Vazirlar Mahkamasining “Vazirliklar va idoralarning budjetdan tashqari jamgʻarmalariga mablagʻlar ajratishni tartibga solish chora-tadbirlari toʻgʻrisida” 2010-yil 2-apreldagi 62-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining 1-ilovaga muvofiq ayrim qarorlariga oʻzgartirish va qoʻshimchalar kiritilsin.

2. Oʻzbekiston Respublikasi Hukumatining 2-ilovaga muvofiq baʼzi qarorlari oʻz kuchini yoʻqotgan deb hisoblansin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

1. Vazirlar Mahkamasining 1992-yil 23-noyabrdagi 553-son qarori (Oʻzbekiston Respublikasi QT, 1992-y., 12-son, 37-modda) bilan tasdiqlangan Oʻzbekiston Respublikasi Moliya vazirligi toʻgʻrisidagi Nizomning 10-bandida:

a) oʻn yettinchi va oʻn sakkizinchi xatboshi chiqarib tashlansin;

b) oʻn toʻqqizinchi—yigirma birinchi xatboshi tegishli ravishda oʻn yettinchi — oʻn toʻqqizinchi xatboshi deb hisoblansin.

2. Vazirlar Mahkamasining 1997-yil 31-martdagi 165-son qarori bilan tasdiqlangan Narxlar (tariflar)ni shakllantirish va ularning qoʻllanishini nazorat qilish tartibida:

a) 13-banddagi “Oʻzbekiston Respublikasi Moliya vazirligining budjetdan tashqari “Narxlarni boshqarish jamgʻarmasi”ga soʻzlari “Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasiga ochiladigan maxsus tranzit hisob raqamiga (keyingi oʻrinlarda “maxsus tranzit hisob raqami” deb ataladi)” soʻzlari bilan almashtirilsin;

b) 19-band quyidagi tahrirda bayon qilinsin:

“19. Monopoliyaga qarshi davlat organi oʻtkazilgan tekshirishlar va tahlillar asosida xoʻjalik yurituvchi subyekt tomonidan narxlarni davlat yoʻli bilan tartibga solish tartibi buzilishi natijasida olingan summalarni isteʼmolchilarga qaytarish, yoxud isteʼmolchilarni aniqlash imkoni boʻlmagan taqdirda — maxsus tranzit hisob raqamiga undirish toʻgʻrisida qaror qabul qilish yuzasidan sudga murojaat qiladi, olib qoʻyilishi kerak boʻlgan va amalda tushgan mablagʻlar va jarimalar hisobini yuritadi”;

v) 21-bandning beshinchi xatboshidagi, 22-bandning birinchi xatboshidagi va 25-banddagi “Moliya vazirligining budjetdan tashqari “Narxlarni boshqarish jamgʻarmasi” hisob raqamiga” soʻzlari “maxsus tranzit hisob raqamiga” soʻzlari bilan almashtirilsin;

g) 26-band quyidagi tahrirda bayon qilinsin:

“26. Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi va uning hududiy organlari sudning noqonuniy olingan mablagʻlarni undirish va ushbu Tartib buzilganligi uchun jarima solish toʻgʻrisidagi qarorini olgandan keyin bir oy muddatda ushbu mablagʻlarni maxsus tranzit hisob raqamiga undirish choralarini koʻradi.

Maxsus tranzit hisob raqamiga tushadigan mablagʻlar va jarimalar oyiga ikki marta (oyning 17-kunigacha va hisobot oyidan keyingi oyning 5-kunigacha) quyidagi tartibda taqsimlanadi:

mablagʻlarning 80 foizi — Oʻzbekiston Respublikasining respublika budjeti daromadiga;

mablagʻlarning 20 foizi — Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasining budjetdan tashqari jamgʻarmasiga”;

d) 28-bandning birinchi xatboshidagi “Moliya vazirligining budjetdan tashqari “Narxlarni boshqarish jamgʻarmasi” hisob raqamiga yoki tegishli budjetga” soʻzlari “Oʻzbekiston Respublikasining respublika budjetiga” soʻzlari bilan almashtirilsin;

e) 31-band quyidagi tahrirda bayon qilinsin:

“31. Notoʻgʻri olib qoʻyilgan mablagʻlar va jarimalarni qaytarish monopoliyaga qarshi davlat organi qaroriga koʻra, yoxud sud qaroriga koʻra maxsus tranzit hisob raqamiga tushayotgan mablagʻlardan, Oʻzbekiston Respublikasi Markaziy bankining qayta moliyalashtirish stavkasi boʻyicha foizlar qoʻshgan holda amalga oshiriladi”.

