Oʻzbekiston Respublikasi Prezidentining 2009-yil 30-dekabrdagi PQ-1251-son “Oʻzbekiston Respublikasi Mehnat va aholini ijtimoiy muhofaza qilish vazirligi tuzilmasini takomillashtirish chora-tadbirlari toʻgʻrisida”gi (Oʻzbekiston Respublikasi qonun hujjatlari toʻplami, 2009-yil, 52-son, 562-modda) va 2009-yil 30-dekabrdagi PQ-1252-son “Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining tashkiliy tuzilmasini takomillashtirish chora-tadbirlari toʻgʻrisida”gi (Oʻzbekiston Respublikasi qonun hujjatlari toʻplami, 2009-yil, 52-son, 563-modda) qarorlariga muvofiq buyuraman:

1. Quyidagilar oʻz kuchini yoʻqotgan deb hisoblansin:

Oʻzbekiston Respublikasi Ijtimoiy taʼminot vazirining 1997-yil 6-fevraldagi 23-son buyrugʻi bilan tasdiqlangan Ijtimoiy taʼminot boʻlimlari tomonidan yuridik shaxslar hamda alohida fuqarolarga nisbatan qayta talab qilish (regress) talabnomalari asosida ish olib borish tartibi haqidagi yoʻriqnoma (roʻyxat raqami 330, 1997-yil 17-aprel);

Oʻzbekiston Respublikasi mehnat va aholini ijtimoiy muhofaza qilish vazirining 2008-yil 25-noyabrdagi 73-son “Ijtimoiy taʼminot idoralari tomonidan yuridik shaxslar hamda alohida fuqarolarga nisbatan qayta talab qilish (regress) talabnomalari asosida ish olib borish tartibi haqidagi yoʻriqnomaga oʻzgartirishlar kiritish toʻgʻrisida”gi buyrugʻi (roʻyxat raqami 330-1, 2008-yil 13-dekabr) (Oʻzbekiston Respublikasi qonun hujjatlari toʻplami, 2008-y., 51-son, 504-modda).

2. Mazkur buyruq Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.