 04-01-05/96a, DSQ № 97-14, PF № 03-01/43 1997-yil 21-fevral) qoʻshimcha (roʻyxat raqami 311-1, 1998-yil 6-avgust) oʻz kuchini yoʻqotgan deb hisoblansin.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.