Oʻzbekiston Respublikasi Prezidentining 2007-yil 29-martdagi PQ–609-son “Umumtaʼlim maktablarining namunaviy shtatlarini tartibga solish chora-tadbirlari toʻgʻrisida”gi (Oʻzbekiston Respublikasi qonun hujjatlari toʻplami, 2007-yil, 14-son, 136-modda), 2007-yil 2-oktabrdagi PQ–700-son “Respublika tibbiyot muassasalari faoliyatini tashkil etishni takomillashtirish chora-tadbirlari toʻgʻrisida”gi qarorlari (Oʻzbekiston Respublikasi qonun hujjatlari toʻplami, 2007-yil, 40-son, 413-modda) va Oʻzbekiston Respublikasi Vazirlar Mahkamasining 2009-yil 18-maydagi 139-son “Xalq taʼlimi muassasalari xarajatlarini moliyalashtirish mexanizmini yanada takomillashtirish chora-tadbirlari toʻgʻrisida”gi qaroriga (Oʻzbekiston Respublikasi qonun hujjatlari toʻplami, 2009-yil, 46-son, 504-modda) muvofiq Oʻzbekiston Respublikasi Moliya vazirligi, Xalq taʼlimi vazirligi va Sogʻliqni saqlash vazirligi qaror qiladilar:

1. Oʻzbekiston Respublikasi Moliya vazirligi, Xalq taʼlimi vazirligi va Sogʻliqni saqlash vazirligi tomonidan 1999-yil 17-dekabrda 236, 210 va 737-son bilan tasdiqlangan Yuridik shaxs maqomi beriladigan budjet tashkilotlari toʻgʻrisidagi buyruq (roʻyxat raqami 861, 1999-yil 28-dekabr) oʻz kuchini yoʻqotgan deb hisoblansin.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.