LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Respublika xalq xo‘jaligini 1996/97 yilning kuz—qish davrida barqaror ishlashga o‘z vaqtida tayyorlashni ta’minlash maqsadida Vazirlar Mahkamasi qaror qiladi:
1. Respublika xalq xo‘jaligini 1996/97 yil kuz—qish davrida ishlashga tayyorlashning borishi to‘g‘risidagi axborot ma’lumot uchun qabul qilinsin va amaliy chora-tadbirlar ko‘rish uchun vazirliklar, idoralar, korporatsiyalar, uyushmalar, konsernlar, tashkilotlarga, Qoraqalpog‘iston Respublikasi Vazirlar Kengashiga, viloyatlar va Toshkent shahar hokimliklariga yuborilsin.
2. Qoraqalpog‘iston Respublikasi Vazirlar Kengashi, hokimliklar ayniqsa, Andijon, Jizzax, Namangan, Navoiy Sirdaryo, Surxondaryo Toshkent, Farg‘ona viloyatlari hokimliklari, shuningdek, Qishloq xo‘jaligi vazirligi, Kommunal xizmat ko‘rsatish vazirligi, Energetika va elektrlashtirish vazirligi, Xalq ta’limi vazirligining o‘zlariga qarashli obyektlarni kuz—qish davrida barqaror ishlashga tayyorlash bo‘yicha olib borayotgan ishlarining yetarli emasligi qayd etib o‘tilsin.
3. Vazirliklar, idoralar, korporatsiyalar, uyushmalar, konsernlar, tashkilotlar, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari rahbarlari:
tegishli tarmoqlar, hududlar, korxonalar, tashkilotlar va muassasalarni qish sharoitlarida ishlashga tayyorlashning borishini tanqidiy tahlil qilsinlar, ishlab chiqilgan tadbirlarning o‘z vaqtida bajarilishi yuzasidan kechiktirib bo‘lmaydigan chora-tadbirlar ko‘rsinlar, bunda tashkiliy masalalarni hal etishga, obyektlarni moddiy-texnika va moliya resurslari bilan ta’minlashga alohida e’tibor bersinlar,
joriy yilning 1-oktabriga qadar tasarruflaridagi bur qozonxonalarni, issiqlik, gaz, suv o‘tkazish va kanalizatsiya tarmoqlarini, elevator uzellarini, turar joylarni, transport vositalarini qishga tayyorlashni tugallasinlar. Zarur miqdorda yoqilg‘i, kimyoviy reagentlar, tuz, avariyalar uchun zarur bo‘ladigan moddiy-texnika resurslari zaxiralarining, shuningdek avariya xizmatlari ishlashi uchun barcha zarur vositalarning hozirlab qo‘yilishini ta’minlasinlar,
joriy yilning 15-oktabriga qadar barcha korxonalar va tashkilotlarda suyuq va qattiq yoqilg‘i, shu jumladan, issiqlik elektr stansiyalarining 1997-yil may oyigacha bo‘lgan ehtiyojlarini hisobga olgan holda Energetika va elektrlashtirish vazirligi korxonalarida shu yilning 1-oktabrigacha — 1 mln tonna mazut va 1 mln tonna ko‘mir zaxiralarini yaratsinlar;
yong‘inga qarshi kurashish idoralari bilan birgalikda joriy yilning sentyabr oyida turar joylar, binolar va inshootlar holatining texnik talablar normalariga muvofiqligini tekshirishni nihoyasiga yetkazsinlar;
1996-yilda barcha sanoat korxonalarini, kommunal-maishiy va xalq xo‘jaligi tarmoqlarining boshqa muassasalarini gazni hisobga olish asboblari bilan jihozlashni tugallasinlar, ularni bunday asboblar bo‘lmagan hollarda gaz iste’molchilari (aholi bundan mustasno) gaz ta’minoti tizimidan uzib qo‘yilishi to‘g‘risida ogohlantirsinlar;
Energetika va elektrlashtirish vazirligi, “O‘zbekneftgaz” korporatsiyasi va Kommunal xizmat ko‘rsatish vazirligi tomonidan yetkazib berilgan yoqilg‘i-energetika resurslari uchun qarzlarni to‘lash yuzasidan zarur chora-tadbirlarni ko‘rsinlar.
