Oʻzbekiston Respublikasi Prezidentining “Oʻzbekiston Respublikasi Prezidenti Devoni nizomi va tuzilmasini tasdiqlash toʻgʻrisida” 2011-yil 18-martdagi PF-4295-son Farmoniga muvofiq Vazirlar Mahkamasi qaror qiladi:

1. Oʻzbekiston Respublikasi Vazirlar Mahkamasining ayrim qarorlariga ilovaga muvofiq oʻzgartirishlar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

1. Vazirlar Mahkamasining “Oʻzbekiston Respublikasi rahbarlari va delegatsiyalarining xorijiy mamlakatlarga tashriflarini va chet el delegatsiyalarini, davlat va siyosiy arboblarini qabul qilishni uyushtirish hamda shu maqsadlar uchun davlat budjetidan ajratiladigan mablagʻlarni sarflash tartibi toʻgʻrisida” 1994-yil 23-martdagi 158-son qarorida:

a) 2-band quyidagi tahrirda bayon qilinsin:

“2. Belgilab qoʻyilsinki, rahbarlar tashriflari va delegatsiyalarni, shuningdek ayrim shaxslarni qabul qilish xarajatlari smetasi Oʻzbekiston Respublikasi Hukumatining qarorlari bilan belgilangan tartibda tasdiqlanadi”;

b) Oʻzbekiston Respublikasi rahbarlari va delegatsiyalarining xorijiy mamlakatlarga tashriflarini va chet el delegatsiyalarini, davlat va siyosiy arboblarini qabul qilishni uyushtirish hamda shu maqsadlar uchun davlat budjetidan ajratiladigan mablagʻlarni sarflash tartibi toʻgʻrisidagi nizomda:

1.1-banddagi “Oliy Majlisi Raisining” soʻzlari “Oliy Majlisi Qonunchilik palatasining Spikeri yoki Oliy Majlisi Senati Raisining” soʻzlari bilan almashtirilsin;

1.5-banddagi “Oliy Kengashi Kotibiyati” soʻzlari “Oliy Majlisi Qonunchilik palatasi devoni va Oliy Majlisi Senati devoni” soʻzlari bilan almashtirilsin;

2.5-bandda:

birinchi xatboshidagi “Prezidentning davlatlararo va millatlararo munosabatlar masalalari boʻyicha Davlat maslahatchisi” soʻzlari “Maslahatchi — Oʻzbekiston Respublikasi Prezidenti protokol xizmatining rahbari” soʻzlari bilan almashtirilsin;

toʻrtinchi xatboshi quyidagi tahrirda bayon qilinsin:

“Agar qabul marosimi Oʻzbekiston Respublikasi Qonunchilik palatasi yoki Oliy Majlisi Senati nomidan uyushtirilgan boʻlsa, esdalik sovgʻalari parlament nomidan topshiriladi. Bunda tashkiliy masalalar tegishli ravishda Oʻzbekiston Respublikasi Oliy Majlisi Qonunchilik palatasining Spikeri yoki Oliy Majlisi Senati Raisi bilan kelishgan holda Oliy Majlis Qonunchilik palatasi devoni va Oliy Majlis Senati devoni tomonidan hal etiladi”.

4. Vazirlar Mahkamasining “Oʻzbekiston Respublikasi Prezidenti apparati Nazorat inspeksiyasi va uning joylardagi organlari moddiy bazasini mustahkamlash masalalari toʻgʻrisida” 1995-yil 9-noyabrdagi 426-son qarori oʻz kuchini yoʻqotgan deb hisoblansin.

7. Vazirlar Mahkamasining “Oʻzbekiston Respublikasi Favqulodda vaziyatlar vazirligi faoliyatini tashkil etish masalalari toʻgʻrisida” 2001-yil 28-iyundagi 278-son qaroridan 1-band chiqarib tashlansin.

10. Vazirlar Mahkamasining 2010-yil 19-fevraldagi 30-son qarori (Oʻzbekiston Respublikasi QT, 2010-y., 2-son, 11-modda) bilan tasdiqlangan Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasi toʻgʻrisidagi nizomning 28-bandida:

birinchi xatboshidagi “Oʻzbekiston Respublikasi Prezidenti bilan kelishgan holda” soʻzlari “belgilangan tartibda” soʻzlari bilan almashtirilsin;

ikkinchi xatboshidagi “belgilangan tartibda” soʻzlari chiqarib tashlansin.

11. Vazirlar Mahkamasining 2011-yil 11-maydagi 131-son qarori bilan tasdiqlangan Oʻzbekiston Respublikasi Vazirlar Mahkamasi huzuridagi Yer qaʼrini geologik oʻrganish, sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi toʻgʻrisidagi nizom 15-bandining birinchi xatboshidagi “Oʻzbekiston Respublikasi Prezidenti” soʻzlari “belgilangan tartibda Oʻzbekiston Respublikasi Vazirlar Mahkamasi” soʻzlari bilan almashtirilsin.