Oʻzbekiston Respublikasi Vazirlar Mahkamasining 2011-yil 16-maydagi 136-sonli “Xorijiy investorlar va xorijiy investitsiyalar ishtirokidagi korxonalar tomonidan oʻz ishlab chiqarish ehtiyojlari uchun olib kelinayotgan mol-mulkni sertifikatlash mexanizmini takomillashtirishga doir qoʻshimcha chora-tadbirlar toʻgʻrisida”gi qarorining 2-bandiga (Oʻzbekiston Respublikasi qonun hujjatlari toʻplami, 2011-y., 20-21-son, 200-modda) muvofiq, Oʻzbekiston Respublikasi Tashqi iqtisodiy aloqalar, investitsiyalar va savdo vazirligi, Moliya vazirligi va Davlat bojxona qoʻmitasi qaror qiladilar:

1. Quyidagilar oʻz kuchini yoʻqotgan deb hisoblansin:

Oʻzbekiston Respublikasi Tashqi iqtisodiy aloqalar vazirligi tomonidan 1998-yil 1-aprelda, Oʻzbekiston Respublikasi Moliya vazirligi tomonidan 1998-yil 2-aprelda 19-son bilan, Oʻzbekiston Respublikasi Davlat bojxona qoʻmitasi tomonidan 1998-yil 3-aprelda 02/19-2-son bilan tasdiqlangan Xorijiy investitsiyalar ishtirokidagi korxonalar tomonidan oʻz ehtiyojlari uchun import qilinadigan mahsulotlarni aniqlash qoidalari (roʻyxat raqami 423, 1998-yil 8-aprel);

Oʻzbekiston Respublikasi Tashqi iqtisodiy aloqalar vazirligi tomonidan 1998-yil 9-iyulda 01/12-4-son bilan, Oʻzbekiston Respublikasi Moliya vazirligi tomonidan 1998-yil 10-avgustda 13-02-13/372-son bilan, Oʻzbekiston Respublikasi Davlat bojxona qoʻmitasi tomonidan 1998-yil 10-iyulda 02/20-18-son bilan tasdiqlangan Xorijiy investitsiyalar ishtirokidagi korxonalar tomonidan oʻz ehtiyojlari uchun import qilinadigan mahsulotlarni aniqlash qoidalariga 1-son oʻzgartirish va qoʻshimchalar (roʻyxat raqami 423-1, 1998-yil 11-avgust).

2. Ushbu qaror Oʻzbekiston Respublikasi Markaziy banki bilan kelishilgan.

3. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.