Davlat mulkidan foydalanish samaradorligini oshirish hamda budjet tashkilotlari va davlat unitar korxonalarining asosiy vositalarini va qurilishi tugallanmagan obyektlarini sotishdan tushadigan pul mablagʻlarini taqsimlash mexanizmini takomillashtirish maqsadida Vazirlar Mahkamasi qaror qiladi:

1. Budjet tashkilotlari va davlat unitar korxonalarining asosiy vositalarini hamda qurilishi tugallanmagan obyektlarini sotish, shuningdek ularni sotishdan tushgan pul mablagʻlarini taqsimlash tartibi toʻgʻrisidagi Nizom 1-ilovaga muvofiq tasdiqlansin.

2. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirish va qoʻshimchalar kiritilsin.

3. Oʻzbekiston Respublikasi Hukumatining 3-ilovaga muvofiq ayrim qarorlari oʻz kuchini yoʻqotgan deb hisoblansin.

4. Oʻzbekiston Respublikasi Moliya vazirligi va Davlat mulki qoʻmitasi manfaatdor vazirliklar va idoralar bilan birgalikda bir oy muddatda normativ-huquqiy hujjatlarning ushbu qarorga muvofiqlashtirilishini taʼminlasinlar.

5. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

1. Ushbu Nizom Oʻzbekiston Respublikasining Fuqarolik kodeksiga, “Davlat tasarrufidan chiqarish va xususiylashtirish toʻgʻrisida”gi Oʻzbekiston Respublikasi Qonuniga va boshqa qonun hujjatlariga muvofiq budjet tashkilotlari va davlat unitar korxonalarining asosiy vositalarini hamda qurilishi tugallanmagan obyektlarini sotish, shuningdek ularni sotishdan tushgan pul mablagʻlarini taqsimlash tartibini belgilaydi.

2. Ushbu Nizomning amal qilishi budjet tashkilotlari va davlat unitar korxonalarining uchinchi shaxslarning budjet tashkilotlari va davlat unitar korxonasidan qarzlarini qaytarish hisobiga undirilgan asosiy vositalariga hamda qurilishi tugallanmagan obyektlariga tatbiq etilmaydi.

3. Oʻzbekiston Respublikasi Prezidentining yoki Oʻzbekiston Respublikasi Vazirlar Mahkamasining qarorlari bilan budjet tashkilotlari va davlat unitar korxonalarining asosiy vositalarini va qurilishi tugallanmagan obyektlarini sotishdan tushgan mablagʻlar yoki ularning bir qismi boshqa maqsadlarga yoʻnaltirilgan taqdirda ushbu Nizom ularning qolgan qismiga nisbatan tatbiq etiladi.

4. Budjet tashkilotlari va davlat unitar korxonalarining asosiy vositalarini hamda qurilishi tugallanmagan obyektlarini sotish quyidagi shartlardan biri qoniqtirilgan taqdirda amalga oshiriladi (Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining qarorlariga muvofiq sotiladiganlari bundan mustasno):

belgilangan xizmat qilish muddatining tamom boʻlishi (toʻliq eskirish hisobga oʻtkazilishi);

ularning jismoniy eskirishi, avariyalar, tabiiy ofatlar, foydalanishning normal sharoitlari buzilishi oqibatida yaroqsiz holga kelishi;

maʼnaviy eskirishi;

budjet tashkilotlari va davlat unitar korxonalarining qurilishi, kengaytirilishi, rekonstruksiya qilinishi, modernizatsiya qilinishi va qayta tashkil etilishi munosabati bilan boʻshab qolishi.

5. Budjet tashkilotlarining binolari va inshootlari (shu jumladan qurilishi tugallanmagan binolari va inshootlari) Oʻzbekiston Respublikasi Davlat aktivlarini boshqarish agentligi yoki uning hududiy boshqarmalari (keyingi oʻrinlarda — Davlat aktivlarini boshqarish agentligi) tomonidan xususiylashtirish tartibida sotiladi, ushbu Nizomning 6-bandida nazarda tutilgan holatlar bundan mustasno.

