Oʻzbekiston Respublikasi Bojxona kodeksining 27, 28, 89 va 90-moddalari (Oʻzbekiston Respublikasi Oliy Majlisining Axborotnomasi, 1998-yil, 2-son, 36-modda), “Davlat bojxona xizmati toʻgʻrisida”gi Oʻzbekiston Respublikasi Qonunining (Oʻzbekiston Respublikasi Oliy Majlisining Axborotnomasi, 1997-yil, 9-son, 230-modda) 6-moddasiga va Vazirlar Mahkamasining 2009-yil 23-apreldagi 120-sonli qarori (Oʻzbekiston Respublikasi qonun hujjatlari toʻplami, 2009-yil, 17-son, 215-modda) bilan tasdiqlangan “Navoiy” erkin industrial-iqtisodiy zonasi hududida alohida bojxona rejimi toʻgʻrisidagi nizomga muvofiq Davlat bojxona qoʻmitasi qaror qiladi:

1. “Navoiy” erkin industrial-iqtisodiy zonasida tovarlarni rasmiylashtirishda bojxona yuk deklaratsiyasini toʻldirish qoidalari ilovaga muvofiq tasdiqlansin.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kundan keyin kuchga kiradi.

Ushbu Qoidalar Oʻzbekiston Respublikasining Bojxona kodeksi (Oʻzbekiston Respublikasi Oliy Majlisining Axborotnomasi, 1998-y., 2-son, 36-modda) 27, 28, 89 va 90-moddalari, Oʻzbekiston Respublikasining “Davlat bojxona xizmati toʻgʻrisida”gi Qonuni 6-moddasi (Oʻzbekiston Respublikasi Oliy Majlisining Axborotnomasi, 1997-y., 9-son, 230-modda) va Oʻzbekiston Respublikasining Vazirlar Mahkamasining 2009-yil 23-apreldagi 120-son qarori (Oʻzbekiston Respublikasi qonun hujjatlari toʻplami, 2009-y., 17-son, 215-modda) bilan tasdiqlangan “Navoiy” erkin industrial-iqtisodiy zonasi hududidagi alohida bojxona rejimi toʻgʻrisidagi nizomga muvofiq “Navoiy” erkin industrial-iqtisodiy zonasiga (bundan keyingi oʻrinlarda “Navoiy” EIIZ deb yuritiladi) joylashtirilayotgan va undan chiqarilayotgan tovarlarga bojxona yuk deklaratsiyasini (bundan keyingi oʻrinlarda BYuD deb yuritiladi) toʻldirish tartibini belgilaydi.

1. “Navoiy” EIIZga joylashtirilayotgan va undan chiqarilayotgan tovarlarga BYuD “Bojxona yuk deklaratsiyasini toʻldirish tartibi toʻgʻrisida”gi yoʻriqnoma (roʻyxat raqami 834, 1999-yil 3-noyabr) (bundan keyingi oʻrinlarda Yoʻriqnoma deb yuritiladi) asosida toʻldiriladi.

2. Tovarlarni “Navoiy” EIIZga olib kirish va undan olib chiqish vaqtida bojxona rasmiylashtiruvi uchun bojxona organlariga Yoʻriqnomada nazarda tutilganlardan qoʻshimcha ravishda mazkur nizomga keltirilgan ilovadagi hujjatlar taqdim etiladi.

3. Ilgari vaqtincha saqlash, erkin ombor va bojxona ombori bojxona rejimiga joylashtirilgan tovarlar toʻgʻridan toʻgʻri erkin iqtisodiy zona bojxona rejimiga rasmiylashtirilishi mumkin.

Oʻzbekiston Respublikasi bojxona hududida ilgari vaqtincha olib kirish va qayta ishlash bojxona rejimlariga joylashtirilgan chet el tovarlari hamda Oʻzbekiston Respublikasi bojxona hududidan tashqariga ilgari vaqtincha olib chiqish va qayta ishlash bojxona rejimlariga joylashtirilgan tovarlar belgilangan tartibda boshqa bojxona rejimiga rasmiylashtirilgandan soʻng, erkin iqtisodiy zona bojxona rejimiga rasmiylashtirilishi mumkin.

4. Deklarant tomonidan BYuD asosiy varagʻining quyidagi ustunlari va qoʻshimcha varaqlarning tegishli ustunlari toʻldiriladi: raqamli — 1 , 2, 3, 4, 5, 6, 8, 9, 11, 12, 13, 14, 16, 17, 17a, 18, 19, 20, 22, 23, 24, 26, 28, 29, 31, 32, 33, 34, 35, 36, 37, 38, 39, 40, 41, 42, 43, 44, 45, 46, 47, 49, 50, 53, 54;

harfli — A (faqat BYuD asosiy varagʻida), V va S.

