LexUZ sharhi
Mazkur Farmon O‘zbekiston Respublikasi Prezidentining 2005-yil 8-noyabrdagi PF-3678-sonli “Mustaqil teleradio kanallarni isloh qilish va rivojlantirish chora-tadbirlari to‘g‘risida”gi Farmoniga muvofiq o‘z kuchini yo‘qotgan.
Demokratiyaning, konstitutsiyaviy taraqqiyotni ta’minlashning, qonunchilikka rioya etishning, inson huquqlari va qadr-qimmatini himoya qilishning g‘oyat muhim muassasasi sifatida teleradioeshittirishni yanada rivojlantirish, shuningdek uning respublikadagi tub iqtisodiy, siyosiy va ijtimoiy islohotlarni amalga oshirishga ta’sirini kuchaytirish maqsadida:
1. O‘zbekiston Davlat teleradioeshittirish kompaniyasi joylarda hududiy bo‘linmalariga ega bo‘lgan O‘zbekiston Teleradiokompaniyasi (O‘zteleradio)ga o‘zgartirilsin.
Davlat teleradioeshittirish kompaniyasining huquqiy vorisi, O‘zbekistonda teleradioeshittirish sohasidagi muvofiqlashtiruvchi organ hisoblanadi va o‘z faoliyati to‘g‘risida Vazirlar Mahkamasiga hisobot berib boradi;
jamoatchilikning ommaviy axborotga bo‘lgan ehtiyojlarini qondirish maqsadida mahsulot ishlab chiqarish, ishlarni bajarish va xizmatlar ko‘rsatish uchun tashkil etilgan yuridik shaxs huquqlariga ega bo‘lgan xo‘jalik yurituvchi mustaqil subyekt hisoblanadi;
respublika budjetidan, shuningdek tijorat va xo‘jalik faoliyatidan olinadigan mablag‘lar hisobidan mablag‘ bilan ta’minlanadi.
O‘zbekiston Teleradiokompaniyasi va tegishli ravishda Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari tomonidan ta’sis etiladilar;
yuridik shaxs huquqlari bilan O‘zbekiston Teleradiokompaniyasi tarkibiga kiradilar va o‘z faoliyatini hududiy teleradiokompaniya to‘g‘risidagi nizomga muvofiq amalga oshiradilar;
mahalliy va respublika budjetlaridan, shuningdek tijorat faoliyatidan tushadigan mablag‘lar hisobidan mablag‘ bilan ta’minlanadilar.
4. Quyidagilar Teleradiokompaniyaning asosiy vazifalari va faoliyatining yo‘nalishlari etib belgilansin:
axborotlarning mafkuradan mutlaqo holi bo‘lishini nazarda tutgan holda, aholi hamda jamiyatning xolisona, haqqoniy va xilma-xil axborotlarga bo‘lgan ehtiyojlarini o‘rganish va qoniqtirish;
mamlakat aholisini, shuningdek chet el jamoatchiligini O‘zbekistonning siyosiy, iqtisodiy va ijtimoiy-madaniy hayotida sodir bo‘layotgan o‘zgarishlar to‘g‘risida keng xabardor qilish;
mustaqil davlatni rivojlantirish va mustahkamlashga jamoatchilik ta’sirining ortib borishini ta’minlash, turli ijtimoiy tabaqalar, siyosiy partiyalar va harakatlarni zamonaviy madaniyatli jamiyat barpo etishning dolzarb muammolarini oshkora va amaliy muhokama qilishga faol jalb etish;
mamlakatda konstitutsiyaviy normalar va qonunchilikni chuqur tushuntirish, ularni ro‘yobga chiqarishga va huquqiy jamiyatni barpo etishga har tomonlama ko‘maklashish;
jamoatchilik fikrining xilma-xilligini aks ettirish, insonning O‘zbekiston Respublikasi Konstitutsiyasida mustahkamlangan e’tiqodlar va inson qadr-qimmati, uning huquq va erkinliklari hurmat qilinishini ta’minlash;
respublika ichkarisida va uning tashqarisida teleradioeshittirishlarni yuksak darajadagi odob, aniqlik va haqqoniyat mezonlari asosida tashkil qilish hamda axborotlarni tarqatish. Shafqatsizlikni targ‘ib qiladigan, inson qadr-qimmatini tahqirlaydigan yoki odamlarni ularning dini, milliy va madaniy belgilariga qarab haqoratlash sifatida talqin etilishi mumkin bo‘lgan materiallardan foydalanishga yo‘l qo‘ymaslik;
