LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Respublika qurilish materiallari tarmog‘iga ilg‘or texnologiyalar va xorijiy investitsiyalarni jalb etish, avtomobil ishlab chiqarishini mahalliylashtirishni chuqurlashtirish, “Santexquyma” ochiq aksiyadorlik jamiyati ishlab chiqarish salohiyatini zamonaviylashtirish va jamiyat tomonidan ishlab chiqariladigan mahsulot sifatini xalqaro standartlar talablariga muvofiq oshirish maqsadida Vazirlar Mahkamasi qaror qiladi:
1. Xorijiy investor—“Complect Europe B.V” (Niderlandiya) kompaniyasi o‘z zimmasiga “Santexquyma” ochiq aksiyadorlik jamiyatining biznes-rejasini ishlab chiqish va amalga oshirish majburiyatini olayotganligi, unga ko‘ra ishlab chiqarilayotgan mahsulot hajmini ko‘paytirish uchun ishlab chiqarishni yanada rivojlantirish, uning tashqi bozordagi raqobatbardoshligini, shu jumladan texnologik asbob-uskunalarni zamonaviylashtirish hisobiga oshirish hamda 4 yil mobaynida kamida 4,0 mln AQSh dollari miqdorida to‘g‘ridan to‘g‘ri investitsiyalar qo‘yish nazarda tutilayotganligi ma’lumot uchun qabul qilinsin.
O‘zbekiston Respublikasi Davlat mulki qo‘mitasi va “O‘zqurilishmateriallari” aksiyadorlik kompaniyasining “Santexquyma” ochiq aksiyadorlik jamiyatining xorijiy investorga sotish uchun mo‘ljallangan 39,1 foiz aksiyalar paketidan va davlat ixtiyorida qolayotgan ulushni qisqartirish hisobiga 11,9 foiz aksiyalar paketidan iborat 51 foiz aksiyalarini “Complect Europe B.V” (Niderlandiya) kompaniyasiga sotish to‘g‘risidagi taklifiga;
O‘zbekiston Respublikasi Davlat mulki qo‘mitasi, “O‘zqurilishmateriallari” aksiyadorlik kompaniyasi va “O‘zagromashservis” uyushmasining “Complect Europe B.V” kompaniyasi tomonidan sotib olinayotgan aksiyalar paketi qiymati, kompaniya tomonidan O‘zbekiston Respublikasi Tashqi iqtisodiy aloqalar vazirligida ro‘yxatdan o‘tkazilgan valyuta kontraktlariga muvofiq ko‘rsatib o‘tilgan idoralar korxonalari uchun O‘zbekiston Respublikasi hududiga olib kirilgan moddiy resurslarni sotishdan olingan qonuniy so‘mlar hisobidan to‘lanishi to‘g‘risidagi taklifiga rozilik berilsin.
249520 AQSh dollariga teng miqdordagi 39,1 foiz aksiyalarni sotishdan olingan tushum beg‘araz asosda to‘liq hajmda “Santexquyma” ochiq aksiyadorlik jamiyatiga kreditorlik qarzlarini to‘lash va import xomashyo xarid qilish uchun beriladi;
114862,75 AQSh dollariga teng miqdordagi davlat ulushi hisobidan 11,9 foiz aksiyalarni sotishdan olingan tushum O‘zbekiston Respublikasi Vazirlar Mahkamasining 1999-yil 20-maydagi 258-son qarorida belgilangan tartibda taqsimlanadi.
4. “Santexquyma” ochiq aksiyadorlik jamiyati import bo‘yicha keltirilayotgan ishlab chiqarish asbob-uskunalari va xomashyo uchun bojxona to‘lovlarini to‘lashdan istisno tariqasida 2 yil muddatga (bojxona rasmiylashtiruvi uchun yig‘imlar bundan mustasno) ozod qilinsin.
5. “Santexquyma” ochiq aksiyadorlik jamiyati ishlab chiqarayotgan mahsulotdan qo‘shilgan qiymat solig‘i to‘lash muddati 2 yilga kechiktirilsin, ushbu soliq keyingi ikki yil mobaynida har oyda teng ulushlarda to‘lanadi.
6. O‘zbekiston Respublikasi Davlat mulki qo‘mitasi sotish xarid qilish shartnomasini bir oy muddatda tuzsin, unda “Complect Europe B.V” (Niderlandiya) kompaniyasi mulk sifatida sotib olayotgan aksiyalarni O‘zbekiston Respublikasi Vazirlar Mahkamasining 1998-yil 22-avgustdagi 362-son qarorida belgilangan tartibda o‘tkazib berish shartlarini nazarda tutsin va investor tomonidan o‘z zimmasiga olingan majburiyatlar bajarilmagan taqdirda oldi-sotdi shartnomasi bekor qilinsin va “Santexquyma” ochiq aksiyadorlik jamiyati aksiyalari paketi mazkur qaror bilan tasdiqlangan shartlarda boshqa investorlarga sotilsin.
(6-band O‘zbekiston Respublikasi Vazirlar Mahkamasining 2003-yil 17-apreldagi 185-sonli qarori tahririda — O‘R QHT, 2003-y., 7-8-son, 61-modda)