Xorijiy avtotransport vositalarining Oʻzbekiston Respublikasi hududiga kirishi, chiqishi va tranzit boʻyicha boʻlishini nazorat qilishni yanada takomillashtirish, narkotrafika va kontrabandaga qarshi kurashni kuchaytirish maqsadida Vazirlar Mahkamasi qaror qiladi:

1. 2009-yil 1-yanvardan boshlab Oʻzbekiston Respublikasining Tojikiston Respublikasi bilan Davlat chegarasini kesib oʻtadigan xorijiy yuk avtotransport vositalari va avtobuslarning Oʻzbekiston Respublikasi hududiga kirishi va tranzit oʻtishi uchun 1-ilovaga muvofiq qoʻshimcha yigʻim stavkalari belgilansin.

2. Belgilansinki, kirganligi va tranzit oʻtishi uchun har bir xorijiy avtotransport vositasidan olinadigan qoʻshimcha yigʻimni toʻlash Oʻzbekiston Respublikasining Tojikiston Respublikasi bilan Davlat chegarasi orqali oʻtkazish punktlarida bevosita bojxona postlarida erkin almashtiriladigan valyutada amalga oshiriladi, olingan mablagʻlar Oʻzbekiston Respublikasi tijorat banklari boʻlimlari orqali Oʻzbekiston Respublikasi Moliya vazirligi huzuridagi Respublika yoʻl jamgʻarmasining valyuta hisob raqamiga oʻtkaziladi.

3. Oʻzbekiston Respublikasi Milliy xavfsizlik xizmatining Davlat chegaralarini himoya qiluvchi qoʻmitasi, Davlat bojxona qoʻmitasi va Ichki ishlar vazirligi:

xorijiy avtotransport vositalarining “Oybek” (Toshkent viloyati) va “Andarxon” (Fargʻona viloyati) oʻtkazish punktlari orqali kirishi va chiqishi, shuningdek Oʻzbekiston Respublikasi hududi boʻylab tranzit oʻtishi ustidan nazoratni kuchaytirsinlar;

“Oybek” va “Andarxon” oʻtkazish punktlarida chegara va bojxona postlarining shtatdagi xodimlari sonini tegishli ravishda Oʻzbekiston Respublikasi Milliy xavfsizlik xizmatining Davlat chegaralarini himoya qiluvchi qoʻmitasi va Davlat bojxona qoʻmitasi xodimlarining umumiy belgilangan soni doirasida koʻpaytirsinlar;

“Andarxon” bojxona postini zarur texnologiya asbob-uskunalari va texnik nazorat vositalari bilan jihozlashni taʼminlasinlar.

4. Oʻzbekiston Respublikasi Davlat bojxona qoʻmitasi Tashqi iqtisodiy aloqalar, investitsiyalar va savdo vazirligi, Oʻzbekiston Respublikasi Vazirlar Mahkamasi huzuridagi Narkotik moddalarni nazorat qilish milliy axborot-tahlil markazi bilan birgalikda jalb etiladigan grant mablagʻlari hisobiga “Oybek” va “Andarxon” bojxona postlari uchun skanirlash qurilmalari sotib olish masalasini ishlab chiqsin.

6. Vazirlar Mahkamasining “Tojikiston Respublikasi yuk transport vositalari va avtobuslarining Oʻzbekiston Respublikasi bojxona hududi orqali oʻtganligi uchun yigʻimlarni birxillashtirish toʻgʻrisida” 2002-yil 8-yanvardagi 11-son qarori 1-bandining uchinchi xatboshi (Oʻzbekiston Respublikasi QT, 2002-y., 1-son, 3-modda) quyidagi tahrirda bayon qilinsin:

“Tojikiston Respublikasining yuk avtotransport vositasi va avtobuslari Oʻzbekiston Respublikasi hududida 3 sutkadan ortiq boʻlganda har bir kun uchun — 70 AQSh dollari”.

7. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi Bosh vazirining oʻrinbosari N.M. Xanov zimmasiga yuklansin.

1. Tojikiston Respublikasining avtotransport vositalari va avtobuslari uchun — 90 AQSh dollari.

2. Turkmanistonning yuk avtotransport vositalari uchun:

a) quyidagilar uchun:

10 tonnagacha yuk koʻtaradigan yuk avtotransport vositalari uchun — 35 AQSh dollari;

10 tonna va 10 tonnadan ortiq yuk koʻtaradigan yuk avtotransport vositalari uchun — 55 AQSh dollari.

b) oʻrindiqlar soni:

12 ta oʻrindiqdan kam boʻlgan avtobuslar uchun — 35 AQSh dollari;

12 ta oʻrindiqdan ortiq boʻlgan avtobuslar uchun — 55 AQSh dollari.

3. Boshqa xorijiy davlatlarning yuk avtotransport vositalari va avtobuslari uchun — 200 AQSh dollari*.