LexUZ sharhi
Mazkur qaror O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
“Lasyetti” avtomobilining yangi modelini O‘zbekiston Respublikasi bozoriga olib chiqish, “O‘zDEUavto” AJ va mahsulotlar mahalliylashtiriladigan zavodlarda texnologiya ishlarini yanada takomillashtirish maqsadida:
2003-2004-yillarda “O‘zDEUavto” aksiyadorlik jamiyati tomonidan 820 ta “Lasyetti” avtomobili ishlab chiqarilgani va respublikaning ichki bozorida sotilgani;
Mahsulot sertifikatlangani, “Lasyetti” avtomobillarining issiq iqlim sharoitlaridagi va yonilg‘i tejash sinovlari nihoyasiga yetkazilgani;
“O‘zavtosanoat” aksiyadorlik jamiyati tomonidan “Jeneral Motors DEU Avto va Texnologiyalar” kompaniyasi bilan kelishilgan holda “Lasyetti” modelini yirik blokli yig‘ishdan to‘liq ishlab chiqarish sikliga o‘tish texnologiyasi bo‘yicha ishlab chiqarishni o‘zlashtirish rejasi ishlab chiqilayotgani;
“O‘zDEUavto” AJ bilan “Jeneral Motors DEU Avto va Texnologiyalar” kompaniyasi o‘rtasida tuzilgan konraktlarga muvofiq 2005-yil yanvaridan boshlab 3008 ta avtomobilga butlovchi detallarning yirik blokli uzellari yetkazib berilayotgani ma’lumot uchun qabul qilinsin.
2. “O‘zavtosanoat” aksiyadorlik kompaniyasi bir oy muddatda “Lasyetti” modelini ichki va tashqi bozorlarda sotish istiqbollarini o‘rganish maqsadida marketing tadqiqotlarini o‘tkazsin hamda “Lasyetti” modelini ishlab chiqarishni o‘zlashtirish rejasiga muvofiq, sotish hajmlarini ta’minlaydigan tadbirlarni tayyorlasin.
3. 3008 ta “Lasyetti” avtomobilini yig‘ish uchun “O‘zDEUavto” AJ bilan “Jeneral Motors DEU Avto va Texnologiyalar” kompaniyasi o‘rtasidagi kontraktlar bo‘yicha olib kelinadigan butlovchi detallar va uzellar 2005-yilda, istisno tariqasida, bojxona to‘lovlar to‘lashdan (bojxona rasmiylashtiruvi uchun yig‘imlardan tashqari) ozod qilinsin.