LexUZ sharhi
Mazkur qaror O‘zbekiston Respublikasi Prezidentining 2021-yil 30-apreldagi PF-6218-sonli “Milliy qonunchilik bazasini kompleks tizimlashtirish chora-tadbirlari to‘g‘risida”gi Farmoniga asosan o‘z kuchini yo‘qotgan.
O‘zbekiston Respublikasi transport infrotuzilmasini yanada rivojlantirish, shuningdek Buxoro shahri aeroportida yo‘lovchilarga mo‘ljallangan yangi terminal qurilishini nihoyasiga yetkazishni ta’minlash maqsadida:
Dubay Amirligi Hukumati (Birlashgan Arab Amirliklari) Buxoro shahri aeroportida yo‘lovchilarga mo‘ljallangan yangi terminal qurilishini nihoyasiga yetkazish ishlarini moliyalash uchun 15 mln. AQSh dollarigacha miqdorda beg‘araz yordam ko‘rsatish to‘g‘risida qaror qabul qildi;
“O‘zbekiston havo yo‘llari” MAK tomonidan “Buxoro shahri aeroportida yo‘lovchilarga mo‘ljallangan yangi terminal qurilishini nihoyasiga yetkazish” loyihasining dastlabki texnik-iqtisodiy hisob-kitobi belgilangan tartibda ishlab chiqildi.
O‘zbekiston Respublikasi Iqtisodiyot vazirligi mazkur loyihani amalga oshirish bo‘yicha O‘zbekiston Respublikasi Hukumati nomidan muzokaralar olib borish uchun vakil organ etib;
Buxoro viloyati hokimligi — mablag‘larni oluvchi va taqsimlovchi, ulardan maqsadli foydalanish uchun mas’ul etib;
3. Vazirlar Mahkamasi, Amirlik tomoni bilan o‘tkazilgan muzokaralarning yakunlari bo‘yicha ushbu loyihani amalga oshirishda bosh loyihachi va pudratchi tashkilotlarni belgilasin.
4. “O‘zbekiston havo yo‘llari” MAK ikki hafta muddatda loyihaning dastlabki texnik-iqtisodiy hisob-kitoblari belgilangan tartibda ekspertiza qilinishi va vakolatli organlarda kelishib olinishini ta’minlasin hamda uni tasdiqlash uchun Vazirlar Mahkamasiga kiritsin.
5. 2009-yilning 1-sentabrigacha bir vaqtning o‘zida loyiha va ish hujjatlarini ishlab chiqish bilan birga Buxoro shahri aeroportida yo‘lovchilarga mo‘ljallangan yangi terminal qurishni amalga oshirishga istisno tariqasida ruxsat etilsin.
6. O‘zbekiston Respublikasi Davlat arxitektura va qurilish qo‘mitasi loyiha-smeta hujjatlarini davlat ekspertizasidan o‘tkazishni belgilangan tartibda ta’minlasin hamda loyiha va qurilish-montaj ishlari sifati ustidan davlat nazoratini o‘rnatsin.
7. O‘zbekiston Respublikasida ishlab chiqarilmaydigan, Vazirlar Mahkamasi tomonidan tasdiqlanadigan ro‘yxatlar bo‘yicha mazkur loyiha doirasida olib kelinadigan texnologiya uskunalari, metall konstruksiyalar va qurilish materiallarining ayrim turlari bojxona to‘lovlaridan (bojxona rasmiylashtiruvi yig‘imlaridan tashqari) ozod etilsin.
8. O‘zbekiston Respublikasi Tashqi ishlar vazirligi Buxoro viloyati hokimligining talabnomalariga ko‘ra, loyihani amalga oshirishda qatnashuvchi xorijiy mutaxassislarning ko‘p martalik kirish vizalari konsullik va boshqa yig‘imlar undirib olinmasdan rasmiylashtirilishini ta’minlasin.
9. O‘zbekiston Respublikasi Ichki ishlar vazirligi loyihani amalga oshirishda qatnashayotgan xorijiy mutaxassislarga ko‘p martalik vizalar berish, ularning muddatini uzaytirish, shuningdek vaqtincha ro‘yxatda turish va uning muddatini uzaytirishni davlat boji to‘lashdan ozod qilgan holda ta’minlasin.
10. Mazkur Qarorning ijrosini nazorat qilish O‘zbekiston Respublikasi Bosh vaziri Sh.M. Mirziyoyev zimmasiga yuklansin.