LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Respublika qishloq xo‘jaligi korxonalarini zararkunandalar, kasalliklar va begona o‘tlarga qarshi kurashish uchun o‘simliklarni himoya qilishning kimyoviy vositalari bilan ta’minlash maqsadida Vazirlar Mahkamasi qaror qiladi:
1. O‘zbekiston Respublikasi Prezidentining 2003-yil 29-sentabrdagi F-1845-son farmoyishiga muvofiq O‘zbekiston Respublikasi Iqtisodiyot vazirligi tomonidan Qishloq va suv xo‘jaligi vazirligi, Moliya vazirligi, Tashqi iqtisodiy aloqalar agentligi, “O‘zkimyosanoat” kompaniyasi takliflari asosida 2004-yil uchun o‘simliklarni himoya qilishning kimyoviy vositalarini ishlab chiqarish va ulardan foydalanish balansi ishlab chiqilganligi va belgilangan tartibda tasdiqlanganligi ma’lumot uchun qabul qilinsin, unda:
tayyor kimyoviy preparatlar importini 2003-yilgi darajaga nisbatan 4,7 mln AQSh dollaridan ko‘proqqa qisqartirish;
kimyoviy preparatlarni mamlakatimizda ishlab chiqarish hajmlarini 1,9 mln AQSh dollariga teng miqdorda ko‘paytirish nazarda tutilgan.
2. “O‘zkimyosanoat” davlat-aksiyadorlik kompaniyasi O‘zbekiston Respublikasi Qishloq va suv xo‘jaligi vazirligining buyurtmanomalariga muvofiq “Elektrkimyozavod” aksiyadorlik jamiyati qo‘shma korxonasida chetdan xarid qilinadigan komponentlar va ta’sirchan moddalar asosida, sifati, ta’sir ko‘rsatish samaradorligi va idishga joylanishi bo‘yicha — belgilangan standartlarga, qiymati bo‘yicha esa — xorijiy turlariga javob beradigan kimyoviy preparatlar ishlab chiqarilishini ta’minlasin.
3. O‘zbekiston Respublikasi Qishloq va suv xo‘jaligi vazirligi, Respublika o‘simliklarni himoya qilish va agrokimyo markazi:
o‘simliklarni himoya qilishning sotib olinayotgan kimyoviy moddalari saqlanishini, ulardan samarali va maqsadli foydalanilishini, shuningdek ularni qo‘llanish reglamentlariga qat’iy rioya qilinishini ta’minlasinlar;
shirkat va fermer xo‘jaliklar bilan shartnomaviy asosda zararkunandalar, kasalliklar va begona o‘tlarning tarqalishi prognoziga muvofiq qishloq xo‘jaligi o‘simliklarini kimyoviy himoya qilish bo‘yicha metodik va tashkiliy ishlarni o‘z vaqtida amalga oshirsinlar;
qishloq xo‘jaligi o‘simliklari zararkunandalari va kasalliklari xavfi yuqori bo‘lgan hududlarda hamda tarqalishi kutilayotgan joylarda ularning rivojlanishiga yo‘l qo‘ymaslik bo‘yicha profilaktika ishlari amalga oshirilishini ta’minlasinlar;
qishloq xo‘jaligi ekin maydonlarini muntazam tekshiruvdan o‘tkazsinlar va o‘simliklarni himoya qilishning biologik vositalaridan keng foydalangan holda qishloq xo‘jaligi o‘simliklari zararkunandalariga qarshi kurashishning uyg‘unlashtirilgan metodlarini qo‘llasinlar;
sifatli biomateriallar ishlab chiqarish uchun mavjud biolaboratoriyalarni zarur asbob-uskunalar va ozuqa muhiti bilan ta’minlasinlar hamda ularning to‘g‘ri va samarali qo‘llanilishi yuzasidan nazorat o‘rnatsinlar.
“O‘zstandart” agentligi bilan birgalikda respublika korxonalarida ishlab chiqarilayotgan preparatlar sifati, ularning belgilangan standartlarga va sifat sertifikatlariga muvofiqligi ustidan muntazam nazorat o‘rnatsin;
Qishloq va suv xo‘jaligi vazirligi bilan birgalikda o‘simliklarni himoya qilishning kimyoviy vositalaridan maqsadli foydalanilishi, ularni qo‘llanish reglamentlariga rioya qilinishi ustidan nazorat o‘rnatsin.
Davlat kimyo komissiyasi o‘simliklarni himoya qilish kimyoviy vositalarining inson sog‘lig‘iga va atrof muhitga zararli ta’siri aniqlangan taqdirda, shuningdek preparatlarning biologik samaradorligi past bo‘lgan hollarda ulardan foydalanishni to‘xtatib qo‘ysin.
O‘zbekiston Respublikasi Qishloq va suv xo‘jaligi vazirligi huzuridagi Respublika o‘simliklarni himoya qilish va agrokimyo markazi, “Elektrkimyozavod” aksiyadorlik jamiyati qo‘shma korxonasi 2004-yilda qishloq xo‘jaligini o‘simliklarni himoya qilishning kimyoviy vositalari bilan ta’minlash uchun tegishli ravishda 9550 ming AQSh dollari va 10100 ming AQSh dollari hajmida chetdan olib kelinadigan kimyoviy preparatlar va ta’sirchan moddalar va komponentlar uchun bojxona to‘lovlari (bojxonada rasmiylashtirganlik uchun yig‘imlardan tashqari) to‘lashdan;
“Elektrkimyozavod” aksiyadorlik jamiyati qo‘shma korxonasi tomonidan ishlab chiqarilayotgan va Respublika o‘simliklarni himoya qilish va agrokimyo markazining viloyat bo‘linmalariga, “Qishloqxo‘jalikkimyo” hududiy aksiyadorlik jamiyatlariga, qishloq xo‘jaligi kooperativlariga (shirkat xo‘jaliklariga), fermer va dehqon xo‘jaliklariga sotilayotgan o‘simliklarni himoya qilishning kimyoviy vositalari qo‘shilgan qiymat solig‘i to‘lashdan ozod qilinsin.