LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
“O‘zbekinvest” milliy eksport-import sug‘urta kompaniyasining ma’muriy binosini rekonstruksiya qilishni o‘z vaqtida tugallash va foydalanishga topshirishni ta’minlash maqsadida Vazirlar Mahkamasi qaror qiladi:
ochiq tender savdolari yakunlariga ko‘ra “O‘zbekinvest” milliy eksport-import sug‘urta kompaniyasining Toshkent shahar, Abdulla Qodiriy ko‘chasi, 2-uyda joylashgan 14 qavatli ma’muriy binosini (keyingi o‘rinlarda “obyekt” deb ataladi) rekonstruksiya qilish bo‘yicha “12-trest” OAJ bosh pudratchi tashkilot etib belgilanganligi;
“O‘zbekinvest” milliy eksport-import sug‘urta kompaniyasi (keyingi o‘rinlarda “O‘zbekinvest” kompaniyasi deb ataladi) tomonidan obyektni rekonstruksiya qilish bo‘yicha buyurtmachi funksiyasi kompaniya ta’sis etgan “O‘zbekinvest qurilish” unitar korxonasiga yuklanganligi;
obyektni rekonstruksiya qilish ishlari “O‘zbekinvest” kompaniyasining o‘z mablag‘lari va jalb etilgan mablag‘lar hisobiga moliyalashtirilishi ma’lumot uchun qabul qilinsin.
2. “O‘zbekinvest” kompaniyasiga va “12-trest” OAJga, istisno tariqasida, obyektni rekonstruksiya qilishni ishchi chizmalar bo‘yicha, loyiha-smeta hujjatlarini loyihalashtirish bilan bir vaqtda amalga oshirishga ruxsat etilsin, loyiha-smeta hujjatlarini loyihalashtirish va tasdiqlash 2008-yil 1-avgustgacha tugallansin, shuningdek obyektni rekonstruksiya qilish uchun asbob-uskunalar, qurilish materiallari va mebel xarid qilish bo‘yicha tanlov savdolari ishlab chiqaruvchilar va yetkazib beruvchilarning tijorat takliflari asosida o‘tkazilsin.
3. “12-trest” OAJ obyektni rekonstruksiya qilish davrida obyektni rekonstruksiya qilish maqsadida respublikaga chetdan keltiriladigan asbob-uskunalar, qurilish materiallari va mebel uchun bojxona to‘lovlari to‘lashdan (bojxonada rasmiylashtirish yig‘imlaridan tashqari) ozod qilinsin.