Amerika Qoʻshma Shtatlari bilan ikki tomonlama va koʻp tomonlama hamkorlikni faollashtirish xamda davlatlararo munosabatlarni yanada mustahkamlash maqsadida, Oʻzbekiston Respublikasi Vazirlar Mahkamasining “Amerika Qoʻshma Shtatlarida Oʻzbekiston Respublikasining Elchixonasini ochish toʻgʻrisida” 1993-yil 10-maydagi 212-son qaroriga qoʻshimcha tariqasida Vazirlar Mahkamasi qaror qiladi:

1. Amerika Qoʻshma Shtatlaridagi Oʻzbekiston Respublikasi Elchixonasining shtat jadvaliga maslahatchi va birinchi kotib qoʻshimcha lavozimlari kiritilsin.

2. Oʻzbekiston Respublikasi Moliya vazirligi 2002-yil 1-yanvardan boshlab yangidan kiritilgan shtatlarni taʼminlash uchun zarur mablagʻlar ajratsin.

3. Oʻzbekiston Respublikasi Tashqi ishlar vazirligi:

bir oy muddatda Amerika Qoʻshma Shtatlaridagi Oʻzbekiston Respublikasi Elchixonasining va birinchi kotib lavozimlariga nomzodlar boʻyicha takliflar kiritsin;

yangidan kiritilayotgan shtatlar taʼminoti uchun 2001-yilgi xarajatlarni shtatlarning toʻldirilishiga koʻra xorijiy muassasalar taʼminoti uchun Tashqi ishlar vazirligiga ajratiladigan umumiy mablagʻlar doirasida budjet ajratmalari hisobiga amalga oshirsin.

4. Mazkur qarorning bajarilishini nazorat qilish Oʻzbekiston Respublikasi Tashqi ishlar vaziri A.X. Komilov va Oʻzbekiston Respublikasi Moliya vaziri M.B. Nurmurodov zimmasiga yuklansin.