1-modda. O‘zbekiston Respublikasining 1994-yil 23-sentabrda qabul qilingan “Yer osti boyliklari to‘g‘risida”gi 2018-XII-sonli Qonuniga (O‘zbekiston Respublikasining 2002-yil 13-dekabrda qabul qilingan 444-II-sonli Qonuni bilan tasdiqlangan tahririda) (O‘zbekiston Respublikasi Oliy Majlisining Axborotnomasi, 2003-yil, № 1, 5-modda; O‘zbekiston Respublikasi Oliy Majlisi palatalarining Axborotnomasi, 2007-yil, № 12, 604-modda; 2011-yil, № 1, 1-modda, № 9, 247-modda) quyidagi o‘zgartish va qo‘shimchalar kiritilsin:

1) 26-modda quyidagi mazmundagi yettinchi qism bilan to‘ldirilsin:

“Ushbu Qonunning 31-moddasida nazarda tutilgan hollarda, shuningdek foydali qazilmalarni kavlab olish bilan bog‘liq bo‘lmagan holda daryolarning o‘zanlarini, kanallar va kollektorlarni tozalashda litsenziya olish talab qilinmaydi”;

2) 27-modda:

to‘rtinchi qismidagi “beshinchi qismida” degan so‘zlar “beshinchi va oltinchi qismlarida” degan so‘zlar bilan almashtirilsin;

quyidagi mazmundagi oltinchi qism bilan to‘ldirilsin:

“Geologik jihatdan o‘rganish, tajriba-sanoat yo‘sinida kavlab olish, noruda foydali qazilmalarni kavlab olish, texnogen mineral hosilalardan foydalanish uchun noruda foydali qazilmalarni o‘z ichiga olgan yer qa’ri uchastkalaridan foydalanish huquqini beruvchi litsenziyalar O‘zbekiston Respublikasi Vazirlar Mahkamasining Noruda foydali qazilmalarni o‘z ichiga olgan yer qa’ri uchastkalaridan foydalanish huquqi uchun litsenziyalar berish bo‘yicha komissiyasi tomonidan beriladi”.

2-modda. Ushbu Qonun rasmiy e’lon qilingan kundan e’tiboran kuchga kiradi.