Oʻzbekiston Respublikasi Vazirlar Mahkamasining 2007-yil 23-oktabrdagi 222-sonli “Mahsulotlar, xomashyo va materiallarning yuqori likvidli turlarini sotishning bozor mexanizmlarini joriy etishni davom ettirish toʻgʻrisida”gi 2004-yil 5-fevraldagi 57-sonli qaroriga oʻzgartirish kiritish haqida”gi qaroriga (Oʻzbekiston Respublikasi qonun hujjatlari toʻplami”, 2007-yil, 43-son, 429-modda) muvofiq Oʻzbekiston Respublikasi Iqtisodiyot vazirligi, Moliya vazirligi, Davlat mulkini boshqarish Davlat qoʻmitasi qaror qiladilar:

1. Oʻzbekiston Respublikasining Iqtisodiyot vazirligi, Moliya vazirligi va Davlat mulkini boshqarish Davlat qoʻmitasining 2007-yil 9-apreldagi 24, 51, 01/OʻzRTXB-18/10-sonli qarori bilan tasdiqlangan Birja savdolarida shifer sotish tartibi haqidagi nizomga (roʻyxat raqami 1679, 2007-yil 8-may) (Oʻzbekiston Respublikasi qonun hujjatlari toʻplami, 2007-yil, 19-20-son, 206-modda) quyidagi oʻzgartirishlar kiritilsin:

23-banddagi “2” raqami “10” raqami bilan almashtirilsin;

29-banddagi “2 foiz” soʻzi “10 foizigacha” soʻzlari bilan almashtirilsin.

2. Ushbu qaror Oʻzbekiston Respublikasi Markaziy banki Boshqaruvi, Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi, “Oʻzqurilishmateriallari” Aksiyadorlik kompaniyasi va “OʻzRMXB” OAJ bilan kelishilgan.

3. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.