Oʻzbekiston standartlashtirish, metrologiya va sertifikatlashtirish agentligi bilan Latviya Respublikasi Iqtisodiyot vazirligi, bundan keyin Tomonlar deb ataluvchilar,

Bir tomondan, Oʻzbekiston Respublikasi va ikkinchi tomondan, Yevropa Hamjamiyatlari va ularga aʼzo davlatlar oʻrtasida sheriklik va hamkorlik taʼsis etuvchi 1996-yil 21-iyunda imzolangan Bitim qoidalariga asoslanib,

Oʻzbekiston Respublikasining Jahon savdo tashkiloti (JST) kirish uchun tayyorgarlik olib borishini eʼtiborga olib,

savdodagi toʻsiqlarni bartaraf etish hamda oʻzaro yetkazib berilayotgan mahsulotlar xavfsizligini taʼminlash, atrof-muhitni va isteʼmolchining manfaatlarini muhofaza qilish uchun sharoitlar yaratish maqsadida standartlashtirish sohasidagi hamkorlikni rivojlantirishdan oʻzaro manfaatdorlikdan kelib chiqib,

Latviya Respublikasining Yevropa Ittifoqiga aʼzo davlat boʻlganligini eʼtiborga olib,

hamkorlikdan kelib chiqadigan oʻzaro foydani anglab umumiy vazifalar za imkoniyatlar doirasida

Mazkur Bitimni amalga oshirish davomida Tomonlar tegishlicha Oʻzbekiston Respublikasi va Latviya Respublikasi qonunlariga amal qiladilar.

Tomonlar savdodagi texnik toʻsiqlarni bartaraf etish va yangilari paydo boʻlishining oldini olish uchun Oʻzbekiston Respublikasi bilan Latviya Respublikasi oʻrtasidagi iqtisodiy va savdo munosabatlarini rivojlantirish sharoitlarini yaxshilash maqsadida yevropa va xalqaro standartlar asosida milliy standartlarni uygʻunlashtirish sohasida hamkorlik qiladilar.

Tomonlar standartlashtirish sohasida oʻzaro manfaatli hamkorlikni rivojlantiradilar, amaldagi yevropa va xalqaro standartlarni va shuningdek Jahon savdo tashkilotining Savdoda texnik toʻsiqlar toʻgʻrisidagi 1994-yil 15-apreldagi Bitim qoidalarini hisobga olib, Tomonlar davlatlarining ichki qonunchiligiga amal qilib, standartlashtirish boʻyicha xalqaro tashkilotlarda oʻz munosabatlarini muvofiqlashtiradilar.

Hamkorlik quyidagi asosiy shakllarda amalga oshiriladi:

standartlashtirish sohasida yangi qabul qilingan normativ-huquqiy hujjatlar bilan oʻzaro almashish;

kelishilgan shartlarga binoan va zaruriyatga qarab, Tomonlarning kelajakka moʻljallangan dasturlari, standartlar ishlab chiqish rejalari, milliy standartlari, amaldagi milliy standartlar kataloglari, boshqa normativ hujjatlari va davriy nashrlari bilan almashish;

standartlashtirish sohasida maslahatlashuv, axborot va tajriba bilan almashish;

ikkala mamlakatning standartlar ishlab chiquvchi tashkilotlari oʻrtasida aloqalar oʻrnatish;

standartlashtirish sohasida mutaxassislar tayyorlash va qayta tayyorlash boʻyicha tajriba almashish.;

delegatsiyalar bilan almashish, mansabdor shaxslar va mutaxassislarning xizmat safarlari;

mutaxassislar tayyorlash va qayta tayyorlash uchun oʻqituvchilar bilan almashish;

birgalikda seminar va simpoziumlar tashkil qilish.

Tomonlardan har biri mahsulotlar tayyorlash va xizmatlar koʻrsatishda ushbu Bitimni amalga oshirish doirasida boshqa Tomon bergan standartlar va standartlashtirish boʻyicha boshqa normativ hujjatlarini qoʻllashi mumkin, agar ularning talablari amaldagi davlat qonunlariga muvofiq standartlashtirish boʻyicha milliy idora kiritgan tartibga zid boʻlmasa.

Tomonlar kelgusida oʻzaro tan olish uchun sharoitlar yaratib berish maqsadida standartlashtirish milliy tizimlarini xalqaro talablarga asoslanib uygʻunlashtirishga intiladilar.

Ushbu Bitimga muvofiq olingan hujjatlar yoki axborotning maxfiyligi uchun shu hujjatlarni va axborotni olgan Tomon masʼuldir.

Hujjatlar yoki axborotni, uchinchi tomonga, faqat uni taqdim etgan Tomonning roziligi sharti bilan berish mumkin.

Muzokaralar va ularning natijalari haqida axborot faqat ikkala Tomonning roziligi bilan matbuotda eʼlon qilinishi mumkin.

Har bir Tomon oʻz imkoniyatlari va vakolatlari doirasida:

tajriba almashish, muzokaralar, muhokamalar va mashgʻulotlar oʻtkazish, turli seminarlar va konferensiyalar tashkil qilish uchun mutaxassislarni oʻzaro xizmat safarlariga yuboradi;

taklif qilingan ekspertlarning Tomonlar tarafidan tashkil qilinadigan seminar va konferensiyalarda ishtirok etishini taʼminlaydi.

Ushbu Bitim Tomonlarning oʻzlari ishtirokchilari boʻlgan boshqa xalqaro bitimlar asosida kelib chiqadigan huquq va majburiyatlariga daxl qilmaydi.

Ushbu Bitim qoidalari, bir tomondan, Oʻzbekiston Respublikasi bilan ikkinchi tomondan, Yevropa Hamjamiyatlari va ularga aʼzo davlatlar oʻrtasidagi xalqaro bitimlardan kelib chiqadigan Tomonlarning majburiyatlariga daxl qilmaydi. Ushbu Bitim qoidalari Latviya Respublikasining Yevropa Ittifoqiga aʼzoligidan kelib chiqadigan majburiyatlariga qandaydir yoʻsinda taʼsir etadigan yoki oʻzgartiradigandek qilib qoʻllanilishi yoki izohlanishi mumkin emas.

Ushbu Bitim qoidalarini qoʻllash yoki talqin etishda yuzaga keladigan har qanday bahsli masalalar Tomonlar oʻrtasida maslahatlashuvlar va muzokaralar vositasida hal qilinadi.

Tomonlar oʻzaro kelishuvlariga koʻra ushbu Bitimga tegishli bayonnomalar bilan rasmiylashtiriladigan oʻzgartishlar va qoʻshimchalar kiritishlari mumkin, mazkur bayonnomalar ushbu Bitimning ajralmas qismi hisoblanadi va imzolangan kundan boshlab kuchga kiradi.

Ushbu Bitim nomaʼlum muddatga tuziladi va imzolangan kundan boshlab kuchga kiradi,

Tomonlardan har biri yozma ravishda boshqa Tomonga xabar berib, uning amal qilishini toʻxtatishi mumkin. Bitimning amal qilishi bunday xabarnoma olingan kundan 6 (olti) oy oʻtgandan soʻng tugaydi.

Toshkent shahrida 2008-yil 6-oktabrda har biri oʻzbek, latish va rus tillarida boʻlgan ikki asl nusxada tuzildi, bunda barcha matnlar bir xil kuchga ega.

Bitim matnini talqin etishda kelishmovchiliklar yuzaga kelsa, rus tilidagi matn asos qilib olinadi.