5. Ushbu Qoidaning 4-bandida koʻrsatib oʻtilgan BYuD ustunlari (1, 17, 17a, 44-ustunlardan tashqari), Yoʻriqnomaning 3-boʻlimiga muvofiq toʻldiriladi.

6. BYuDning 1, 17, 17a, 44-ustunlarini toʻldirish quyidagi oʻziga xos jihatlarga ega:

1-ustun. “Deklaratsiya turi”:

ustunning birinchi boʻlinmasida tovarlarni yoʻnalishi eksport rejimi “EK” koʻrsatiladi;

ustunning ikkinchi boʻlinmasida bojxona rejimi kodi erkin iqtisodiy zona “71” koʻrsatiladi;

ustunning uchinchi boʻlinmasi quyidagicha toʻldiriladi:

“1” — agar “Navoiy” EIIZ qatnashchisining oʻz ehtiyojlari uchun moʻljallangan mahsulotni “Navoiy” EIIZga joylashtirsa;

“0” — agar “Navoiy” EIIZ qatnashchisining oʻz ehtiyojlari uchun moʻljallanmagan mahsulotni “Navoiy” EIIZga joylashtirsa.

17-ustun. “Tayin etilgan mamlakat”:

ustunda “Oʻzbekiston” koʻrsatiladi.

17a-ustun. “Tayin etilgan mamlakat kodi”:

ustunda jahon mamlakatlari tasnifnomasiga muvofiq Oʻzbekiston Respublikasining kodi koʻrsatiladi.

44-ustun. “Qoʻshimcha axborot/taqdim etiladigan hujjatlar”:

8-bandida qoʻshimcha taqdim etiladigan hujjatlarning raqami va sanasi koʻrsatiladi.

7. Deklarant tomonidan BYuD asosiy varagʻining quyidagi ustunlari va qoʻshimcha varaqlarning tegishli ustunlari toʻldiriladi: raqamli — 1, 2, 3, 4, 5, 6, 8, 9, 11, 12, 13, 14, 15, 15a, 16, 18, 19, 20, 21, 22, 23, 24, 25, 26, 28, 29, 31, 32, 33, 34, 35, 36, 37, 38, 40, 41, 42, 44, 45, 46, 47, 48, 49, 50, 53, 54;

harfli — A (BYuDning asosiy varagʻida), V, S.

8. Ushbu Qoidaning 7-bandida koʻrsatib oʻtilgan ustunlar (1 va 44-ustunlardan tashqari) Yoʻriqnomaning 6-boʻlimiga muvofiq toʻldiriladi.

9. BYuDning 1 va 44-ustunlari quyidagicha toʻldiriladi:

1-ustun. “Deklaratsiya turi”:

ustunning birinchi boʻlinmasida tovarlarning yoʻnalishi import “IM” koʻrsatiladi;

ustunning ikkinchi boʻlinmasida bojxona rejimi kodi erkin iqtisodiy zona “71” koʻrsatiladi;

ustunning uchinchi boʻlinmasi quyidagicha toʻldiriladi:

“1” — agar “Navoiy” EIIZ qatnashchisining oʻz ehtiyojlari uchun moʻljallangan mahsulotni “Navoiy” EIIZga joylashtirsa;

“0” — agar “Navoiy” EIIZ qatnashchisining oʻz ehtiyojlari uchun moʻljallanmagan mahsulotni “Navoiy” EIIZga joylashtirsa.

44-ustun. “Qoʻshimcha axborot/taqdim etiladigan hujjatlar”:

8-bandida qoʻshimcha taqdim etiladigan hujjatlarning raqami va sanasi koʻrsatiladi.

10. “Navoiy” EIIZga joylashtirilgan tovarlarni Oʻzbekiston Respublikasi hududidan tashqariga olib chiqishda BYuDning 37 va 44-ustunlari quyidagicha toʻldiriladi:

37 — ustun “protsedura”:

a) “Navoiy” EIIZga joylashtirilgan chet el tovarlarini oʻzgartirilmagan holatda reeksport bojxona rejimiga rasmiylashtirishda “11 71 **” (3 — juftlik “49” raqamidan tashqari) koʻrsatiladi;

b) “Navoiy” EIIZga joylashtirilgan Oʻzbekiston Respublikasi tovarlarini oʻzgartirilmagan holatda eksport bojxona rejimiga rasmiylashtirishda “10 71 **” (3 — juftlik “49” raqamidan tashqari) koʻrsatiladi;

v) “Navoiy” EIIZda ishlab chiqarilgan tovarlarni eksport bojxona rejimiga rasmiylashtirishda “10 71 49” koʻrsatiladi.