3. Vazirlar Mahkamasining “Reklama toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida” 2000-yil 26-iyundagi 243-son qarorining 1-bandiga (Oʻzbekiston Respublikasi QT, 2000-y., 6-son, 32-modda) quyidagi mazmundagi xatboshilar qoʻshilsin:

“Belgilansinki, Oʻzbekiston Respublikasining reklama toʻgʻrisidagi qonun hujjatlari buzilganligi uchun jarimalar “Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasiga ochiladigan maxsus tranzit hisob raqamiga (keyingi oʻrinlarda “maxsus tranzit hisob raqami” deb ataladi) undirilishi kerak.

Maxsus tranzit hisob raqamiga tushadigan mablagʻlar va jarimalar oyiga ikki marta (oyning 17-kunigacha va hisobot oyidan keyingi oyning 5-kunigacha) quyidagi tartibda taqsimlanadi:

mablagʻlarning 80 foizi — Oʻzbekiston Respublikasining respublika budjeti daromadiga;

mablagʻlarning 20 foizi — Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasining budjetdan tashqari jamgʻarmasiga”.

4. Vazirlar Mahkamasining “Tabiiy monopoliyalar toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida” 2000-yil 21-sentabrdagi 364-son qarorida (Oʻzbekiston Respublikasi QT, 2000-y., 9-son, 61-modda):

a) 3-band chiqarib tashlansin;

b) Tabiiy monopoliya subyektlarining tovarlari (ishlari, xizmatlari)ga narx (tariflar) belgilash tartibi toʻgʻrisidagi Nizomda:

13-bandda:

birinchi xatboshidagi “Oʻzbekiston Respublikasi Moliya vazirligining narxlarni boshqarish jamgʻarmasi”ga soʻzlari “Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasiga ochiladigan maxsus tranzit hisob raqamiga (keyingi oʻrinlarda maxsus tranzit hisob raqami deb ataladi)” soʻzlari bilan almashtirilsin;

quyidagi mazmundagi beshinchi—yettinchi xatboshi qoʻshilsin:

“Maxsus tranzit hisob raqamiga tushadigan mablagʻlar va jarimalar oyiga ikki marta (oyning 17-kunigacha va hisobot oyidan keyingi oyning 5-kunigacha) quyidagi tartibda taqsimlanadi:

mablagʻlarning 80 foizi — Oʻzbekiston Respublikasining respublika budjeti daromadiga;

mablagʻlarning 20 foizi — Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasining budjetdan tashqari jamgʻarmasiga”;

15-bandning birinchi xatboshidagi “Moliya vazirligining “Narxlarni boshqarish jamgʻarmasi” maxsus budjetdan tashqari hisob raqamiga yoki tegishli budjetga” soʻzlari “Oʻzbekiston Respublikasining respublika budjetiga” soʻzlari bilan almashtirilsin.

5. Vazirlar Mahkamasining “Isteʼmolchilar huquqlarini himoya qilishda jamoatchilik ishtirokini kengaytirish chora-tadbirlari toʻgʻrisida” 2002-yil 28-noyabrdagi 414-son qarorida (Oʻzbekiston Respublikasi QT, 2002-y., 11-son, 73-modda):

a) 4-bandning ikkinchi xatboshidagi “Oʻzbekiston Respublikasi Moliya vazirligining Narxlarni boshqarish jamgʻarmasiga” soʻzlari “Oʻzbekiston Respublikasining respublika budjetiga” soʻzlari bilan almashtirilsin;

b) Isteʼmolchilar huquqlarini himoya qilish jamiyatlari Federatsiyasi huzuridagi Isteʼmolchilar huquqlarini himoya qilish ijtimoiy harakatini rivojlantirishni qoʻllab-quvvatlash jamgʻarmasi toʻgʻrisidagi Nizomning 6-bandi birinchi xatboshidagi “Oʻzbekiston Respublikasi Moliya vazirligining Narxlarni boshqarish jamgʻarmasiga” soʻzlari “Oʻzbekiston Respublikasining respublika budjetiga” soʻzlari bilan almashtirilsin.

6. Vazirlar Mahkamasining 2003-yil 1-iyuldagi 296-son qarori (Oʻzbekiston Respublikasi QT, 2003-y., 7-son, 54-modda) bilan tasdiqlangan Neft mahsulotlari sotuvchi korxonalarning cheklangan ustamalarini shakllantirish toʻgʻrisidagi Nizomning 9-bandi quyidagi tahrirda bayon qilinsin:

“9. Butun respublika boʻyicha markazlashtirilgan tartibda yagona chakana narxlar belgilanadigan neft mahsulotlarini AYQSH orqali va neft bazasi tarkibiga kiruvchi boshqa boʻlinmalar orqali sotishda sotish narxi va xarid narxi oʻrtasidagi ijobiy tafovut (neft bazasining cheklangan ustamasini hisobga olgan holda), qoʻshilgan qiymat soligʻini chegirib Oʻzbekiston Respublikasining respublika budjetiga oʻtkaziladi. Bunda Oʻzbekiston Respublikasining respublika budjetiga oʻtkazilishi kerak boʻlgan summa fuqarolarning alohida toifalariga avtobenzin sotib olish xarajatlarining bir qismi uchun oylik pul kompensatsiyasi toʻlaydigan organlarga oʻtkazilgan pul mablagʻlari summasiga kamaytiriladi.