4. “O‘zdavneftmahsulot” birlashmasi (Tojiyev) joriy yilning 15-oktabriga qadar respublika korxonalari va tashkilotlariga suyuq yoqilg‘ini, uni talab qilingan miqdorda to‘plash maqsadida, belgilangan tartibda yetkazib berishni ta’minlasin.
5. “Ko‘mir” aksionerlik birlashmasi (Leleko) respublikaning barcha iste’molchilari uchun ko‘mirning zarur zaxiralarini yaratish maqsadida uni aholiga va xalq xo‘jaligiga uzluksiz yetkazib berishni ta’mirlasin.
joriy yilning sentyabr oyida Sirdaryo GRESida 20 ming kub metr, Tolimarjon GRESida 40 ming kub metr mazut sig‘adigan qo‘shimcha zaxira joylarni foydalanishga topshirilishini ta’minlasin;
Vazirlar Mahkamasining 1996-yil 25-iyuldagi 4-son va 1996-yil 19-avgustdagi 17-15-153-son protokol qarorlariga muvofiq ishlab chiqilgan barcha elektr stansiyalari va boshqa energetika obyektlari bo‘yicha ishonchlilikni va yong‘inga qarshi xavfsizlikni oshirishga oid tadbirlarning o‘z vaqtida bajarilishini ta’minlasin;
shu yilning 1-noyabrigacha 7-IM asbob-uskunalarini mukammal tuzatishni tugallasin, 5-IMdagi deaeratorlarni rekonstruksiyalashni amalga oshirsin, shu yilning 1-dekabrigacha 2-IM va 4-son qo‘shimcha bug‘ qozonxonalar o‘rnatsin hamda ishga tushirsin;
Toshkent shahar hokimligi va Kommunal xizmat ko‘rsatish vazirligi bilan birgalikda shaharni issiqlik energiyasi bilan uzluksiz ta’minlash maqsadida 2000-yilgacha bo‘lgan davrlar bo‘yicha Toshkent shahri issiqlik manbalarini rivojlantirishga doir aniq takliflarni, shuningdek kommunal tarmoqlarda issiqlik manbalari nobudgarchiligini normativdagi darajagacha qisqartirish tadbirlarini bir oy muddatda Vazirlar Mahkamasiga kiritsin.
joriy yilning 1-oktabriga qadar 3,5 mlrd kub metr gazni yer osti omborlariga joylashni ta’minlasinlar, bunda asosiy e’tiborni kuz—qish davrida Farg‘ona vodiysi ham Surxondaryo viloyati iste’molchilarini tabiiy gaz bilan ta’minlashga qaratsinlar, yetkazib beriladigan gaz sifatining yomonlashishiga yo‘l qo‘ymasin;
Energetika va elektrlashtirish vazirligi, Kommunal xizmat ko‘rsatish vazirligi va boshqa gaz iste’molchilari bilan birgalikda shu yilning 1-oktabriga qadar elektr stansiyalarini va xalq xo‘jaligining boshqa korxonalarini 1996/97 yil qishning qattiq sovuq kunlarida tabiiy gazdan yoqilg‘ining zaxira turlariga o‘tkazish jadvallarini ishlab chiqsin va uni Vazirlar Mahkamasi bilan kelishgan holda tasdiqlasin;
shu yilning sentyabrida Energetika va elektrlashtirish vazirligi va Kommunal xizmat ko‘rsatish vazirligining ular tasarrufidagi korxonalarni kuz—qish davrida tabiiy gaz bilan ta’minlash yuzasidan takliflarini ko‘rib chiqsinlar va Vazirlar Mahkamasiga takliflar kiritsinlar.