44-ustun. “Qoʻshimcha axborot/taqdim etiladigan hujjatlar”:

8-bandida qoʻshimcha taqdim etiladigan hujjatlarning raqami va sanasi koʻrsatiladi.

11. “Navoiy” EIIZdan Oʻzbekiston Respublikasi bojxona hududiga olib kiriladigan tovarlarni rasmiylashtirishda BYuDning 15, 15a, 37 va 44-ustunning 8-bandi quyidagicha toʻldiriladi:

15-ustun. “Oʻzbekiston” koʻrsatiladi;

15a-ustun. Jahon mamlakatlari tasnifnomasiga muvofiq Oʻzbekiston Respublikasining kodi koʻrsatiladi.

37-ustun. “protsedura”:

a) “Navoiy” EIIZga olib kirilgan chet el tovarlarini oʻzgartirilmagan holatda Oʻzbekiston Respublikasi bojxona hududiga olib kirish uchun rasmiylashtirishda “** 71 **” (3 — juftlik “49” raqamidan tashqari) koʻrsatiladi;

b) “Navoiy” EIIZga olib kirilgan Oʻzbekiston Respublikasi tovarlarini oʻzgartirilmagan holatda reimport bojxona rejimiga rasmiylashtirishda “41 71 **” (3 — juftlik “49” raqamidan tashqari) koʻrsatiladi;

v) “Navoiy” EIIZda ishlab chiqarilgan tovarlarni Oʻzbekiston Respublikasi bojxona hududiga olib kirish uchun rasmiylashtirishda “** 71 49” koʻrsatiladi.

44-ustun. “Qoʻshimcha axborot/taqdim etiladigan hujjatlar”:

8-bandida qoʻshimcha taqdim etiladigan hujjatlarning raqami va sanasi koʻrsatiladi.

1. “Navoiy” EIIZ qatnashchisining mazkur Roʻyxatga keltirilgan ilovaga muvofiq arizasi;

2. “Navoiy” EIIZda roʻyxatdan oʻtganlik toʻgʻrisidagi guvohnomaning nusxasi;

3. Ishlab chiqarish uchun “Navoiy” EIIZ hududiga olib kirilishi moʻljallanayotgan tovarlar toʻgʻrisidagi maʼlumotlar (tovarning nomi, miqdori, Oʻzbekiston Respublikasi TIF TN boʻyicha kodi, qiymati, kelib chiqish mamlakati);

4. Ishlab chiqarish uchun tovarlar (xorijiy tovarlar va Oʻzbekiston tovarlari) hamda mahsulotlar bilan amalga oshiriladigan operatsiyalar va bunday operatsiyalarni amalga oshirish natijasida olinadigan mahsulotni ishlab chiqarishdagi ularning sarflash normalari toʻgʻrisidagi maʼlumotlar;

5. Oʻzbekiston Respublikasi tashqarisiga olib chiqib ketishga, “Navoiy” EIIZning boshqa qatnashchisiga yoki “Navoiy” EIIZ qatnashchisi hisoblanmaydigan shaxsga Oʻzbekiston Respublikasi hududida foydalanish uchun berish (begonalashtirish) moʻljallanayotgan mahsulot toʻgʻrisidagi (tovarning nomi, miqdori, Oʻzbekiston Respublikasi TIF TN boʻyicha kodi, xorijiy tovarlar va Oʻzbekiston tovarlarining mahsulot birligidagi tarkibi, mahsulot birligining qiymati) maʼlumot.

1. Tovarlarga aloqador “Navoiy” EIIZ qatnashchisining nomi va manzili.

2. Shartnoma raqami va sanasi.

3. Yuk kuzatuv hujjatlari raqami va sanasi (invoys, schyot-faktura, SMR, Karnet TIR, temir yoʻl yuk xati, avianakladnoy)

4. Taqdim etilgan hujjatlar asosida tovarlar tasnifi:

a) tovarning savdo va/yoki texnik tafsiloti;

b) TIF TN boʻyicha kod raqami (tovarning 10 belgili kodi koʻrsatiladi);

v) tovarning oʻlchov birligidagi miqdori (kg, litr, metr, dona va h. k.);

g) tovarning shartnoma boʻyicha qiymati.

5. “Navoiy” EIIZda tovarlardan foydalanadigan shaxsning nomi va manzili (agar tovarlar foydalanish uchun berishga (begonalashtirish) moʻljallanayotgan boʻlsa).

6. “Navoiy” EIIZda tovarlardan foydalanish uchun “Navoiy” EIIZ boshqa qatnashchisiga beriladigan (begonalashtirish) taqdirda 15 kun oldin bojxona organiga xabar berish boʻyicha maʼlumot.

Sana, imzo, muhr