Budjet tashkilotlarining qolgan asosiy vositalari budjet tashkilotlari tomonidan yuqori tashkilot bilan kelishgan holda, yuqori tashkilot boʻlmagan taqdirda — qonun hujjatlariga muvofiq mustaqil ravishda sotiladi, ushbu Nizomning 6-bandida nazarda tutilgan holatlar bundan mustasno.

Budjet tashkilotlarining binolari va inshootlari (shu jumladan qurilishi tugallanmagan binolari va inshootlari), avtomototransport vositalari hamda boshqa asosiy vositalar qiymati baholash tashkilotlari tomonidan baholangandan keyin “E-IJRO AUKSION” yagona elektron savdo maydonchasida auksion savdolarda sotilishi kerak.

Yuqori tashkilotning (mavjud boʻlganda) talabiga koʻra yoki budjet tashkilotlarining oʻz tashabbusi bilan asosiy vositalar, ushbu bandning birinchi xatboshida nazarda tutilgan holatlar bundan mustasno, asosiy vositalar qiymati baholash tashkilotlari tomonidan baholangandan keyin “E-IJRO AUKSION” yagona elektron savdo maydonchasida auksion savdolarda sotilishi mumkin.

6. Oʻzbekiston Respublikasining chet eldagi budjet tashkilotlari hisoblanadigan vakolatxonalarining asosiy vositalari va qurilishi tugallanmagan obyektlari quyidagi tartibda sotiladi:

binolar va inshootlar (qurilishi tugallanmagan binolar va inshootlar ham shu jumlaga kiradi) — Oʻzbekiston Respublikasi Prezidentining qarorlari asosida;

qolgan asosiy vositalar — Oʻzbekiston Respublikasining chet eldagi vakolatxonalari tomonidan yuqori tashkilot bilan (mavjud boʻlganda) kelishgan holda vakolatxona joylashgan mamlakatning qonun hujjatlariga muvofiq toʻgʻridan-toʻgʻri shartnomalar tuzish orqali mustaqil ravishda sotiladi.

7. Ushbu Nizomning 5-bandi birinchi xatboshida nazarda tutilgan binolar va inshootlarni (shu jumladan qurilishi tugallanmagan binolar va inshootlarni) sotishdan tushgan mablagʻlar Davlat aktivlarini boshqarish, transformatsiya va xususiylashtirish jamgʻarmasining hisobraqamlarida jamlanadi va ular, sotib olish manbalaridan qatʼi nazar, Agentlik tomonidan xususiylashtirishdan tushgan mablagʻlar sifatida taqsimlanadi.

8. Ushbu Nizomning 5-bandi ikkinchi xatboshida nazarda tutilgan tartibda budjet tashkilotlarining asosiy vositalarini sotishdan tushgan mablagʻlar budjetdan tashqari vositalar boʻyicha budjet tashkilotlarining talab qilib olinadigan depozit hisob raqamlarida (yoki Oʻzbekiston Respublikasi Moliya vazirligi Gʻaznachiligining tegishli boʻlinmalarida ochilgan shaxsiy hisob raqamlarida) jamlanadi. Koʻrsatib oʻtilgan mablagʻlar budjet tashkilotlari tomonidan quyidagi tartibda taqsimlanadi:

50 foizi — tegishli budjet daromadiga oʻtkaziladi;

50 foizi — budjetdan tashqari mablagʻlar boʻyicha budjet tashkilotlarining talab qilib olinadigan depozit hisob raqamlarida (yoki Oʻzbekiston Respublikasi Moliya vazirligi Gʻaznachiligining tegishli boʻlinmalarida ochilgan shaxsiy hisob raqamlarida) qoladi.

Budjet tashkilotlari tomonidan asosiy vositalar “E-IJRO AUKSION” yagona elektron savdo maydonchasida auksion savdolarda sotilgan taqdirda mablagʻlarni taqsimlash ularni baholash va sotish xarajatlari chiqarib tashlangandan keyin amalga oshiriladi.