8. “O‘zbekiston temir yo‘llari” kompaniyasi (Ermetov) shu yilning sentyabr oyida lokomotiv, vagon xamda unga qarashli boshqa xo‘jaliklarni tuzatishni va kuz—qish davrida ishlashga tayyorlashni tugallasin hamda yo‘lovchilarni, neft, gaz kondensati, neft mahsulotlari, ko‘mir, tuz va kuz—qish davriga tayyorlanish va uni o‘tkazish bilan bog‘liq boshqa xalq xo‘jaligi yuklarini uzluksiz tashishni ta’minlasin.
Vazirliklar, idoralar. tashkilotlar, korxonalar vagonlar va sisternalarning turib qolishini ancha kamaytirish, ortish-tushirish ishlarining, ayniqsa tungi vaqtlarda, dam olish va bayram kunlarida bir maromda bo‘lishini ta’minlash yuzasidan chora-tadbirlar ko‘rsinlar Shu yilning 1-oktabrigacha idoralarga qarashli temir yo‘l shoxobcha yo‘llarini qish sharoitlarida ishlashga tayyorlashga oid chora-tadbirlar ko‘rsinlar.
9. “O‘zavtotrans” korporatsiyasi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari shahar yo‘lovchi tashish transportining va umuman avtotransportning kuz—qish davrida ishlashga tayyorligini ko‘rib chiqsinlar Transport korxonalarini yoqilg‘i, ehtiyot qismlar, moddiy resurslar bilan ta’minlash va transportni kuz—qish davrida uzluksiz ishlashga tayyorlashni shu yilning 1-oktabriga qadar tugallash yuzasidan aniq chora-tadbirlar ko‘rsinlar.
10. Qishloq xo‘jaligi vazirligi (Jumaniyozov), “O‘zqishloqxo‘jalikta’minottuzatish” davlat-kooperativ qo‘mitasi (Jabborov), “O‘zmevasabzavotuzumsanoat” uyushmasi (Nosirov), qishloq xo‘jaligi fanlari akademiyasi (Usmonov) agrosanoat majmui obyektlarini qish sharoitlarida ishlashga tayyorlashga oid tuzatish-profilaktika ishlarini tezlashtirish bo‘yicha kechiktirib bo‘lmaydigan chora-tadbirlarni shu yilning 1-oktabriga qadar ko‘rsinlar, bunda chorvachilik, ozuqa tayyorlash obyektlariga, isitish tizimlariga, suyuq va qattiq yoqilg‘i to‘plashga alohida e’tibor bersinlar.
11. “O‘zkimyosanoat” uyushmasi, “O‘zqurilishmateriallari” konserni, kon-metallurgiya sanoati korxonalari va ko‘p energiya talab qiladigan boshqa korxonalar elektr va isitish energiyasi sarflashni kamaytirish maqsadida Energetika va elektrlashtirish vazirligi bilan birgalikda ishlab chiqilgan ularga talab ko‘paygan davrda maqbul ish tartiblarining tezkorlik bilan bajarilishini ta’minlasinlar.
12. Xalq ta’limi vazirligi (Yo‘ldoshev), Sog‘liqni saqlash vazirligi (Karimov), Oliy va o‘rta maxsus ta’lim vazirligi (Salimov) shu yilning 1-oktabriga qadar xalq ta’limi, sog‘liqni saqlash muassasalarini, oliy va o‘rta maxsus o‘quv yurtlarini kuz—qish davrida ishlashga tayyorlashni ta’minlasinlar.