aholini fuqarolik jamiyati qurilishiga faol jalb etish, odamlarni umuminsoniy demokratik qadriyatlar va milliy merosni hurmat qilish, millatlararo totuvlik va do‘stlik ruhida tarbiyalash, yosh avlodda yuksak ma’naviy fazilatlarni, Vatanga mehr-muhabbat va sadoqatni shakllantirish;
erkin bunyodkorlik mehnati va tadbirkorlik tajribasini faol targ‘ib etish, ijtimoiy sohaga yo‘naltirilgan bozor iqtisodiyoti vazifalarini ro‘yobga chiqarish borasidagi eng maqbul va muqobil yo‘llarni izlab topishni rag‘batlantirish;
teleradioeshittirish sohasida kadrlarni tayyorlash, qayta tayyorlash va ularning malakasini oshirish, zamonaviy texnika bilan jihozlash hamda ko‘rsatuv va eshittirishlarning ilg‘or texnologiyalariga o‘tish yo‘li bilan dasturlarning kasb mahorati darajasi va sifatini oshirish, ularning janr jihatdan xilma-xilligini ta’minlash;
hududiy teleradioeshittirish bo‘linmalariga amaliy yordam berish va ularning faoliyatini muvofiqlashtirib borish;
yetakchi xorijiy teleradiokompaniyalar bilan ijodiy hamkorlik qilish, O‘zbekistonda ularning filiallari hamda vakolatxonalari ochilishiga faol ko‘maklashish.
O‘zbekiston Respublikasi Moliya vazirligi bilan birgalikda, budjetdan mablag‘ bilan ta’minlash miqdorlari asta-sekin kamaytirib borilishini hisobga olgan holda, kompaniyaning 2000-yildan boshlab o‘zini o‘zi pul bilan ta’minlashga bosqichma-bosqich o‘tishiga oid takliflarni bir oy muddatda ishlab chiqsin va taqdim etsin;
Moliya vazirligi va Mehnat vazirligi bilan birgalikda teleradiokompaniya xodimlari mehnatini me’yorlash va unga haq to‘lashning ilg‘or shakllariga, ya’ni xodimlar mehnatiga to‘lanadigan haq miqdori teleko‘rsatuv hamda radioeshittirishlarning amaldagi hajmiga, sifatiga, janrlariga va reytingiga bog‘liq qilib qo‘yilishini ko‘zda tutuvchi shakllariga o‘tish to‘g‘risidagi nizomni ikki oy muddatda ishlab chiqsin va tasdiqlasin.
6. O‘zbekiston Teleradiokompaniyasi, uning korxonalari va tashkilotlari xo‘jalik, reklama hamda boshqa faoliyatdan tushgan foydadan olinadigan soliqdan 2000-yilgacha ozod qilinsin va bo‘shaydigan mablag‘lar kompaniyaning moddiy-texnika bazasini mustahkamlashga yo‘naltirilsin.
7. O‘zbekiston Respublikasi Aloqa vazirligi O‘zbekiston teleradiokompaniyasi, “O‘zistiqbolstat” davlat qo‘mitasi va Moliya vazirligi bilan birgalikda, yetakchi xorijiy tele-, radio hamda boshqa kompaniyalar orqali jalb etiladigan zamonaviy aloqa vositalaridan foydalangan holda, televizion ko‘rsatuvlar va radioeshittirishlarni mamlakatning barcha mintaqalariga tarqatish bo‘yicha umumdavlat dasturini ikki oy muddatda ishlab chiqsin va Vazirlar Mahkamasiga tasdiqlash uchun kiritsin.
8. O‘zbekiston Respublikasi Prezidentining “O‘zbekiston Respublikasi televideniye va radioeshittirish Davlat qo‘mitasini O‘zbekiston Davlat teleradioeshittirish kompaniyasiga aylantirish to‘g‘risida” 1992-yil 7-yanvardagi Farmoni o‘z kuchini yo‘qotgan deb hisoblansin.
9. O‘zbekiston Respublikasi Vazirlar Mahkamasi 10 kun muddatda ushbu Farmonni amalga oshirish yuzasidan qaror qabul qilsin.