Oʻzbekiston Respublikasi Mudofaa vazirligi tomonidan umumfuqaro foydalanishidagi boʻshayotgan mol-mulklar, shuningdek, avtomobil va maxsus texnikalarni sotishdan olingan pul mablagʻlari toʻliq miqdorda Mudofaa vazirligining ixtiyorida qoladi va maqsadli ravishda Mudofaa vazirligi boʻlinmalarining moddiy-texnik bazasini mustahkamlash va rivojlantirish uchun yoʻnaltiriladi.

9. Budjet tashkilotlari tasarrufida qoldiriladigan mablagʻlar ushbu Nizomning 8-bandiga muvofiq budjet tashkilotlari tomonidan faoliyat ixtisosligiga muvofiq moddiy-texnik bazani mustahkamlashga (shu jumladan avtomototransport vositalarini sotib olishga), shuningdek kreditorlik qarzni (mavjud boʻlganda) toʻlashga yoʻnaltiriladi.

10. Oʻzbekiston Respublikasining chet eldagi budjet tashkilotlari hisoblanadigan vakolatxonalarining asosiy vositalari va qurilishi tugallanmagan obyektlarini sotishdan tushgan mablagʻlar:

binolar va inshootlar boʻyicha (qurilishi tugallanmagan binolar va inshootlar ham shu jumlaga kiradi) — ularni sotish boʻyicha Oʻzbekiston Respublikasi Vazirlar Mahkamasining alohida qarorlarida belgilangan tartibda;

qolgan asosiy vositalar boʻyicha — xarajatlar smetasida nazarda tutilgan asosiy vositalarni sotib olishga, faoliyat ixtisosligiga muvofiq moddiy-texnik bazani mustahkamlashga, shuningdek kreditorlik qarzni (mavjud boʻlganda) toʻlashga taqsimlanadi.

11. Asosiy vositalarni balansda saqlovchi ishtirokida Agentlik bilan xaridor oʻrtasida tuzilgan asosiy vositalarning oldi-sotdi shartnomasi va asosiy vositalarning chiqib ketganligini tasdiqlaydigan hujjat ushbu Nizomning 5-bandi birinchi xatboshida nazarda tutilgan budjet tashkilotlarining asosiy vositalarini balansdan hisobdan chiqarish uchun asos hisoblanadi.

12. Davlat unitar korxonalarining binolari va inshootlari (shu jumladan qurilishi tugallanmagan binolari va inshootlari) Davlat aktivlarini boshqarish agentligi tomonidan xususiylashtirish tartibida sotiladi, ushbu Nizomning 13-bandida nazarda tutilgan holatlar bundan mustasno.

Davlat unitar korxonalarining qolgan asosiy vositalari qonun hujjatlariga muvofiq muassis bilan kelishgan holda, davlat unitar korxonalari tomonidan mustaqil ravishda sotiladi.

Davlat unitar korxonalarining binolari va inshootlari (shu jumladan qurilishi tugallanmagan binolari va inshootlari), avtomototransport vositalari hamda boshqa asosiy vositalar qiymati baholash tashkilotlari tomonidan baholangandan keyin “E-IJRO AUKSION” yagona elektron savdo maydonchasida auksion savdolarda sotilishi kerak.

Muassisning talabiga koʻra yoki davlat unitar korxonalarining oʻz tashabbusi bilan koʻrsatib oʻtilgan asosiy vositalar, ushbu bandning birinchi xatboshida nazarda tutilgan holatlar bundan mustasno, qiymati baholash tashkilotlari tomonidan baholangandan keyin “E-IJRO AUKSION” yagona elektron savdo maydonchasida auksion savdolarda sotilishi mumkin.