joriy yilning 1-oktabriga qadar turar joylarga va boshqa obyektlarga issiqlik va suv bir maromda berilishini ta’minlash uchun issiqlik tarmoqlari, bug‘ qozonlar va boshqa energetika xo‘jaliklarini joriy va mukammal tuzatishni nihoyasiga yetkazilishini ta’minlasin, shuningdek, turar joylarning yerto‘lalaridagi suvlarni quritish yuzasidan chora-tadbirlar ko‘rsin;
vazirliklar va idoralarni o‘z mablag‘lari va moddiy resurslari hisobiga muhandislik kommunikatsiyalarini hamda avariya holatidagi turar joylarning tomlarini mukammal tuzatishga jalb etish bo‘yicha takliflarni bir hafta muddatda tayyorlasin.
bir hafta muddatda Energetika va elektrlashtirish vazirligiga elektr stansiyalarida va bug‘ qozonxonalarida mazut va ko‘mirning zarur zaxiralarini yaratish uchun vazirlikning asoslangan hisob-kitoblari bo‘yicha qo‘shimcha aylanma mablag‘lar ajratish masalasini hal etsin va natijalari to‘g‘risida Vazirlar Mahkamasini xabardor qilsin;
“O‘zbekneftgaz” korporatsiyasini, Kommunal xizmat ko‘rsatish vazirligini (asoslangan hisob-kitoblar bo‘yicha) ularning tasarrufidagi obyektlarda tuzatish ishlarini o‘z vaqtida tugallash hamda qattiq, suyuq yoqilg‘i, tuz zaxiralari yaratish uchun aylanma mablag‘lar bilan ta’minlash, shuningdek kommunal-foydalanish va issiqlik bilan ta’minlash tashkilotlariga tariflardagi farq bo‘yicha shu yilning 17 choragi hisobidan mablag‘ ajratish masalalarini bir hafta muddatda ko‘rib chiqsin. Budjetdagi tashkilotlarning kommunal xizmatlar uchun debitorlik qarzlarini bartaraf etish yuzasidan taklif kiritsin. Natijalari to‘g‘risida Vazirlar Mahkamasiga axborot bersin.
15. “O‘zistiqbolstat” davlat qo‘mitasi, Moliya vazirligi kapital qo‘yilmalarning amalda o‘zlashtirilishini va qurilish qiymati qimmatlashishidan vujudga kelgan indekslarni hisobga olgan holda Vazirlar Mahkamasiga Daxbet-Samarqand asosiy suv yo‘lini va Samarqand, Namangan, Andijon viloyatining Asaka, Qashqadaryo viloyatining Qarshi va Shahrisabz shaharlarida bug‘ qozonxonalarini qurish va foydalanishga topshirish, shuningdek Amudaryo-Zarafshon suv yo‘li qurilishini tugallash uchun budjet mablag‘laridan ajratiladigan limitni aniqlash yuzasidan takliflarni bir hafta muddatda Vazirlar Mahkamasiga kiritsinlar.
16. Pul-kredit siyosati bo‘yicha respublika komissiyasi (Mullajonov, Guskova) qishga tayyorlanish bilan bog‘liq ishlarni bajarish uchun Energetika va elektrlashtirish vazirligi, “O‘zbekneftgaz” korporatsiyasi, Kommunal xizmat ko‘rsatish vazirligi, Toshkent shahar hokimligi uchun mablag‘larni konvertatsiyalashni birinchi navbatda amalga oshirsin.
17. Ommaviy axborot vositalari xalq xo‘jaligini bo‘lajak kuz—qish davrida barqaror ishlashga tayyorlash bilan bog‘liq masalalarni muntazam yoritib borsinlar.
18. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, vazirliklar, idoralar, korporatsiyalar, uyushmalar, konsernlar, tashkilotlar mazkur qarorning bajarilishi to‘g‘risida joriy yilning 15-oktabrigacha Vazirlar Mahkamasiga axborot taqdim etsinlar.
19. Vazirlar Mahkamasi majmuilarining rahbarlari o‘z tasarruflaridagi tarmoqlarning kuz—qish davrida ishlashga qanday tayyorgarlik ko‘rayotganliklarini har o‘n kunda tahlil qilsinlar va zarur bo‘lganda tegishli chora-tadbirlar ko‘rsinlar.