LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Toshkent to‘qimachilik va yengil sanoat institutining o‘quv va moddiy-texnik bazasini takomillashtirish loyihasini amalga oshirish uchun Yaponiya Hukumati tomonidan beg‘araz berilayotgan 440 mln Yaponiya yeni miqdoridagi mablag‘dan samarali foydalanilishini ta’minlash maqsadida Vazirlar Mahkamasi qaror qiladi:
1. O‘zbekiston Respublikasi Bosh vazirining o‘rinbosari H.S.Karomatov Ayirboshlash notasi sifatidagi bitimni O‘zbekiston Respublikasi Hukumati nomidan imzolashga vakil kilinsin.
O‘zbekiston Respublikasi Oliy va o‘rta maxsus ta’lim vazirligiga Yaponiya tomoni bilan kelishgan holda loyihani samarali amalga oshirish uchun beg‘araz yordam mablag‘larini olish va ularga xizmat ko‘rsatishga doir barcha tartibotlarni rasmiylashtirish;
O‘zbekiston Respublikasi Tashqi iqtisodiy faoliyat milliy bankiga yuqorida ko‘rsatilgan beg‘araz yordamga hisob-kitob yuzasidan xizmat ko‘rsatish yuklansin.
3. Beg‘araz yordam doirasida O‘zbekiston Respublikasiga olib kelinayotgan o‘quv va laboratoriya asbob-uskunalari, materiallar va ko‘rsatiladigan xizmatlar bojxona to‘lovlari to‘lashdan ozod qilinsin.
4. O‘zbekiston Respublikasi Moliya vazirligi beg‘araz yordamga hisob-kitob xizmati ko‘rsatish yuzasidan Yaponiya tomonining vositachilik haqini to‘lash uchun Oliy va o‘rta maxsus ta’lim vazirligining so‘mdagi mablag‘lari konvertatsiya qilinishini nazarda tutsin.
5. O‘zbekiston Respublikasi Tashqi ishlar vazirligi Oliy va o‘rta maxsus ta’lim vazirligining buyurtmanomalari bo‘yicha loyihani amalga oshirishda qatnashuvchi xorijiy mutaxassislarga kirish vizalari konsullik yig‘imlari undirilmasdan belgilangan tartibda rasmiylashtirilishini ta’minlasin.
6. O‘zbekiston Respublikasi Ichki ishlar vazirligi Oliy va o‘rta maxsus ta’lim vazirligining buyurtmanomalari bo‘yicha ko‘rsatib o‘tilgan loyihaning Yaponiyalik qatnashchilari davlat boji undirmasdan vaqtincha ro‘yxatdan o‘tkazilishini va vaqtincha ro‘yxatdan o‘tkazish uzaytirilishini ta’minlasin.