13. Chet elda joylashgan davlat unitar korxonalarining (shu jumladan ularning shoʻba korxonalari, vakolatxonalari va filiallarining) asosiy vositalari va qurilishi tugallanmagan obyektlari quyidagi tartibda sotiladi:

binolar va inshootlar (qurilishi tugallanmagan binolar va inshootlar ham shu jumlaga kiradi) — Oʻzbekiston Respublikasi Prezidentining qarorlari asosida;

qolgan asosiy vositalar — davlat unitar korxonalari (shu jumladan ularning shoʻba korxonalari, vakolatxonalari va filiallari) tomonidan muassis bilan kelishgan holda korxona joylashgan mamlakatning qonun hujjatlariga muvofiq toʻgʻridan-toʻgʻri shartnomalar tuzish orqali mustaqil ravishda sotiladi.

14. Ushbu Nizomning 12-bandi birinchi xatboshida nazarda tutilgan binolar va inshootlarni (shu jumladan qurilishi tugallanmagan binolar va inshootlarni) sotishdan tushgan mablagʻlar Davlat aktivlarini boshqarish, transformatsiya va xususiylashtirish jamgʻarmasining hisob raqamlarida jamlanadi va ular, sotib olish manbalaridan qatʼi nazar, Agentlik tomonidan xususiylashtirishdan tushgan mablagʻlar sifatida taqsimlanadi.

15. Ushbu Nizomning 12-bandi ikkinchi xatboshida nazarda tutilgan davlat unitar korxonalarining asosiy vositalarini sotishdan tushgan mablagʻlar davlat unitar korxonalarining asosiy depozit hisob raqamlariga oʻtkaziladi va ularning tasarrufida qoladi.

Davlat unitar korxonalarining tasarrufida qoladigan mablagʻlar ular tomonidan faoliyat ixtisosligiga muvofiq moddiy-texnik bazani mustahkamlashga (shu jumladan avtomototransport vositalarini sotib olishga), shuningdek kreditorlik qarzni (mavjud boʻlganda) toʻlashga yoʻnaltiriladi.

16. Chet elda joylashgan davlat unitar korxonalarining (shu jumladan ularning shuʼba korxonalari, vakolatxonalari va filiallarining) binolari va inshootlarini (shu jumladan qurilishi tugallanmagan binolari va inshootlarini) sotishdan tushgan mablagʻlar ularni sotish boʻyicha Oʻzbekiston Respublikasi Vazirlar Mahkamasining alohida qarorlarida belgilangan tartibda taqsimlanadi.

17. Davlat unitar korxonalarining ushbu Nizomga muvofiq sotilgan binolari va inshootlarini (shu jumladan qurilishi tugallanmagan binolari va inshootlarini) balansdan chiqarish muassis bilan kelishgan holda amalga oshiriladi.

Asosiy vositalarni balansda saqlovchi ishtirokida Agentlik bilan xaridor oʻrtasida tuzilgan asosiy vositalarning oldi-sotdi shartnomasi va asosiy vositalarning chiqib ketganligini tasdiqlaydigan hujjat ushbu Nizomning 12-bandi birinchi xatboshida nazarda tutilgan davlat unitar korxonalarining asosiy vositalarini balansdan hisobdan chiqarish uchun asos hisoblanadi.

18. Asosiy vositalar sotilishi munosabati bilan ularni balansdan chiqarish va ularni buxgalteriya hisobida aks ettirish budjet tashkilotlari va davlat unitar korxonalari tomonidan qonun hujjatlarida belgilangan tartibda amalga oshiriladi

19. Budjet tashkilotlari va davlat unitar korxonalarining rahbarlari taqdim etilayotgan axborotning ishonchliligi va ushbu Nizomga muvofiq oʻzlarining tegishli hisob raqamlariga tushayotgan mablagʻlardan maqsadli foydalanilishi uchun shaxsan javob beradilar.