Oʻzbekiston Respublikasining respublika budjetiga oʻtkaziladigan mablagʻlardan budjetdan tashqari Pensiya jamgʻarmasiga, Respublika yoʻl jamgʻarmasiga va Maktab taʼlimi jamgʻarmasiga majburiy ajratmalar ajratilmaydi”.

7. Vazirlar Mahkamasining “Vazirliklar va idoralarning budjetdan tashqari jamgʻarmalariga mablagʻlar ajratishni tartibga solish chora-tadbirlari toʻgʻrisida” 2010-yil 2-apreldagi 62-son qaroriga 1-ilovada (Oʻzbekiston Respublikasi QT, 2010-y., 4-son, 14-modda):

a) 6-bandning “Ajratmalar miqdori” ustunidagi “8” raqami “8**” raqami bilan almashtirilsin;

b) 8-bandning “Ajratmalar miqdori” ustunidagi “10**” raqami “10***” raqami bilan almashtirilsin;

v) 18-bandda:

“Vazirliklar va idoralarning nomi” ustunida qoʻmitaning rus tilidagi nomiga oʻzgartirish kiritilgan.

“Shakllantirish manbai” ustunidagi “qonun hujjatlarida belgilangan tartibda xoʻjalik yurituvchi subyektlarga solinadigan jarimalar summasi” soʻzlari “xoʻjalik yurituvchi subyektlardan qonun hujjatlarida belgilangan tartibda undiriladigan jarimalar va mablagʻlar summasi” soʻzlari bilan almashtirilsin;

g) izohda:

quyidagi mazmundagi ikkinchi xatboshi qoʻshilsin:

“**Oʻzbekiston Respublikasi Bosh prokuraturasining budjetdan tashqari jamgʻarmasiga shuningdek Oʻzbekiston Respublikasi Bosh prokuraturasi huzuridagi Soliq va valyutaga oid jinoyatlarga va jinoiy daromadlarni legallashtirishga qarshi kurashish departamenti organlari tomonidan olib qoʻyilgan tovarlar va boyliklarni sotishdan tushgan hamda qonun hujjatlarida belgilangan tartibda davlat daromadiga oʻtkazilgan summaning Oʻzbekiston Respublikasi Bosh prokuraturasi huzuridagi Soliq va valyutaga oid jinoyatlarga va jinoiy daromadlarni legallashtirishga qarshi kurashish departamentining maxsus hisob raqamiga tushgan 10 foizi yoʻnaltiriladi”;

ikkinchi xatboshi uchinchi xatboshi deb hisoblansin va ushbu xatboshining “**” ramzlari “***” ramzlari bilan almashtirilsin.

1. Vazirlar Mahkamasining 1993-yil 23-sentabrdagi 349-f-son farmoyishi.

2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar va qoʻshimchalar kiritish toʻgʻrisida” 2000-yil 24-oktabrdagi 412-son qaroriga ilovaning 5-bandi (Oʻzbekiston Respublikasi QT, 2000-y., 10-son, 69-modda).

3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2002-yil 19-iyundagi 216-son qaroriga ilovaning 2-bandi.

4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2003-yil 31-yanvardagi 53-son qaroriga ilovaning 1-bandi.

5. Vazirlar Mahkamasining “Vazirliklar va idoralarning budjetdan tashqari jamgʻarmalariga mablagʻlar ajratish va ulardan foydalanishni tartibga solish chora-tadbirlari toʻgʻrisida” 2003-yil 19-noyabrdagi 520-son qaroriga 2-ilovaning 7-bandi (Oʻzbekiston Respublikasi QT, 2003-y., 11-son, 123-modda).

6. Vazirlar Mahkamasining 2004-yil 8-yanvardagi 11-f-son farmoyishi.

7. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2005-yil 12-avgustdagi 196-son qaroriga 2-ilovaning 5-bandi (Oʻzbekiston Respublikasi QT, 2005-y., 8-son, 43-modda).

8. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Respublika komissiyalari va kengashlari faoliyatini tartibga solish toʻgʻrisida” 2005-yil 6-noyabrdagi PF-3675-son Farmoni)” 2006-yil 4-yanvardagi 2-son qaroriga ilovaning 1 va 8-bandlari (Oʻzbekiston Respublikasi QT, 2006-y., 1-son, 1-modda).