LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
“Andijon-Toshkent-Nukus-Qo‘ng‘irot” tezyurar avtomagistrali qurilishini yo‘l-qurilish materiallari, temir-beton mahsulotlari va konstruksiyalar bilan zarur darajada ta’minlash maqsadida Vazirlar Mahkamasi qaror qiladi:
1. “Yangiyer qurilish materiallari va konstruksiyalari kombinati” davlat korxonasi “O‘zavtoyo‘l” davlat konserni tarkibiga kiritilsin.
2. “O‘zavtoyo‘l” davlat konserni O‘zbekiston Respublikasi Davlat mulki qo‘mitasi bilan birgalikda “Yangiyer qurilish materiallari va konstruksiyalari kombinati”ning moliyaviy ahvolini mustahkamlash bo‘yicha kompleks chora-tadbirlar ko‘rilishini ta’minlasin va Vazirlar Mahkamasining “O‘zbekiston suv xo‘jaligi qurilishi davlat konserni (“O‘zsuvqurilish”)ni tugatish chora-tadbirlari to‘g‘risida” 2000-yil 29-iyundagi 249-son qaroriga 3-ilovaning talablariga muvofiq uni xususiylashtirish qismi bo‘yicha takliflarni 2003-yil 1-yanvargacha kiritsin.