1. Vazirlar Mahkamasining 1999-yil 3-sentabrdagi 414-son qarori (Oʻzbekiston Respublikasi QT, 1999-y., 9-son, 51-modda) bilan tasdiqlangan Budjet tashkilotlari xarajatlarini moliyalashtirish (toʻlash) tartibining 15-bandida:

ikkinchi xatboshi quyidagi tahrirda bayon qilinsin:

“Oʻtgan yillardagi debitorlik qarzlarning qaytarilgan summalari tegishli budjetlar daromadlariga oʻtkaziladi (budjet tashkilotlarining budjetdan tashqari mablagʻlari hisobiga paydo boʻlganlari bundan mustasno)”;

quyidagi mazmundagi xatboshilar qoʻshilsin:

“Budjet tashkilotlarining asosiy vositalarini sotishdan tushadigan mablagʻlarni taqsimlash tartibi qonun hujjatlariga muvofiq belgilanadi.

Tovar-moddiy boyliklarni sotishdan olingan mablagʻlar budjet tashkilotlarining budjetdan tashqari mablagʻlar boʻyicha talab qilib olinadigan depozit hisob raqamlarida (yoki Gʻaznachilik boʻlinmalarida ochilgan shaxsiy hisob raqamlarida) jamlanadi va budjet tashkilotlari tomonidan quyidagi tartibda taqsimlanadi:

50 foizi — tegishli budjet daromadiga;

50-foizi — budjet tashkilotlarining budjetdan tashqari mablagʻlar boʻyicha talab qilib olinadigan depozit hisob raqamlarida (yoki Gʻaznachilik boʻlinmalarida ochilgan shaxsiy hisob raqamlarida) qoladi.

Tovar-moddiy boyliklarni sotishdan olingan budjet tashkilotlari ixtiyorida qoldiriladigan mablagʻlar ular tomonidan faoliyat sohasiga muvofiq moddiy-texnik bazani mustahkamlashga yoʻnaltiriladi”.

4. Vazirlar Mahkamasining 2006-yil 16-oktabrdagi 215-son qarori (Oʻzbekiston Respublikasi QT, 2006-y., 10-son, 77-modda) bilan tasdiqlangan Davlat korxonalari toʻgʻrisidagi Nizomning 17-bandiga quyidagi mazmundagi xatboshilar qoʻshilsin:

“Bunda bino va inshootlarni (shu jumladan qurilishi tugallanmaganlarni) sotish Davlat mulki qoʻmitasi tomonidan amalga oshiriladi.

Bino va inshootlarni (shu jumladan qurilishi tugallanmaganlarni) sotishdan tushgan mablagʻlar, ularni sotib olish manbalaridan qatʼi nazar, davlat mulkini xususiylashtirishdan olingan mablagʻlar tarzida, qonun hujjatlarida belgilangan tartibda Davlat mulki qoʻmitasi tomonidan taqsimlanadi”.

1. Vazirlar Mahkamasining “Davlat avtomototransport vositalarini sotish tartibi toʻgʻrisida” 1994-yil 28-sentabrdagi 489-son qarori.

2. Vazirlar Mahkamasining “Davlat avtomototransport vositalarini jismoniy va davlat tasarrufida boʻlmagan yuridik shaxslarga sotish tartibiga oʻzgartirish va qoʻshimchalar kiritish toʻgʻrisida” 1995-yil 18-avgustdagi 325-son qarori (Oʻzbekiston Respublikasi QT, 1995-y., 8-son, 29-modda).

3. Vazirlar Mahkamasining “Davlat avtomototransport vositalarini sotish tartibi toʻgʻrisida” 1994-yil 28-sentabrdagi 489-son qaroriga oʻzgartirish va qoʻshimchalar kiritish toʻgʻrisida” 1996-yil 19-sentabrdagi 326-son qarori (Oʻzbekiston Respublikasi QT, 1996-y., 9-son, 26-modda).

4. Vazirlar Mahkamasining “Avtomototransport vositalarining oldi-sotdi shartnomalarini rasmiylashtirishni tartibga solish toʻgʻrisida” 2003-yil 13-yanvardagi 12-son qaroriga ilovaning 2-bandi (Oʻzbekiston Respublikasi QT, 2003-y., 1-son, 4-modda).