Oʻzbekiston Respublikasi Prezidentining 1998-yil 4-martdagi “Xoʻjalik yurituvchi subyektlarning iqtisodiy nochorligi va shartnoma majburiyatlarining bajarilishi uchun mansabdor shaxslarning javobgarligini kuchaytirish toʻgʻrisida”gi Farmonida qator xoʻjalik yurituvchi subyektlar rahbarlarining boqimandalik kayfiyati, masʼuliyatsizligi, tashabbussizligi, shartnoma majburiyatlarining buzilishi korxonalarni iqtisodiy nochorlik, bankrotlikka olib kelayotganligi qayd etilgan. Shunga qaramasdan xoʻjalik nizolarini koʻrib chiqish jarayonida xoʻjasizlik, pul mablagʻlarini behuda sarflash va ulardan maqsadsiz foydalanish holatlariga yetarlicha baho berilmay kelinmoqda.

Iqtisodiyot sohasida qonunchilikni mustahkamlash va huquqbuzarlikning oldini olishda xoʻjalik sudlarining rolini oshirish maqsadida xoʻjalik sudlariga nizolarni koʻrish jarayonida jinoyat alomatlari aniqlangan holatlarda xoʻjalik yurituvchi subyektlar mansabdor shaxslariga nisbatan jinoiy ishlar qoʻzgʻatish, maʼmuriy javobgarlik choralarini qoʻllash, aybdor shaxslar hisobidan keltirilgan zararni qoplash, rahbar va boshqa xodimlarni egallab turgan lavozimlaridan ozod etishgacha boʻlgan intizomiy choralar koʻrish haqida taqdimnomalar kiritish huquqlari berilgan.

Xoʻjalik sudlarida Oʻzbekiston Respublikasi Prezidentining 1998-yil 4-martdagi “Xoʻjalik yurituvchi subyektlarning iqtisodiy nochorligi va shartnoma majburiyatlarining bajarilishi uchun mansabdor shaxslarning javobgarligini kuchaytirish toʻgʻrisida”gi Farmonini tatbiq etish bilan bogʻliq boʻlgan masalalar kelib chiqayotganligi munosabati bilan Oʻzbekiston Respublikasi Oliy xoʻjalik sudi Plenumi qaror qiladi :

1. Xoʻjalik sudlarining eʼtibori ularning iqtisodiyot sohasida qonunchilikni mustahkamlash va huquqbuzarlikning oldini olishdagi rolini oshirish zarurligiga qaratilsin. Pul mablagʻlari va boshqa mulkdan oqilona foydalanmaslik, toʻlov intizomini buzganlik, shartnoma majburiyatlarini bajarmaslik va korxonalarni bankrotlik darajasiga olib kelganlik holatlari aniqlangan hollarda sudlar rahbar va boshqa shaxslarni qonunchilikka muvofiq javobgarlikka tortishlari zarur.

Sudlar xoʻjalik nizolarini koʻrib chiqish jarayonida korxonalar tomonidan shartnoma majburiyatlarining buzilishi, ularni iqtisodiy nochorlik va bankrotlikka olib kelgan hamma holatlarni aniqlashlari lozim.

6. Sudlarga Prezidentning 1998-yil 4-martdagi Farmonida nazarda tutilgan sudlarining maʼmuriy javobgarlik choralarini qoʻllash haqidagi vakolati xoʻjalik nizolarini koʻrish jarayonida huquqbuzarlik aniqlangan hollarida qoʻllanilishi mumkin.ekanligi tushuntirilsin.

6.1. Maʼmuriy jazo huquqbuzarlik aniqlangan kundan boshlab ikki oydan kechiktirilmay qoʻllanilishi mumkin.

Davomli huquqbuzarliklar boʻyicha ikki oylik muddat dastlabki qonunbuzarlik sodir etilgan paytdan emas, balki ushbu qonunbuzarlikning aniqlanishi va oshkor boʻlishi paytidan boshlab hisoblanadi.

Davomli huquqbuzarlik tugatilmagan taqdirda yoki sudda nizo koʻrilishidan ikki oyga yetmasdan tugatilgan boʻlsa, u holda ushbu holat aniqlangan kun huquqbuzarlikning oshkor boʻlgan kuni deb hisoblanadi.

6.4. Maʼmuriy jazo qoʻllash haqidagi xoʻjalik sudining qaroriga shikoyat (protest) apellyatsiya (kassatsiya) tartibida koʻrib chiqiladi.

6.5. Maʼmuriy huquqbuzarlik haqidagi ishlarni koʻrishda davlat boji undirilmaydi.